影片
港铁香港大学站 B2 出口, 步行约4分钟
继续阅读
营业时间
星期一
全日休息
星期二至日
10:00 - 19:00
以上资料只供参考，请与餐厅确认详情
很少在香港可以有這樣的空間感，雖然地方也不是特別寬闊，不過裡面的安靜是給人一個逃離鋼筋都市的感覺，跟一班懂得珍惜安靜的朋友來是一樂事。可惜這家要結業了，會繼續在上環那家慢活。
继续阅读
呢間係一直想試但又一直無機會試,今日終於可以趕在關店前一試！* pineapple bun ---- 熱辣辣既菠蘿包夾住炒蛋,肉鬆, 同蕃茄粒, 好吸引！ 甜甜既菠蘿包皮焗到脆口, 同咸咸既配料又出乎意料地夾！食落令人滿足！* quiche ---- 唯一不足係唔夠熱，如果可以焗耐d就perfect! 而家食落只係比room temp 熱少少🙈 不過味道係唔錯！個crust 有牛油味！不過食得多會滯！* 摩洛哥薄荷茶---- 薄荷葉味道清新！飲落令人舒服！正！* 印度香料奶茶---- 無試所以不評論* Greentea cheesecake ---- 好滑唔太甜！綠茶味香濃唔會滯！
继续阅读
就係因為西環既茶家就黎會關門大吉所以趁佢未接時就梗係去試多次啦。話說之前已經食過一次架啦，就係因為佢個白朱古力scone好好味先會想去食多次。但去到竟然冇得食因為佢個menu係會不定時更新架⋯⋯不過其實佢其他口味既scone都好好味，佢做得好既地方係個scone好鬆化唔似出面其他地方做到硬邦邦。而今日既menu 有三款口味－無花果，薑同菠蘿我當然三款都試哂啦。我個人比較喜歡無花果，果肉多比較有口感。而薑同菠蘿味道比較淡，都唔係咁食得出其味道。之於綠茶cheesecake 算中規中矩，軟軟地唔大甜，芝士味適中。coconut班蘭戚風蛋糕做得幾好，因為好多其他地方既蛋糕只做到隻顏色而冇其味道而茶家既蛋糕會食到淡淡班蘭味👍🏻而野飲方面我地叫左玫瑰奶茶，泰式冰奶茶，原味奶茶，紅茶配柚子茶同洛神花薄荷茶。柚子茶偏甜，玫瑰奶茶無咩玫瑰味，洛神花薄荷茶太漱口水。但真心值得推介係泰式冰奶茶同原味奶茶，奶味比較重，是我杯茶😋但如果過左6月後想食就要去上環店啦，希望到時都會食到我想食既白朱古力scone啦
继续阅读
是日食飽Lunch, 行下西環. 跟住就黎呢度Tea Time. 其實黎呢度都有兩個原因.第一個係之前去太平山街的茶.家時, 佢剛好休息. 我念念不忘佢的Green Tea Cheesecake.第二個係知道茶.家廚房做埋呢個月就要關店.. 所以點都要黎探下佢.一到步, 望到門口有個牌叫人排隊等候安排, 但企左係度感覺自己同朋友係透明.大熱天時外面好熱, 只好越企越入. 終於見到有人走有位就直接入座, 所以基本上由係門口至座底個刻係無人接待過.幸好坐落無耐有店員路過. 叫佢幫忙執枱同清潔, 佢都好快手就清埋完. 唔飲奶茶咖啡只飲茶的我. 望到佢有幾款茶. 心大心細之下. 選左有機的Nantou Country Forest Black Tea 南投縣森林紅茶 $63佢地的餐具超有心思. 簡單得黎又精緻. 路過收銀對面見有茶具賣時, 都心思思想買返隻用下. 講返個茶先. 一黎到就聞到好香的紅茶味. 但係一飲落口. 完全係兩碼子的事.聞就香, 飲落口居然比較淡. 但飲到底時可能浸的時間比輕耐, 居然變苦. 雖然有得添熱水.最後都放棄. 因為怕飲得太多, 夜晚唔駛訓.朋友的凍洛神花茶Iced Roselle $42. 天氣悶熱飲佢酸酸地可以解渴兼解暑. 再加埋個薄荷葉. 朋友話感覺透心涼.Hojicha Cheesecake & Green Tea Cheesecake @ $50 一個係綠茶芝士蛋糕一個係焙茶蛋糕. 對於鐘意綠茶同芝士蛋糕的我, 個Green Tea Cheesecake 簡直無得輸. 相反個焙茶蛋糕個人覺得有點甜. 而朋友就好鐘意焙茶蛋糕, 佢話個Green Tea Cheesecake 有點苦. 所以口味的野真係好個人. 兩個餅的餅底都好鬆脆. 用叉由上而下cut開都好容易. 整體間鋪的人流係一個接一個. 有人走的同時亦有人黎. 真正係出面招呼幫手落order 同拎餐的只有兩個外籍店員. 所以見佢地咁忙大家都係唔好催促佢地. 黎得呢度嘆茶就應該懂得慢活...
继续阅读
早幾日去左呢度食lunch, 入到去係一位外籍侍應 serve 我，佢好親切又滿面笑容，order 時亦好有禮貌，所以食物未黎已經有好心情點解我特別提呢一點呢？因為以前放假黎過，我記得有一位香港籍女侍應留中長髮到膊頭，矮矮地咀唇粗粗嘅，佢就真係冇乜禮貌，舉手叫佢，明明望到我又扮睇唔到加黑面，因為見到張單有野漏左所以請佢幫我跟進，我好有禮貌問佢，佢冇歉意之餘仲串番我仲要最後佢都冇跟進到..唉....佢個態度同呢間cafe 走緊嘅路線好格格不入...相反當日有另一位帶眼鏡短短地頭髮嘅女侍應就好有禮貌，雖然佢應該中文唔係好好但亦好有耐性講解，當我舉手order 時，雖然佢忙緊，亦微笑示意知道請我等等，而唔係另一位咁扮睇唔到，可以睇到兩種唔同人嘅服務質素係幾大分別😌在於我黎講食物質素重要，但服務態度同樣重要因為食野有時都係心靈慰藉，唔expect 你好殷勤，但至少有番基本禮貌，而職員態度亦係反映間餐廳質素。講番食物先，當日點左avocado toast with poached egg，幾好味道，少少扣分就係蛋熟左D , 未夠流心，但整體唔錯，奶茶好飲，重點係好夠熱呢樣要讚除左以上冇禮貌侍應外，其他方面都滿意。
继续阅读