英皇餐廳

营业中

休息中

好有香港人情味的茶餐廳，乾炒牛河最好味，炒飯又香，西式的有公司三文治有真材料，羅宋湯尋找往日西餐的味道，天氣好時坐外西，好舒服，黃昏美景更無敵。著名凍橙檸更不可不飲。久違了的鐵板牛扒也是和孩子分享一下往日好時光。最後重要是老闆由廚房走出來的友善笑容，無得輸。

探尋長洲小巷，巧遇這間地道茶餐廳，實在係心頭好！坐喺開揚街邊，一邊嗌餐一邊感受海島風情，真係唔錯！首先，佢哋啲凍檸橙，真係解渴霸王😎 - 橙汁新鮮，酸甜得嚟唔膩，啱晒喺炎炎夏日解渴。嚟到茶餐廳點可以唔試吓蛋治？呢度嘅咸豬手蛋治簡直係完美嘅下午茶選擇 - 美味得滯！蛋撻皮酥脆，入口即化，層次分明，啖啖肉嘅雞批，酥皮鮮嫩，吃落倍感满足👌。食咸嘢食到攰，點少得甜品？佢哋啲窩夫，外脆內軟，淋上香濃朱古力醬同新鮮士多啤梨🍓 - 這絕對係甜品控嘅夢想！小店可能寵物優化，咁就真係一家大細去都舒服啦！長洲行街，想飽餐一頓又想體會當地文化，這間茶記絕對值得一試！

點左個牛肉飯，完全冇味，一啲都唔好食，公司三文治都唔好食，一樣冇味，我覺得淨係得唔知嘅人，比如遊客先會黎食支付寶都冇得用，嘢食又貴，嘢飲唔可以跟餐，好奇怪咯；點解🤔可以跟餐，一杯飲料要20幾蚊，淨可以現金……..

都已經隔了三，四年無入黎長洲，今次爸媽居然主動提出去長洲走走，咁我地就快閃長洲啦 😎我就緊係帶佢地去呢間我之前每次都必到嘅餐廳，估唔到事隔幾年，食物水準都keep到，新鮮冇乜味精，而且仲要新翻新，所以環境都企理，冷氣又夠凍喎。兩老話入黎長洲，緊係叫d魚黎食，咁佢地點咗鮮炆魚湯河，豉椒鮮炆魚炒河，我就點咗咖哩牛腩飯，重點就緊係order 凍橙檸啦（本黎想要大杯，原來加價到 $42），我實在唔捨得，所以要杯正常size 就算，最後埋單都係$201，我又覺得抵食。總結鮮炆魚好鮮，兩老係咁讚，仲話魚似係斑類，餐廳又比得算多。咖哩牛腩我就覺得一般，個汁太希，牛腩唔夠淋。

2021年9月8日天晴 藍天白雲 ☀️非常熱🔥週日中午趁好天氣，到長洲走走逛逛。突然想起了一杯難忘的凍飲！！事緣幾年前，曾在下船後，在大街左邊直去，有一家英皇茶餐廳的招牌凍飲，真是很有驚喜的！今天難得到訪，當然要去看看是否還有還在！我相信真是緣份到！剛好是它們裝修後首天復業！“大杯凍橙加檸檬”當然要點啦！味道一如以往！大推！！👍👍👍老闆娘 態度親切有禮！細心留意客人需要及適當安排好坐位！

偷得浮生半日閒，一場入到嚟 #長洲，梗係要搵啲好嘢食🤤 今日嘅 #天氣 比早兩日暖咗好多，中午嘅時候都幾曬吓☀️ 行得攰攰地，好想坐低飲杯凍嘢休息吓。聽住喺長洲嘅朋友講，喺 #海旁路 有間 #cafe #英皇餐廳 都唔錯，一於去試吓😉#服務員 安排我哋坐喺 #餐廳門口 嘅位置，配合埋今日嘅天氣都幾舒服😉 #凍橙加檸檬 喺呢度嘅 #名物，盡地一煲... 我哋都要咗杯大嘅 🍋 真係冇諗過杯 #凍橙加檸檬 仲要大過杯 #生啤😅 大半個 #檸檸 放入 #橙汁 裡面，夠哂健康❤️ 單係個造型已經贏哂✌🏻 為咗令口感更豐富，我哋加咗件 #西多士，#牛油 同 #糖漿 融化喺厚厚嘅 #多士 面上... 好治癒🤩📍 英皇餐廳 (長洲)新興海旁路25號

餐廳位於繁華嘅新興街地點方便環境都幾舒服😌坐出面仲可以帶埋狗平時成日堂食 上菜速度快今次就外賣返屋企食1️⃣菠蘿雞絲炒飯⭐️⭐️⭐️⭐️菠蘿好新鮮香甜配合雞絲同炒到粒粒金黃嘅炒飯簡直一流 十分推薦2️⃣焗雞翼⭐️⭐️味道不錯 但略嫌有點乾而且有點少肉 雞翼吾夠大隻3️⃣炸薯條🍟⭐️⭐️⭐️餐廳用經典粗薯條🍟粗薯條外脆內軟炸得剛剛好而且又吾會太鹹整體來講味道很好服務都ok只係有啲貴野食飲品要分開叫但環境味道搭夠

行完山之後坐低飲杯嘢 橙汁檸檬冰 幾好飲值得一試因為長洲太多嘢食所以冇坐低食飯 但係見到隔離枱個西炒飯 都幾大碟同埋問落去都幾香 下次有機會都會坐低食個晏因為價錢算 親民 見到好多嗰度住嘅人都係嗰度食嘢.Can go try the orange lemkn drink not bad and i see quite a few local westerners sat down for a meal so iguess its its gonna be reasonable tea restuarant

餐廳的野食主要以西式為主，食物的質素就一般般，衛生情況需要改善。火腿奄列配薯條相片來看還好，但實際上食物的味道就一般，奄列的蛋汁偏水，吃的時候有點嘔心，又不是炒滑蛋有奶香，半熟那種，而是蛋液還是半透明。茄汁豬扒意粉的味道也是一般，沒有什麼特別之處。大杯的橙汁加檸檬，但味道還是加了水一樣較淡

叫了一個粟米石班飯+凍奶茶+西多士, 先講個石班飯, 普通野, 汁好淡, $52十分唔值, 西多士正常無特別, 奶茶真係狗都唔飲, 好難飲, $19飲茶有酸味既凍奶茶, 仲要無乜奶, 飲左兩啖真係頂唔順, 呢間野係我近期食過最垃圾一間餐廳, 仲要收咁既價錢, 長洲有好多餐廳都好食過佢, 真係中晒伏, 唔怪得知長期無咩人, 唯一個環境都算衛生, 無見到有昆蟲, 奉勸各位除非你有好奇心, 如果唔係真係唔好浪費金錢食埋呢d垃圾, 最惡攪係杯奶茶, 真係唔係人飲

小島食肆眾多，而且最吸引的，是尚未被大型連鎖食肆入侵而條留的獨特性及人情味，所以每間食肆都可以用特色、小店來形容。今天中午光顧的「英皇餐廳」，是長洲人都愛吃的茶餐廳，從店外的招牌，已能感受到歲月的痕跡。我與胖伴最喜歡的是「炒飯」，與楊州炒飯相似，簡單的配料包括叉燒、蛋、蝦仁及香蔥，但勝在鑊氣十足。配料中的蝦仁，並非一般餐廳使用的雪藏蝦，而是新鮮的小蝦仁，雖然新鮮蝦仁較雪藏蝦細小，但吃起來味道差天共地，口感結實及充滿蝦味，令整個炒飯層次提升。凍橙檸亦是「英皇餐廳」的名物，鮮橙汁加上檸檬的配搭，檸檬的酸中和了橙汁的甜味，簡單的清新口味。烤雞翼比炸雞翼來得健康，吃起來有淡淡的蜜糖味，十分惹味可口。

來到長洲，下午茶搵間餐廳坐下休息下，叫咗凍橙檸檬水同凍鮮檸水， 凍橙檸檬水係鎮店之寶, 個個人呢都會叫佢，新鮮橙汁加咗幾塊檸檬好大杯，感覺好抵飲;，仲叫咗西多士， 可以揀鍊奶或者糖漿，新鮮炸出嚟，都唔錯見到隔離枱大大碟肉絲炒麵，忍唔住都点咗個試下， 香噴噴好肚餓，食曬都唔記得影相 ， 麵質爽 ，廚師炒得好味，正呀！食店外面都有幾張枱，方便帶狗人士。另外，呢度有酒牌，夜晚應該好多客人嚟傾計飲野，尤其受外國遊客歡迎。

🍍長洲🗾你會諗起大魚蛋？糯米滋？菠蘿仔同大家分享下長洲依間茶記👍🏻如果室外太熱不防入去，飲杯凍橙檸涼冷氣🌬仲可以睇日落🌅都幾寫意👍🏻炸雞脾🍗 $25雞脾拆骨上枱啖啖肉，炸到個皮卜卜脆，肉仲好嫩滑，貼心地有個檸檬夾俾你整檸檬汁💛凍橙檸 🍊🍋加大:$40; 正常:$27鮮炸橙汁加埋4-5片檸檬，飲落粒粒果肉，酸酸甜甜，消暑又解渴🌴-👣位置：出咗碼頭轉左直行，未到允升甜品個路口就會見到

今日酷熱天氣警告～👦🏻熱到濕透喇🙈我地第一次入長洲好啦下次要坐豪華位記住話我知知冇？❤️你知我汗都冇滴嫁啦😂多謝👦🏻咁熱都陪我上山下海！睇左好靚好似水彩畫既日落，希望夕陽無限好，可以一直last 同靚仔黎我上次同妹去既呢間茶記，炒野仍好有鑊氣！星洲炒米多料夠咖喱味又用銀絲米炒，正！靚仔既粟米斑腩飯就幾差，唔夠汁冇咩味同魚肉好meaty 較實。大凍檸橙係鮮榨橙汁加檸檬，夏天夠爽，係貴左d haha~ 叫2杯細應該抵d

星期五入長洲同班青少年人食晏，點都要叫我至愛嘅凍燈檸和干炒牛河。凍燈檸，鮮甜多汁紐橙，加小小靚檸檬微酸清新解渴醒胃，再有蜜糖潤喉，加小小碎冰，一定係無敵解渴消暑健康飲品。🍊🍋🍻👍👍干炒牛河，也是每次必食，夠鑊氣，欲不油膩，沒有多餘油份，醬油平均掛在每條河粉上，牛肉大大塊嫩口有肉味，芽菜韮菜爽口，增加口感及味道層次感。🐈🍝👍👍焗飯不論石班或豬扒，同是用料好，沒有雪味，肉質入口嫩滑，飯預先炒過才焗，可見廚師心機。👍