茶古道 (已結業)

相信大家都飲過手搖，就算買返嚟啲口味有唔同，都可能只係個味酸啲/甜啲/苦啲。但呢間「茶古道」真係不得了！從未試過兩杯唔同嘅飲品都一樣係淡味、無味，甚至乎可以叫做同水嘅無分別！更莫講話有其他缺點！筆者就中過伏，冇睇食評就去幫襯，希望各位睇完我以下呢番感受引以為戒，下次幫襯手搖飲品，切記睇睇食評如何！其實如果唔係一定要至少畀一粒星，我直頭一粒都唔想畀！首先，員工態度惡劣。當時近六點幾左右，完全冇客，拍烏蠅。其中一名女員工收錢時負負氣氣，擺出一副唔耐煩嘅樣子。之後見到該名女員工同另一名男員工沖嘢飲嘅時候，一邊傾計一邊漫不經心沖嘢飲（即係如果你能夠同時做到兩樣嘢而又做得掂，係冇問題嘅，但又唔係喎）隨後其中一杯飲品做好，而Oreo 嗰杯就未得（其實做好咗，放咗好耐喺個暗位又唔擺上枱面上）前後等咗15分鐘。其次，味道啖而無味。朋友叫咗Oreo奶茶，完全無味，尚有些許甜味只靠Oreo 餅碎，實在難頂，飲了兩口就扔入垃圾桶。筆者叫咗該店聲稱優惠飲品之一，白桃烏龍。兩句講晒，「桃無桃味、茶無茶味」。坦白講，維x桃茶都好飲過N倍！總言之，如果各位咁啱睇到呢篇食評，奉勸閣下，三隻字 — 咪！幫！襯！🤮🤮🤢🤢

之前行過幾次都想試吓嘅，今日終於下定決心買一杯試下。行去埋去，見到兩個男仔看鋪，我企喺收銀位喊咗幾次“唔該”，兩個人都冇理我，淨係掛住自己食嘢、喺雪櫃攞嘢飲、睇片。我企咗喺度，等咗2～3分鐘，八達通都攞埋出來，兩個人都當我冇到。咁明顯唔想做生意，唯有成全佢哋啦！

每次去買都唔覺得態度好，唔係幫人買我都唔會去，今日去幫人買珍珠奶茶，個女仔都唔係好想答咁話無，佢返緊工顧住玩電話，我仲問佢幾時有，因為我諗住轉頭再去幫人買，佢就對住地下望住自己電話超細聲咁答，跟本都聽唔到佢up乜，再問幾時有，嘩，條女個樣好似無水洗面咁西口西面咁答(依家都係唔係好聽到佢講乜,因為佢係望住自己電話),其實咁差嘅態度咁唔鐘意做，可以搵過第二份唔使俾人問嘢嘅工囉，我睇返食評都唔係我第一個客話態度差，真係貼錢買難受。

今日同🤴🏻喺旺角食完飯行街見到做緊特價就買咗兩杯飲品🥤，點知中伏啦😩😩～～～荔枝紅茶🥤～～～好少荔枝味，紅茶味極濃，冇叫少甜但感覺似飲緊微甜，飲完都已經冇咩好感😕😕～～～白桃烏龍🥤～～～兩杯我哋都叫咗少冰🧊，荔枝紅茶個杯少冰🧊得來起碼仲係凍嘅，但白桃烏龍呢杯係暖嘅🧐🧐，仲要一啲甜味都冇，只係飲到白桃嘅苦同埋烏龍嘅濃澀味，難飲到不知所謂，真係慶幸唔係大杯裝，🤴🏻只好當飲苦茶飲晒佢😰😰

今日天氣熱，經過旺角的茶古道，就叫左一杯大杯裝凍蜂蜜柚子檸檬綠茶少冰，飲品有柚子皮，有咬口，但味道偏甜，可能少甜會好一點，綠茶味唔夠，店員的服務態度有改善的空間。

本身因為商場會員有得換商戶現金券，所以換了幾張今日去用。去到我想用禮券買杯$28的荔枝紅茶，差價再補錢。點知店員話荔枝紅茶做緊推廣$25唔可以用禮券，我想用原價$28再用禮券買都唔俾。咁算啦我改為黑糖黑玉鮮牛乳，然後佢地無晒珍珠。咁我再改啦，見到佢個電子mon 有Oero 新品張賣相幾好，就改為Oero 可可，佢又話無晒Oero 大佬，乜都無咁就唔好大大隻字放個新品餐牌出黎。咁我是但叫左杯檸檬蘆薈少甜，另一杯蜜桃碳酸。之後我上去另一間餐廳買左兩個外賣，落番黎佢都仲未整完，但根本無客得我一個都搞咁內最後終於等到，咁我已拎住一袋外賣飯盒，佢俾兩杯飲品我，我叫佢俾個袋我無手再拎，佢同我講話無袋幾經辛苦拎到番到屋企，杯70%甜嘅檸檬蘆薈真係酸到爆炸，啲蘆薈勁細粒，最慘就係飲完之後肚痛，肯定係唔乾淨，以後都唔會再買！

老人家想飲無咁凍，其實熱飲加幾粒冰就OK，個後生仔好大聲話唔係凍就熱，真係唔識做生意，太大聲嚇親老人家 飲品十分普通，但收費貴，性價比不高，最主要係服務態度差，無下次。

茶古道進駐係旺角雅蘭中心已經有好一陣子，曾經都飲過一次，炭培既味道真係好濃郁☕️常見既奶茶🧋通常係以珍珠、仙草、奶蓋等等作為配料，燕麥就相對好少見，所以今次就試呢款比較特別：燕麥胚芽奶茶🔅～整體感覺都幾驚艷喎🤩：好足料，每一啖都有燕麥🤎；奶茶仍然有股炭培既味道，口感層次豐富🧡在價錢方面，略為小貴，正常平均每杯$30以上💰。不過，都有平價的選擇既，當日見到有4款$2️⃣0️⃣特價奶茶，🔥限定100杯，都幾抵～另外，消費滿$50以上，Like佢地IG / FB，就可以做會員❤️‍🔥，之後每次消費都有9️⃣折～

之前聽朋友推介呢間茶古道，今日經過旺角見到佢就緊係要試下佢！試左呢杯-荔枝紅茶配料係流心丸子（芒果）首先甜度方面我揀左70%，但係都會唔太甜！如果你係唔太喜歡太甜朋友會建議半糖或者微糖另外呢間既紅茶味好足，再配合埋荔枝味成個感覺好清香！適合已經下晝開始熱熱地既時候飲配料方面流心丸子其實姐係爆爆珠，口感上幾彈牙，入面有D芒果汁，配合埋一齊幾好食成杯野飲落黎先24蚊，而味道上亦都唔錯，係性價比上我覺得幾好。對於我黎講會再幫襯佢地

未飲過諗住試下，叫咗杯檸檬蘆薈少甜少冰。好難飲，杯野勁酸勁苦澀🤦🏻 我未飲過咁難飲嘅茶飲！ 當日得2個店員，一男一女！非常無禮貌，女店員落單呼呼喝喝，好似欠咗佢咁。個男店員係咁眼超超咁👎🏽🙄 以後唔會再飲！

🍵御抹茶💵34🍀🍀🍀🍀🍀🍀🍀🍀🍀 頭大係抹茶愛好者😎當然要試抹茶系列既手搖飲品，於是揀左茶古道特選茶作～御抹茶🍵，點左杯凍既微糖少冰～不過失望既係海鹽奶蓋一啲都唔厚實🥲平時飲完奶蓋先插飲管飲茶底，但奶蓋完全勁水，仲要突登拆杯蓋飲都唔係好飲到啲奶蓋，要用飲管輕輕啜面頭，先飲到少少奶蓋🥲奶蓋就少少甜但唔夠鹹，一啲都唔鹹鹽奶蓋😔而茶底較甘，唔鍾意甘味重既抹茶控可點返半糖，茶底沉澱好多粉，攪勻口感會平均啲，無咁粉～🍀🍀🍀🍀🍀🍀🍀🍀🍀☀️整體而言，店鋪門面就得好好，鋪頭正正係雅蘭中心地下門口，頭大欣賞既係手搖杯設計得好，即使叫凍飲都唔會有倒汗水💦攪到隻手濕爹爹，但奶蓋方面就真係要改善下，$34可以買到更好既飲品，但御抹茶就不了，可能飲其他飲品會較好😮‍💨🌼🌼🌼🌼🌼🌼🌼🌼🌼🌼

見到旺角有新開嘅台式飲品店，就過去嗌左佢哋嘅招牌飲品，本身我冇諗價錢，但係埋單嘅時候都嚇咗一下😂都幾貴😂😂😂 拍得住starbucks味道係正常，但係對唔住佢嘅價錢。奶唔夠味，珍珠唔好咬，十分一般

落大雨行入雅蘭中心見地面近地鐵出口呢邊開左間新野，係台式飲品店，有少少口渴，停低望望先，揀左好耐最後order左杯凍嘅蜂蜜柚子檸檬綠茶，要左少甜同走冰，仲加左6蚊on top 加個厚奶蓋。顯然收銀唔係太熟order程序，應該係新人，一路4take order一路問個senior第一啖試試個奶蓋先，奶蓋味道咸咸地，其實幾唔錯，不過略嫌份量少。然後試試個茶，我覺得都可以，但其實無左柚子成件事會更好更夾，或者可以落少啲柚子蜜個份量。

今日中午行過雅蘭中心，見到有新奶茶店茶古道諗住試下。當時係一個男職員落單 嘩！真係不得了！直頭惡過狗！態度惡劣過澳牛。雖然我買幾十蚊野飲。唔奢望有啲咩服務。但我都真金白銀攞錢出嚟幫襯，畀人呼呼喝喝真係好唔開心。件事過咗幾個鐘諗起都有啲唔舒服忍唔住上來講下 。唔係好生意就可以咁樣待客。

叫左杯特濃鮮牛乳烏龍茶 $36+ 黑玉丸子（珍珠）$6，total $42特濃鮮牛乳系列其實唔濃,珍珠ok$36中杯係有啲貴，同埋唔可以少冰性價比係低。 可能應該試佢拿手野飲會好啲。