茶泰 (啟田商場)

营业中

休息中

order食物可用二維碼或叫侍應order。遞飲品時，她說對飲品，但給錯。結果開了才知中招。黑芝麻超難飲，本來order是可可。食物是泰式咖哩炒金邊粉，味道尚可。

迷你紅咖喱鴛鴦焗飯💞沙嗲牛肉串燒🥰泰式凍豆腐😋熱椰香咖啡😍下午茶，迷你紅咖喱鴛鴦焗飯💞野味開胃，紅咖喱唔係好辣但係好香咖喱味，鴛鴦扒啱啱熟唔會太乾，上面一層厚厚嘅芝士，仲有少少芝士拉絲效果，好開胃好好味😆加配特價沙嗲牛肉串燒🥰牛肉啱啱熟，沙嗲味好好味加啲蔥花，又靚又好食☺️加配特價泰式凍豆腐😋，豆腐新鮮香滑，豆腐味濃，芝麻醬加脆卜卜蒜蓉絲，另外加咗啲特別配料，好滑好好味❤️熱椰香咖啡😍椰子味嘅濃味咖啡，唔係間間都有，好香椰子味咖啡亦都好滑好順口，必飲⭐️

禮拜一下午茶時間 唔算忙嘅時段叫左碟炒飯 15分鐘見到遲過我叫嘢嘅幾檯都黎曬咁咪問一句有冇漏單黑色衫個位侍應 好唔耐煩咁叫我等陣我問多句幫我問一問大概幾耐左右到 唔該佢望都唔望我就走左去20分鐘嘅時候 我見到其他檯d炒飯都到曬咁滯問多一次佢都話幫我睇緊有冇漏單30分鐘嘅時候我真係頂唔順 問第二位同事話比個最後時間我呀唔該佢話漏左單 叫我等多20分鐘ok嗎咁姐係兩次都冇幫我睇過就咁敷衍人？態度真係差到離譜廚房都好離譜 點解可以漏完單話起碼20分鐘 等就等 唔等就算咁 你漏單唔會優先處理係咩玩法？你地d炒飯係絕對8分鐘出到個質素黎 20分鐘姐係重新落單做曬其他單嘅時間啦黎食飯要預左惡劣嘅態度 忍受所謂冷壓嘅檸檬汁水（其實做過呢行都知道一係superjuice 一係叫貨）同埋預作冇飯可以食藍田人真係慘 呢間野咁都生存到 真係連狗都不如

幾次嚟親都冇油飯，有時咩都冇，真係唔知搞咩，係咪真係想做生意，晚市時間黎 ，火鍋幾次嚟又話冇晒 ，同你哋回應 話係限定嘅 唔該寫返限定啦大大隻字，有一次食到火鍋態度衰㗎啦 只不過想加嘢啫 就好緊張收唔到工咁樣 加個公仔麵啫使唔使呀，同埋我想知道嗌咖喱都唔配飯係咩玩法。

起初叫咗碟正價飛天通菜，分量少得可憐似套餐，同待應講，叫佢check 清楚是否俾錯，佢話冇晒通菜所以少。我話你有冇搞錯？可以同我講已無乜通菜，叫其他，求其上菜客人唔出聲就當冇事。香港飲食業 爭氣啦，難怪深圳搶客，你俾乜客人食呀？仲叫咗豆角碎肉，d豆角走油走到淋哂軟哂 定唔知煮好後放咗好耐 ，簡直不知所謂唔知食緊乜！又鹹又油。明爐烏頭d湯底完全冇味，連應有配菜都慳返，如草菇 番茄仔等。d肉碎處理不當，一陣叔味。冇下次，浪費金錢加浪費一心帶老人家吃飯時間。

看了食評才知道原來很多食客都領教過這餐廳侍應的無禮。上星期六去食早餐，見有位就行入去，明明有位，阿姐都要我地去四人枱搭枱，原本的食客即出聲話點解要逼埋一齊？我問可唔可以坐其他吉枱，阿姐不情願話你坐啦就行開。跟住我問可唔可以畀2杯水，後生d紥馬尾的阿姐十問九唔應，我轉身睇到原來是自助的，問點解唔講清楚，阿姐話唔係只服侍我地，唔得閒理我地，隔離枱女食客睇唔過眼，話第一次來，咁差的服務以後都唔會再來，我都係咁話，無下次😡

😡😡😡😡😡😡😡😡😡😡😡😡😡😡😡其實係先前嘅事，但係我一直耿耿於懷，唔開心到今時今日，我唔明白點解經濟已經唔好，唔係應該俾心機做好自己份工咩？點解啲侍應嘅態度可以差到咁。。。。。我一家四口，晚上去幫襯，諗住簡簡單單食個快飯，見入邊冇咩人咪入去坐囉，我坐低咗一張枱先發現我隨身嘅物品，冇位擺，我就問侍應，可唔可以轉去梳化位坐，侍應話：「可以，不過枱上面嗰啲水同餐具，你自己搬過去。」咁冇辦法啦，鬼叫係自己麻煩要調枱咩！！咁咪死死氣自己搬囉，坐低一家四口諗好食咩，叫人落單，當然係叫咗好多次都冇人理啦，佢哋成班姐姐活喺自己嘅空間，好享受自己悠閒嘅工作環境，完全冇主動幫現場任何一個人。侍應姐姐走到過嚟問我哋食咩？我問佢仲有冇黑椒三寶飯？侍應姐姐一面無奈的樣答我:「小姐⋯⋯⋯⋯⋯三寶飯係午餐嚟㗎」（當時侍應的態度、樣貌、身體語言、都非常之不耐煩，好串，好乞人憎！）答完我一句說話之後，就轉身走咗！我一台四個人，就算我嗌錯咗一個餐，咁你都可以問吓其他人食咩，落單先啫，唔使擰轉身走咗去啊。。。。。我嬲到馬上走咗！其實我成日幫襯架，雖然唔算熟客，但每個月都有三四次，已經幫襯咗好幾年，但嗰一次之後，我冇再返去幫

雖然經常經過這商場，但都係第一次食呢間餐廳，叫咗個蔥油雞髀配脆邊煎蛋飯，雞髀炸到燶晒柴皮咁，煎蛋過熟冇流心，蔥油過多成個碟底都係油，太差了😒餐飲凍奶茶係正常嘅！

平時經常到店用餐。見Menu無因年假加價。order 一份早餐後，送來付款單，便見到加一服務費。店員話初一至四要加一服務費。加一不是問題，問題是要通知食客。送餐速度保持水準。食物質素無下降。味道一樣好。分量跟平時一樣足。但咖啡叫少奶，仍然是多奶。食完付款後，睇一睇店舖無張貼年假加一服務費告示。

收工經過茶泰 去到門口見無人等位 入面好多吉枱 諗住拿拿聲有得食就行入去坐低 舉左十分鐘手 都扮睇唔到終於等到有個黑色衫 一名黑衫女職員行過黎問:邊個放黎入黎㗎 要拎飛㗎喎出面啲人都等緊飛 然後轉身走左無幫我落單 😡 之後我就行出門口睇 都無人拎飛 得一個人等緊外賣真係好嬲 呢啲職員真係趕客 最後我就無食到走左人真係一肚氣 明明勁多張吉枱 我入黎都無人等緊位 但就入黎俾你惡意對待 我唔會再黎食

今天一心諗住同爸爸媽媽慶祝生日食飯，我地一行8人，19:20有位入座，一開始想叫最經典的生菜包、餐牌貼住冇、想叫黃咖哩，餐牌又貼住冇，想叫椰青湯底打邊爐、佢話冇晒煲。算、咁我哋就叫其他啦，紅咖喱、手找餅、炒菜、串燒、炒飯、炒金邊、明爐魚，好快就食晒，就差條魚未黎。阿姐走黎話冇魚，咁諗住叫蝦餅、阿姐話冇，然後叫左鳳爪、泰式烤豬頸肉、炸豬皮，烤豬頸肉黎到唔係烤係焗，仲要冇泰式辣醬點，阿姐話岩嫁喇。呢餐未夠20:10已經食晒啲嘢，因為咩都話冇，連想放蛋糕都話冇雪櫃，仲要收$50切餅費，傻的嗎？就連碌卡都冇得碌。呢間野真係咩都冇，以前開頭都好似好地地，但就越黎越差，以後都唔會再黎呢間野食，乜都冇同我食茶餐廳都冇分別！

見佢開咗咁耐都未試過今日有啲時間諗住去食個早餐我一入去 門口個阿姐就叫我坐個阿叔隔離我諗住行入少少望下有冇其他位門口個阿姐即刻截住我同我講一個人係要搭枱㗎啦我唔係唔搭 我只係想望下有冇得坐喺啲姐姐嬸嬸隔離然後門口阿姐同我講，你唔搭就出去攞飛等位但嗰時嗰唔係爆場既門口有人走我都無要求要坐但點解一定要我坐係個阿叔隔離咁既服務態度淨係受佢氣都夠都唔洗食啦住係附近咁耐都未食過呢間野以後都唔洗旨意我會幫襯佢！！

本身係附近住客 以前都成日去食 近呢半年見佢啲服務愈嚟愈差 想落單食嘢舉手成5分鐘個個見到扮唔知 都算 成功落到單 一等就等4-5個字先出到個餐 店員態度又差 完全係hea住做 食物質素雖然唔可以話係差 但遠遠未至於好 比較起上嚟我寧願食其他餐廳都唔食佢 以後都唔會再幫襯

本身嗌個水門雞飯 話個飯要轉 咁就改食咖喱雞 再加一個白飯 點知 個侍應轉頭靜係比咗個白飯我 然後 就不了了之 後來 又唔知睇返張單 點咗三個飯 叫佢退返先至重新打過張單 但呢個時候仲係未有個咖喱雞 然而 我已經等左半個鐘其實都唔係介意個食物質數 而係 發現咗問題之後 問完一句就行開咗 我前前後後都問咗四個侍應 為咗一個咖喱等9個字 實屬非常過份

早餐選擇非常之多，令到我都唔知早餐食啲咩好。😂😂最後左揀右揀就揀咗一塊牛扒、炒蛋、配薯蓉加田園沙律、香草腸同一份蒜蓉多士。配一杯黑咖啡。其實我想講，早餐嘅份量真係非常之多。食完牛扒炒蛋同埋薯蓉，已經好飽。牛扒大大塊非常之Juicy。香草腸亦都好好味，唔會好油，薯蓉整得好淋，食完之後非常之飽。😎😎田園沙律就可以中和左個味道，咬落非常之爽口。蒜蓉多士大大份蒜蓉味好香，多士焗得好脆。小弟認為呢個早餐性價比非常之高，值得推薦