荃豐撈麵 (已結業)

係深圳收工, 因為要交些東西給姊而先回美孚. 踏上荃灣的皇巴. 於地鐵站落車. 找食店, 意識上指引我來到荃豐中心. 原來的我既目的, 就是週末, 一伙兒係眾安街巴士站等車時, 抬頭一望就望見的小小車仔麵檔. Open的車仔麵廚房. 親切的姐仔見我傻乎乎的, 生客仔一個. 不停介紹下食物同套餐. 細心看看大字報之下. 就要了一個豬扒撈麵餐. 選定了, 姐仔開始查面. 她身旁一棟高如山的半淋麵餅可以說是嘆為觀止. 因為麵餅是半淋, 放落滾水"chock 兩 chock"就開. 之後, 倒落一個食腸粉專用既鐵兜. 把湯粉, 隨麵附上的醬包. 撈撈撈撈撈, 撈出一個好濃味既麵底, 再放下, 豬扒, 豬頸肉, 肉丸, 腸仔, 再經姐仔介紹, 要多一份茄子.包飲品, $31. 自己拿走, 自己搵位坐. 開餐了, 先食一下麵, 只落麵醬不多加水. 味道自然地極濃極郁. 豬頸肉同豬扒都不錯. 相對地個麵來講. 豬扒, 豬頸肉比較淡口. 肉丸同腸仔是用上湯煮的, 味道是來料時的原味, 撈埋一砵, 好食同唔好食都可以中和下. 若我唔聽姐仔氹, 加茄子的話, 的確, 味道是可以中和的. 可惜了茄子, 麵

周六未開飯四圍行下，見餓餓地整個小食，有餃食就整番碟韮菜餃試下﹗一碟三隻六蚊，雖是煎定的貨色不過食落都脆口熱辣辣。餡料差不多全是韮菜，韮菜與豬肉比例極不平均，無肉味又無肉汁，麻麻地﹗應是大包大包買回來煎的，也許要諗諗個供應商了，味道確有問題。

去荃豐只是為了幾件事1. 試耳筒(假如唔想去旺角)2. 睇二手電話通常睇完試完買完, 如果單拖都係幫襯荃豐撈麵, 兩個麵餅兩包醬一包味精, 加埋腸仔, 燒賣, 雞扒, 魚蛋, 咁又一餐, 通常要一包味精係唔想佢太咸.而且抵食, $5有三條腸, 飲品都係$5, 二三十蚊就一餐.這裡已成了我在荃灣的飯堂.

下午去了荃豐中心行行，上次來都無幫襯，去試了土耳其小食。今次來到都見有十幾人幫襯，舖裡尚算乾淨企理，叫了個常餐…牛雜撈麵，有牛丸、牛筋、牛南、牛扒、麵底，每樣兩件，仲有汽水送，味道幾好，都係26元，真係好飽肚。

:家中電腦壞了，友人提議收工後到荃豐中心搜購配件。一輪格價。。。。後，終於買齊所須。係時候開餐啦:bowl！正你一言，我一語，決定在這間＂荃豐撈麵＂醫肚吧。　　這食店尚算整齊乾淨，幾位阿姐又很熱心為我們推介食物；加上一位和藹可親的老板娘。構成一間窩心的食肆。　　經老板娘推介，我選了散叫麵餐，勝在可自由配搭，細撈５元，另５元一款餸。我選了腸仔＋豆腐泡＋細朥撈＋（老板娘送的紫菜）＋是日靚湯１０元（滋潤清補涼），共２５元。味道也很可口。友人選了套餐Ａ，什扒撈＋熱奶茶，共２６元。飽餐過後，很有　滿足感。想必會再來一次！　　終於完成我的第一篇食評，後會有期！！Ｂｙｅ！！！　　　

做細路時最鍾意d味精小食；每逢月頭，放學後就會死響街度食腸仔燒賣魚蛋雞翼，千金散盡(其實最多咪十零蚊) 之後先再死返屋企 (不過月尾就要好痛苦咁睇人食咁解)兒時的另一個favourite 就是「印尼撈麵」 - 因為有勁多味精！何謂「印尼撈麵」？就是我們在超市看到的「營多撈麵」，只是換了包裝的「出口版」而已；一般的印尼食品店都有出售，而且比超市便宜多了。太公最近逛荃豐時發現此「荃豐撈麵」；就是以這些「印尼撈麵」做主打；如何運作呢？你柯打一個撈麵 (由於印尼撈麵的麵餅較小，大食者要叫兩個麵餅)，然後可以再加餸；有點像車仔麵，但可選的餸較適合小朋友口味，有兒時最愛的那些煮得咸咸地的腸仔魚蛋雞翼牛丸墨魚丸，還有龍蝦丸芝士腸燒賣，也有較適合「大人」吃的，如豬腸豬皮等。老實說，這兒的東西味精多過一切，健康一定是零，也一定不是美味得驚為天人的那種；但勝在煮得夠滋味，就和兒時學校附近那些專做小學生生意的小食店，味道一模一樣，情感分加爆晒；而且他們的麵因為是以大滾水碌的，也比在家自己煲水煮的，較為爽滑彈牙；煎餃($5有三隻)，煎得皮脆肉鮮，咬下去還有肉汁滴出，幾有驚喜。加上價錢實在便宜得嚇人 (一個麵餅