草苑韓國料理 (已結業)

忽然想食韓國，辣椒女話之前食過這間都幾好，便來一試；一上到來見差不多全部都係韓國人，看來都算幾正宗。侍應小姐幾好招呼，真係比很多本地的食店更加出色，值得一讚！拿了餐牌一看，價錢都唔算平；原本想食二人套餐，但辣椒女又話唔想食燒烤；之後選擇了熱湯麵、海鮮蔥煎餅和韓國燒酒。食物未到，先上前菜，總共有十樣之多；每樣都幾好味，尤其是番薯最好食，可惜全部都是凍冰冰的，我還是比較喜歡熱的食物多一點。食完前菜，都差不多飽了兩成。熱湯麵- 麵質煮得比較上腍，食物材料有蔥、紅蘿白絲、紅辣椒切片、雞蛋、蝦仁仔、蜆仔、魷魚仔；材料都算幾多，味道比較清清淡淡。海鮮蔥煎餅- 煎得好香，份量又夠；但兩個人食又真係多了一點，如可以多一點人食相信會好點。韓國燒酒(真露) - 初初飲都幾喉，習慣後都幾好飲，份量有350ml，每人可以飲四杯仔，價值$60都算幾抵飲。因唔知前菜多少錢，所以結賬時估計要三佰多，但一看價錢，點解平了，原來前菜是不用收費的，真係想不到。

20060212 2030元宵佳節,同老婆外出撐檯腳,咁o岩大家都想食韓國菜,咁就一於黎呢度搵下邊間韓國菜食評好啦!最終揀左呢間o係尖沙咀o既草苑.上到去已是八時半,只得一半人左右,裝修和普通的港式韓國菜館差不多,不過坐位比較落.左揭右揭餐牌,好多o野都想食,可惜得兩個肚,唔可以叫好多.經過侍者的介紹及推薦後,最後只叫了一個辣海鮮鍋($300)同燒牛肋骨($160).大概五分鐘後牛肋骨出場,這個是侍者極力推介的,用的是紐西蘭嫩滑牛仔肉,再加秘製醬汁醃成的.上檯後侍者為我們將牛肋骨剪成細塊然後放到爐上燒,很快已聞到肉香,由於牛肉不厚,很快已可以食得,記住千萬唔好過熟,否則會太韌.入口後先是香濃的醬汁,然後便感覺到牛肉的鮮味,肉質果真嫩滑,不用醮豉油已很好吃.邊燒邊食,不消十分鐘已把這碟牛肋骨KO了!吃完燒烤後便上海鮮鍋,先說個鍋的size,直徑大概都有一尺以上,材料可真豐富,有原隻的八爪魚,墨魚,蝦,蟹,蜆,豆腐,蔬菜等....侍者把鍋端上來後,先為我們將原隻生八爪魚剪細,然後較大火讓湯滾起,直至八爪魚熟透後再轉細火.這時我嚐了一口湯.嘩!不得了,鮮甜無比,慶幸當初接受侍者的意見只要小辣

情人節食西餐一定比平時貴成倍，又未必好食，決定棄西取韓。始終過時過節驚多人，已預先訂定位。冇食燒烤，只是散叫幾款熟食。慣例先上前菜，十小碟，食晒的話都已經好飽。前菜以粉絲、魚仔、菠菜最為好食，竟然有腸仔，也好味，而傳統的泡菜則過鹹，鹹味多過辣味。炆牛肋骨-見鍋細細，原來份量真係不少。牛肋骨炆得好腍，好甜好入味，連蘿蔔、洋蔥也入味非常。將D醬汁撈飯，真係好滋味。滑豆腐免治鍋-見顏色以為好辣，食落唔算好辣，豆腐真係好嫩滑，用來撈飯亦不錯。辣冷麵-夠辣外亦好夠鹹，所以再加附上的白醋，都唔覺有酸味。雪梨清甜、麵身亦彈牙，但味道始終不及金鐘的秘苑。初時以為唔夠食，到最後好飽好飽，食到頂住個胃。食完後再行多幾個地鐵站才搭車、返到屋企再跑步20分鍾，都仍然未消化，第二朝仲好飽。順帶一提，佢D抽風系統的確好，隔近幾台客都食燒烤，食完離開後都不覺一身油煙味。

生日朋友請食飯, 好想食korean food, 幾經挑選終於選呢間!!! 16/12 星期5晚8點, 都幾爆場. 同埋真係幾多korean喎, 有d仲係反世貿嘅農民添, haha, 不過唔明點解佢地咁有錢去草苑嘅呢??入正題, 本來想叫餐, 不過又想食牛肋骨同石頭飯, 都係散叫. 仲叫左雞同羊肉.牛肋骨好正, 好入味, 必食之選.石頭飯就唔係太啱口味, 我鍾意有飯蕉的.雞冇特別.羊都唔錯, 冇"so"味!!overall, 係貴左少少囉.

先前其他D食家講得冇錯，呢度有好多韓國人幫趁。我同個老友叫咗個二人燒烤餐加一個辣冷麵，份量好足，食得好飽。

今晚一行6人, 去試試看. 叫了一set 四人套餐, 有10款泡菜, 牛肉, 豬肉, 雞肉, 大蝦(有四隻), 蝦餅(唔記得全名, 好似芙蓉蛋咁樣), 一窩牛尾湯及飯. 及加了一個雜錦石頭飯, 份量只可分一人最多3-4啖.D肉類, 我覺得無乜特別好食. 份量又唔多. 至於大蝦都好大隻, 都有手掌咁大, 但D肉"霉"的, 唔新鮮. 蝦餅冬冰冰, 唔野味及非常淡. 泡菜我食了幾樣, 無乜特別.今天係星期六, 都唔爆場, 所以坐幾耐就可坐幾耐. 埋單$649, 都唔算平. 我本人覺得唔係好適合香港人食, 食完都唔係好飽, 唔係好滿足. 重有, 唔係好夠冷氣, 有時覺得好熱.

尋晚約左兩位舊同學聚舊.. 好想食韓國野.. 本來想去南山谷.. 但o個度有時間限制.. 得個半鐘.. 傾唔到計呢.. 惟有轉地點啦..行經過草苑.. 記得食評都唔錯.. 就入去試下..入到去... 都好乾淨.. 舒服.. 都幾大.. 我地叫左個2人燒烤餐.. 包括大約十碟前菜+牛肉+豬肉+雞肉.2個白飯+2碗湯及2罐汽水. 另外仲叫了一個石頭窩飯.. 前菜好食.. 尤其泡菜.. 好好味. 可惜太少.. 燒肉方面.. 一向唔like豬肉既我都覺得好味.. 因豬肉有些辣椒味.. 燒過後真的很好味.. 其如兩款都唔錯..石頭窩飯略嫌不夠味.. 但都很熱辣辣.. ok既..唯一想挑剔既係服務方面.. 原先都覺得唔錯.. 幫客人燒埋野食..但俾我見到佢夾肉去燒既時候.. 有一塊生肉掉了落其中一碟小食度.. 他望了一眼.. 但沒有理會.. 又沒有告訴我們.又沒有換過一碟.. 好彩見到咋.. 食左就唔好啦.. 而且白飯本來是包埋的.. 但唔叫佢係唔俾既.. 好奇怪.. 不過總括黎講都唔錯.. 幾正宗咁啦..

10月8日友人生日, 我們一行14人到了草苑吃韓國料理.因為我們人數眾多,侍應安排了一間房給我們.我們一共叫了大概10盤肉類,有雞肉, 豬肋骨, 牛肉,牛舌等作韓燒用. 全部都很入味, 本人覺得雞肉尢其好食. 另外,我們還叫了泡菜餅,泡菜炒豬肉,這兩味都有泡菜,但都不太辣,適合香港人口味.吃韓燒最怕生的肉類不衛生, 在這裡吃就可避免.而且價錢亦很合理, 一桌子的配菜加上跟肉送的白飯, 每個人都是100元有找,(這次都是$13XX).絕對值得推薦給其他網友.

上星期中秋節同媽咪去草苑吃晚飯。叫左個二人套餐。差不多有成10碟小菜...泡菜、蓮藕、魚干仔、炒菜、辣豆腐、薯仔........每樣都好好食!!!三碟燒烤既肉(豬肉、牛肉、雞肉)。三種肉都醃得好夠味，燒起上來勁香!!!每人一碗牛腩蘿蔔清湯，幾好飲!每人一碗白飯仔，略嫌飯的份量太少。二人套餐係配汽水。但我同我媽咪都唔想飲汽水，佢地話可以轉人參茶。人參茶...原來幾好飲ga wo!總括黎講，呢餐食得好飽，2個人真係都幾夠。服務態度都幾好，飲完哂d水，都會再倒俾你。開爐時，又幫你燒下少少肉先，燒到差不多，又幫你整整d肉同個爐。幾好!!環境都幾舒服，個日我去...唔太多人幫襯，一班朋友攪gathering都係一個唔錯選擇。

2005年5月27日(星期五) 下午8時我們一班朋友又每月一聚，這晚落著滂陀大雨，好不容易才走到這裡，幸好來到時已有兩位朋友在訂了的獨立房間裡，否則以為這個聚會自動取消。跟著大家都忙於弄乾衣服，大家到齊後就點菜。老闆娘很友善，好健談，還操得一口流利的廣東話，可能她喜歡與客人交談，一問之下，原來她來了香港25年。我們點了一個四人餐及另外叫了一些老闆娘推介的菜式：前菜：因長檯關係，侍應送來20碟前菜，每邊十碟，整體質素不是想像中那麼好，泡菜還只是一般，始終不及梨花苑的泡菜好味。四人套餐($500)：包括四款燒烤(大蝦、牛肉、雞肉和豬肉)，海鮮蔥煎餅及牛尾湯或辣牛肉湯(選擇一款)；烤大蝦只有四隻，不算大隻，但肉質不錯；烤牛肉和烤雞肉都好嫩滑；至於烤豬肉，大家一致讚好，因豬肉醃得十分入味，燒的時候香噴噴，十分正！海鮮蔥煎餅不是特別出眾，牛尾湯反而不覺有牛味。其實這個套餐份量不算多，個人認為四個人未必夠食！石鍋什錦飯x2($180)：兩個石頭飯上檯時熱辣辣，夠乾身。我們只要求其中一個飯加韓式辣醬，另一個原味奉上；原味那個已經好夠味，加了韓式辣醬的，簡直冶味到極。紅燒牛排骨煲($120)：牛排骨很

尋晚同o的舊同事去試試呢間韓國餐館，呢次係小妹第二次食正宗韓國菜！餐館上上下下各個人都好nice ，非常滿意！仲教小妹講韓文，哈哈…不過味道方面就一般，比起第一次去食o個間韓國宮就差少少！

星期五晚同幾位朋友吃晚飯．五個人叫了一個＄５００的燒烤餐前菜整得幾好，泡菜同豆腐好快食清個湯一般到燒烤，牛肉同雞肉入口好都幾正可能我地幾個大食，其實個餐唔係好夠食果晚都幾多人食，要訂位

找了幾間, 最終竟然找了一間連餐牌都沒看過的草苑. 進去了, 看到餐牌的價錢頗昂貴,有衝動想離開, 但最終決定"豪"一次. 五個人點了個四人套餐, 有一個海鮮煎餅, 烤豬肉, 烤牛肉, 烤大蝦,八款小食,餐湯,飯, 價值五百大元. 或者我們都不大肚餓, 份量剛剛好.味道不錯,餐廳頗有特色, 如果不是特意找, 應沒有多少人知道. 故此那裡人不是太多, 但有不少韓國人惠顧,餐廳職員部份更是韓國人. 這個地方正好適合三五知己相聚.

星期六晚七點左右來到，大部份為韓國人& 日本人，本地人連埋我地都係得兩檯，如果食物沒有水準，何來這麼多鄉里幫襯？$300 + 10% for a set dinner of 2 people includes 3 marinated raw dish, 10 side dishes, 2 beef bone soup + 2 cans of soft drink. I think it's really cheap for this kind of food quality!I'd really want to go there again!

牛肋骨和雞肉醃得真的很好味，質感一流。大蝦一碟5隻，很新鮮。服務方面，侍應有禮，但較被動，要叫他們才送上飯和湯。