茶泰 (啟田商場)

营业中

休息中

假日6:30 ，見餐廳當時大約坐滿五成，我就入去試試，帶位小姐知道我四位，好奇怪地佢叫我坐餐廳門口出面的那張四人枱，明明裏面仍然有最少五六張空四人枱，吾明點解叫我坐出面，我估計係想製造到餐廳好滿坐，坐到出去咁嘅場面，吸引其他人中伏。於是我話坐裏面，佢就比我坐裏面。叫餐我哋想叫蝦餅，待應話賣晒，所有炸乜乜都賣晒，泰式沙律又賣晒，大佬，6:30 就賣晒？ 作為泰國菜，所有煎炸野賣曬！於是叫咗一個紅咖喱雞配一個白飯，一個菠蘿炒飯，一個蝦醬炒飯及一個炒貴叼，之後，最先嚟就是紅咖喱雞但欠白飯，然後其他炒飯炒粉都來曬，於是就問職員個咖喱欠碗白飯，之後一直有吾同的侍應叫我等等，最後就有一位侍應同我講廚房忘記煮飯，冇曬白飯，叫我等10分鐘左右等碗白飯，真係堅奇怪！ 個咖喱冇飯點食呢？ 炒飯又有，但冇白飯，超級不能理解！ 仲叫我等？ 即係等到廚房煮好白飯，我個咖喱都凍曬啦！個菠蘿炒飯及蝦醬炒飯主要係得三色雜豆冇乜肉，味道吾得，只有炒貴叼叫做正常，真係完全唔會有下次，完全中伏！

好少投訴人，呢間真係極品服務值得我講下。平時都係一樣時間去食晏，從未試過等5個字都未有得食船粉，而根據以往喺度用餐嘅經歷，炒嘢先會等咁耐，所以好少叫炒嘢。但係當日見到後到嘅客都已經食緊碟炒嘢，而我仲未有得食。侍應話廚房翻熱緊啲湯，請問你用咩煲要翻咁耐？如果要咁耐，係咪應該lunch hour前預熱定啲湯？眼見成個廚房都係人，但客只得幾枱，係咪因為服務真係需要改善下？？？最後我選擇咗離開，唔想再浪費時間。

叫左一個蔥油雞髀飯有少少要求啫-》多蔥油另上（意思好難明？）首先要多蔥油，第二蔥油唔好放係飯上另外用小盒裝上之前食過蔥油放喺飯上外賣返到去飯底全部油唔好食要求左分開放，但拎到返去打開完全搵唔到蔥油嘅足跡！去左邊？主打之一冇左唔係第一次，今次係第二次咖啡走椰汁/奶，因為對椰類過敏唔食得，但知道佢哋會係咖啡凍飲會加椰奶，所以會提醒唔好加，去到拎又睇到有白色，職員望一望醒覺即刻沖過一杯其實好失望食兩次都冇蔥油，我下次叫應該呢個點叫先岩先有蔥油飯食？

每逢夜晚都無人聽電話 / 打唔到叫外賣 打左80個電話都打唔到 唔知以為執咗囉 呢啲叫食市 人又無 堂食又無 唔同啱啱開鋪嗰時 食物質素高 而家咩都差 餐牌又轉 唔同以前 就算幾多分店都無用

星期六諗住落街食個午餐，周圍都多人都預咗，咁啱行過二樓茶泰，門口個侍應就叫我入去，入到去又好神奇喎，冇人帶位都唔知坐邊，跟手我就搵一個侍問我坐邊，坐低咗叫個侍應，嘩係正面對面都可以直行直過睇你唔到，跟住叫過第二個過嚟，落咗單等，等咗一陣又上錯餐😡。跟住叫個黑色衫諗住大粒啲，應該會好啲卦，唉丫又係睇你唔到，哦～原來文化黎，上樑不正就下樑歪，忙得幾緊要，咁既服務態度，真係差到一個點，我有骨氣冇下次黎幫襯！

茶泰 Cha Thai藍田啟田商場209號鋪無意中入咗依間茶泰，諗住食個港式早餐。叫咗個沙爹牛肉麵，食完返唔到轉頭。真係好好食，我食咗沙爹牛肉麵幾十年，依間真係特別好食，一食上癮。個湯底落足心機，香茅，沙爹，花生既混湯底下，配上彈牙既公仔面，同埋淋身既牛肉，依碗沙爹牛肉麵係平均水準之上，有誠意，值得推介😋😋😋

餐廳喺啟田商場2樓星期六下午茶時間我哋等咗2張檯 等咗陣 就好快到座位坐得逼少少待應都有行過嚟問我哋食咩我哋叫咗2個下午茶餐蔥油香茅雞扒撈麵撈麵配雞扒好夾 好易入口雞扒大件好味 蔥油+香茅 重口味之選另外叫咗個輕型泰國臘腸札肉雞粒炒飯抄到好香、好好味臘腸+雞粒口感配合得好好我哋仲加咗個豬頸肉小食呢個真喺要推介俾大家好彈牙、好入味 但喺要啲時間等佢始終下午茶少啲人會叫小食嘢飲就正常發揮 整體食物質素唔錯 非常滿意 會再幫襯

今日要去藍田辦點事，辦完之後有點肚餓，見到啟田商場有間泰國餐廳，下午茶都幾多選擇，便去試一試！一打開餐牌，選擇令人目不暇給，飽肚的有臘腸扎肉雞粒炒飯、咖喱鴛鴦扒焗飯、牛肉焗飯，又有牛肉、雙丸豬扒，扎肉船麵，連泰式乾炒牛河、豬頸肉炒河、肉碎金邊粉都有，多到真的不知選那樣好！最終我選了輕量泰式咖喱炒金邊粉。雖然餐牌寫是「輕量」但碟頭也不少，材料有很多，有蝦又有肉，最喜歡加了芽菜是和芝麻。芽菜非常爽，芝麻炒得香，混在金邊粉中有泰式風味。而且咖喱不太辣，非常適合我這個不食得辣的人，今個下午茶甚為滿意。飲品方面包熱飲，凍飲+3。我叫了黑咖啡，味道正正常常。

這間位於藍田的泰國菜，多數是做鄰居街坊生意，環境燈光舒適，只是有一點嘈吵，食物味道方面，個人比較推薦辣牛肉炒貴刁，金邊粉調味十足，炒得乾身，口感彈牙，放了不同的香料，味道撲鼻

入座後點下午茶輕型芝麻汁雞扒焗飯及後向職員查詢銀魚仔是否油炸。該職員說唔清楚未食過。我再向另一職員查問銀魚仔職員說睇落唔似，我向該職員表明油炸的我不要。 我相信職員所以我追加一份銀魚仔。焗飯上枱，我見小小的焗碟上鋪滿醬汁。第一口非常咸…銀魚仔上枱，食一口，又乾又鹹是油炸了。個人係不浪費嘅人，唯有食…………餐廳室空調非常不足，邊食邊出汗。加上食物實在太鹹，我職員索取一個放醬油size的塑膠盒，職員放低一個塑膠小盒及一個小塑膠袋，二話不說取走我的帳單並加上一蚊收費。第一次用餐，不愉快。不會再去……太伏。

我淨係嗌咗一個金邊粉已經可以等咗我成半個鐘外賣自取。可想而知堂食嘅話會點。服務態度好差，前面有個人攞咗飛等位結果個職員安排第二個時代佢哋借入去坐然後同個職員理論個職員叫佢唔好嘈。嘢食又唔係特別好食如果趕時間想快啲食嘢要求嘢食好食嘅真係唔好去買。

同朋友喺藍田行山 ⛰️啱啱去到食下午茶時間又唔係話好肚餓就想搵間坐得舒唔舒服餐廳。大家都想食泰國野就二話不說入左去，我叫左碗豬排船河🍜，佢係金邊同粉絲加埋， 雖然個湯底就唔係好似泰國船河嘅味道不過勝在蒜頭未夠重，所以覺得好好食。價錢相宜，坐得舒服😌😌😌

話說早兩日去壽司郎等位嘅時候太肚餓，所以決定去隔離間餐廳食個早餐慢慢等。餐廳叫「茶泰」，可能因為早餐關係，無見到任何同泰國菜有關嘅野😂姑且當佢高級茶記咁食。重量級早餐 配熱飲 $37香茅雞扒｜餐肉｜炒蛋｜蒜香法包｜沙律菜｜薯蓉一上枱見到一大盤早餐我同朋友都「嘩」咗一聲，好大份，而擺盤明顯有用心砌過。大大塊雞扒淋上蒜蓉燒汁，好香偏重口味🤩 ；餐肉係圓型一大塊；炒蛋係炒滑蛋，下面包住薯蓉；蒜香法包其實係厚多士😂 搽滿蒜蓉牛油，烘得啱啱好，脆脆地但中間係軟熟嘅；沙律菜份量都唔小，淋上千島醬，但醬略嫌有啲多🙈果然係重量級早餐，明明諗住求其食啲野墊下胃，點知唔小心食飽咗😂📍茶泰藍田啟田道50號啟田商場2樓209號舖

未食過啲咁難食嘅船河淡而無味似水！唔係用河粉係用粉絲加金邊粉，超難食，想減肥建議你叫碗試吓，出面門口$20一盒甜品，好心啲師傅唔識整甜品唔好學人整，又係好難食呢間嘢唔會再幫襯，冇樣好食

從來都未買過三餸飯黎食嘅我, 今曰經過這間舖,見到佢擺啲餸菜出嚟都幾靚, $38有兩個餸加多$8就有多一個餸！ 就膽粗粗買咗個三餸飯成為$46! 其實今時今日喺香港買$46嘅午餐已經包埋嘢飲, 但只要好食唔包嘢飲！ 我都冇所謂！ 但可惜員工態度勝過一切！餸菜份量比較小, 女仔食都還可以嘅, 但男仕食就真係叫好少！ 餸菜少都唔緊要…..諗住重有個白飯！ 點知…問題就嚟啦⋯⋯ 個女員工用咗一個(橫4吋 x 高2.5时)外賣湯仔放白飯！………我已經知道我一定唔夠食, 本人是一個95磅女仔! 一見到個飯我已經知道就唔夠食, 所以厚着臉皮問個女員工, 可唔可以再俾多少少飯我！ 點知佢嘅態度令我真係想成兜飯退返比佢！ 女員工答: :😡仲比？已經好多飯, 你夠食架啦！要咁多飯重乜！ 我答： :🥵飯個份量真係有D少, 可否比多少少！ 我唔夠食！女員工答: 夠架啦！啱啱好用咗一個飯殼！你夠食㗎啦！冇得加少少！ 我當時心唸, 你又唔係我,你點知個白飯夠食？ 🤬講真的, 我都是做飲食！ 一大包25Kg白米來貨價$200, 大約一盒白飯成本有幾多…大家心照！ 問你比多少少飯…..有幾多錢呀.. 買得三餸飯嘅