茶木‧台式休閒餐廳 (已結業)

今晚決定尋找一間特別的美食店，不知不覺去了形點之茶木，叫了個套餐食，個餐包括炸蓮霧柑桔醬燒骨、一碗白飯、麻醬水耕菜沙拉及黑糖薑母茶。首先餐廳奉上有很大驚喜的麻醬水耕菜沙拉，因為菜好爽而與麻醬十分配合，雖然不太喜歡食菜的我，我也能一口氣滋食完成。然後，我就熱切期待品嚐的主菜則叫炸蓮霧柑桔醬燒骨，本人一向喜歡柑桔，實在好想知道柑桔入饌的效果，結果係……美妙無窮，真的超級欣賞廚師的功力，令燒骨内外都好有柑桔滋味，只有高呼……正正正，至於放在燒骨旁邊的炸蓮霧，就外脆内爽，都幾特别。至於白飯，就軟綿綿的，由於我不太喜歡食軟飯，飯餸的配合就失色了不少。最後餐茶是黑糖薑母茶，喝一口後，感覺是良好的，作為飯後茶不愧是一個好選擇。整個餐的起承轉合是得宜，唯白飯是完美中的缺陷。

今日趁放假去元朗形點嘅茶木食吓午餐，食客都幾多，等左一陣至有位。Set A 午餐驢魚扒炸得香脆，魚肉嫩滑，十分香口，難得保持肉汁豐富，點埋鳳梨醋更為美味。紅燒牛肉手作麵份量適中，一件大塊牛肉炆得很腍滑，牛肉湯底惹味，手作麵粗條有口感，彈牙爽滑，配埋清新嘅酸梅冰，清暑兼醒胃。

平日收工大約8點左右都多人排隊，等了大約40分鐘先有位。環境舒服，適合同朋友傾下計食下野。我地叫左香菇水餃麵，水餃有四粒仲有兩粒大冬菇。冬菇入味再配埋莞茜，好香。另外，仲叫左香煎沙朗肉燥飯，肉燥好食，唔會有太多肥豬肉，豬扒有三塊唔係好大塊，但煎得香口，再加埋滷水蛋青瓜等配菜一齊食好味。最後，當然唔少得要食草莓香草蜜糖磚塊。份量大，足足有三層，如果少人食的話，主食唔洗點咁多，留返個肚食呢個。有一球草莓雪糕仲有好多細細粒綿花糖。雪糕下面有好多粒已經切成正方小粒既蜜糖吐司，方便食，而且好脆好香口，值得一試。

一個人吃午餐，茶木是我喜歡的選擇之一。午餐選擇多，套餐有前菜主菜及飲品，價錢實惠，性價比高。今次所選的是Set A，套餐包括了前菜、主食、飯麵及飲品。前菜有三款指定的小食，包括台式泡菜、古早味滷水蛋及炸魚豆腐。主食則選了咖哩金瓜燉牛腹腩，咖哩味濃，味道偏鹹，牛腹腩炆得入味，但金瓜稍嫌有點硬。肉燥飯是我的喜愛之一，肉燥味道出色，很多賣台灣菜的餐廳都做不到這水準，每次吃都必定吃完一整碗飯。最後當然要喝一杯冰凍的珍珠奶茶才是一頓完美的台式午餐。

中午放工想同同事吹吹水又食下野於是行下行下又黎左茶木早幾年茶木岩岩黎到香港既時候都掀起過一輪排隊熱潮而我咁懶當然唔會用個幾鐘去排一餐飯啦呢日見到茶木門口得三四個人排隊咁咪排下囉10分鐘左右已經有位lu田園風裝修令人坐得好放鬆好自在入到去目標明確，點左黑糖芒果芋圓仙草豆花芒果蜜糖磚塊落單既時候都講到明話磚塊要等耐少少所以邊等邊傾了等左十五分鐘就上餐了磚塊望落好精美呀幾舊厚切多士疊高左拆開佢地原來d包已經切好左一粒粒上邊搽左蜜糖然後烤到好香脆雪糕普普通通要黎沾麵包都幾夾味ga至於黑糖芋圓都唔錯黑糖味好濃郁芋圓好煙韌豆花滑得黎好有黃豆既清香下午茶黎講都算唔錯了

小編平時成日係假期訓到好晏狀然後先出去覓食今次來到茶木點左必叫的紅燒牛肉麵湯底是濃郁的牛肉湯咸得岩岩好，小編每次都成碗湯甘飲蘿蔔太硬，有陣苦的味道牛肉好林，好易咬開，似係煮左好耐。總括而言，牛肉麵都係不錯

茶木嘅嘢食OK，但普遍偏貴，唔算好抵食💸但發現佢地前排出嘅奶蓋岩漿蛋糕竟然定價非常合理！而且個蛋糕真係有樣有內涵，真係價錢平得嚟又唔會hea你😍.海鹽味嘅戚風蛋糕幾鬆軟，食落少少咸，同奶蓋都幾夾。奶蓋份量夠多，蛋糕內外都有奶蓋，切開蛋糕有珍珠奶蓋流出嚟。珍珠都唔會太腍或太硬，雖然其實都係要分開咁食珍珠同蛋糕😂每啖蛋糕都一定要沾滿奶蓋先食！咁先係最正😆蛋糕上仲插住支甜筒🍦😍仲有啲杏仁片同爆谷，不過可惜啲爆谷係腍嘅🤭.一個蛋糕夠四、五個人作為飯後甜品share食。所以真係好抵食，有機會都可以encore😆同系列仲有抹茶紅豆奶蓋岩漿蛋糕～.注意⚠️黃埔/旺角朗豪坊/中環/九龍塘/尖沙咀K11分店冇供應奶蓋岩漿蛋糕🙅🏻‍♀️另外，2:30-6:00pm/8:30pm之後，奶蓋岩漿蛋糕系列更加做特價$58/個，超抵食！(瓊華/康怡/銅鑼灣世貿/九龍灣分店除外)

見唔洗返工，中午就約媽咪去食飯，經過茶木唔洗排隊就入去食，lunch set幾抵$69有咁咁多嘢食同埋杯餐飲。主菜有紅燒牛肉麵, 地瓜新竹米粉同埋滷肉飯揀。因為想食清淡啲，所以揀咗地瓜新竹米粉。地瓜新竹米粉，米粉都幾爽口，唔會好淋，不過湯較油，地瓜好似炸過咁，再擺埋落啲湯度，真係麻麻地，仲諗住食清淡啲！好彩小菜okay，牛展同豬腩肉入味！唔肥膩！牛展都幾嫩！熱玫瑰紅茶有淡淡嘅玫瑰味，紅茶雖然係用茶泡沖，但都味濃！不過一行到入餐廳，個地下好黐立立呀！仲要着住對新鞋入去....

Yoho Mall 一向好多美食，最後揀咗呢間《茶木》今晚叫咗個《蠔仔肉碎泡飯》同埋《義式香草雞肉蝴蝶麵》泡飯個湯底好清新+上有冬菇仔增加口感，同埋淡淡蠔仔肉，啲料都好足夠。另外，蝴蝶麵賣相精緻，雞肉入口都唔會好鞋，既多汁又Juicy，整體唔錯👍

Teawood位於元朗yoho Town 3樓頂樓, 都有少少難搵, 但係都ok, 可能佢哋舖頭前面又有其他舖頭裝修圍曬街板, 真係唔係咁容易發覺佢哋嘅存在👌餐廳嘅門面裝修及室內環境都好舒服好靚,  等位又唔使等好耐, 都係等咗五分鐘就有位喇, 真係唔錯👌👍中午時候佢哋都係買緊套餐為主a餐和b餐，好似a餐化算啲，所以就揀了一個a餐食🤔✨陰樹子配紅燒肉排， 肉燥飯及前菜， 加多杯酸梅冰（$69） 紅燒肉排甜甜酸酸，說不上很淋， 但係都ok，肉燥飯味道都唔錯，不過就嫌肉燥少咗啲，酸梅冰，冰太多喇，下次再飲都要走冰比較好啲👌✨珍珠芋圓紅豆湯（$32）呢個係飯後甜品，大大碗，材料豐富，芋圓Q，红豆甜甜蜜蜜，如果是一個人食，就會覺得太多，兩個人share，就啱啱好👍因為我們兩個人都不是很大食，所以就share一個餐食， 員工都冇嫌棄 ，態度很好， 埋單111蚊，會再幫襯😁😁😁😁

天氣實在太熱，不想到外面到處搵食，就在附近商場食算吧喇🤨想起形點2商場內有間茶木食台灣菜，就過去先。正值午飯時間，需要等位，印象中記得試過晩餐時間等好耐😅，好彩今日只等咗大的十分鐘就有位了👏🏻午市自選套餐$69，有前菜、主食五選一、飯麵三選一、飲品一杯六選一🔸前菜3小碟。醬漬雪菜毛豆~~有一點點咸。麻辣雞腎~~雖然是麻辣但可以接受到，雞腎切得碎碎的、易入口。古早味滷水蛋半隻~~一般的，沒太突別🔸主食：蔭樹子紅燒排骨好陌生嘅名子，蔭樹子原來係帶咸酸味的，配上紅燒排骨感覺似唐醋骨 、酸酸甜甜幾開胃，一份有三塊👍🏻可是不夠軟冧😅🔸飯：古早味肉燥飯傳統肉燥飯的味道👌🏻🔸台式酸梅冰（凍）偏淡的酸梅湯味道，若能濃一點👌🏻🔸另點了甜品：珍珠竽圓紅豆湯$32黑色珍珠配大小不同竽圓加上紅豆，甜甜地為整個午餐劃上完美句號😛

一早食完早餐就去左上堂，連lunch 都無食就去左元朗，咩都唔好理，食個early dinner先，好餓牙我 😵😵6點未到泥度已經好爆，雖然唔使排隊，但只得返近門口既枱，無所謂啦，開餐至上🤭🤭酥炸雞排麵$71唔使諗泥茶木一定要叫酥炸雞排🐔🐔，香脆又肉嫩，今次配粗麵，中意佢有啲𡁻頭，夾埋少少配菜一齊食yum yum🥰🥰 湯底更加唔使講又香又濃😌😌維持水準。紅燒半根半腩牛肚麵$73紅燒牛腩又係另外一樣必食的，夠哂腍。牛肚一般般，有陣牛酥味🤨🤨 好唔好就見仁見智。牛根好唔得，𡁻唔到，咬唔爛😓😓紅油抄手$63一向都鍾意控油抄手，呢度嘅亦都唔錯，要肉汁有肉汁，調味亦都啱啱好，伴碟仲有手拍青瓜，好香好清新好醒胃，我哋全部清晒👍🏻👍🏻黑糖珍珠奶茶$30黑糖珍珠紅豆奶茶$35不及其他珍珠奶茶專門店，純粹係因為想要飲品所以叫咗佢。

茶木每間分店水準不一，呢間肉燥雞扒飯，啲飯編硬，肉燥份量不夠。好在季節性櫻花蝦蠔仔烏冬夠出色，鮮味香濃，食完也不會有油膩感。最後重點當然是招牌吐司，脆口新鮮，焦糖醬份量剛好，配上沒茶雪糕及紅豆簡直為夏天消暑極品！

復活節假期跟朋友到茶木晚餐，出奇地不用排隊，只需要等15分鐘就有位！薯條愛好者可以一試地瓜薯條，甜甜的！感覺上沒有太熱氣，而且價錢亦不貴，可以接受！主食是今期限定櫻花面！雖然賣相不太吸引但味道很鮮甜！最後當然要食甜品啦！叫左一個紅豆綠茶雪糕！

近排細食左，想食d輕量d既食物，好快就諗起茶木。好欣賞佢果d熱茶系列，好適合女士既飲品。女士大部分時間都要戒口唔飲得凍野，但熱飲又冇乜選擇，有呢個熱茶系列，令到我地女士們都有得揀下，於是我試左蘋果無花果雪梨茶，幾清甜潤喉👍🏻👍🏻台灣牛肉面每次黎食都食，因為我好欣賞佢既牛肉煮得好淋，紅白蘿蔔好清甜，無渣。湯底有牛肉味，冇乜味精味。蕃茄忌廉汁蝴蝶粉呢個粉不過不失，冇乜驚喜，個汁冇特別，普通西餐廳果d焗粉感。值得一讚既係個汁既份量控制得唔錯，唔會太多太咸，剛剛好。