茶茶Go

营业中

休息中

放假好想食D甜品輕鬆一下，行街經過見到呢間小店唔止有手搖飲品，仲有盒子蛋糕，賣相好吸引！而且份量細細盒，可以一次試唔同口味😍夏夜白桃烏龍$24清新迷人白桃香味與回甘不澀口的茶香，一試愛上金煌楊枝甘露$36滿滿嘅芒果汁及西柚肉酸酸甜甜好清爽，仲有好多愛玉，口感豐富，好適合夏天飲Tiramisu 盒子$38甜而不膩，超滑雪糕口感，好食停唔到口🤭紫菜肉鬆小貝$38外面滿佈紫菜肉鬆，入面係厚實有質感的蛋糕，紫菜肉鬆唔會太濃味，同蛋糕好夾!🫶🏻

🎈Chachago茶茶go係來自台灣嘅茶飲店珍珠厚鮮奶、果茶選擇多🧋甜點櫃放滿自家製甜品🍮十分吸引最愛之一係近期大受歡迎嘅肉鬆小貝😚🎈紫菜肉鬆小方🥧$38自家製嘅肉鬆小方鋪滿肉鬆及紫菜拎上手已經感受到蛋糕嘅鬆軟內裡夾層有蛋黃醬，甜中帶酸令味道更立體加上外層鹹香嘅肉鬆，口感好豐富🤤🎈朱古力小貝人見人愛嘅小貝有新口味😗外層有朱古力粒粒配上肉鬆，配搭幾特別食落朱古力味較肉鬆突出，香甜不膩口感同樣鬆軟，凍食或叮熱食各有風味🎈紅豆琥珀奶茶好耐無飲紅豆奶茶喇😚裡面有粒粒嘅紅豆🫘增加口感紅豆微甜煮到起沙，同幼滑奶茶好match🤗🎈松印桂花烏龍清幽的桂花烏龍配甜品最適合不過🫖可自選甜度不過原本都唔會太甜茶底香濃飲到清幽桂花香，飲完都幾解渴

本身食飽飽諗住經登打士街返屋企，係茫茫人海中見到一個幾吸引嘅茶飲店，當然要盡興試下啦!呢間茶茶GO鋪頭細細，但係就超多選擇，連甜品都有。見到一盒盒蛋糕整齊排好就好想食，聽日先再減肥啦。金煌楊枝甘露🥭🥭估唔到係街邊都"飲"到楊枝甘露，望落層次分明，飲落口感豐富。👍🏻用料十足，啖啖芒果柚子味，因為方便飲用將一般楊枝甘露嘅西米換成愛玉，甜度適中，難怪成為銷售榜TOP ONE。🌟夏夜白桃烏龍🍑🍑相比起楊枝甘露無咁甜，味道比較清新。桃味茶味比例好好，互相輝映，最啱食完甜品解膩。Tiramisu盒子我去到邊度見到Tiramisu都會食，估唔到連茶飲店都有得食。Tiramisu盒子份量中足，層次分明。芝士份量都足，食到底散發咖啡味超級正。原味巴斯克🧀巴斯克蛋糕外表平平無奇，食落香濃芝士味，口感軟滑。相比起cafe價錢公道十分抵食。

喺旺角家樂坊食完飯梗係要喺對面街買d甜品食先完美啦，經過一間台式靚靚既珍珠奶茶店，除咗珍珠奶茶同台式飲品之外，原來仲有好吸睛既甜品，仲有第一次喺香港見到既紫菜肉鬆小貝紫菜肉鬆小貝賣相好吸引，面頭係舖左滿滿既肉鬆同紫菜，每粒都包滿肉鬆，一個個小圓餅，入面係戚風蛋糕，甜甜咸咸咁，幾好食。蛋糕好香蛋味，配埋肉鬆一齊食都幾夾Tiramisu 盒子細細盒，但又份量十足，咖啡味好濃，忌廉好多好滑焦糖奶凍滑滑既奶凍配上甜甜既焦糖原味巴斯克面頭有焦香，芝士味十足

逮丸芋頭2號💜杯底鋪滿綿密既芋泥，芋香十足且香甜😋小芋圓亦粒粒分明，口感煙韌。絕對係芋泥愛好者必點之選🙌🏻 當中使用純天然芋泥，並表明不加任何香精，所以飲落唔會太甜，反而係一種原汁原味，厚實綿密既感覺🥰飲完雖然真係好飽肚，不過勝在唔會覺得膩👍🏻金煌楊枝甘露🥭店內招牌推介，一於試吓啦！🥳成杯飲品賣相好colourful，而且好足料！😍 口感亦非常豐富 ！除左一般楊枝甘露有嘅椰香、芒果同西柚肉之外，亦都加入左奶凍同埋茶味既愛玉/蒟蒻🥰增加層次👍🏻 奶凍奶香十足而且入口滑溜😗簡直係炎炎夏日既恩物☀️透心涼消暑解渴之選❣️💡值得一提既係由於呢杯係沙冰黎，所以冰度係固定既，甜度可以按喜好選擇喔。建議平時唔係好飲太甜既朋友仔可以揀微糖🤏🏻Tiramisu盒子🤎比起平時嘅Tiramisu蛋糕，盒子食起上嚟比較方便同埋冇咁論盡👍🏻Tiramisu 整體口感軟滑綿密，層分分明，份量十足！香濃既咖啡味，配上奶香十足既cream cheese，比例調配得啱啱好，每一啖都好滿足🥰 完全零guilty感，因為減糖版既Tiramisu甜度適中，健康好多，值得一試！😋 兩口子share輕鬆KO🤭

網上有唔少好評 今日經過就嚟望下見賣相都唔錯 一盒盒咁又幾方便拎同食 就試咗兩款😆.- 楊枝甘露盒子 $40有好多西柚 芒果都有唔少下面有啲mousse@不過係比較硬身 係我喜歡嘅質感仲有啲海棉蛋糕水果酸酸地又有少少苦 可以中和一下mousse蛋糕部份嘅甜味.- Tiramisu盒子 $38一打開就有好香嘅朱古力同咖啡味成個tiramisu味就都好濃 鍾意朱古力同咖啡嘅 應該都會鍾意食呢款不過最底層嘅蛋糕濕咗少少 有啲水份.- 紅茶拿鐵(L) $30 走冰+$3第一次遇到走冰要加$3不過飲品都算大杯但飲落覺得比較稀 茶味都比較淡 .盒子甜品嘅價錢相宜 味道都唔錯 份量亦都足夠飲品就中過不失下次可以試埋肉鬆小方😆

見係熱店就諗住試吓佢杯人氣「逮丸芋頭2號」〰️〰️〰️〰️〰️〰️〰️〰️〰️〰️〰️〰️〰️〰️但係飲落勁淡，芋泥勁少，芋丸仲有啲係硬嘅，似係未煮熟，連啲奶都唔掂，成杯奶水咁，又淡又難飲。〰️〰️〰️〰️〰️〰️〰️〰️〰️〰️〰️〰️〰️〰️真心唔明點解會有咁多好評，究竟啲好評係點嚟，真係冇下次，唔會再飲〰️〰️〰️〰️〰️〰️〰️〰️〰️〰️〰️〰️〰️〰️店員態度亦好Hea..💀💀💀

🍴ᴄʜᴀ ᴄʜᴀ ɢᴏ 成日行過旺角登打士街都見到呢間舖頭嘅盒子蛋糕，一直都好想試吓，今日終於有機會🧁𝚃𝚒𝚛𝚊𝚖𝚒𝚜𝚞盒子（$38）如果您喜歡口感綿密、奶香味濃郁的甜點，這款盒子tiramisu絕對值得一試。它方便攜帶，非常適合作為小點心或下午茶，而且口感仍然非常美味。咖啡酒和可可粉的味道平均，整體而言，這是一款非常不錯的甜點。🍘紫菜肉鬆小方（$38）這款紫菜肉鬆小方其實是蛋糕，它的口感軟綿，紫菜的清新味道和肉鬆的鹹香味道完美融合，非常獨特。整體來說，這款蛋糕味道豐富，口感獨特，非常值得一試。如果您喜歡創意甜點，這款紫菜肉鬆小方絕對不會讓您失望。🥤泰式奶凍冰沙($34)泰式奶凍冰沙是一款非常清爽的飲品。奶茶香味濃郁，加上冰沙的口感，十分適合夏天飲用。冰沙甜度適中，加入了香滑的奶凍令口感更加豐富。總體而言，這款飲品非常美味，是夏天必嚐的佳品！@chachagohk 📍旺角登打士街43號地下9B舖💰人均消費：約$50

今日收工前，公司又開生日派對，已經食到好飽，但又約左人，唯有嚟個輕食當晚餐，呢間小店絕對有驚喜。🧋逮丸芋頭2號杯底鋪滿芋泥，軟滑香甜，小芋圓粒粒彈牙煙靭，不算太甜太膩。🍰 tiramisu浸滿咖啡酒既餅底，打開盒蓋已經聞到濃濃既啡味，份量都好夠，正。🧇 紫菜肉鬆小貝小蛋糕沾滿肉鬆同紫菜，鹹香適中，好味。整體食評CP 值高，飲杯嘢食件Cake當晚餐都好足夠，盒子/tiramisu 達餅店水準，值得一試。

成日出街就會想飲手調飲品，旺角眾多手調店中，搵到呢間有得飲又有得食既小店❤️楊枝芋露白珍 $40完全就係選擇困難症既恩物，成日飲手調都會爭札飲果汁類，芋泥系列定珍珠奶茶好，呢個咩都有齊哂😍勁豐富，最底係勁綿密濃香既芋泥，上一層就係煙煙韌韌夠哂咬口既白玉珍珠，再上一層就係清甜既芒果果肉，最上就係奶甜奶甜既沙冰，口感勁豐富🔥，必飲大吉紺野香橙 $36叫左走甜，飲落都仲飲到好清香既果甜味，整體都超級清爽自然Tiramisu 盒子 $38每一層都好分明，一打開就聞到好香濃既朱古力香，食落更係好有層次感，入面既Cream更係好奶滑香甜，非常好食🤤

茶茶Go @chachago.hk 📍 旺角登打土街43P- 43S號鴻輝大廈地下9B號舖。金煌楊枝甘露 凍 $36 茶茶Go銷售排行榜 Number 1🥇真係好好味啊🤝超足料～入口食到西柚肉、加上厚厚奶蓋同芒果汁更特別係加上愛玉～口感豐富～推薦另外買左兩款小食甜品返去。紫菜肉鬆小方 四件 $38原味威風蛋糕🍰食落有雞蛋香加上沙律醬～係表面舖上大量紫菜豬肉鬆超滿足～好好味啊🫢。朱古力脆脆小貝 $38朱古力味戚風蛋糕🍰配上朱古力碎加肉鬆～食落咸甜～口感豐富

去朋友屋企點都要買d野，咁岩係登打士街附近，一定要去茶茶go買蛋糕！想同大家講，要食好味小貝，唔使周圍去，留港都可以架，當日去有朱古力味同紫菜肉鬆，紫菜肉鬆絕對係不敗組合，一盒有4件，同朋友分就最開心。原本仲想買芋泥盒子，但係竟然冇，sosad！！可能天氣開始熱，好開心有楊枝甘露，入面有芒果同葡萄柚都係我好中意的，食落酸酸甜甜真係唔錯wor！朋友中意tiramisu味，話朱古力同咖啡香都明顯，而且忌廉都好多，好食！希望下次可以買到芋泥盒子啦~

見茶茶GO勁有人氣，今日出開旺角特登過黎試下，畢竟好耐都冇出嚟掃街啦😋人來人往的旺角街頭，好不容易先捕到無人經過的一刻😆睇下飲咩先。🍇紫暮葡萄天氣熱熱濕濕的，想飲點果汁類嘅野，就揀左紫暮葡萄，係半杯沙冰+果汁的特調，酸酸甜甜很不錯，仲有不少爽口果肉，有得飲又有野咬口，正🤤🧋Oreo珍珠奶茶朋友點了黑糖珍奶走糖，無諗過店家真的可以走了黑糖👍平時一般茶店都會建議你點别的嘛😂珍奶香滑，珍珠有咬口微甜，同埋真係飲到好重嘅Oreo味👏🍘紫菜肉鬆小方近期爆人氣的肉鬆小方嘛，當然點一份試試，軟綿綿的蛋糕上黏滿了海苔肉鬆，鹹鹹甜甜的好好味呀😍唯美中不足係企街食有點狼狽😂下次還是買回家慢慢品嚐啦。滿足滿足，飲品同甜品都好味👏

解除口罩令後最想做嘅事之一係掃街一講掃街就只諗起登打士街今日戰鬥力都唔錯😎其中一間我覺得值得一掃再掃嘅係#茶茶GO 佢除咗有手搖更有甜品我冇特登睇有邊杯手搖特別人氣只叫左兩杯自己最想飲嘅🧋#京都抹茶玉露（無糖）成日比人問無糖會唔會難飲？唔會囉無糖我覺得個抹茶味更濃厚苦澀帶回甘，真材實料🍵然後奶應該用上鮮奶，飲得出好幼滑呢條街至高質手搖非佢莫屬🧋#嫩仙草拿鐵（無糖）同樣係奶味香濃細滑加埋燒仙草嗰種少少甘苦味超解渴，亦有少許口感（當然仙草唔洗趙）🍪 #朱古力脆脆小貝小貝唔知即係咩，食落係鬆軟蛋白糕我覺得係似紙包蛋咁上下上面如圖舖滿朱古力，有顆粒有脆脆所以有多重口感☺️好食！喺條人來人往嘅街度食係有少少困難買返屋企食會好啲，佢包裝都幾靚撘巴士返到大西北都冇變樣👍仲想讚一下佢哋出飲品嘅速度你都知呢條街咩料，企得太耐會好阻街🤣但keep住五六分鐘就出到餐，勁仲要100%冇甩漏，真係要讚👍

呢一間係叫做茶茶Go嘅台式茶飲店🥤。 早兩日同朋友一齊行街，當時只係想飯後叫兩杯手搖飲品，但係見到有肉鬆小食。作為肉鬆愛好者，就想試下。最後我買了⋯⋯😝·1）春滿金旺鳳梨🍍🧊店員都真係幾好，可以做到常溫無冰的凍飲、飲完覺得對健康負擔冇咁大，會冇咁內疚，哈哈😆 喺飲品裏面飄浮住一塊鳳梨片～ 飲落亦都有水果甜味——最有趣嘅係餐廳可以選擇健康甜嘅程度，感覺就好似比起平時嘅微甜一樣，再淡少少；但都有足夠 flavour🤪·2）紫菜肉鬆小方🐷肉鬆的portion都唔少，落得幾足料。入口啖啖肉鬆，但下面糕點嘅餡料都幾特別：有一陣幾特別嘅甜味；我估係有啲似吉士打醬嘅甜、忌廉嘅質感。兩個人share食四件都唔會覺得太heavy，可能因為飲住杯嘢飲啦～·3）夏夜白桃烏龍🍑好耐冇飲過有少少甜味嘅烏龍茶，開心餐廳有提供健康甜，係冇壓力嘅甜～ 跟住仲帶啲白桃味嘅清香，生果味嘅甜係嚟得最自然～～🤪·飲吓嘢、食吓嘢、咁就一日啦～～～😙