英記油渣麵

营业中

休息中

一到深宵就會諗起食英記油渣麵越夜越多人😝😝咁多年店鋪都只賣幾樣野,油渣麵,菜,雞翼,芝士腸✨油渣麵麵底上海粗麵,好有口感,食辣🌶️一定要加辣椒油不過要少少甘落 因為都幾辣🌶️🌶️✨芝士腸,雞翼🐥好簡單煎出黎嘅小食,不過作為宵夜簡簡單單都好滿足🥰✨菜我每次都係叫腐乳通菜🥬比較幼身嘅通菜,份量都ok整體來講～因為店舖開得夜,所以成為深宵名物,其實只係簡單食物,但係係一個滿分嘅宵夜💯💯

見英記油渣麵咁出名，一直都想去親身試吓。坦白講，食第一嚿油渣，就覺得唔似以前喺其他店舖食過嘅脆香油渣，咁可能係我見識少啦。但係網上好多人都話佢好食和對佢有情懷，咁可能我就係缺乏咗情懷，所以就冇覺得佢特別好食吧😅主角油渣，失望，冇油渣應有嘅豬油香。湯，味道係唔錯嘅。雞翼，7pm開門第一個入去，雞翼係即叫即上枱，温度係微溫，對得住食客嗎？總結，英記油渣麵，名過於實，試過一次就夠了。

咁啱行過，見到個餐廳名知道係出名嘅，第一次幫襯，一入到去成間舖都冇餐牌，一嚟個員工就問我要大定細，我連價錢都未知，好啦咁多人都食緊冇死嘅，細啦。我就唔係食家，亦都唔係油渣愛好者，但係佢顛倒咗我對油渣嘅感覺，我真係想知道呢碗面入邊邊一個係油渣，我食到有幾舊炸個嘅豬肉，我怕失禮唔敢問點解冇油渣，因為我驚我對油渣嘅理解有錯誤，之前食過幾間油渣麵都係脆既爽嘅唔係肉嚟嘅。

好耐無食過油渣麵突然朋友即興食宵夜緊係ok陪到啦🤗唔洗多講都呢知呢間油渣麵有啲歷史如果揸開夜更車既司機更加當呢到係飯堂😅😅種類唔算多，基本上座低就叫碗麵先有大有細自己選擇佢既麵質似係上海麵咁而我個人幾鐘意食佢啲冬菇👍🏻👍🏻多蔥多菇多渣又得走曬佢地得唔要又得隨你鐘意點都得🤣🤣小食既話基本上係得炸雞翼，芝士腸仲有腐乳通菜，呢三樣嘢又係必食👍🏻仲有未提既英記辣椒油真係一定要試 又香口又夠辣😋

有時做野OT收工夜媽媽都唔知食咩好💭英記係一個好選擇👍女仔食一碗細嘅油渣麵再加啲小食都已經夠晒飽肚！以前中學時期2011年第一次幫襯，食到而家大個出嚟做嘢都仲食緊😂味道都keep到冇太大分別😋價錢都算係咁，幾十蚊有交易💰啲嘢食嚟得好快💨肚餓唔使等！有室外位可以坐，食煙人士🚬/帶寵物🐶🐱嚟都得✔️雞翼❤️煎得好香、醃得好入味💯必叫之選✨油渣麵🧡上海麵軟硬適中🍜油渣份量多，好香豬油味，記住加辣椒油🌶️超辣🤪過癮！芝士腸💛正常發揮😂油菜💚腐乳通菜、豉油油麥菜都好正✨為食評分✍🏻好味😋😋😋😋抵食💰💰💰💰推介👍👍👍👍

久仰英記嘅大名，終於食到啦！落雨天晚上約10點嚟到，店舖坐滿晒客人，果然有人氣🫢一坐低，店員就問你食乜😂對於第一次幫襯嘅客人嚟講，都未睇有咩食，講真係有d壓力。落單後，食物唔使1分鐘就到！🔸油渣麵（細）🔸英記油渣麵係清清地嘅湯底，配上上海粗麵，顛覆咗我一向對油渣麵嘅觀念！湯底清得嚟幾好味，配埋辣椒醬都唔錯。英記嘅油渣與坊間的唔同，唔係脆卜卜嘅，但係你可以食到油渣嘅肥瘦之分，可以當一個餸咁食🤭🔸芝士腸、雞翼🔸由於小食係即叫即上，所以上碟嘅時候已經係涼涼哋，應該係預早煎定。不過，今日最主要係嚟食油渣麵，小食都只係配角，所以小食有所失誤都唔係太失望。味道正常，如果喺溫度方面可以控制返，會更加好。🔸腐乳通菜🔸以$22嚟講，份量算細，絕對唔平。菜框比較多（個人喜歡食菜葉）。雖然價錢有啲貴，但係油渣麵的確唔錯，行開呢邊都會幫襯，尤其是開到咁夜，絕對係宵夜好選擇👍🏻溫馨提示，店舖只收現金。

油渣麵稱不上是健康的食物，但我偏偏很喜歡，主要原因是童年回憶。小時候食物選擇不多，每次去探婆婆，油渣麵係我必食首選飽肚又好味😎今次剛巧行經英記豬油渣麵，毫無懸念要食番一碗！🤤🤤🤤湯頭清甜好味，加幾滴辣油更加食到停唔到口。在夏天一邊食面，還叫埋芝士腸、雞翼!!!雞翼同腸仔都係用蜜糖煎 而且煎得岩岩好 仲保留到雞翼既肉嫩 一啲都唔乾！～🍴雞翼 (4隻) $17🍴腸仔 (5條) $5🍴油渣麵$35📌英記油渣麵🍽️大角咀菩提街4號永信大樓地舖

老友好鍾意食豬油渣麵, 而且尼間既辣椒油特別惹味英記比較特別, 佢夜晚七點先開鋪, 等埋老友收工黎到差唔多8點可能而家北上越來越多人, 周末都沒咩人, 唔駛等位就入到去豬油渣有大有小, 未食野當然點碗大, 再點個菜小食雞翼同腸就唔駛啦, 主力都係食豬油渣麵豬油渣當然保持水準, 鍾意肥瘦渣多少, 可以特別落單講另外辣椒油好似沒以為咁辣!? 味覺錯左?!如果想乾淨D建議坐入面, 食食下旁邊鋪突然倒洗地水食慾頓時減少, 而且街邊都有車, 廢氣都多咁當然尼D係街頭風味黎既, 頂得順就沒問題, 又可以食返口煙唔岩心水坐入面涼冷氣會舒服D, 因為夏天會食到大汗疊細汗

很久沒有到這間英記油渣麵了剛剛在附近大角咀室內運動場打完波，夜麻麻原來附近好多餐廳9:00已經收工，好彩用Google Maps見到英記仲未閂門夜晚9:30，仍然坐滿了客，有幾個客仲喺門口等等大部份都是街坊，一坐低就有熟悉的對話油渣麵有分大同細，可以多渣或走渣，食一啖，熟悉的油渣麵味道老闆娘冇停過手逐碗逐碗煮粗麵加上炸咗的豬油渣和燒肉，以及冬菇粒，最傳統的組合，好好味，滿分，加上煎雞翼，油菜特別一讚，就係油菜那個醬汁

呢一日去到大角咀嗰邊做嘢，原本一心諗住嚟呢度食油渣麵，但係做完嘢都有啲晏喇，好說搏一搏嘅心態去到舖頭啦，點知見仲未閂門就即刻入去。坐低嗌完碗油渣麵，先至聽到姨姨話俾下一個入嚟嘅人聽已經賣曬啲油渣麵，即刻覺得自己好有運呀。講返啲油渣麵，我唔係食慣有冬菇等等配料嗰款，但係我都唔算抗拒嘅。始終呢一間油渣麵嘅豬肉香氣，比起我平時食開嗰間係吸引得多，一開始食就停唔到口，湯底又夠甜。麵條又唔會太硬或者太腍。真係非常好食呀。

想食宵夜就會黎英記食碗油渣麵，啲油渣有肥有瘦又煮到腍晒同索晒啲湯汁，亦冇油益味👍🏼而個麵條彈牙連埋冬菜一齊食，口感豐富😋湯底唔油膩，亦用冬菇，蝦米調味，增加左鮮味👍🏼👍🏼我次次都會落埋辣椒油，又香又惹味😋煎雞翼同芝士腸就普通菜式😂😂佢都唔係好熱😂😂但次次都必叫😂因為想有其他餸一齊食下😂😂反而腐乳通菜就比較特別，因為個腐乳醬食落有少少甜又有腐乳味😂😂幾好食，同平時食既有啲唔同

呢間有40年歷史嘅老店，主打就係油渣麵！佢夜晚先開門，做到凌晨3點，真係宵夜時段喺附近就會諗起佢，平民恩物。油渣麵★★★★☆撞正前排凍冰冰天氣，整返碗熱辣辣油渣麵，真係巨爽！油渣軟腍索湯汁，唔會有油益味。加埋粗身麵條同菜脯，咬落有口感。個湯底清甜唔會太咸，仲有冬菇蝦米，食落多左啲鮮味！細碗都係講緊$27蚊，超抵食！雞翼 $28★★★★☆主角係碗麵，其他都只係配角。呢個雞翼用豉油醃左再拎去煎香，正常發揮。🌟總括：冬天深夜總係間中會諗起佢，你話係咪超級好味佢唔係，但係有種情意結。

🗓️呢間店開業四十多年，屹立於大角咀，⏰每日晚上7pm先開始營業，🕒直到淩晨3am，所以過黎食宵夜都得！👍⌚️我地7點前到達，已經有十多人排隊，好不熱鬧！✋餐廳食物款式一隻手數得曬，豬油渣麵係佢哋既招牌菜，🥣有分大碗（$36）同細碗（$32），我地點左2小碗、🐥雞翅（$18/4隻）加芝士腸（$10/6條），小食既味道屬正常發揮 🌭😯油渣面既湯底比想像中清淡，材料有幾塊油渣同豬肉，🌱仲有2-3件小冬菇、菜脯+蔥，食落去好香口。🫱麵質方面，佢用非常粗身既麵，咬落去帶點煙靭，👅都幾特別，因為依家好少麵鋪會用呢這款麵😋😋總體 (味道, 性價比, 環境, 服務態度) : 7.5/10——————————————————————————————🗓️This shop has operated for more than 40 years, ⏰their opening time is 7pm everyday, 🕒until 3am in the morning, it could be a good place for late-night supper👍⌚️We arrived before 7pm

呢間餐廳黎開大角咀係必定要食既,因為佢既食物真係好少選擇但只係賣酒渣麵都已經好夠,佢既油渣炸到好香脆,配埋D麵食係好夾,佢用左上海麵去煮加埋菜底同湯係好值得去食,小食推介雞翼都唔錯,記得油渣麵要多榨菜先好食。

#chuchu食在大角咀 📍 英記油渣麵🐷媽嘅回憶！以前🐷爸會專登揸車買比佢食，而家間唔中都會去食，細個我就一定走油渣🤣食嘅係回憶 ！同埋30幾蚊食得飽又ok嘅！不過佢就真係專賣油渣麵don’t expect too much💡因為佢開到好夜，宵夜真係幾正嘅！—————————————————————❣️ 油渣麵（大） $36雖然話大，不過個碗其實都唔係話好大🤣但食曬係飽嘅～豬油渣好多，舖曬面，油渣就有肥有瘦，食落去軟熟無油溢味嘅，不過🐷就唔鐘意，比曬🐷媽！🐷就食淨冬菇麵，冬菇好好食，炆到好淋！麵係粗身，好彈牙，有咬口，湯底唔會話好油膩，冬菇同豬油味都好出.❣️雞翼 $18/4隻🐷媽話雞翼係佢以前舊舖對面嘅小食，宜家自己做埋，不過就冇咁好食，唔係好夠熱，因為一嗌完就出咗！味係夠嘅，不過唔熱真係差咁啲！.💬呢間食嘅我諗係懷舊嘅味道，如果講出色嘅油渣麵🐷遲啲介紹，脆卜卜嘅油渣麵，係另🐷由唔食油渣麵變左ok接受！—————————————————————不專業評分👅好味指數: 7/10 💰性價比: 8/10👍🏻推薦: 7/10 —————————————————————🏡地址: 英記油渣麵 (大