茶舍 (北帝街)

营业中

休息中

同朋友都有選擇困難症見到有二人套餐，二話不說即刻order 我哋揀咗A+B $268呢個餐已經包咗沙律，餐湯同埋小食蒜香雞翼羅宋湯好足料牛肉味好濃蒜香雞翼炸得香口 大人細佬都啱食🤩我哋揀咗肉眼扒配薯條肉眼扒好大塊 揀咗七成啱啱好一啲都唔會嚡口 中式扒房質素👍🏻薯條份量都好多仲會有啲蔬菜作為配菜，翠玉瓜粟米做到均衡飲食啊😂蝦汁龍蝦仔蘆筍長通粉都幾多粒龍蝦仔 佢個汁好食wow 有驚喜意粉煮得又恰到好處另外我哋嗌咗兩杯特飲有芒果 & 紫薯味道我同朋友都鍾意芒果味多啲 - 芒果雜果生椰乳好夏日嘅感覺 好味嘅😍 下次試吓佢啲焗飯先都見到好多人食份量又大碟喎 另外服務員個個都好有禮貌唔似其他茶餐廳咁🤩

今晚去開土瓜灣，順便買埋夜晚返屋企食，見到呢間茶舍好多唔同選擇，方便同屋企人share嚟食。叫咗一份白汁芝士焗西蘭花，一份魚子三文魚蛋炒飯，一份米蘭肉醬焗意粉，另外加咗錢去特飲，叫咗一樽綜合水果紅茶。白汁芝士焗西蘭花，芝士味濃郁，西蘭花都幾新鮮，仲有一啲配菜例如蘑菇同埋煙肉，都幾有性價比。魚子三文魚蛋炒飯勁香，啲飯粒粒分明，配菜都係有蘑菇，感覺都幾健康，同埋都炒得幾均勻。米蘭肉醬焗意粉，味道唔錯，有蕃茄嘅酸甜酸甜，幾開胃。綜合水果紅茶，好足料，睇到有唔同生果，同埋飲落味道係健康嘅，冇落好多糖，有水果嘅甘味。

厚多士也是非常有口感厚實的厚多士，外層酥脆，內裡柔軟 每一口都能感受到滿滿的奶香和蛋香加上厚多士的綿密口感，讓人愛不釋手我覺得厚多士的香氣撲鼻，一口咬下去，絕對是一種幸福的享受喔港式茶餐廳這間真的很地道！

朝早做完一輪嘢，嚟茶記醫肚就啱晒蒲燒鰻魚炒珍珠飯 - 粒粒分明，啖啖都食到鰻魚，夠鑊氣又香濃菠蘿鮮茄三層焗豬扒飯 - 滿滿嘅芝士、炒蛋、鮮茄同鮮菠蘿，味道豐富，豬扒口感軟腍白汁芝士焗西蘭花 - 啖啖都食到芝士、煙肉同香菇，唔會焗到乾晒蒜香雞翼 - 皮脆肉嫩，鎖到肉汁，蒜味香濃凍奶茶、凍檸茶 - 茶底香濃，解渴提神店面又新又乾淨，座位闊落，冷氣又夠，茶記嚟講好好坐唔同時段嘅選擇都好多，份量十足，味道唔錯，侍應姐姐又親切，整體好抵食

今次同大家分享一間平日經常會食嘅餐廳，趕時間之下外賣自取返屋企食就最啱😬今次咁啱去個時間有齊下午茶同晚餐，咁就兩樣都叫黎試下啦蒜蓉雞扒滑蛋包飯 $58雞扒超級大塊，煎得好靚仔，肉質滑嫩，有淡淡嘅蒜蓉味👍🏻而蛋包飯嘅重點當然係蛋，見到蛋呈鮮黃色，感覺好新鮮，但可能因為係外賣嘅關係，拎到返屋企會熟左少少🤏相信堂食嘅生熟程度會好d黑椒牛脷粒飯 $60雖然寫住係牛脷粒，但牛脷係超級大塊，應該叫牛脷塊😂入口口感爽彈之餘又唔需要嚼好耐。值得一讚嘅係黑椒汁有一大兜！絕對足夠送曬成個飯😍碎蛋三文魚沙律牛角包 $43碎蛋份量超級多！賣相好澎湃😍以致我一開頭仲搵唔到三文魚喺邊，其實係隱藏係碎蛋下面😂😂呢個組合我諗都唔駛多講，好好味，牛角包嘅牛油香都好出😋😋蒜香雞翼 +$18跟餐追加價有2隻，雞翼都幾大隻，表面做得金黃酥脆，蒜香味濃郁👍🏻👍🏻見有客埋單嘅時候都大讚！柚子雞翼 +$18呢隻嘅口感亦都好出色，同樣外脆內軟，味道就fresh d，柚子嘅甜味好開胃🤤

阿媽話今晚有事冇煑飯，叫我去完街就買外賣返屋企食，經過土瓜灣茶舍，見餐牌都有好多選擇，價錢親民，就買些回家做晚餐。吉列豬扒咖喱蛋包飯：大大塊豬扒炸至金黃色，外脆內嫩，滑溜炒雞蛋配以濃郁咖喱汁，蓋在熱騰騰的飯面上，口感同味道都唔錯。魚子三文魚蛋炒飯：炒飯香噴噴而且粒粒分明，材料有三文魚、魚子和菇菌，好味有口感！米蘭肉醬焗扁意粉：加左肉醬嘅扁意粉焗至金黃色，食落味道濃郁，酸酸甜甜帶有米蘭風味的口感。碎蛋三文魚沙律牛角酥：牛角酥陣陣的牛油香氣與豐富的碎蛋餡料相得益彰，每一口都有滿滿濃郁滑順的蛋沙律，加埋煙三文魚，更加滋味！午餐奉送熱飲奶茶香醇濃厚，口感幼滑。

呢間「茶舍」，有點似茶餐廳，又有點似cafe入去坐低食個午飯先入到餐廳已經下午兩點多，可以叫下午茶，見到都好多款式好吸引不過我太餓了都係想食個飯午餐都有好多選擇，樣樣都好似好好味咁😆叫左「濃蝦湯海鮮飯」估唔到又幾足料咁多海鮮！海鮮有帶子、蜆、魷魚、青口、蝦，第一啖當然要飲啖湯試下先啦，好濃蝦味，海鮮味，好濃郁，唔係水水稀稀果重，睇得出呢個湯應該都落左好多材料，絕不馬虎。然後連埋米飯一齊食，真係好好食！連米都係日本米，材料唔簡單一啖有湯有飯咁食落去，好舒服好好味，平時食米線都唔會飲湯的我，最後基乎飲晒成碗湯，好飽好滿足！原來叫午市套餐加$16就有個蛋糕食，所以叫左個柚子芝士蛋糕。平平地都唔算好大期望，點知又幾香柚子味，唔係得個甜字果種，芝士味又剛剛好濃郁，食埋甜品覺得好完滿☺️聽侍應講日日甜品都會有唔同，叫之前可問下先，或一開始去門口望下個蛋糕櫃先。

今日放工攰攰地就呢間買個外賣返屋企食。見到呢間喺唔少地方都有分店嘅餐廳-茶舍。一入到嚟個裝修光線都好光猛網絡幾乾淨企理。位置空間唔算太大但係都坐得幾舒服。店員請我係店內坐住等外賣。估唔到嗌外賣都有呢個水準。牛肋骨滑蛋包飯 $80蛋包飯內裏有醬汁食落去好香。飯粒粒分明口感唔錯牛肋骨味道香濃，味道適中，有口感。紫薯椰乳特調 呢款飲品飲落有濃郁嘅椰香同埋紫薯香兩種味道混合埋一齊味道都算夾。原條魚柳包➕薯條 $88魚柳外脆內軟加上特別嘅醬汁同埋沙律放喺包入邊味道非常唔錯另外唔單止味道好份量也好充足加上薯條如果唔係好大食嘅話兩個都可以share一齊食嘅。叫魚柳包再可以加送沙律或者薯條。今次揀咗薯條薯條金黃酥脆鹽味適中。味道不錯！

茶舍位於土瓜灣，估唔到呢個地段咁多新建豪宅都有咁貼地抵食嘅餐廳～食物質素仲唔錯添！先講吓個咖啡，非常香濃提神，不過怕苦嘅朋友就可能未必飲到。推介大家試吓軟殼蟹蜆意大利麵，軟殼蟹煮得好好食，本身作為一個海鮮控即刻愛上，估唔到係平民餐廳呢啲高級食材，而且仲整得幾好食～龍蝦湯海鮮飯又係超好味😋飯吸收晒湯同蜆嘅鮮味，仲有大大隻元貝同埋蝦，非常豐富鮮甜美味！最後講吓個雞翼，叫餐追加超抵食，外皮燒得好脆，裏面仍然鎖住雞嘅肉汁好juicy，食材都唔錯肉質彈牙，推介大家一定要追加埋～總括而言，茶舍性價比高，貼地cafe有西餐鋸扒又有海鮮食，推介大家大陸都唔使返可以留港消費😍

門口有咪錶，幾方便。早餐價錢算平，尤其是扒餐，比其他茶餐廳平。豬扒，加豬柳炒蛋，丹麥多士，仲有啲沙律菜，才$40。豬扒大塊，好食，炒蛋都OK。咖啡係即磨咖啡，都算OK 。衛生一般般，唔算話特別乾淨，裝修都比較殘舊，同埋坐得幾迫，啲枱好細張，兩份早餐擺完成張枱滿晒。食早餐快快脆就冇乜所謂。侍應姐姐好熱情，招呼幾好，冷氣凍又幫我換位，同埋人手落單，唔使自己QR code ，仲方便又快脆。因為抵食味道OK，下次經過都應該會再幫襯

茶舍位於土瓜灣，呢個地段都有唔少新起嘅樓宇同埋豪宅，但係估唔到今日都搵到咁抵食嘅cafe~ 餐廳主打一啲西餐，例如意粉鐵板燒等等，食物質素都唔錯，性價比相當高！首先講吓濃蝦湯海鮮湯飯，個汁非常之香濃，撈飯食一流！海鮮飯仲有好多款唔同嘅海鮮，包括青口、蝦、帶子、蜆同埋魷魚等等。海鮮份量多，同飯一齊吸收晒湯嘅鮮味，特別好食😋叫咗一個小食椒鹽雞翼，追加價錢特別平，抵食之餘炸得香脆，裏面雞肉仍然保持嫩滑鎖住肉汁，廚師功架一流😋最後講講鐵板燒，塊肉大大塊，呢個份量去西餐廳食起碼都要三百幾四百蚊，加少少汁炸落鐵板即刻噴晒煙，香氣撲鼻，正！整體而言，呢間餐廳價錢非常貼地，令學生哥或者想平平哋食一餐嘅朋友都可以享用到鐵板牛扒、海鮮飯呢啲高級菜式，良心小店值得支持😍

😡差評。唔會再幫襯。沙嗲牛肉麵酸嘅，食完連續兩日肚屙同嘔，同埋頭暈，你哋有冇認真處理食材 ，答案呼之欲出。南瓜雞肉意大利飯，食食吓有牙籤喺入面，可見衞生情況令人擔憂。如果嗰陣冇小心睇到，可以想象到後果係幾可怕。

It offers a diverse menu that showcases both hits and misses. The Baked Rice with Tomato Sauce is a comforting and satisfying dish, the rice cooked to a fluffy perfection and the tomato sauce providing a bright, acidic balance. The Seafood Spaghetti is a delightful affair, with tender noodles and a medley of fresh, briny seafood. The Side Salad is a refreshing palate cleanser, the greens crisp and the dressing well-balanced. And the Lobster Soup is a creamy, indulgent treat, the rich lobster fla

之前喺大埔都食過呢間餐廳，原來土瓜灣都有，咁就直接買返去朋友屋企食😎今次去食覺得個職員真係好有禮貌，會簡單介紹吓有咩好食，又唔會提我哋嘢飲飲唔晒，可以放雪櫃魚子三文魚蛋炒飯 $60炒得好香😍好多料三文魚夠足料，愛蛋夠碎夠香口，整體好夾味！日式特製蒲燒鰻魚丼飯 $64超大片燒汁鰻魚好好味😌😌亦都好厚身，唔會一夾就散，味道很不錯👍🏻👍🏻👍🏻鰻魚上面仲有啲木耳絲飯份量唔細，男仔都會夠食，口痕想食鰻魚飯，冇諗過茶餐廳都可以做得唔錯！蒜蓉汁香草雞扒滑蛋包飯 $48超級推介呢個飯，因為真係好抵食，雞扒有兩塊超大塊，唔使擔心係好薄嗰種，厚度正常，雞皮煎得香脆。蛋炒得好靚、色澤鮮黃蛋味香，呢個飯性價比真係好高！

茶舍 (北帝街) (土瓜灣)📍土瓜灣北帝街15號地舖🌟 **原條魚柳包 配薯條 🐟🍟**- 呢個魚柳包真係超抵食！🐟 魚柳大到好似一塊滑浪板咁，去衝浪 🏄‍♂️🌊，一口咬落去，外脆內嫩，魚肉鮮甜多汁，真係好滿足！🤤 配埋香脆的薯條🍟，一齊食真係絕配！👍🌟 **柑橘炸雞件 🍗🍊**- 呢個柑橘炸雞真係一試難忘！🔥 外脆內軟，咬下去嗰陣陣柑橘香味🍊，真係令人食完仲想再食！ 😍 炸得啱啱好，唔會太油膩，味道清新又有層次，真係超好味！🤩🌟 **白汁芝士焗西蘭花 🧀🥦**- 白汁芝士焗西蘭花真係健康又美味！💚🥦 西蘭花焗得啱啱好，口感鮮嫩，加上濃郁的芝士🧀，一啖落肚，健康同時又有罪惡感🥰，真係好滿足！ 芝士香濃但唔會太膩，真係正！😋🌟 **星級特飲: 紅菜頭芒果梳打真的是一種讓人無法抗拒的飲品！🍹✨這款飲料將紅菜頭的自然甜味和芒果的熱帶風味完美結合，每一口都讓人感受到滿滿的清新與活力。🍷🥭🫧🫧讓整個飲品變得更加有層次感。✨🧊冰涼的感覺立刻撲面而來，讓你在炎熱的天氣中感到無比清爽。🌞❄️推薦俾所有鍾意美食嘅朋友！🙌💖 食物質素高，價錢合理！👍🍽️