茶木‧台式休閒餐廳 (已搬遷) 新店位置

放工同屋企人試下呢間茶木晚餐叫左個蚵嗲肉碎泡飯，成$75蚊，仲要加10%服務費，埋單計埋要成八十幾蚊食落勁多殻，好難食，啖啖有沙咁，幾驚食到有腎石！估唔到可以咁差，食到勁嬲。另外，屋企人點左杯紫薯乜q latte，甜到糖尿，仲有一杯叫香芋乜q奶茶, 得藥水味，成杯色素，完全飲唔到芋頭，一杯咁嘅野仲要加$9蚊.......！！！好難以置信咁貴咁難食嘅餐廳仲會有人等位，呢間啲野食又貴又難食，淨係得個樣，以後都唔會幫襯！！！

黎到食左少少甜品,食左個蜜糖磚塊.有點甜.但好香好好脆.另外,叫左個酥炸蚵嗲,好香好好食. 環境一樣咁好. 服務同衛生亦一樣正常.冇咩唔好的地方.下次要再食多次.試埋個烏賊汁手作麵.見到人地食,個食相唔太好,但食到好似好好食咁.感覺上賣相好似墨汁意粉咁.

晏就同男友食tea...等左差唔多10分鐘就入得...上菜速度都好快...唔洗等太耐 紅燒牛肉麵好味..麵質好彈牙..有口感，但份量偏少...對男仔黎講份量就太少...實唔夠飽..價錢$70左右...份量咁少黎講..唔係好抵食！雞排肉燥飯份量適中..但感覺雞排比以往少...記得上兩個月黎食..雞排係好大塊... 整體偏咸..肉燥底都係油....配料有蛋..雪菜同埋青瓜...配埋都幾夾！頓時健康左呀！仲叫左胚芽奶茶...好淡最後埋單$190.3

跟朋友小聚就來到這間茶木～在地下鐵旁邊的商場2樓所以走過去超方便而且平日晚上去不用花太多時間等位子我就叫了他們的櫻花蝦芥末手作麵濃濃的意粉汁帶有淡淡芥末味上口並不會覺得辣～而且櫻花蝦也很香脆入味整體來說性價比很高(/ω＼)

The lunch sets here rand from $60-$80. The portion is good, and there's a good variety of choices to choose from. During lunch hours, there might be a short wait but the turnover is generally fast. For the $66 lunch set, you can chose an appetisers, a main dish and a rice/noodle of your choice from the menu. For an extra $9, you can add a drink from the menu ($equal of less than $31 or else you pay the difference).

雖然上次話佢唔係好值個價，但為左食個多士盒都照番兜😂😂今次有進步！😋😋😝去嗰日因為暫牛同豬既供應🐮🐷，所以我地兩個都叫左手作麵🍜🤣仲要都係有培根同奶油！因為之前食過有培根奶油會香好多👃🏽😍🍄松露野菌奶油培根手作麵Waaaa 一黎到既時候，松露味冇話好重，食落口香好多！配合埋奶油，就更上一層樓🤣今次手作麵冇左煮唔熟既問題，口感好左，而且好入味👍🏼👍🏼👻🦐櫻花蝦培根芥末奶油手作麵呢個第一次叫😝好鍾意！麵上面舖滿香香既櫻花蝦乾，每一啖都食到🦐🦐👻呢個配搭都好like!!🍫🍯石板街朱古力蜜糖磚塊最後就係呢個👀👀吸睛既甜品，比平時啲cafe大份同好味，多士搽滿蜜糖🍯👅，夾埋雪糕一冷一熱🤤好味！我覺得朱古力比芒果好味，陣味無咁假，仲有啲棉花糖粒粒😍

每次去茶木都例牌要排隊, 今日揀正週末同朋友黎食lunch + tea 也不例外3 點鐘黎到. 好彩只係排左10分鐘就有位 , 真係好西利, 任何時間都可以坐滿人黎到先知呢度冇下午茶餐, 都係散叫餐牌食物十分肚餓的情況下點了一個台式炸雞扒肉燥飯上台見到份量很是滿足! 雞扒好大塊, 亦炸得很香脆, 唔會過咸反而是肉燥味道比較濃, 不過撈飯食都OK朋友點了台灣牛肉麵, 湯底夠濃, 牛肉都好入味每次來到必點的綜合水果冰茶, 叫了少甜依然很甜...完全蓋過了茶味人均消費大約$140, 雖然食物整體好吃, 環境舒適, 但午餐或下午茶來說就太貴...

大家都係大約夜晚七八點食晚飯🍽，呢啲時間難免等位會等得耐⏰，等左大概半個鐘，終於有得坐啦😝我地三個坐好就即刻睇吓menu有咩好食，款式都幾多👍🏼我地決定叫兩個手作麵同一個蜜糖磚塊🍯🍯再另外叫兩杯野飲🍹好，就講咗手作面先啦！我哋叫咗松露野菌奶油培根手作麵，賣相都唔錯。一食落口好大浸黑松露味🤤奶油味都好香濃，手作麵個質地幾特別但硬左少少😢整體來講唔錯，好入味😋我哋仲叫咗一個🍅辣番茄醬蛤蜊手作面，同樣都係好入味👅但我哋鍾意黑松露手作麵多啲！呢一款就冇咁香👀但都唔錯😝甜品我哋就叫左芒果香草蜜糖磚塊，賣相100分，份量都好多🤤所以一定要同朋友share先可以食得晒😝味道上就普普通通，芒果味有啲怪，蜜糖🍯磚塊甜甜地，點上雪糕🍦就咁食都幾好味😋整開左影相都係咁靚😜最後講埋飲品，呢杯係紫薯奶蓋，奶味香濃但唔多覺有紫薯味而呢一杯係綜合水果茶，好大杯，除咗好濃嘅水果味，仲有好多款唔同嘅水果可以食，好似火龍果咁👻

7-1-2017 (Sat)朝,同女友人WK o係銀行整完o野,就一齊食晏,去邊o度食呢?呢間啦,未o黎過,我o地去到攞飛等,等o左一陣有位,我o地坐低後睇menu,啲o野貴到飛起,冇諗過連小食都可以賣到6,70蚊,會唔會過火啲呢?我o地決定叫工樣o野share食,有:1. $65.00o既地瓜花枝餅一客四件,又唔大件,附上o既汁小辣微甜,地瓜花枝餅油淋淋,冇用吸油紙吸過,食落,口感有啲彈,地瓜切粒但唔算好腍,而且冇乜蕃薯味,一般.味道: 2.3分2. $75.00o既櫻花蝦培根芥末奶油手作麵份量唔比正常少啲,煙肉偏肥亦唔香,手作麵口感正常唔太腍,味道鹹淡適中,但芥末在那?係一粒芥末籽嗎?味道: 2.5分3. $78.00o既芒果香草士多啤梨磚塊賣相幾靚,三塊厚多士墊住芒果雪糕同忌廉,芒果雪糕內裡有啲彈牙蒟蒻,厚多士加o左蜜糖烤,所以比較甜,而佢o地都有將方包起粒o黎烤,增加香脆面. 味道: 5分服務:落完單,等o左都幾耐至有地瓜花枝餅,食完又等好耐耐, 櫻花蝦培根芥末奶油手作麵都未到,店長都問我o地芒果香草士多啤梨磚塊(我o地叫後上)上得未?我o地答, 櫻花蝦培根芥末奶油手作麵都未到

第一次試荃灣呢間嘅teawood,水準比年幾前旺角新開張時差了很多，不明白點解仲可以分店愈開愈多…叫了個台式肉燥雞扒飯，雞扒粉太厚，食唔到雞肉咁濟，肉燥尚算可以，如果唔係真係食白飯😂另外叫多個仙草芋圓，見佢係新推，個圖又好吸引，就叫黎試下。order嗰陣，waiter話要得15分鐘，問我o唔ok,點知最後45分鐘先到=_=仲要好難食，3分2都係冰，得3分1係料><好唔抵😰😰

明明我係淘大食有下午茶架 點解黎到呢到無既 問個女服務員 態度又唔多好我想知點解者 明明大家都係茶木。。。。。。。點分邊間有 邊間無呢？入左去先知無. 即刻唔想食囉......

雖然我已过了 " 雙雙十" 的年華 但作為女性, 仍是喜愛美的東西吧 草莓香草蜜糖磚塊賣相太过靚了, 真的不捨得去吃它 , 一定可以係 Fb/IG 呃到like , 所以一定要手機食先!這美麗的食物, 再加上味道又真的不錯吃 , 蜜糖磚塊夠甜蜜之餘也夠脆身, 配襯著香甜的草莓, 真係好味。 還要是和兒子一齊分享, 這一切都很美。很美。

原本約左個friend 去旺角食飯，但因為突然有d野要去綠楊拎，所以突然轉左去綠楊食茶木。我之前去開旺角個間多，不過荃灣都係第一次，但原來我個friend一次都未去過，所以想試下！我個friend 去到先，但只可以坐個半鐘！去到我見到枱面有本雜誌講台灣 , 我心林我都未同你講我plan去台灣，咁岩你俾本台灣雜誌我咁夾？我問個friend 咩黎架？佢話menu黎架，睇下食咩先啦！好彩我問咩黎先，如果唔係真係超級𤓓！不過本menu都好厚，真係睇到眼花繚亂，唔知食咩！朋友一黎就話想食吐司，所以我地叫左個黑芝麻吐司～因為晚飯時間，我地又早食，正常依d時間都好少人叫甜品，所以好快上枱！但我地唔係即時食，唔知係米因為咁，所以冇咁香，而且個吐司好似有d硬......另外，我地叫左個蠔仔肉碎粥，我覺得味道唔夠，蠔仔肉碎太少了，要加胡椒粉先可以提升味道......之後再叫多個滷水拼盤，當中有雞翼 x 2， 豆腐 x 2, 牛展 幾塊， 雞腎幾塊，滷肉幾片整體都幾好，不過滷肉、雞翼唔夠入味，凍食就差d...如果加多30蚊包杯野似同蛋糕一件，都幾抵😁我要左杯玫瑰紅茶，其實做法好簡，一個Lipton茶包加幾粒

友人住在荃灣的關係，這裡成為我熟悉的地方。但每次來到，總要等上半小時以上。豬軟骨麵是我的最愛。豬軟骨夠腍夠入味，但每次吃這個都忘了要走蔥，莞茜味不易令人接受呢。肉燥飯的肉燥份量多。炸排骨的味道亦不錯。至於青瓜，可以稍為處理一下。畢竟吃下去有點過生。假日來吃茶木，由於沒有餐價，比較少點飲品，不點飲品的話會化算一點。

一直希望第一次寫的食評是讚賞的，但因為今天的經歷太離奇，不得不有一個壞的開始⋯⋯Cool服務員：㩒飛冇四位以上。我：吓？？？但那邊有六人枱就食完。Cool服務員：哦，咁你㯲四位，輪到你會安排。（心諗，大約十個人在鋪前，應該唔駛等好耐。但乜野叫到時安排？？所以向另一個服務員查詢。）另一服務員：我幫你mark低。（安心了，因為見到張紙上，我們是唯一一張五人枱，那六人枱食完就到我哋，等了十多分鐘，眼前的六人枱竟變成了四人和二人枱！！吓？？？）另一服務員：我哋根據攞飛時間比位！你要五人枱，要等比你早到的都有位，再開始等三張連住的二人枱。（吓？唔係化？這樣座位安排真的不可思議！！！咁藍飛同紅飛有何分別？眼見有一張旁邊的四人座位就走，加一張椅在旁邊就可以坐五個人，忍。。。係冇乜人等位的情況下，終於用咗半個鐘頭等到了。。。服務員話有兩張「四」人枱俾我地揀。因為我哋五個大人，我們要求加一張椅。。。）另一服務員：我哋一定不可以加櫈。不可以，你哋睇吓坐唔坐得到四人枱。（心諗，真的不知是什麼服務！你哋睇吓都知我哋五個大人坐唔坐得到啦！我哋已經折騰了半個鐘頭，最終分開兩個同三個坐。因為大家都肚餓了，不想再周圍