茶咖 (形點 II)

营业中

休息中

我間中都會幫襯架！飲下果汁感覺好似無飲奶茶咁邪惡~都幾多人排隊，等左15分鐘左右，最鍾意西瓜沙冰同一桶8424，，有D沙冰既口感同果肉，好岩夏天消暑，一桶8424仲可以兩個人Share 添，建議可以叫少甜，走埋Ｄ脆波波更加好，因為飲到最後成日會卡住喉嚨？？葡萄啵啵係我第二最愛，都係有D沙冰口感同酸酸甜甜！第三名係生椰拿鐵，好飲到椰子香，第一次飲真係有Ｄ驚艷！不過第三次之後變得好甜又細杯左，所以之後都冇再叫了~~🏠店名：茶咖🚘地址：元朗朗日路8號形點 II L2樓A262a號舖

食完lunch 想飲野呢間鋪都幾多人排隊✍🏻奧利奧波波冰Orea 餅其實無得輸，呢杯沙冰甜度岩岩好，沙冰混埋餅碎有口感配埋Q彈既珍珠，飲唔停口但建議唔好飲太快，會凍上腦😆Menu 仲有麥維他波波冰，下次再試下

YOHO 分店將西瓜肉打到爛晒，完全冇左食西瓜既口感，好似去左B仔飲左杯西瓜奶既感覺，有待改善。 打電話去預早落order， 接線男生有禮，不過我講左要微甜，去到YOHO 店員話冇order 到微甜，不過都肯整過杯俾我，呢度可以加反服務分。 總體，味道方面都唔錯，只係錯在打爛晒啲西瓜肉，如果處理反好呢個問題，下次應該會好評，今次唔俾劣評主要係態度分補救，希望下次再飲會有改善。另外，旺角分店就做到好飲既效果了🙂 不彷去抄下旺角搞西瓜時既timing ，應該

無論元朗定係上水，都有試過，係可以encore嘅店！個人好喜歡牛油果，所以佢好鍾意佢哋用新鮮嘅牛油果整嘅 「牛油果鮮奶」，不過我覺得佢哋今次落嘅糖漿比較多，下次可以少甜

我係芒芒plus粉絲，每星期平均都幫襯買2-4杯芒芒plus，但近2-4星期內，飲到裏面有勁多芒果皮，而且味道亦無從前咁香咁好味，好失望，收40蚊一杯，撈芒果皮入去，真係唔值喎！

之前都飲過幾次蛋糕Oreo奶茶，今次試下Oreo奶綠，點知無味好似奶水咁，一啲綠茶味都無…然後論佢嘅蛋糕底：蛋糕cream真係好少好少，老闆如果你有時間可以去葵廣3樓執返杯人地嘅蛋糕Oreo奶茶，啲蛋糕多到你飲完所有液體後想拆埋佢個蓋再奶佢啲冰粒上嘅蛋糕cream… 不過我手上嘅茶咖product就係我飲完頭幾啖奶茶已經見到唔到啲蛋糕…今次亦到特別留意左同事係點樣沖杯野飲。葵廣嘅蛋糕奶茶係人地會用個湯勺「抆」曬成個杯邊，同早幾年好興嘅黑糖珍珠鮮奶嘅黑糖溶岩邊嘅做法差唔多。但係茶咖妹妹仔嘅做法就係：用嗰支幼匙喺個底部快速攪呀攪轉幾個圈咁，所以成杯野嘅蛋糕咪唔勻巡囉…仲有呢，希望你可以推出返M / L杯嘅選擇。而家餐牌局限住客人一定要飲大杯，本來想買杯飲品過下口癮，而家變成負擔…

唔知有無豬仔同小c妹一樣都鍾意飲蛋糕奶茶既呢？有既可以相認一下 揮手相認👋🏻順便推薦下邊間係你地嘅私心最愛！🫶🏻💕蛋糕奥利奥奶茶 💰27首先蛋榚嚟講 呢間真係好唔錯😋Oreo夠脆 蛋榚好順滑👍🏻可惜既係蛋榚既份量偏少 飲落好唔夠喉嚨😗小c妹先飲左幾啖 啲蛋榚好似已經唔見左大半😩茶底嚟講 呢間就真係唔係小c妹杯茶啦🙅🏻‍♀️話就話係紅茶 但飲落似係奶綠多啲🤫感覺似係溝稀左既奶 有啲唔上唔落咁👉🏻👈🏻大C妹話以前呢間既茶底唔係咁🥲以前既好飲好多❗️到底點解要轉左個茶底呀😩

點左葡萄啵啵水果茶 走甜本身有水果甜 整體唔會太甜 岩岩好最重要係有真果肉❣️同埋沙冰都滿滿既葡萄🍇味40蚊杯性價比正常 唔太貴又唔平但比其他台式飲品fresh👍🏻👍🏻

今日晏晝2點半打電話去落order外賣自取，打電話個下個員工聽咗但佢講嘢講好快，我同佢講咗要啲咩嘢飲同埋自己大約3點20分到，最後仲有問佢使唔使留低電話號碼，但佢話唔使，之後我就cut咗線。咁聽到佢咁講我都當佢係收到order啦，但點知當我去到間店個下，佢地仲未開始整我order嘅嘢飲，但我去攞嘢飲個下距離我打個電話過去已經差唔多一個鐘，最後都係要去到再等佢整。唔明打電話order嘅意義係邊 都係要去到再落過

經過見到冇人排隊，就試左葡萄波波，唔會太甜，夠清新。一杯飲完都會覺得夠喉。會再推介朋友去試。另外店員都好有心機每個item都會介紹一下，呢個值得表揚一下既，繼續加油

久唔久都會想飲下肥仔水🤣一年飲一次半次都ok嘅😎不過就叫微甜啦！有friend係到就可以試吓佢地個杯😜✨芝心桃桃係有桃味嘅，不過主要目的係飲奶蓋😂✨ 葡萄啵啵有啲嘢咬下，似提子汽水✨杧杧柚露似飲緊楊枝甘露#茶咖📍元朗元龍街9號形點二期2樓A262a號舖

😂飲開上水有靚女店員果間沖得好好飲 第一次幫襯元朗店 呢杯芝士奧利奧奶茶勁苦又澀 可能只飲開波波奶茶 呢杯野唔識欣賞 苦到飲藥水咁 飲左幾啖就唔想飲真心成杯野都係得苦味 ！

第一次見到呢間，見到佢主打水果茶，竟然有牛油果🥑😍😍，即刻諗都唔諗要買黎試🤤店內只有一名店員包辦落單、製作飲品，因此製作需時，請耐心等候❤️🥤超級牛油果 $40價錢略貴，但份量算大杯👍🏻 第一啖飲落質感超濃厚，牛油果味重，有驚喜喎✨✨ 不過建議隔一陣先飲，等啲沙冰稍為溶化，質地會更容易吸啜❣️🧋黑糖波波奶綠 $26呢個價錢咁大杯，相當抵飲😚 黑糖波波份量亦相當慷慨，味道比預期中好飲👍🏻

意料之外既發現😋係小篇心目中暫時拎足5分系列既芋泥啵啵鮮奶（$32）首先依家分店得上水同元朗，而小篇係會口癢為左飲依杯野而特登入去既🤣，介紹返；新鮮芋泥+芋泥啵啵+明志鮮奶 沖出來既一杯野，芋泥入邊有塊狀既芋頭混合，入杯時係暖既！重點暖既，加埋啵啵，其實有三重口感係入邊。混合鮮奶，口感有層次得黎分明，因為每一啖除左芋香就係奶香，配合簡單得來又令人感到滿足✌🏻✨

依間其實已經飲過幾次人氣水果茶飲過芒果plus,莓莓同葡萄見住佢用新鮮水果打， 所以先會不斷encore芒果plus 芒果片都好甜好濃味，就算沙冰溶左，都係好夠味，唔會覺得淡左奶蓋會有少少比下去葡萄啵啵首先提子味已經好濃入面既椰果仲好好𡁻口，會忍唔住係甘食再加埋d 提子粒，真係又fresh 又清甜莓莓係三杯黎講相對失色左d莓莓味有，但唔算好濃亦都無左芒果既香濃同提子既清甜所以三杯黎講，一定係提子勝～～雖然價錢貴左dd, 但真係好飲