茶木‧台式休閒餐廳 (已結業)

BBQ聚會完，行咗ㄧ陣，打算食少少野便回家，點知入到餐廳又是正常地點餐，真係覺得自己好刷得，哈哈!☺☺「茶木」不嬲都多捧場客，我地六㸃半攞飛，都等咗30分鐘先至入到去。入到去見佢地D甜品好吸晴，好想叫， 無奈朋友係個傳統人，要食完咸點才可叫甜點，所以都係點咗下面食物食完先再點甜品吧！香辣牛肉麵: 牛展炆得好入味，麵條軟硬適中， 湯底亦好濃郁，但比想像中辣。香菇水餃麵: 有兩朵花菇， 雖然係勁厚，但好入味👍。加上菜肉水餃三隻，份量十足。地瓜花枝餅: 好彈牙亦不油膩愛爾蘭冰咖啡: 香濃嘅咖啡加上頂部嘅雪糕已經係好好飲，再加上有rum酒嘅提子點綴。嘩!不得了。最終都係食到太飽冇得食甜品, 要下次再食了。

4個女仔突然口痕想食野,見到邊間就食邊間,呢度粗食都ok架黑麻醬手撕雞四色麵四色麵純粹顏色分別,味道差不多,但黑麻醬係幾香,份量少左D鳳梨鮮果甜酸肉火龍果唔係好夾,放喺菠蘿度幾過癮,D肉外層有點厚and肥香橙百香果慕斯蛋糕呢個小蛋糕有驚喜,幾清新,甜甜地,mousse都幾滑,最正係佢巧克力曲奇蜜糖磚塊曲奇響邊度真係唔知,只係知道佢邪惡到極點,朱古力漿係咁流落黎,仲有大大粒好鮮但微酸嘅士多啤梨,一人一舊多士仔咁食都幾開心,茶木selling point好少失手

一向都喜歡吃甜酸魚柳的我一看到「茶木．台式休閒餐廳」的午餐有鳳梨甜酸鱸魚柳，我便沒有多想就決定在此用膳。這裏都是以木製品為主，看上去舒適之餘，坐下去亦相當舒適!鳳梨甜酸鱸魚柳我點的鳳梨甜酸鱸魚柳只是餐裏面的主菜，它還有五香素鵝、古早滷水蛋和醬漬雪菜毛豆作前菜，再配以自選的飯或麵，我則自選了古早肉燥飯。鳳梨甜酸鱸魚柳的魚柳不算是嫩滑，但它的魚香味卻頗濃郁，配上甜甜酸酸的甜酸醬汁和新鮮又多汁的鳳梨一起吃真的不錯。除此之外，古早肉燥飯的肉燥味道濃郁又富有肉香味，配上軟綿綿的白飯一起吃絕對配搭得宜! 而三款前菜比起剛才吃過的東西一點也不遜色，三款前菜都各有特色，不過自己特別喜歡古早滷水蛋，喜歡它滷水味濃郁，同時蛋香味濃，實在令人回味!柚子茶隨餐還附送一杯飲品，我便點了一杯熱柚子茶。柚子茶的味道中規中矩，味道甜甜酸酸，同時帶有一點柚子的香味。這裏的服務中規中矩，但食物確實是不錯，所以也相當值得再次光顧!

我發覺茶木上菜愈來愈慢，我地等左差唔多30分鐘先上到第一個菜，而且份量勁少，好唔抵食水果茶：我每次黎都一定會叫嘅，因為茶味夠，而且水果都叫新鮮，但發覺佢隻茶好似唔同左，冇以前咁好飲，失望以前都係好鐘意食佢個磚，而家嘅水準又係差左，都係失望

今日行街街攰攰哋，行到形點附近，想食甜野，咁就去咗好耐冇去嘅茶木食台灣甜品不嬲都鍾意台灣美食, 這裏環境舒適餐牌設計如雜誌般精美我和細妹叫了一個爆米花芋圓雪榚,另外一個黑糖芋圓水果仙草講返個雪糕先啦，芋圓qq幾好味，雪糕係提子冧酒雪糕整體嚟講都過得去另外一個就唔得啦，得士多啤梨一種生果，豆腐花就散嘅 黑糖珍珠奶茶、玫瑰紅茶珍珠比較少，味道一般玫瑰香味不太突出今次算唔算叫錯甜品跟飲品呢相信短期內都唔會去食啦

好欣賞茶木幾個月就轉一次menu，受歡迎既款式佢地會保留，然後加新菜式，所以每次黎都總可以試到新野今次就試左微辣蕃茄醬野菌燉牛肉飯，用鐵板上菜已經香噴噴，而且好濕潤，味道濃郁，下次黎都可以再食，如果轉成炒飯應該幾香口。當然有我最愛既菠蘿咕嚕肉，永遠保持水準既長青菜台灣腸亦係大愛之一，真係食唔停口仲有會熱住既三杯雞，最近黎都會叫，上枱後唔急住食，等佢慢慢燒熱先食味道更好啊。最後就係一入座就落單既菠蘿慕絲小蛋糕(因為最後一件啊)，味道非常清甜，有少量果肉，作為飯後甜品好合適呢!另外仲有炒菜，牛腩牛肚麵，菜甫蛋等等，不過不失既台灣菜就唔特別講喇

本人曾經也是茶木的粉絲，原本主打甜品，中途轉戰加入鹹點兩方面水準表現竟然都不俗，一度令本人相當欣賞但自從餐牌大改後，本人最愛的意粉都被消失以前的主打－蜜糖磚亦淪為小配角，口味越來越少反而多了很多不能理解的中式菜和蛋糕，本人便開始心灰意冷要不是友人M有張就到期的廿蚊COUPON，也不會選這裡TEA煙燻鮭魚沙拉 Smoked Salmon Salad $71原本想點凱撒沙律，侍應說沒有；改香橙煙鴨胸沙律，侍應說沒有本人都不禁問一句「沙律可以有咩選擇?」侍應回答只有煙三文魚沙律無語，也沒有得選擇，只好點這款煙三文魚份量是足夠的，但沙律菜新鮮度還好但煙三文魚沙律配芝麻醬，味道見仁見智個人感覺凱撒沙律醬會比較夾甜蜜糖心蛋 Sweet Soft Boiled Egg $37這是本人每次必點的小食蛋熟度控制得剛好，蛋黃仍是流心狀態，蛋白亦很嫩但今次味道過鹹，有點失望紅油炒手 Hot Wonton $62本以為這道菜會中伏，沒想到有小驚喜皮夠薄，而且入口麻香味很突出很香落單時已要求少辣，所以辣度剛好是有點偏鹹，但沒有燻蛋鹹得這樣過份這道菜的表現可謂黑暗中帶來少許曙光，挽回不少分數綜合水果茶 Mix

是日約左友人去睇戲未夠鐘入場 又有少少餓就同友人黎茶木食下野自從茶木轉左新menu 係就係多左野食可惜就無左同友人例牌都食的意粉 (sad)anyway啦 今次我地就嗌左前菜x1 小食x2 飲品x2前菜: 煙三文魚沙律原本係想食凱撒沙律 店員告知得返煙三文果款...所以就叫左呢個了個沙律不過不失啦 煙三文魚份量都多的碗空間有限的關係 要將d sauce同d菜均勻咁撈埋就需要花點點時間小食: 紅油抄手 少辣呢個小食完全係有驚喜啊 絕對是會encore的皮薄之餘 餡的份量都幾多 一改對紅油抄手的印象美中不足 係有少少咸但都無損我地密密食的意欲 前菜:糖心蛋蛋黃部分嫩滑 食落黏稠入味得黎 又唔會過甜 飲品: 綜合鮮果茶 鮮果冰紅茶老實說 轉左茶包之後 茶味比較淡 幸好水果份量都幾足..

今日點了肉燥飯和蜜糖吐司磚塊作為午餐，本來想吃麵的，不過今日其實是為了磚塊而來的。肉燥飯有酸菜作配菜，不錯。另外那塊肉也很香口，不硬。但是今次的磚塊甜了點，可能是太多蜜糖了。

Yohomall 食台灣野好似得茶木，見到餐牌有薰衣草奶茶，就衝左入去食啦～ 自從丸茶手作唔做薰衣草奶綠之後，都唔知去邊度再飲返薰衣草味兩條友食左皮蛋豆腐同埋火龍果魚柳就夠飽嚕火龍果魚柳應該有用橙汁調味，但比較酸，好似唔太夾。同埋火龍果唔當造？定係用平價貨？？完全唔甜、淡而無味不過魚柳炸得都幾脆，加返d 分～皮蛋豆腐不過不失～至於我最期待既薰衣草奶茶d奶茶都飲得出幾香既薰衣草味🤗不過d 珍珠唔好味～ 有部分太琳，唔q彈～

黎茶木食午餐，見lunch 69蚊一個set好多野食好似都幾抵。茶木嘅古早滷水蛋，味道唔算太濃，算係成個餐最好味嘅野食。紅燒牛肉手作麵啲麵麵好麻麻，唔夠彈，個湯底就夠味啦，牛肉黎講始終唔夠士林咁好食。個甜酸魚柳唔好食，配料唔新鮮，魚柳仲渣過美心MX啲早餐魚柳。平時好好食嘅肉燥飯今日啲飯勁爛，最基本嘅野都做唔好。另外個話梅骨只有睇落去正，肉質好乾好硬，個汁太甜，食一𡚒已經好膩。野飲加咗$11試佢個玫瑰綠茶奶蓋，第一口覺得啲玫瑰味好假同埋淨係飲到啲奶蓋。飲到一半先開始覺得ok

離哂譜 , 3-4人枱等左勁耐 , 明明我地好早到 , 明明去到都無人 , 好多張四人枱都派哂俾遲來的5-6人票 。 咁佢玩哂啦。佢鐘意派俾邊個就邊個唔係按排時間先到先得，咁等一世都入唔到去， 以後請我都唔會再去食 Bye Bye !

其實這個品牌的水準間間都不一樣，因為之前食了幾次上水店越來越差，我已好失望，今次和朋友行過即管試下元朗店比多次機會佢，平日午餐時間都要等位，叫了個優悠午餐，有三小碟頭盤，拼了牛腹腩和滷肉飯，三小碟有大豆芽，蛋和豬耳，以上三樣冇特別，份量是兒童份量，主菜牛腹腩味道好濃果皮味，完全搶晒牛腹腩味道，所以牛味不是太濃，整體都尚算ok，同ok腍，係偏肥和多油。至於滷味飯滷肉份量偏少和肥肉多，食落少少肥膩同唔夠嚟撈飯，味道一般。餐飲揀了熱冬瓜茶，味道偏甜但還可接受 ^ ^ 😀🤘

今日下午想食咕嚕肉飯，就到新元朗中心茶木分店，叫咗一個咕嚕肉加一個白飯(因為星期六日冇套餐的關係)，+1個雞扒肉操飯，兩杯珍珠奶茶，等左好耐，望返張單50分下單，15分兩個飯都仲未嚟，原來已經過咗25分鐘，等左三十分鐘，先來左一個雞扒肉操飯，35分鐘先來左一個菠蘿咕嚕肉加白飯，中途吹過兩次，真係覺得等左好耐，如果一早知道要等35分鐘就唔會叫，見到坐對面枱的小姐可能因為等得太久的關係，吹左一次，最後要打包拎走，心諗其實佢廚房係咪唔夠人工作，每張枱的客人都有吹單，仲要菠蘿咕嚕肉正價$79得五件咕嚕肉，全部都是菠蘿，$80叫5件咕嚕肉有冇搞錯…出面有好多人在等位，但入面好多係四座位但只有一個人也可入座，坐低慢慢等朋友到，但出面好多人再等位，一家大細，但入百有幾張枱都是未到齊人的，只有一個人就可入坐，眼見旁邊張枱坐咗15分鐘仍未叫任何野…出面人齊到咗的，就要在出面等位，這件事非常愚笨！

不嬲很喜歡台灣的美食，形點商場內有茶木所以常常來幫襯，星期六下午，人很多，都等了20分鐘左右先可入坐。炸雞扒肉燥飯 $68，雞扒很脆 ，每塊都很大塊 再配上肉燥 ，一啲都唔dry 酥炸排骨麵 $72比起炸雞扒這個冇咁淋，可能因為係排骨，各人喜歡啖啖肉，炸雞扒好像比較出色。台式肉燥麵 $70肉燥很多，湯另外上。可分開試清楚各味道巧克力曲奇蜜糖磚塊 $79來到茶木必定要叫這些甜品磚塊，厚厚的多士，再加上朱古力雪糕 ，無論外型味道都已經攞滿分。