茶舍 (MOSTown新港城中心(5期))

营业中

休息中

☕️🍃 【 茶舍 • 𝗛𝗜 𝗧𝗘𝗔 】 🍃☕️⋄ —————⧫♟⧫————— ⋄位於新港城中心地下轉角呢個舖位，餐廳易手完一間又一間，直至「茶舍」進駐，似乎終於能夠打破結業的宿命😏每次用餐時段經過，都見到勁多食客排隊🔥🔥 今日趁住下午茶時段顧客唔多，立即入去試一試 。唔算好肚餓，點叫了「牛油果龍蝦沙律」🥗 可選半隻或全隻龍蝦，前者$138，後者$248🦞 我呢份係半隻的，但份量已經相當驚人，一個人食都好飽‼️ 龍蝦已經拆肉，可以直接食啖啖肥美的龍蝦肉😋 龍蝦頭仲有唔少膏，可以慢慢啜🤭 沙律雖然採用罐頭貨，但加入不少新鮮牛油果肉🥑誠意十足👍🏻另外點了「黑松露野菌炒蛋牛角酥包」🥐 一上桌就香噴噴，散發住香濃黑松露香味☺️ 牛角酥香脆，炒蛋則可以用澎湃嚟形容，加埋野菌，非常豐富🍄「茶舍」嘅食物用心製作，份量多又抵食，終於明白點解佢咁受歡迎👏🏻⋄ ┄ ┄ ┄ ┄ ❖ ┄ ┄ ┄ ┄ ⋄🦞牛油果龍蝦沙律🥗（$138/半隻)🥐黑松露野菌炒蛋牛角酥包🍳($43)⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：茶舍 (新港城中心(5期)) (馬鞍山)馬鞍山鞍祿街18號MOSTown新港城中心(5期)地

馬鞍山出名係美食沙漠新開左間新肆即刻要排隊晚飯時間都有6-8人排緊但入座都好快等左15分鐘左右地點唔太近地鐵站要花啲時間搵搵菠蘿鮮茄三層焗豬扒飯$58同平時食開既大型連鎖店比高質多了米係用珍珠米豬扒肉質白色在肉感睇得出靚料啲如果多啲茄汁就更惹味千島海鮮pizza $68Pizza都有好幾款海鮮呢款好足料超多魷魚圈蒜香雞中翼$36/4隻新鮮炸起超脆每隻雞翼都脆卜卜同埋好多肉小朋友實好鍾意柑橘炸雞件$38超推薦呢款雞件無骨啖啖肉仲要啲雞肉炸完都好滑身唔乾配埋柑橘醬酸酸地超解膩兼開胃好難得menu 有杏霜飲唔使加一QR code落單

在馬鞍山打完波，到附近醫五藏廟，據聞馬鞍山是美食沙漠，竟然在馬鞍山新港城商場地舖見到(茶舍)開咗分店呀🥰，之前在九龍灣、土瓜灣都食過份量和質素都ok👍👍，店員都有禮貌，而且外賣有折扣優惠👍❣️蒲燒鰻魚滑蛋飯+星級套餐(沙律及餐湯)鰻魚肉質鮮嫩多汁，蒲燒醬汁香甜可口。滑蛋蓬鬆細滑，與鰻魚完美融合，帶來豐富口感層次🫶🫶最抵食加$12有新鮮翠綠沙律菜和香濃誘人餐湯❣️慢煮咖哩牛腩飯牛腩軟嫩入味，慢煮使肉質更加鮮嫩。咖哩醬汁濃稠香濃，帶有微微辣味。😋❣️蒜香雞中翼外皮酥脆，充滿蒜香味，入口後爽脆多汁。雞肉嫩滑細嫩，與蒜香完美融合。❣️朱古力芝士蛋糕濃郁香濃，口感綿密細膩。芝士層和朱古力層交識出完美的平衡，甜而不膩。

最近屋企附近開咗間新餐廳，Lunch Time經常都排長龍，偶爾豬太郎都會偷懶落嚟買外賣同老公食，價錢$69-$188都有，去到$169都有安格斯牛扒食㗎！.➜蒲燒饅魚炒珍珠飯本身以為偏中式嘅炒飯，但一開盒就見到好多木魚絲，和風味Max！饅魚份量都唔少㗎，仲有啲菇、粟米等嘅配料。老公仲話下次嗌一個飯兩個小食就夠，飽得濟。lol.➜軟殼蟹白酒海鮮意粉見到海鮮意粉又有啲心動，除咗軟殼蟹都有唔少蜆肉㗎，用白酒煮過嘅意粉好香，唔係忌廉煮上嚟啖啖汁個種，比較乾身小小嘅煮法，但味道都唔錯㗎。.➜柚子雞翼柚子蜜除了用來沖嘢飲，原來用嚟煮雞翼都好正！香甜帶有柚子香嘅柚子雞翼非常好餸飯！有時煎雞翼會覺得太乾，呢啲半煎半炆嘅就啱啱好～ .#msmessypig_food

Exploring the Ma On Shan area, we saw a lot of people inside this cha chaan teng. We decided to give it a try.They had afternoon tea sets when we were there. The menu is in Chinese only. There is no English and no 10% service charge. The interesting thing about their afternoon tea sets is that you can create your own by choosing something from section A and one from section B for $42. All sets come with a drink.I created mine: a small Hong Kong style French toast and a fried fish fillet. The fil

雞扒滑蛋包飯 $65蒜蓉汁味道濃郁 與雞扒鮮嫩肉質風味絕佳黃黃滑蛋柔軟 滑溜溜包裹在飯上 淋上蒜蓉汁雞扒大塊多肉 唔係hea果隻鮮茄汁香煎豬扒滑蛋包飯 $52豬扒香煎後呈現金黃色，肉質嫩滑多汁鮮茄汁質地濃稠而滑順 酸酸甜甜醬汁撈埋滑蛋又幾好食同樣夠哂大份 價錢都合理魚籽三文魚蛋炒飯 $52三文魚醉鮮味和魚籽鹹香與炒飯完美融合炒飯米粒蓬鬆而不油膩 珍珠米粒粒分明 粉紅三文魚同橙色魚籽明亮色彩搭配上散落鮮黃蛋花 整個賣相係好吸引桂圓紅棗茶 $18

早排經過見好多人排隊 心諗應該唔會差得去邊，點知琴日去完就失望至極叫左個海鮮湯飯同焗咖哩雞飯 送餐嗰下個侍應係當住面插隻手指公入碗湯飯咁上菜 唔理佢碗野滿又好乜都好 都一定有好啲嘅方法…. 點知過多陣對面搭枱嗰兩個叫左湯麵/烏冬，一樣都係手指公插住碗野咁上 賣相都係唔掂嘅食落啲食材係無味，其實食材唔夠靚控制成本咪調味落手囉…食嘅同時仲發現啲方包係一條一條放係客人隔離個櫃嘅上格 櫃本身就放晒外賣盒之類嘅器皿 櫃前就放幾箱唔知乜野 其實真係坐得好唔舒服間野應該仲要廚房同洗碗機係東西兩邊 一路食就一路見住一車車污糟/岩岩洗完嘅碗碟係餐桌前來來回回 有啲仲有水飛出黎 （但係無人抹）間野仲要有幾間分店，食物衛生服務無樣得，開左起碼都成個月都仲貼住話試業中…算 啲飲品杯係無論冷熱 隻杯都係勁污糟內裡勁多茶漬，完全唔夠飲好多根本係開業前就可以知嘅問題，又或者run幾日都會知，個試業似係試客人底線多啲差成咁食返連所嘅好過啦

馬鞍山經常被叫作美食沙漠，冇咩選擇，大部分餐廳都係連鎖式經營。依幾年，真係唔同左，位於鞍祿街18號嘅茶舍，接近7:00pm 已經开始坐滿人同埋要排隊……入到去服務員有禮貌、招呼周到！我哋－行二人叫左兩個主菜、－個沙律都唔過二百蚊！真心不錯！講下環境先…. 舖面都好大，入面仲有－張圓枱可以for 多人聚會🎈我哋今日就坐左張四人卡台，夠曬大！入到去客人可以掃QR code 點餐，menu 上圖文並茂方便使用！食物質素方面：1. 炸軟殼蟹吐司用料上乘！件軟殼蟹接近大半隻手掌咁大，－咬落去D蟹汁流曬出黎非常正！建議大家必食！個飽配有大量沙律菜所以食落好balance ! 唔會滯….. 另外可以揀配菜，薯條或者日式沙律。我揀左日式沙律，沙律汁用左意大利黑醋、橄欖油，健康清新！2. 南瓜雞肉意大利飯份量好大南瓜味濃配埋芝士雞肉🍗正！好好味下次去開馬鞍山又多一個聚腳點喇

呢間早餐日日都要排隊 難得屋企至憎排隊嗰個大帝肯陪我試又好幸運坐到卡位 對住玻璃 視野開闊可能因為新開 入到去乾淨整潔 冇其他茶餐廳嗰種油膩感自己電話落單好方便可以慢慢揀都唔驚阻人做嘢嗌左個番茄湯米粉 番茄湯底濃郁 最驚喜係見到我摯愛既茴香葉同粒粒西芹烘丹麥包 又香又脆 塊午餐肉煎到啱啱好奶茶我揀左多奶 香濃幼滑 香煎牛扒餐性價比超高 凍齋啡就正正常常 冇乜特別唯一缺點係早餐偏大份要call外援先食得晒😂係值得排隊食嘅早餐

馬鞍山之友有好消息🥳🥳🥳🥳有新餐廳開，大家一定要去試下，個餐廳名幾特別叫茶舍，入到店內裝修簡約、整齊、清潔，感覺舒服😌仲有要甜品🍧三層芝士焗鮮茄牛脷飯🫶🏻🫶🏻🫶🏻這道三層芝士焗鮮茄牛脷飯給人留下了深刻的印象。首先，牛脷和鮮茄的組合非常出色。牛脷經過炒煮後變得嫩軟，與蕃茄的口感相得益彰。鮮味相互融合，帶來了豐富的層次感。芝士的加入使這道菜更加美味。磨碎的芝士在焗烤過程中融化，形成一個濃郁的芝士層，令人回味無窮👍玫瑰普洱茶消脂又清新，配炸薯條吐司一流綜合水果紅茶甜甜在心頭🤤🤤🤤脆炸軟殼蟹芥末吐司軟殼蟹炸至金黃酥脆，外層麵包糠的香脆口感與軟殼蟹的鮮嫩融合得相當完美。芥末醬的辛辣味道則為整道料理增添了一抹刺激的風味。配合吐司一齊吃，口感非常豐富。

見佢新開唸住試吓，其實環境食品都唔錯，所以都去咗好幾次，又一個早上唸住屋企人冇試過，唸住帶佢哋去試吓，點知其中一個員工服務態度好差，唔知以為客人錯，衆要冇禮貌，唔想做咪唔好做囉，仲要用咁差嘅態度同客人講嘢，屋企人話下次一定唔會再去😡😡🤬真係食到一肚火

而家好多時食茶餐廳小店之類，服務都真係麻麻哋。搵到呢一間茶餐廳小店服務好好，而且食物價錢經濟實惠，味道仲唔錯，真係值得一讚。好多時平平哋食個飯都會揀啲茶餐廳小店，因為食物多元化呢度午市食物種類都有好多，有中式飯、常餐、焗飯、蛋包飯、意粉、牛扒，三文治、麵包、小食等等，真係好多嘢揀。我哋揀咗慢煮咖喱牛腩飯，中式咖喱味道香濃，好好食😋用嚟撈飯一流，而且啲牛腩慢煮非常之腍身，仲有落牛筋、薯仔等等配料。跟餐叫咗熱檸茶。另外揀咗吉列魚柳包配薯條，呢個吉列魚柳包麵包搽咗牛油焗，絕對唔馬虎！吉列魚柳新鮮炸起，仲有蕃茄、生菜、醬汁等等，整個吉列魚柳包都相當新鮮。薯條當然都係即炸，又熱又脆。叫咗凍檸茶，茶味夠濃！小食叫咗個蒜香雞翼，一份有四隻，新鮮炸起，生炸風味，有蒜香味好食！

數次經過茶舍不論早餐及午餐見到都要排隊，今日行過見到唔使排隊，所以入去試佢個早餐，*注意需要搭枱*我要美式早餐，牛扒轉牛角酥，凍齋啡走甜由落單到出餐，速度正常，但係第一次落枱份早餐，係錯咗隔籬枱嘅，之後職員攞返走數分鐘後再拿回給我，但係都係錯，本身加錢要一個牛角酥佢嚟咗”塊” 丹尼酥，牛角酥嗰份就落咗第張枱⋯⋯不過果份單都係錯⋯，再要等5-6分鐘，先齊餐，牛扒微暖，屈曲位有少許未熟”生肉色”，牛角酥個面暖底熱，淋，流心蛋尚算合格，凍齋啡=黑水整體來講只屬於一般，如果要排隊嘅可以揀過第二間戴返頭盔先，我覺得好唔好食≠你覺得好唔好食，好唔好食因人而異。

乾淨衞生，上菜速度快坐位舒服，背景有音樂，聲音舒服不太嘈吵新開需要排隊等位30分鐘左右早餐價錢$38，凍飲加$3食物方面都唔錯味道方面都好足夠喜歡清淡嘅朋友就要選擇沙律早餐比較合適

突然想吃下午茶，試一試新開的茶舍。叫了一個雞扒包，雞扒皮脆肉滑，麵包脆脆的！還有超多薯條，味道很好，奶茶茶味很香！價錢非常合理！雞扒包餐$38，加凍奶茶只是$41！