茶茶Go

营业中

休息中

夏夜白桃烏龍茶Surprising的地方係茶味係雪凍左之後都有返咁上下、所以白桃的味道都無流失到。成杯野飲嘅份量都算係正常、$24 咁大杯。甜度嘅選擇都幾funny, 可以選擇「健康甜」🤣 見字希望真係健康啲。入口感覺都算得上清甜嘅。好少茶飲店會有埋小食、於是我同朋友夾份叫左個「紫菜肉鬆小方」（$38）食下。有清茶配搭啲醎食感覺應該都會唔錯。包裝都算企理、有膠紙封好、可以拎到返公司都乾淨。小方其實原來唔係剩係得醎味、而係有少少甜嘅甜品，下層係比海綿蛋糕仲要軟身的海綿質感的蛋糕，中間有一層流心黃的味道、上面再鋪滿肉鬆、肉鬆鹹鹹地、上下層都幾有contrast

🧡💛🧡飲奶茶食甜品盒子🥤依幾日天氣又涼涼哋，食完飯真係要飲返杯暖入心嘅奶茶warm warm🥰旺角登打士街聚集咗好多茶飲店，依間茶飲店有手搖飲品之外仲有甜品，作為飯後甜點就啱啦！🤎斯里蘭琥珀奶茶🤎 熱 $21斯里蘭紅茶味道濃香，入口溫和順滑，甜度啱啱好，飲完仲有陣陣茶香！🖤嵐山烏龍烤奶🖤 熱 $21凍飲嘅烏龍茶係清爽嘅，熱飲就可以飲到茶嘅韻味，依個天氣飲返杯熱飲就最好不過啦！🤍Tiramisu 盒子🤍 $38層次分明嘅Tiramisu，忌廉體份量足夠，一啖食落口會有香濃朱古力香同埋咖啡香☕️又香又有芝士奶香，食完好幸福！💛楊枝甘露盒子💛 $40依個楊枝甘露盒子顏值好高，層次豐富🥭芒果同埋葡萄柚嘅味道帶來酸甜感覺，所以唔會越食越膩，反而越食越開胃呀！依間茶飲店嘅飲品選擇好多，仲有好多甜品揀添！☺️BTW記得save post，方便向店員查詢有關茶飲啦❣️📍茶茶Go📍旺角登打士街43P-43S號鴻輝大廈地下9B號舖

行經登打士街覺得有少少口渴，就睇吓附近有冇嘢飲賣，見到呢間門口有個牌寫住至top銷售榜，好奇去望一望就叫咗兩杯飲品。真岩燒黑糖鮮奶黑糖味道香甜，鮮奶濃郁香滑，甜度及冰度固定，但唔會太過甜，另外珍珠煙煙韌韌份量幾多。金煌楊枝甘露平時食糖水通常都會叫楊枝甘露，呢個楊枝甘露10分足料，芒果汁香濃可口，入邊有西柚肉，仲有滑嘟嘟啫喱增加口感。紫菜肉鬆小貝另外買咗一盒小蛋糕，表面係紫菜肉鬆，入邊係鬆軟可口嘅蛋糕，鹹鹹甜甜幾好味。

登打士街不嬲都好多茶飲店，今日比呢一間吸引咗，因為呢度仲有多款甜品可以試😯 而今日叫嘅兩杯飲品芋控必試！✿ 楊枝芋露白珍 ($40)第一次見到呢個特別嘅配搭，楊枝甘露加珍珠加芋泥😆 第一層係芒果汁配牛奶，味道幾出。中間係白色珍珠，煮得幾透所以食落口感煙韌，唔會硬。最底係芋泥，驚喜係芋泥比得好多，整得幾綿密👍🏻✿ 逮丸芋頭1號 ($45)呢款係芋泥牛奶配白珍珠，發現同另一杯好似，一樣芋泥同珍珠份量都好多😂 不過個杯細啲，所以真係每啖都充滿芋頭，個人覺得芋泥少番啲就啱啱好😆✿ 紫菜肉鬆小貝 ($38)原來依家香港興緊呢款小食！戚風蛋糕切成正方體，外面沾滿紫菜肉鬆，肉鬆控嘅我表示食落真係好足滿🤤

最近一出門就出哂汗😇一去多人少少嘅地方就死得仲快去買game路上經過茶鋪就當然要比人做下生意啦😇✨🍍金旺鳳梨梳打一飲就知真材實料不但充滿鳳梨香味底下仲有好多鳳梨粒粒同爆爆珠❤️‍🔥每啖都有驚喜最特別嘅係個汽水罐設計🫙買完返屋企再飲都唔怕走氣勁貼心✨🥭金皇芒果雪見沙用芒果蓉放底配上沙冰最面頭會放一層奶蓋每一啖都係夏天嘅感覺🤤有少少似楊枝甘露怕甜建議試下少甜👻🍰芋泥肉鬆盒子超推介✨✨✨✨芋泥配cream同蛋糕已經係世界級最好嘅係佢完全唔似平時其他鋪頭禁甜每一啖都食到芋頭嘅香味🤤肉鬆同芋泥嘅balance做得好好🥳✨🥥椰子奶凍少甜但香味十足又軟又彈身細細份唔會怕食唔晒過口引一流😈📍茶茶GO

西洋菜南街附近 真係人頭湧湧呀附近食肆好多小食店同飲品店 天氣好似好熱 我真係好想飲返一杯先嗰陣新鮮嘅飲品 呢間台灣品牌一直係我嘅至愛 多款新鮮水果打成嘅嘅飲品 主打芋泥甜品蛋糕等等鋪仔細細但 係飲品出奇地高質素今日食咗個甜品 芋泥肉鬆盒子啱曬我呢啲勁鍾意食芋泥 裏面仲有忌廉同埋上面鋪上肉鬆 感覺特別係唔算太甜 好易入口 食好多都唔覺肥膩飲品叫咗佢頭三位受歡迎嘅 金敦楊枝甘露 由芒果肉打成仲有啲啫喱喺底同椰奶感覺成個甜品咁 少少沙冰感覺又解渴春滿金黃鳳梨 裏面有新鮮菠蘿 另外我加咗仙草凍 感覺口感滿滿 唔算太甜好健康飲完之後都好解渴

Chagogo🧋🍰旺角呢間茶飲店喺廣華醫院附近 ，佢除咗台式手搖飲品之外，仲會有多款嘅手工甜品 ，佢啲甜品望落去款款都好吸引！ 逮丸 #芋頭 2號（小 #芋圓 ) 🧋芋頭泥鮮奶加小芋圓- 雖然佢嘅甜度係固定，但佢都唔會話太甜，啱啱好 。芋泥會帶有細細粒既芋頭，有口感又芋味十足。而小芋圓煙煙韌韌咁，淡淡清甜味，同芋泥鮮奶嘅味都好夾。原味肉松小貝🍰第一次喺香港食到呢一類嘅甜品。佢裏面係鬆軟嘅蛋糕，再配上滿滿既肉鬆，香口嘅肉鬆加上帶蛋香味嘅蛋糕，又幾特別幾好食喎。黑糖伯爵盒子🧁伯爵盒子入邊嘅 #mousse 細滑好香 #伯爵茶 味。入面嘅蛋糕夠濕潤，亦都好有蛋味。mousse同 #蛋糕 嘅比例好好，可以每一啖同事食到mousse同埋蛋糕 ，亦都唔會太甜，值得推介。

登打士街一向最多小食店同茶飲店，依間小店有埋甜品同飲品，經過嘅朋友可以黎試下啦1️⃣芋泥肉鬆盒子以為好細盒，其實食完都幾飽🤭肉鬆係上層，中間係芋泥cream,底下係蛋糕。依個配搭好夾，芋泥打到好幼滑，好濃芋頭味😋💰HKD$422️⃣春滿金旺鳳梨飲落唔會好甜，入面仲真係有片鳳梨，飲落茶味濃，有d鳳梨渣咬下咁💰HKD$363️⃣金煌芒果酸奶依個較細杯，飲落有香濃芒果味，酸奶又唔會太酸💰HKD$38

星期六去左旺角果邊，經開見到係我最愛既芋泥，咁吸引梗係就買黎試下啦💗.🌟芋泥肉鬆盒子 $42佢既芋泥香濃幼滑，加上鹹鹹地既肉鬆，綿密既cream原來可以咁match😍最底層仲有好濕潤既海綿蛋糕，一啲都唔乾身，所有野加埋可以話係perfect match，仲要整體甜度剛好，唔係死甜個種甜黎嫁！🤩食到停唔到口呀🤣份量亦非常足夠，下次經過開都要再買黎食先😋🌟紫菜肉鬆小貝 $38 一盒有四件，每件都大大件真係好足料😳紫菜同肉鬆鋪滿哂蛋糕上面，而蛋糕質地做得好好，夠濕潤，整個小貝既質感都好鬆軟，入面仲要包住左蛋黃醬，又係下次要encore先得啦！🤤🌟逮丸芋頭2號 $45叫左兩樣甜品，咁熱行街梗係都叫返杯凍飲，原來入面有咁多芋泥同埋小芋圓，正呀😋間鋪原來係家樂坊附近，岩哂食完仲可以繼續掃街🤭📍茶茶Go旺角登打士街43P-43S號鴻輝大廈地下9B號舖

深圳火熱嘅肉鬆小貝，香港都食到啦，味道有90%似㗎成日都見到個個上深圳打卡，唯有去旺角止下口癮先京栗紫薯雪見沙$35見到個名又有栗子又有紫薯咁得意，試吓先唔好睇佢細細杯，但係因為有切栗子蓉同紫薯，所以好飽甜度岩岩好，加咗少少鮮奶，更加好飲紫菜肉鬆小貝$38肉鬆小貝即係肉鬆蛋糕，個蛋糕應該佔上蛋漿再焗蛋香味好濃，外層全部都係肉鬆，加埋蛋黃醬，邪惡得來真係好食。芋泥肉鬆盒子$42芋泥同肉鬆呢個係世界上最完美嘅配搭加埋個蛋糕再加多少少cream，係一個完美嘅甜品

嵐山烏龍烤奶奶味香濃、好滑、好味叫左無糖，加左珍珠（有甜味）已經好夠味 nice題外話：男店員態度超級差落單、問問題都好無禮貌我第一反應係，唔休做？令我諗住加單買肉鬆蛋糕卻步左不是要求100分態度正常已足夠嵐山烏龍烤奶奶味香濃、好滑、好味叫左無糖，加左珍珠（有甜味）已經好夠味 nice題外話：男店員態度超級差落單、問問題都好無禮貌我第一反應係，唔休做？令我諗住加單買肉鬆蛋糕卻步左不是要求100分態度正常已足夠

今日和朋友去旺角逛街，看到這間很有特色的飲品店，不但賣不同特色的飲品，還賣一些特色的小食，喜歡飲手搖飲品的我們當然就是二話不說去幫襯這間小店🫶我與好友便點了一杯金煌楊枝甘露、一杯珍珠芋泥奶茶和紫菜肉鬆小方吃💛金煌楊枝甘露的口感同味道也很豐富,有香滑的愛玉凍、爆汁西柚肉、新鮮又甜嘅芒果粒和椰奶芒果汁。芒果真的很鮮甜美味，而且好香椰奶味，整體清新好透心涼，很適合在炎熱的天氣下飲這清涼的飲品😛珍珠芋泥奶茶的黑糖珍珠很重黑糖味，彈牙咬口，而且奶茶口感很香濃幼滑 ，而芋泥份量剛剛好，不會很甜，而且幼滑香濃，飲下去口感十足😋❣️紫菜肉鬆小方表面鋪有滿滿的肉鬆與紫菜，咬下去蛋糕便口水即溶化，鹹甜皆宜，質感超級鬆軟，值得一試👍📍 茶茶Go (旺角)旺角登打士街43P-43S號鴻輝大廈地下9B號舖

蛋糕甜品的潮流常常轉變。之前的古早和巴斯克已有點過時，今期最流行的可說是蛋糕盒子和肉鬆小貝。不少茶飲店都加配這幾款網紅甜品，茶茶GO質素相當不錯。🧡黑糖伯爵盒子（$36）底層是茶香濃郁的伯爵奶茶戚風蛋糕，又香又軟；中間是厚厚的伯爵奶茶味豆乳忌廉，清爽不油膩；新鮮現做的黑糖珍珠另上，自己倒入蛋糕表面。一次過體驗三種不同口感。🧡紫菜肉鬆小貝（$38/4件）外層是裏滿肉鬆的戚風蛋糕，中間夾一層沙律醬餡料，一咬爆漿，層次豐富，滋味飽滿。肉鬆和蛋糕的鹹甜滋味讓人一個接一個。🧡原味巴斯克（$25）🧡金旺鳳梨梳打（$29）

台灣特色飲品小店🌸春滿鳳梨 $42🌟🌟🌟🌟🌟滿滿鹹香濃郁既芝士奶蓋，還有好多鳳梨碎，每一口都飲到鳳梨，再連埋鳳梨沙冰一齊飲，又有另一個口感。🌸OREO抹茶沙冰L $36 🌟🌟🌟🌟🌟超濃郁抹茶味，但沒搶晒Oreo味道，就算溶左雪，抹茶味都沒有淡到味，超正呀！🌸芋泥肉鬆盒子 $42🌟🌟🌟🌟🌟第一層係鹹鹹地甜甜地既肉鬆，第二層係芋泥味道既忌廉，第三層係鬆軟蛋糕，第四層滑口既芋泥，底層都是蛋糕，整啖一次過食晒咁多層，個口感真係好滿足呀！======詳情======茶茶Go (旺角)旺角登打士街43P-43S號鴻輝大廈地下9B號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #旺角美食 #旺角好去處 #香港美食探店 #香港探店 #春滿鳳梨 #鳳梨 #芋泥肉鬆盒子 #芋泥 #肉鬆 #oreo #抹茶 #沙冰 #茶gogo

旺角小食林立，到處都有好野食，同時都有好多奶茶舖，好多岩曬香港人口味的飲品。今次來到茶茶go 買了兩杯野飲，相比起好多奶茶舖來講，茶茶go的出品認真不錯, 值得推薦。點了一杯夕燒十八紅玉奶蓋+蘆薈和一杯orea 黑糖珍珠奶茶，夕燒十八紅玉是紅茶茶底，加了蘆薈在茶裡更添口感，最喜歡這裡的奶蓋，超級濃郁夠黏稠，是我喜歡認為及格的奶蓋，做得十分好，奶蓋控值得一試喔。Orea黑糖珍珠奶茶也是超級好喝，有orea 碎碎口感，加上煙韌黑糖珍珠，點型珍珠奶茶控之選。另外也點了一個小甜品：芋泥肉鬆盒子，滿滿的一盒芋泥蛋糕，厚厚的芋泥，芋泥控必食。