茶舍 (北帝街)

营业中

休息中

今晚去开土瓜湾，顺便买埋夜晚返屋企食，见到呢间茶舍好多唔同选择，方便同屋企人share嚟食。叫咗一份白汁芝士焗西兰花，一份鱼子三文鱼蛋炒饭，一份米兰肉酱焗意粉，另外加咗钱去特饮，叫咗一樽综合水果红茶。白汁芝士焗西兰花，芝士味浓郁，西兰花都几新鲜，仲有一啲配菜例如蘑菇同埋烟肉，都几有性价比。鱼子三文鱼蛋炒饭劲香，啲饭粒粒分明，配菜都系有蘑菇，感觉都几健康，同埋都炒得几均匀。米兰肉酱焗意粉，味道唔错，有蕃茄嘅酸甜酸甜，几开胃。综合水果红茶，好足料，睇到有唔同生果，同埋饮落味道系健康嘅，冇落好多糖，有水果嘅甘味。