茶木‧台式休閒餐廳 (已結業)

食得韓國野多，想轉轉口味食下台式的餐廳，茶木是好好的選擇，食物種類多又有甜品。香草明蝦鮮菜沙律鮮蝦好大隻及十分新鮮，配上新鮮的蔬菜沙律，十分爽脆，係開胃前菜的好選擇。蚵仔湯飯用料十分多的蚵仔湯飯，蚵仔十分新鮮，十分鮮甜，肉質十分肥美，用料也十分多，制作成湯飯的湯也十分甜美，湯，飯，蚵仔都混合成為一體，配搭出整為鮮美的蚵仔湯飯，好岩辛苦左一日工作補充能量。拔絲芋圓脆脆甜品係拔絲芋圓脆脆，有芋圓脆米加上糖漿，真係好邪惡但係又令人難以拒絕的甜品，甜度剛剛好加上芋圓有嚼勁，整個配搭十分豐富，係完結一餐既美味甜品。

我想講有日放學, 成班諗唔到食咩, 唔想太頹, 就去咗食彌敦道間茶木而且佢收得夜啲, 可以吹咗陣水今日放工落咗旺角, 又食茶話說好toxic咁去咗兆萬其實係想去睇四方頭figure唔知點解突然覺得好得意跟住咪順便喺度食埋飯囉茶木平時都有食開, 去開兆萬, 樓上全部都係放題, 唔想食放題, 所以都係食茶木呢間幾大幾多位其實好似間間茶木啲味都有少少唔同, 我最常幫襯荃灣, 屯門, 同呢間都有啲啲唔同叫咗個香菇水餃麵, 湯幾香濃, 麵都有彈性餃料香足, 皮亦唔會一夾就爛女仔飲熱嘢對身體好啲是常識吧! 呢個洛神洋菊茶, 甜甜哋, 熱熱的, 很暧胃甜品今次試咗呢個拔絲芋圓脆脆, 佢黏黏的, 甜甜的, 好味同埋好飽肚

是日屋企無飯食，咁就出去試下好耐無食既台灣風味。台灣既食物一向係我喜歡既。今日特地黎到台式餐廳茶木黎試試牛肉面。紅燒牛肉面($72)湯頭有點辣十分惹味，牛肉肉質十分軟熟而且入味，肉及湯都十分配合，好正宗既台灣味道，比上一次黎食既水準仍然可以保持到。另外配料的蘿蔔都煮得十分淋同埋入味。黑糖珍珠奶茶($30)加入了黑糖令到奶茶味道的層次更加多，味道更加濃。珍珠也十分有口感，整體很好的珍珠奶茶。

和太座一起吃個 lunch 先 ....  話之你天冧山都崩 ~Menu ~ 阿里山烏龍黑糖奶蓋 $ 33奶蓋是豐滿 , 奶滑如絲 , 奶的味道是微微的鹹 , 加上香醇濃郁又略有黑糖味的烏龍茶 , 正 ! 烏賊奶油花枝片手作麵 $ 72奶油醬汁濃香而不膩 , 可以剛好掛在黑黝的麵條上 , 麵條粗身且帶嚼勁 , 鹹度適中 , 伴以厚身又鮮美的墨魚和菇菌 , 很適合我的口味 ~ 草莓義式冰淇淋奶酪 $ 42賣相美觀 , 保證可以呃 like , 士多啤梨夠新鮮 , 味道是 6分酸 4分甜 , 配上士多啤梨雪糕 , 若以脆餅條點來吃 , 味道是另一層次 ~ 奶酪夠細滑亦夠奶味 ~ 本篇完 ~

已到訪過茶木幾次，每次都去不同的分店，因為每間分店都有不同的主題，人類當然是會追求新鮮感吧。是次去了兆萬分店，地方很大，座位很多，但座位與座位之間的空位又不會太狹窄，不錯。 近門口的位置是由白色磚牆組成，頗特別。牆上掛著一塊黑板，有小時候上學的感覺。紫地瓜奧利奧冰沙今次來到就試試之前未吃過的東西吧。首先點一杯紫地瓜奧利奧冰沙，初頭有點擔心紫地瓜與奧利奧的味道會不夾，發現原來擔心是多餘的。 淡淡的紫色令人心情愉快，從透明的玻璃杯子中已看到整杯飲料中充滿oreo碎碎，還有兩小片士多啤梨作點綴。喝下去有驚喜，冰沙綿綿綿的，每一口包有淡淡的紫地瓜味道，還有超多的oreo碎增添口感香，一口接一口的喝著，差點忍不住未等到食物來就喝完了。金黃鹽酥雞小食是金黃鹽酥雞，價錢不貴，但件數就頗多，每一件都做得很好，炸粉不會太厚，一件不會太油膩，雞肉非常嫩滑，正正是外脆內軟， 味道很香又沒有過咸，必點之選。 櫻花蝦培根芥末奶油手作麵接著是櫻花蝦培根芥末奶油手作麵，應該是個新菜式吧，其實還有很多其他款的手作麵，但被芥末及櫻花蝦吸引了，就試試這個。櫻花蝦分量超多的，而且每一隻也不是超迷你，像蝦米的size，鹹香感

回想返七月生日月，飯局零舍多~ 呢餐同好姊妹去食，多謝佢請我食生日飯呀!! HAHA仲記得茶木岩岩新開果時，排隊排到傻，之後其實都好少去~好姊妹知道我唔鍾意等位，所以就一早訂定位但由於係晚餐時間，我地就被安排坐左一張二人檯老實說，檯有點細，當放滿食物果時其實係有D迫嘅叫左野食，就點埋杯飲品，一邊飲一邊傾後面: 紫地瓜奧利奧沙冰前面: 阿里山烏龍黑糖奶蓋朋友話佢果杯好重紫薯味，而且都幾飽肚而我果杯就好清新嘅烏龍茶味，底部嘅黑糖喺飲之前記得要攪拌好，配合埋鋪喺面嘅奶蓋，成個感覺好FRESH食物上檯啦~ 基於外出食飯，一定找素，所以就點左個明蝦沙律蝦肉唔晦，沙律菜都好FRESH，配合微酸嘅沙律汁，好鬼開胃台灣其中一樣特色食物一定係魯肉飯，所以就點左呢個炸雞排肉燥飯雞排炸得香蘇不油膩，雞肉好JUICY肉燥味剛好，不咸亦不淡望住個MENU唔知品仙果係咩黎，所以決定點呢味品仙果紅醋鴨肉手作麵黎試下個人就覺得好特別喇首先係個麵嘅質感好有咬口，有D似寬條麵，但又無意粉咁淋再加上酸酸地嘅品仙果，好味好開胃最後就梗係食埋甜品先為之完滿啦~呢個甜品叫做拔絲芋圓脆脆佢地呢個拔絲唔係用麥牙糖，而係用棉花糖，食落

今晚同家姐去左旺角茶木食晚飯，之前都食過幾次，感覺都好唔錯！地方又幾骨子，岩哂同家姐黎食飯叫左份皮蛋肉鬆豆腐，味道好香濃！肉鬆感覺好強烈，皮蛋亦好甘香~低調地襯托出平淡順滑既豆腐！黑與白形成強烈對比~味道好味。鴨肉手作麵~麵底帶闊而粗！麵帶爽彈！麵粉糰入口唔會過厚！而個鴨胸肉微微煎香，表層帶點香脆色澤油潤，睇見都好吸引~食落口個汁醬仲好惹味~不錯不錯！菲芒沙冰~d沙冰打到好碎！芒果味道好天然~無乜人工化既糖晶感覺。整體上好好飲

是晚和女友去旺角行街, 想吃台灣菜, 就找上兆萬的茶木。兩個人叫了一客沙律, 兩客主菜和甜品。食台灣菜, 飲品就當然叫珍珠奶茶, 這次叫的是黑糖珍珠奶茶, 用黑糖取代一般的糖漿, 心理上似乎健康點又沒那樣甜。奶茶質感順滑, 有些甜而不膩的黑糖香, 而底下的珍珠富口感煙韌帶微甜, 味道不錯, 滿意。沙律是燻鮭魚沙拉, 價錢不算平, 但份量不少, 煙三文魚有五片, 仲有沙律菜、蕃茄仔、洋蔥和麵包糠等, 已預先混了沙律汁, 但旁邊另有一個青色的沙律醋, 兩個醬混埋一齊唔錯, 食落好清新。肉燥飯也是台灣菜必點之選, 這次點的是古早烤香腸肉燥飯。在台灣街頭, 常會吃烤香腸, 這裡的香腸烤得外皮香脆又幾香口, 而肉燥飯味道正宗, 吃的時候, 又想起台灣的美食了。去台灣時對台式西餐也有很不錯的感覺, 這次就點了一份香料雞肉蝴蝶粉一試。蝴蝶粉的醬汁很稠, 味道有點像千島醬但又有香料味, 配料只有少量菇片及肉片提味, 但主角蝴蝶粉相當不錯, 蝴蝶粉煮得入味之餘亦有咬口, 也很吸汁, 很合口胃。吃完已有八成飽, 再吃甜品就剛剛好滿足。甜品我們點了草莓義式雪糕奶酪, 賣相是吸引的, 味道稍嫌奶酪欠奶香, 質

原本想說隨隨便便的在街邊吃個飯作午餐就罷了，可是卻心思思想吃一下有水準的肉燥飯，細想之下也只有茶木能夠滿足我了。炸雞扒肉燥飯。飯量十分的多，肉燥的醬汁流進了滿滿的飯中，更是惹味。雞扒白脆而多油，只可惜略為薄了一點點。滷蛋卻失色了一點，要是做到半熟的感覺則更佳。煙肉椰菜。想不到茶木不來有這一款的菜色。味道較為濃，有很重的甜醋味，酸酸甜甜，更是開胃。加上了煙肉，伴飯是一流的。唯一美中不足的地方可能是太多油了。

之前成日見到朋友去台灣，每次食飯都有例牌影相。 每次都覺得台灣既餐廳都好有個性、有特式、有主題。 加上食物賣相又好吸引，真係好想飛去台灣試盡所有餐廳 (發緊夢) 而來自台灣既呢間餐廳，來了香港好一段日子，我去過幾次。 茶木需主打悠閒，以木調為主題，俾人有空間感、自然風，但係香港的茶木的確很繁忙，所以每次來到，都要等上好一陣子，只因？ 太受歡迎? 最近一次相約了一個好久不見的朋友一起去茶木，點了一個小吃、每人點了一個主食、Share一個花茶及一個甜點皮蛋豆腐  - 簡簡單單的一道菜 上面肉鬆很惹味，豆腐滑嫩，皮蛋很香，但不是糖心口感。 醬汁有點辣，如果可以再辣多一點就更完美了清涼可口令我胃口大開 仙果紅醋鴨肉手作麵味道沒有很濃，鴨肉夾小小肥邊，口感不會太乾無花果的酸甜，加雜菌香味，手作麵雖沒有很多醬汁，但味道很特別，也很清。 炸豬扒肉燥飯脆口豬扒，不會炸得太過火，厚度口感都很好其實我每次吃台式套餐，都很愛它們的肉燥飯，令白飯變得超有味超好吃，平日吃小半碗飯的我，加了肉燥的飯，我都會忍不住吃多小半碗炸豬扒肉燥飯顯得更惹味！  加上半隻蛋小青瓜，令整個餐變得又抵又豐富！ 洛神花茶吃完飯、吃完

茶木 @ #foodki旺角奶蓋抹茶(6.5/10)($33)茶木雖然係連鎖店，但老老實實食物質素真係比起其他連鎖店好，foodki非常鍾意食茶木既手作麵!茶木既奶蓋抹茶好多朋友都試左,foodki 今次第一次試，終於可以#奶蓋一下 啦...奶蓋同抹茶係三七比，奶蓋既味道係濃郁奶味同埋微微咸，好鍾意上面既質感。茶澀味岩岩好，混合起黎飲真係唔錯！台式肉燥麵以茶木最出名既手作麵做麵底，麵質煙韌得黎帶點彈性，可惜肉燥味道只屬一般。撈埋入口好滑好好味松露野菌奶油培根手作麵松露味好重，配上奶油加上少量bacon，其實係好似似卡邦尼意粉，但用手作麵真係有驚喜，隻麵質真係好鬼正

義式香草明蝦鮮菜沙拉~ 配上香草油, 拌著吃好清新! 大蝦也爽口!飲品點了:左) 阿里山烏龍黑糖奶蓋, 茶味濃郁, 入口少少甘香! 右) 紫地瓜奧利奧冰沙, 紫色好夢幻好岩女仔飲!! 其實都幾飽肚添 XD晚餐只點了兩份, 因為我們要留肚食甜品喔~這份是炸雞排肉燥飯, 雞排薄身好脆口, 不會油膩~要是厚肉一點更好~~ XD肉燥汁非常棒!! 次次來食都會點有肉燥飯的晚餐,真的可以吃清光~~品仙果紅醋鴨肉手作麵, 麵身好彈牙, 鴨肉都幾入味, 不過我都是喜歡肉燥飯多一點~ HAHA!!好了, 來到女生最喜歡的甜品時間!!!!!今次不是點厚多士, 點了拔絲芋圓脆脆!是用左拔絲地瓜的方法來製作~~材料換了Q彈的芋圓!好特別好有創意呢~拔絲到拉絲, 真係好治癒系!!((朋友暗呼, 說好的減肥呢T__T...... 吃完才算啦!!XD))除了芋圓, 仲有好多脆脆片, 食落又甜又脆又有嚼頭!!好開心呀~~

原本約好左朋友係佢公司附近等佢收工一齊食飯，點知佢臨時有個會議要開，結果還是一個人食晚飯。於是求其揾間食肆，最後去左茶木台式休閒餐廳。一出見有人等位，餐廳內的座位亦坐滿人，我這個懶惰的人不想再四圍走，唯有係度等位。幸好等了一會兒便有位。我點選了一主菜，一小吃，一飲品。香草明蝦鮮菜沙拉 $68原來都幾大盤，幾多料，內有已剝殼新鮮大蝦4隻，大蝦有鮮味，蝦肉結實爽口，紅椒和車厘茄新鮮，脆麵包粒很脆和香口，沙律菜和生菜很爽脆，爽口，食落口爽爽聲，原來已淋了沙律醬在底，已經夠晒味，店員還遞了一個醬汁，樣子似泰式醬，但其實亦係沙律醬，酸酸地，幾開胃。櫻花蝦培根芥末奶油手作麵$72店員遞上桌時，已聞到好香奶油味，蝦味。手作麵有厚度煙煙韌韌，有口感，雖然有少少厚，但不是硬身，好有奶油香味，唯本人覺得咸少少。櫻花蝦整隻連殼，細細隻好似蝦米甘款，連殼食亦很腍，容易咬。櫻花蝦本身亦有少少咸味，亦有其蝦味。培根即是煙肉，煙肉甘香，還有一些菇菌，蝦籽一齊煮，令這個麵更加豐富。宇治抹茶奶蓋 $33每次點台式飲品我淨係識珍珠奶茶，所以今次我點了宇治抹茶奶蓋。淡淡的抹茶香味，不會過甜，唯奶味太重，蓋過了抹茶味，夠冰

今日去左旺角行街睇戲食飯,突然想食台灣嘢,就走咗去茶木。叫左杯黑糖珍珠奶茶,紅茶味都幾重,再加黑糖味幾好飲。最近都冇乜食菜,就叫咗個肉燥蓋上翡翠苗,咁啲肉燥味都幾好食,加埋翡翠苗又幾爽口同埋清新。成日都叫鹽酥雞,今次嘅試下酥炸大花枝,我覺得佢炸得幾香口,也有新鮮花枝既口感。成日去旺角,度度都好迫好嘈,就算好貴既地方都未必好坐,呢間cafe地方係旺角真係算好整潔又舒服,間中來坐下休息下都不失為一個好地方。

在旺角行完街,又係時間要揾食啦, 今晚試下依間台式餐廳. 這間店全店以青色為主色,木櫈,木的擺設.很舒服,好有大自然的感覺。台式餐廳,食物當然以台式為主,但有不同種類的食物,有台式飲品,小吃,台風美食還有甜品。可以一間餐廳攪掂晒,不用食完飯再揾糖水店,太perfect啦今晚就簡簡單單用餐,叫了個到台灣必食嘅肉燥飯,這裏更豐富一點叫了糖心蛋肉燥飯 ~~有全隻糖心蛋,顏色好橙紅,糖心蛋烹調時間好梗要,這裏做得啱啱好。好香蛋味,蛋黃有點半溶化的感覺,正。肉碎份量很足夠可以撈勻全碟飯。肉燥汁好好味,唔咸，加埋伴碟的味菜一起撈飯,梗直一絶紫芋冰沙 ~~淡紫色,很靚，一望就知是芋頭的顏色,面頭加了些紅荳,令顏色更搶鏡。飲下,有清香的芋頭味,不太甜感覺有冰沙的很清涼,攪一攪還有些似"苣若"的東西,爽爽地,唔會剩得飲沙冰咁單調。食完飯最好食個甜品,但又吃唔落出名的窩夫,所以揀了個份量較少的鮮芒果義式雪糕奶酪鮮芒果義式雪糕奶酪 有鮮芒果,士多啤梨。藍莓伴碟。芒果雪糕好香芒果味。有芒果肉在內,甜甜地。鮮芒果好甜.奶酪用了個玻璃樽載著,見到雪雪白白的,奶酪很滑,但不是很重奶味.面頭加了些芒果醬，甜甜地,補充