茶木‧台式休閒餐廳 (已搬遷) 新店位置

上星期日7:30pm walk-in晚飯，門外只得一枱人等候而入面亦有多張空枱，但服務員仍然要我們在門口排隊，眼見服務員在張空枱抹完又抹，疑似做勢。入座後用QR code order 食物，所有菜類食物（包括娃娃菜及椰菜花）已經售罄，只有沙律菜。落單後服務員走過嚟update 啲枱客（包括我們）order 了的台色三杯雞亦已售罄，浪費落單時間。結果取消落單離場。

喺社交平台睇到有個特別優惠，三款特定奶茶🧋現在優惠價$10一杯，我見咁抵硬係同🤴🏻試下啦！😁😁～～～濃厚起司奶蓋鐵觀音奶茶🧋～～～唔好話濃厚，連奶茶味都稱唔上，根本就係奶茶再溝水，仲要撈勻咗一陣底部依然有啲鄒鄒地嘅物質，🤴🏻話可能係啲未溶曬嘅芝士☹️☹️，但我又飲唔到芝士同埋奶蓋味wo 😢😢～～～珍寶茶凍雙重鐵觀音奶茶🧋～～～好彩呢杯擺喺後面先飲😗😗，鐵觀音味濃過奶茶味，大約7:3啦！珍珠就唔係好甜，軟硬度一般，但就有五粒好似雞蛋仔咁大粒嘅鐵觀音味茶凍，有多一層咬口😙😙第一杯奶茶🧋味道完全唔掂，第二杯$10呢個價錢就過得去，都唔知好唔好同🤴🏻試埋最後嗰款？😅😅

過新年食台灣餐，叫香煎莎朗肉燥飯，牛扒比以前細塊，中間較生。毛血旺面有啲豬肚和豆泡，下面鴨血，麻辣味冒汗。跟餐有紅豆蕙米水，無乜味，红豆和薏米幾硬。另外問店員叫一碗白飯，珍珠米，但唔夠軟熟，有啲生。

平凡的星期四, 適合食一個甜甜的下午茶今日三代同堂, 帶埋小鬼黎到茶木.我點左最令人印象深刻的草莓香草蜜糖磚塊, 配一杯紫薯奶蓋（+$2）, 係幸福的味道啊母親大人就點左照燒雞扒刈包配蚵仔麵線, 似乎都唔錯.草莓香草蜜糖磚塊賣相吸引! 小鬼第一次見到真係異常興奮每件磚都沾到蜜糖, 非常好. 配上雪糕真係好夾~ 不過就略嫌奶油多左少少, 怕肥人士唯有撥開D了.呢個set兩人share都食到飽到行唔郁喇! 如果三個人share應該份量上更適合呢下午茶$68+2，需加一盛惠$77

太耐冇食過茶木，於是去朝聖一番，個人認為，其實都算中高價錢，去到當然要叫套餐啦，如果係大胃王，千祈配米飯，唔好配中卷麵線，麵份量實在太少😅📸️黑醋味冧豬軟骨配飯豬軟骨好林超級入味，醋味香濃，但有點鹹，而且肉的份量算多👍🏻👍🏻📸️柑桔醬鱸魚柳玉龍果魚柳起碼有五件，玉龍果味道好出，酸酸甜甜📸️芋圓仙草豆花豆腐花超級滑👍🏻隨餐附送的甜品一啲都唔馬虎📸️巧克力曲奇蜜糖磚塊咁多年味道水準都冇變，我覺得係鎮店之寶😅就算好飽，都會一直食一直食🤭是次消費$295/兩個人

今日下午同朋友食午飯，好多lunch set 都冇，水又唔俾。qr code 落咗單要排骨麵，等左半個鐘仲未到，問服務員又十問九唔應，食到一肚氣，仲要收加一，有冇天理！

選了2個晚餐古法三杯鮮雞味道好濃，大量薑片，九層塔，蒜反觀鮮雞量比較少雞肉比想像中又瘦又乾，真的失望所配麵線，麵線出色好多，幼麵線一啖一口，還有不少爽口魷魚，和台灣接近味道，安全美味！柑桔醬鱸魚柳玉龍果魚柳炸得熱辣香脆，有很多條啖啖肉！柑桔醬味道都出眾，酸甜的很開胃，配白飯一流有驚喜！火龍果肉很多，感覺特別健康菜式麻醬水耕菜沙律菜葉爽脆配麻醬很開胃，酸酸地帶芝麻香飲品選了安全台式酸梅冰 - 酸甜冰涼 紅豆薏米水 - 紅豆和薏米好大粒，微甜很健康！甜品芋圓仙草豆花香甜軟糯芋圓，爽口仙草，嫩滑豆腐花比想像中細杯，一杯有點不夠吃3種食材完美配搭，非常滿意味道最滿足是套餐價

收工之後7點鐘上堂係綠楊附近搵啲嘢食好耐無食過茶木，對上一次食已經係幾年前今次見人少少，唔洗排隊，就試試佢個下午茶我叫咗個鹽酥雞麵同芒果沙冰麵身較硬，湯底十分濃郁，但整體唔會覺得好咸鹽酥雞炸得鬆脆，唔柴，唔會有厚粉嘅感覺沙冰好好飲！一嚟唔會過甜，二嚟佢最上面擺咗芒果肉，真材實料果肉下面又有啲cream，令成杯飲品飲落口感同味道都好好因為我唔肚餓，所以成個餐對我嚟講都好夠飽男仔就可能會覺得份量比較少

如果午市或晚市覺得貴，可以試吓佢嘅下午茶，有套餐，相對相宜啲，食物味道不會太差，咁多間分店，總有一間係左近嘅，佢嘅刈包一定要試下，包皮做得非常鬆軟，雞/豬都好味

綠楊茶木雖然較小，但鄰近荃灣港鐵站，是小聚不錯的去處。那天下午2時20分左右到達門口，雖然2時20分才開始下午茶，但職員有禮貌地表示可先入座，待2時30分才落單也可，安排非常體貼哦！這次點了炸雞翼配紫菜湯魚丸，雞翼很香脆，端上桌已很香，紫菜湯雖然略淡，但味道很合本人口味，茶木炸物一向不錯，唯一是要等候最少15分鐘，如果趕時間就不要點炸物好了。下午茶加一點錢就可配奶蓋宇治金時，與食物一樣，飲品圖片與實物差別頗大，看到實物確實有一點失望，但味道其實不錯的，綠茶味甜度剛好，奶蓋口感豐富，可能是圖片拍得太好而矣。下午茶2人套餐共117元，食物飲料OK，只是等候食物時分稍長，而食物份量比想像中少（但若是下午茶份量少也是合理的），如果下午茶志不在食物，純粹小聚的話，茶木也是不錯的選擇。

荃灣都有兩間「茶木」，綠楊這間比較細，但商場人流比較差，所以不需等位太耐很快便入坐。有人話每間「茶木」的出品都有啲唔一樣，我覺得呢間啲出品無嘜問題，但係「紅燒牛肉麵」的份量少得離譜，數得出內有幾條麵條，女仕吃的話應該勉強夠飽，但係比$82~就真係貴咗啲，沒有套餐，飲品另叫，牛肉和牛筋又滑又淋很入味。微辣手工伴麵，有麻辣香味，有半筋半牛肉(另上)，有半隻糖心蛋，仲有一片鴨血，全份都好味，加$30~升級有杯飲品和仙草豆腐花，全部都正👍

痠情下成日煮都煮到悶，買個盆菜回家唔駛煩。今日經過茶木見有個二人份量眷村小盆菜賣，問左唔駛預訂，等三十分鐘有取，於是俾左錢四圍逛下先再返回店取貨。夠鍾取貨，店員把已包裝好的盆菜送上，盆菜及汁料放盒內再用保溫袋裝好，拿回家後仍有餘溫。打開盒蓋，展現面前的是一大堆的櫻花蝦，下面有紅燒鮑魚，花膠，花菇，中蝦，魚丸，中卷，滷水雞翼，滷肉，西蘭花，蘿蔔，炸竽頭等。食的時候把秘製醬汁倒入盆菜內加熱，所有食材即時吸收了醬汁的味，吃得特別滋味。雖然是二人份量，但也足夠三人食用。平時吃多了港式盆菜，今次轉下口味試下台式盆菜也好。

呢間岩岩開果陣都還好，依家真係愈黎愈差，堂食已經普普通通，呢間野真係唔岩食外賣，又貴又唔好食。上次叫外賣自取既餐，黑醋豬軟骨飯，送到返黎淨係得碗餸，飯又無，餐具都無！仲要返到屋企先知，激鬼氣！好啦，我今次俾多次機會佢，今次諗住穩陣d啦，因為一路有食開蚵嗲肉碎泡飯，一於就叫返呢個，點知一拎到返屋企，真係中伏喇！無用外賣湯碗裝，反而用裝飯既細碗，d飯溶到一灘野咁，蚵嗲又有殼，又無乜湯，唔知仲真係以因爲自己食緊廚餘定嘔吐物⋯⋯自己煮都無咁激氣！真係要永久blacklist呢間野！

茶木‧台式休閒餐廳 TeaWood Taiwanese Cafe & Restaurant係香港又係開到周圍都有, 又係一間我經常會去食既餐廳😍😍😋😋,無論係牛肉麵,肉燥飯去到甜品同飲品❣️❣️🥳🥳都非常有水準今日就試下新野-滷牛肉刈包拼蚵嗲麵線, 我好鍾意食刈包,覺得佢好CUTE, 又細細件錦, 女仔食就岩哂👧🏻👧🏻😋😋 不過個人認為蚵嗲麵線既份量唔夠.. 味道都唔錯既!☺️☺️☺️然後當然要叩個芒果香草蜜糖磚塊,好鍾意佢即叫即整,每次都唔會令我失望😍😍😍😍

本身對茶木嘅野食冇咩興趣 不過咁啱商場有同茶木做優惠 可以用商場積分換現金券 咁就嚟咗食個下午茶😂下午茶menu都唔係特別平 食個飯餐都要over五十蚊🤔 不過有廿五蚊現金券就食吓啦 可能係有現金券嘅關係 都要等咗大約十五分鐘先有位喺下午茶menu揀咗呢個芝心雞翅肉燥飯 食落個肉燥都幾好食 唔會有太多肥肉 可惜芝心雞翼就比較失望 芝士味唔係好夠😣另外女朋友好想食呢個草莓香草蜜糖磚塊 睇個賣相就真係好吸引啦 啱晒用嚟打吓卡嘅 麵包算香脆 不過略嫌佢嘅士多啤梨唔夠多 同埋個糖漿唔係淋得幾均勻 有一兩粒磚塊特別甜😬凍黑糖珍珠奶茶 呢杯珍珠奶茶唔合格 完全冇黑糖味 好淡好淡😕😕😕如果唔係有現金券就應該唔會揀呢間餐廳食下午茶啦 附近有好啲嘅選擇