荔湯 (香港工業中心C座)

营业中

休息中

成日返工，放工都唔得閒煮飯，但阿媽冇煲湯水嘅時候，又遇上乾燥嘅冬天，個人就顯得十分乾燥啦，返工完全得唔到滋潤。呢日過開嚟荔枝角工廠區呢邊，行過見到荔湯呢間外帶湯水店，款式好多樣化，於是決定入嚟一試。呢度雖然係湯水外賣專門店，但都有好多小食、主食，包括蒸飯、粢飯、燒賣等等。呢日我就叫了碗舞茸菇鮮准山蟲草花燉瘦肉湯（$60）。首先我最欣賞呢碗湯包裝好實淨，帶返屋企都唔會漏出來，而呢碗湯都好真材實料，所以味道都好香甜，能夠食出絕無添加味精。至於舞茸菇同鮮准山食落口都很爽滑新鮮，瘦肉熬湯都好入味，飲完感覺十分滋潤。作為打工仔，放工無時間煮飯，但又可以飲到呢一碗住定靚湯，感覺好幸福！下次一定會再黎試其他湯同小食。荔湯地址：荔枝角青山道489-491號香港工業中心C座地下C1-J

叫左午餐set 有湯 +小菜+ 飯+飲品，CP值高。湯叫左椰子燉雞，黎到個湯勁熱勁甜，好足料成碗湯都係椰子味好正。綿花雞好多件雞，成極都有，配蒸飯又香又健康！食出住家味道。

係D2 place睇完戲過左去香港工業中心睇下有咩平衫買行完翻屋企時發覺呢度開左間燉湯專門店自從搬咗出黎住就少左住家湯飲🥲見呢度燉湯種類都幾多 而且湯加小食既套餐唔太貴 就決定買個湯今晚飲，而粢飯就做第二日早餐🤣🔸姬松茸螺片准山杞子燉雞湯未打開已經聞到陣陣既松茸味一打開，即刻就見到滿滿既湯料有姬松茸 金華火腿 桂圓 螺片 瘦肉等等湯體非常清澈唔油膩，飲得出完全無味精完全係住家湯既味道🔸粢飯配料有炸菜，油炸鬼，肉鬆份量適中啱啱好糯米飯夠軟熟，食落口一d都唔會覺得乾🍀總結燉湯種類都幾多 50-60蚊就有碗自家湯對於冇乜機會飲自家湯既人岩曬👍

今日放工身體覺得突然好凍🥴,好想買D燉湯暖下身😊,行過荔枝角青山道見到間荔湯燉湯專門店於是入去睇睇👀，店舖唔算太大,但產品種類都多元化🥰，價錢都好大眾化🤩老闆和店員態度好親切👍🏻又有禮貌👍🏻我揀咗魚肉燒賣，鮮奶燉蛋🥚，姬松茸淮山杞子燉雞湯魚肉燒賣💰$10/10粒魚肉味好濃好煙韌煙韌😍一啲都唔腥👍🏻好有咬口😋價錢亦相當抵食鮮奶燉蛋🥚好香鮮奶味😍入口嫩滑😋唔會太甜👍🏻好好味⭐⭐⭐⭐⭐姬松茸淮山杞子燉雞湯一打開個蓋，好香松茸味🤩材料份量十足🤩松茸，金華火腿，淮山杞子，瘦肉.......，好暖身又補身！原汁原味好好味！大家都要試下⭐⭐⭐⭐⭐