茶湯會 (豉油街) (已結業)

唔知飲咩好，就黎左簡單d ge茶湯會。而家做緊cny theme,而且加十蚊就可以換購環保杯袋。價目表上大部分都係啲好普通嘅 台飲今次就揀咗杯冬瓜鐵觀音茶 微冰21蚊等待嘅過程， 店舖提供咗免費試飲新產品桑葚果茶。味道偏甜。等咗唔使十分鐘杯冬瓜鐵觀音就到手啦。 冬瓜鐵觀音實在太甜，完全冇茶味。好似飲緊糖水咁。

今日約左朋友去旺角波鞋街行街，經過旺角茶湯會，職員遞上一小紙杯的觀音拉鐵，便被熱騰騰的觀音拉鐵吸引。我即係刻買了一杯熱騰騰的觀音拉鐵，在寒冷天中飲一杯確實是回味無窮。

早幾日想寫食評，但發現upload錯左，而家寫番先～呢間茶湯會係我屋企附近，平時見好多人排隊，心諗有無咁好飲，有日夜晚行過可能都成10點，見無乜人，就去買杯試下咩料先，我叫左杯凍既芋香銀玉翡翠拿鐵（走甜），飲落覺得麻麻地，d芋泥好似無乜芋香，個d銀玉又同其他味道唔太夾，我對呢杯野就真係麻麻，不過總有知音人既

旺角珍珠奶茶店開到成行成巿, 今日經過附近打算買杯飲料解渴, 經過茶湯會見易拉架今日2-5pm做緊優惠.... 平時正價$26 現在$9一杯鐵觀音拿鐵, 原來為慶祝第九間分店開業只要身份証有九字, 再like 同share facebook就可以享用 , 不過人龍唔算多~ 本身無茶不歡 , 適逢優惠做鐵觀音簡直係岩哂~ 份量剛好, 無要求少冰但冰不算多, 鐵觀音茶味香濃, 加埋拿鐵奶味非常夾, 無要求少甜又唔會太甜.. 感覺賺了 ...

開在鬧巿同的茶湯會，可選擇的飲品種類頗多。叫了杯珍珠奶茶，里面的珍珠稍嫌失望，是小小粒的，沒有口感。茶和奶的味道不夠濃，價錢快不便宜。還是傳統，大珍珠的比較好喝。

宜家香港既台式手搖飲品舖可以話真係百花齊放。而係旺角，台式手搖飲品舖更加係多到好似seven eleven咁，總有一間係你附近。宜家黑糖乜乜乜乜當道，最原始既珍珠奶茶變得小人飲，但茶湯會既茶係唔同d既。多得宜家台式飲品店太多，令到等茶湯會既時間小左好多，唔洗等半個鐘咁耐。觀音拿鐵一如既往係我既最愛觀音茶加上鮮奶，比起一般既奶精奶粉珍珠奶茶好飲得多，健康得多。就算再開多幾多間台式手搖飲料店，茶湯會都會係best choice

話說第一次 初嚐 豆漿紅茶係在 工廈 食 台灣野 覺得個配搭好新鮮而叫而今日去MK做facial問個美容師 呢頭有咩好飲而她就推薦呢間 茶湯會 同另一間(都會寫下食評)跟住美容師講個location, 終於到la而我就揀左豆漿紅茶+銀玉(小白珍珠)飲品 --份量唔會太大杯冰量-- 雖然我無特別提及要少冰但同少冰個冰涼度 差不多口感 --銀玉 就係細粒 白珍珠形狀係小球體 而口感就似白涼粉咁味道--唔會好甜 同我第一次飲一樣都好有豆味 而且質地都好滑 果然無推薦錯

這一日，路經這間「茶湯會」，見有點口渴，約會的時候又未到，即興地在這兒購買了一杯期間限定的「桑椹果茶」（推廣價，$24），一解唇乾舌燥之苦。 下單後，等了一會，茶已備好。這紫紅色的冷飲，果味頗濃，甜味重酸味輕，充滿桑椹甜味，冷冷的喝下去，透心的涼。也許，這飲品是稍甜了點，假如可以酸味重些，甜味輕些，會更加好喝，也更加合我的口味，不過在大熱天時，來一杯「桑椹果茶」，消暑解渴，還是挺不錯的。

■ 熱紫米芋香拿鐵 $32飲落有紫糯米同芋頭粒 咬吓食吓 飲得兼食得🤘🏼之前冬天飲過一次仲正 暖笠笠 今次去見到MENU冇 以為冇 直接問店員原來仲有賣 噢！原來係冬季限定嘅飲料嚟嘅！但不過過咗冬天都可以賣？女人一個月有幾日係會特別想飲熱嘢咖嘛～

由於天氣太熱,經過見到有間嘢叫茶湯會,想去試試,去到見到支付寶領券可減5蚊,就打算用餘額所剩無幾的支付寶找數,掃多個QR code都搵唔到所謂優惠券,所以問店舖員工究竟掃邊個code先有優惠,員工話直接俾支付寶個cide佢掃就得,聽到後覺得好奇怪,明明上面寫住領券先減5蚊,所以問咗好多次,真係直接俾佢掃就得?員工話係.掃完計返根本冇減到,所以就問返收銀,但個收銀改口話唔知,反正我收你42港幣.大佬,唔係減唔減5蚊問題,我要飲就算你唔減5蚊俾我我都會飲,但收銀唔識係唔係應該去再培訓?或者直接唔好擺塊牌出黎話人知有優惠?既然你擺得出黎係唔係應該可以清楚解釋到優惠入面啲內容包括點樣先可以用到個優惠?當我咁樣問個收銀嘅時候,個收銀一直用無辜樣望住我,我想講無辜唔等於你適合做呢份工囉!既然你唔清楚個優惠係點用,係唔係應該搵其他熟悉嘅同事黎做?或者問下其他同事?而唔係一前一後兩個樣?再加上攞到飲品後,並唔覺得有咩特別,5蚊好少事,但產品冇特色,服務跟唔上,唔會再有下次

以幾日真係好熱好熱，行街10分鐘已經出晒汗，真係頂唔順，要去買d 野飲補充下水份，聽朋友講以間茶味好重好香，所以黎試，門口已經大排長龍點知店員同我講冇晒綠茶，一早賣晒，最後我地買左冬瓜檸檬同檸檬力多冬瓜檸檬飲落去第一啖酸酸甜甜，冬瓜味不太出，檸檬遮蓋了冬瓜味，如果比例平均少少就好啦，只飲到檸檬味檸檬益力多買既時候諗緊飲完會唔會搞肚痛，益力多同檸檬好夾，好清新，唔太酸，亦唔會遮蓋益力多味！下次一定要買到綠茶飲品

🍓🍓草莓控最愛 推介:   草莓奶茶😍😍😍😍(5分滿分)位於旺角的茶湯會，是台灣第一品牌連鎖飲品店💕，曾經買過一次請同事喝，人人都讚好好喝，當天經過旺角分店，看到有新產品出售，我就嚐一杯吧粉紅色的飲料，可愛又吸引😍，少女心爆發啦，雖說是奶茶，但味道更想草莓沙冰😝，甜甜的滋味，帶有冰沙的粗糙口感，夏口透心涼，好好喝阿…………………👧 Hong Kong , 茶湯會….....….........

珍珠紅豆拿鐵 HKD27 聞說呢杯latte用左醇奶嚟整，感覺真係零舍不同！奶滑微甜，珍珠細細粒又Q彈，幾好咬口，整體感覺唔錯，但如果可以食到多啲粒粒紅豆會更好～ 下次可以再試下佢其他野飲。

天氣熱，行行下街想買杯野解下渴，一抬頭就見到呢間台式飲品專門店價錢廿蚊杯起，屬大眾價，款式都以鐵觀音沖調為主，據我所知為一種屬涼性既茶種，既解渴又清熱，所以就係呢間買杯野飲下。揀左杯「芋香珍珠濃茶拿鐵」一拎起感覺到凍飲中既冰唔多，即是份量足，唔會有冰調淡味道，不過溫度不至於冰凍。第一啖已飲到好多細細粒珍珠，唔係太煙韌，味道方面意為自己冇左味覺，明明係order濃茶，但完全冇茶味，味道就似1/3淡奶，再溝2/3既水一樣，淡而無味。我用左$30去買呢杯野飲，早知去買支礦泉水好過！

一直都有好友話呢間茶湯會好好飲，今日行旺角時就順路試試先晚上7點半左右，以為正值晚飯時間會少啲人，錯喇，人龍排到出馬路再轉彎，一邊排隊一邊諗飲咩好。其實除左咖啡之外，我好鍾意飲茶，紅茶綠茶都岩，喜歡偏濃口味，所以最後揀左觀音拿鐵，希望一次過可以滿足我兩個願望啦。人太多，等左超過十分鐘，而且真係好口渴，所以立即大口品嚐！一飲就係香濃奶味，微甜，慢慢再滲出茶香，但感覺偏淡，是清爽型嘅茶種，鮮爽感覺都捉到，但就係唔夠持久，適合喜歡清淡口味嘅人，我呢？不了。