英記麵家

营业中

休息中

離開西環的日子漸近,專程行上高街一試此店.吃了牛什河走腸,牛什很多但湯底一來唔熱二來唔夠濃或許應該試牛腩因為從照片看以清湯腩.要吃好味牛什河請到灣仔的鳯城(合和附近見兩間菓汁舖直入).

無黎大半年，同老婆再次光顧。老婆是牛膀痴，要牛膀河。我就要牛雜河。水準保持一貫好味，牛雜入味，夠冧，份量十足，牛腸也洗得乾淨，肥膏甘香。食完再同老婆share一碗牛腩河，牛腩夠冧，肥瘦適中，無渣又不黐牙，湯底又清甜。個人覺得，好過大利和九記。星期天中午，店裏都坐滿人，又有很多人買外賣。最難得老闆娘忙到一頭煙，仍然很有禮貌，多謝前多謝後。真係好過好多所謂名店。都係果句，有heart的食物，加上良好的服務態度，已經可能令人食得開心。

1:00pm 人在般咸道, 忽然想食柱侯牛腩... 見枝記無開門, 0黎了呢度.叫了個牛腩+ 牛雜麵... 賣相澎湃, d 餸份量比麵大好多! 先試爽腩, 肉味濃, 「橫隔膜」(?) 同較肥0既部分就極香, 100 個好食! 牛雜好入味, 以牛肚同牛腸最掂, 牛肚腍得0黎又唔會無晒咬口, 牛腸外層少少脆身, 入面就好多肥油, 好香(不過因為太肥, 懶健康0既我食食0下都係要撩咁d 肥油出0黎=P)! 面頭塊巨型牛膀好鬆化, 都唔錯; 牛肺就一般, 可能始終唔多0岩個人口味, 下次0黎都係「走肺」好d.環境好迫, 我逗留的20 分鐘內不停有新客堂食/外賣, 好生意到不得了; 招呼都ok, 比印象中上兩次0黎好, d 阿姐無咁悔氣.好得的牛0野... 會再0黎食!

呢間野食左幾年d牛腩真係幾得第一推介肥腩雲吞粗.出面要伙記俾多碗湯你都好難一唔係就黑口黑面但呢度就唔同要多葱有多葱要湯有湯最緊要係好食間唔中重有爽腩忝.當然九kee d湯就梗好味d la. but the bad thing is no e 麵law. anyway this is a very good !

今日無無聊聊﹐又唔想食黎食去都係銅鑼灣。。。灣仔。。。銅鑼灣﹐啊。。。特然之間諗返起好想食返我以前細個住0個度0個間麵鋪﹐於是就同男朋友仔搭車黎左西營盤勒~一去到﹐D親切感即刻返晒黎~個事頭婆點解個樣6。7年之後都係一樣樣既~~﹗﹖我叫左"牛肚炸雲吞米"﹐男朋友就叫"牛腩叉燒米"﹐仲有個油菜。嘩。。。我叫左唔夠一分鐘﹐一豌滿到爆既米粉已經捧到黎我面前勒~我不禁又嘩多左一聲~~因為真係太吸引勒~~唔知係佢個豌細定還是係佢D料真係咁多。。。D料係多到鋪滿晒個豌﹐完全睇唔到D米粉﹗好勁﹗﹗先講D牛肚~一個字"正"﹗﹗又夠味又爽口﹗正﹗再試0下舊炸雲吞。。都係0個個字~"正"﹗﹗舊雲吞雖然係凍左﹐但係我鐘意將佢浸落D湯度﹐所以影嚮不大。D雲吞真係好好味﹐內裡係有豬肉同埋蝦﹐好特別﹐因為其他地方都好少有﹗仲有D菜心做伴菜﹐D菜好新鮮﹗絕對唔係D買淨蔗0個D菜﹗﹗湯底清清哋﹐飲晒都唔係話會太口喝0個D﹗再試埋男朋友0個D牛腩。。。嘩。。。。又係無得頂﹗每舊都係肥瘦適中﹐放入口度0個D肥瘦交集既感覺好正﹗﹗叉燒又係好味﹗佢D叉燒係瘦瘦哋﹐個皮係有少少粉紅色0個D﹐味度帶D甜。我個人幾鐘意食呢一隻叉燒

慕名而來，行一條大斜路才到高街，如果唔係住呢度附近，真係好難會專程來試。1:45pm到達，店內還有八、九成滿，唔通真係咁好？就來個牛雜河，$16，同區來說算貴，本來想食多碟菜，但要$10，所以還是放棄了。心諗：行落電車路$12已有碗牛雜麵，$5有碟菜啦。不用兩分鐘便有得食，河粉分量不算多，但牛雜就真係好足料，堆到成碗滿晒，最愛的牛膀雖只有一塊，但件頭很大。牛雜都幾冧，好香八角味，牛腸洗得好乾淨，絕無苦味。唔知係咪我大食，食完一碗唔多夠飽喎。不過，食完之後，我都寧願比多幾蚊，行多幾步，上黎呢度食。起碼我感覺到呢d係有heart的食物。順帶一提，見到好多人食叉燒麵，鍾意的話可以試下。但浸過湯的叉燒唔係我杯茶。

約了開會，傾﹝佢﹞自身，選這裡，純粹自己想吃。呢度係學生飯堂，午市人客很多，在近收銀櫃檯的位子坐下，人來人往，幾迫澀的。叫了牛雜麵及牛腩炸雲吞米，見有炸魚，又來一碟炸魚，再加一碟菜。這裡的粉麵份量十足，單是看賣相已知不論味道，吃完至少夠飽。牛腩是清湯腩，這裡是沒有爽腩的。吃落軟熟，夠鬆化不會咬到一口渣，牛味十足，高水準；炸雲吞幾大粒，但是好像炸了九年一般，凍凍的不好吃，可以忘記；牛什份量也多，牛腸牛膀牛肺牛肚都落足，好有睇頭。吃過牛肚及牛腸，炆得不太夠腍，可以更好，而味道卻相當足夠的；炸魚只得啖笑，實實的又凍凍的一塊魚肉，浸湯吃也無補於事，雖然只賣16蚊，平平地，但也可以忘記；埋單食友請，多謝了，下列的只是約數。這裡的牛腩，應該是最吃得過的了。

中午吃飯首選牛什有名,每次必點,每一次都是牛什河走肺,最多也只是河粉/米粉/麵之間的選擇. 牛什可說是膽. 由於牛什太吸引,雖然有其他秘制牛腩,炸雲吞,炸魚,叉燒等都未試過!每次行入鋪就如著魔般自動點了牛什粉麵.辣油新鮮,配襯牛什一絕.每一次都吃一大勺,懶理旁邊食客目瞪口呆,也莽故吃辣椒太多會肚痛的後果.現在由於上班關係,中午無緣光顧,偶爾也會放工即時上巴士返回西營盤趕在它七點關門前幫襯衛生一般,如平常麵店的水平.曾試過見到小強在牆上行走,但礙於牛什實在出色,數天不去之後還是自動走上門......

朋友帶我0黎的, 佢話中學時代成日0黎食lunch.試0左個叉燒麵, d 麵好重鹼水, 不過好在幾彈牙; 叉燒好紅bok bok, 不過食過幾腍, 肥瘦proportion 亦ok, 整體比想像中好食.地方細, 坐得幾迫, 不過環境幾乾淨. Service 就一早唔expect d 乜.$16 一碗唔可能expect 麥文記/麥奀0既質素, 都算係咁啦.

呢日母校百週年紀念，又順便懷念下以前成日食既野。其實我地去到都已經三點幾四點，但都鬼咁多人，仲差ｄ要我地坐四面環渠的貴賓廳添，好彩後來都唔駛。我地叫左牛雜麵、牛腩麵同魚皮麵，本來想食炸雲吞既，但太好賣，賣晒。係出面呢，我成日驚ｄ牛雜唔乾淨，但呢間我食左咁多年都好有信心，好鬼足料，仲有菜添。ｄ牛腩又腍，ｄ魚皮都幾脆。最重要既就係食左成十年都冇加價，都係16蚊碗，真係抵到爛。

老字號舖頭, 有個伯伯好似打拍子咁切d 麵上面o既~出名係叉燒同炸雲吞麵叉燒軟中帶爽, 出面好難食到咁正炸雲吞如果就o岩炸起時order 到, 真係好脆又好足料好好味!今日食埋牛肚, 都好正!樣樣都勁多, 多到好似double 平時的雲吞麵店咁多!

第一次~午飯時間，發現呢房間舖有Ｄ人頭湧湧，所以就入... .左.我唔夠膽試麵，因為大多數舖麵都有鹹水味@-@所以就要一個牛什米，oooooo夷~ ooooooo.....牛什好...得~~~~~~~~~同埋，個阿伯肥肥Ｄ，好親切~一定會再來試過~

呢間食店, 其實唔差, 尤其是他自家的叉燒同牛腩, 當然仲有炸雲吞啦...叉燒用了半肥瘦, 加上甜味, 與普通叉燒唔同, 外靚的顏色已經說出了「我是不一樣的叉燒」...牛腩, 比起出面的甚麼牛腩專家, 甚麼牛腩世好得多, 可選肥, 瘦, 很有肉味, 他的腩汁很好味的!!!炸雲吞可算是這店之寶, 內裡的肉與蝦的份量適中, 味道極之好, 可惜一天只會有幾十粒, 同埋遲了去會「林」左...時間最好十二點半前去, 因為好多學生去幫襯ga~順帶一提, 這店是拿過衛生獎的!

如果在非繁忙時間吃飯, 就最好不過了.