茶古道 (已結業)

好似其他評論所講，Staff真係好Hea態度好一般其他台式飲品店啲人做嘢好快手利落呢間舖啲員工好似唔想撈咁施施然成個感覺好似等執笠😂野飲又好稀 冇乜味 完全唔值呢個價錢

雙倍芝味奶蓋？個份量仲少過其他出奶蓋既鋪頭。人哋廿蚊都多奶蓋又濃味過呢杯野。做左水魚，唔會再幫襯，已以身試伏。完全冇人企店面，行到過去問有冇人至出黎。其實都幾犀利，完全唔休做。

成日路過都唔見到有人企喺舖頭，終於有日忍唔住想試下就入去望兩眼睇下有冇人，諗住碰下運氣。結果原來係有一男一女嘅職員喺簾後面倾偈，咁我企咗一陣見都無人出黎，就大聲講句「唔該」，嗰一男一女仲係繼續傾偈，大聲到我出面都聽得幾清楚佢哋講緊乜，我又再大叫「唔該想叫嘢」，個女嘅就講「等等啦！」又企咗陣，正想走嘅時候個男嘅出嚟，我點咗個特濃可可牛乳，佢無出聲就咁撳完機指一指叫我嘟八達通，可能啱啱傾偈傾得太多連同我講幾錢都無力啦。收完錢之後，佢又向住布簾後問「喂有冇煲奶呀？」，個女仔話「下？無喎，等下囉」我當下講不如算啦咁，奶都無你賣乜嘢熱朱？佢完全唔應我，最後等咗5分鐘左右啦，都有杯野飲出，本身想講都唔算太耐，點知入到口，杯嘢係暖過常溫少少。貴舖真係唔係做生意不如唔好開門啦，唔怪之得從來都唔見有人排隊啦，作為街坊連禮拜六日都唔覺你哋有生意，我真係唔知嗰日自己諗咩先會去試。

剛開業時飲過一次，印象中都係死甜，糖漿味重今次再幫襯叫香芋奶綠，飲落係奶精，唔係鮮奶，無芋頭蓉，似全化學野溝出嚟。叫咗半糖都係太甜（只可以減一半甜，唔明餐牌寫微甜有咩意義）柴灣依家大把選擇，飲呢杯完全係浪費金錢同quota

開左一段時間 前日經過見到做緊優惠 $25杯青梅綠茶， 綠茶少澀， 綠茶味還好， 但配埋青梅好特別， 好日式。 員工友善有禮 會提示點樣品嚐茶飲 。店舖空間還可以 但都無特別停留太耐 基於疫情

茶迷梗係叫純茶類飲品試真d啦 唔想甘寡 最後叫左杯蜂蜜柚子檸檬綠茶  感覺好清新 兩者配搭好夾 熱辣辣飲返杯 好解暑 ～唯獨蝦肉燒賣唔夠醬汁 同埋面嘅蟹籽唔夠卜卜脆  

甘啱見到有蝦肉燒賣 價錢唔算貴 叫左份試下 口感幾好 彈牙 都食到d蝦肉類嘅質感 見佢定期都有做$25杯優惠茶飲 今次見佢得一款做推廣 唔係我想飲嘅口味 唯有下次 試下其他先

今日去開柴灣，見好口渴，去柴灣某個商場買咗杯台式嘢飲呢間台式飲品好似係新開嘅，想試吓新嘢，而且因為店舖新開，所以有幾款台式飲品做緊特價$29有大杯裝飲品，咁抵就試吓啦蜂蜜柚子檸檬綠茶$29味道都幾清新甜甜地幾好飲，有紫茶個味道幾真下，唔會話好色素好假咁蜂蜜加咗落去甜甜地，overall 黎講都幾大杯，都算幾抵飲

見到佢有個抗疫優惠而呢堆指定飲品又有我想飲嘅嘢所以就買咗一杯嚟飲啦🤣雲綠抹茶鮮牛乳 -20特登叫咗微糖牛乳味都幾濃隱約飲到少少抹茶粉嘅粒粒感但我個人就幾鍾意🤣微甜很好🥰🥰少少甜就夠了🥰雖然係廢水但最近生活壓力有點大要平衡吓心理🤣🤣

叫咗三杯飲品，其中一杯加大、兩杯另加奶蓋及荔枝流心丸子，回家後飲嘅時候發現另加嗰啲嘢乜都冇！雖然兩樣加埋$8，唔係錢問題！而係想要嘅嘢回來飲唔到！沒加到！！其實在店嘅時候職員準備放落袋，已經搞錯咗！其中一杯order加大,佢竟然用中size,好彩我見到先至換番加大杯俾我。後來回到家都仲係錯！！離晒大譜！！如果呢間公司既員工睇到我呢段嘅內容！請修改你哋嘅服務！咁都可以做錯！

友人提醒我 在柴灣新翠商場內新開了一所台式飲品店☺️ 於是我們下班便一同前往 一探究竟(⁎⁍̴̛ᴗ⁍̴̛⁎)剛進入商場便看見一條長長的人龍 有人便立刻指向那個方向：「就在那兒！」 果不其然 就是茶古道 ✨✨本來在細閱餐單 突然從人群中看到他們現在有抗疫menu 有4杯飲品包括在優惠餐單中 當中有 茉莉奶茶🍵 草莓牛乳🍓 蕎麥胚芽珍珠奶茶🧋以為鮮柚檸檬茶🍋 每杯只售$20！非常划算！我們點了草莓牛乳🍓半糖我的那杯額外加了珍珠 （+$4）入口便是草莓果醬與牛奶的味道🍼 也是不錯的 唯一的缺點珍珠不夠煙韌 另外值得一提的就是我們點了半糖 故此草莓果醬的份量會減半🥵 如果選擇全糖的話 草莓的味道應該會更濃一些吧店員服務態度很好 而且製作飲品的速度很快 還有抗疫價 夫復何求！

見新開，又裝修咗幾個月先開，心思思去試。 本身係想試 珍珠類嘅飲品，但要等40 分鐘先有珍珠。。。 我無等到，叫咗杯抺茶鮮牛乳。抺茶味不算濃，飲落去過一陣feel到喉嚨咸咸的。味道一般。服務態度都好一般。。。 飲品ok了，無叫number，多謝亦無句。