榮壽司 (已結業)

入到去叫了兩碗麵食, 一碗照燒雞烏冬, 一碗照燒雞拉麵, 8碟壽司(只有1件) 和 小食.該店壽司有$2優惠, 6-10pm入座的只限叫4碟, 壽司款色只限定6款 (三文魚, 甘蝦, 熟八爪魚, 熟墨魚鬚, 白色魚唔知叫乜名, 腐皮), 每款只有一件!侍應態度一般, 無笑容, 叫佢攞一次野但個職員忘記了, 最終不了了之.環境ok, 但位較窄, 出面望住商場又無玻璃隔住, 是開揚果個. 如果有外人不停行來行去, 塵飛四處, 唔係咁好!食物出得慢, 要等10-15分鐘至出!照燒雞烏冬 ($32): 份量真係少得離譜! 仲細個下午茶餐 , 個碗好細像裝麵豉湯個碗再大一點, 碗烏冬食十啖到就食完. 碗烏冬唔熱. 燒雞得幾塊薄片, 乾同有點苦, 唔知係咪燒燶, 肉無咩味. 一個字: 劣! 照燒雞拉麵 ($38): 先前碗烏冬嚇到傻咗, 呢碗算正常番少少. 個碗係用大碗黎裝, 不過只有約3成滿, 麵餅較大, 細食既人或者會ok, 一般食量都唔會覺飽. 碗麵唔熱, D燒雞一樣係咁差, 有苦味! 8碟壽司 (1件@$2, 每人限4件): 三文魚一片長度只是ok, 但色水暗淡唔新鮮, 食落自然無咩鮮味

自從知道有間星加坡 sushi chain 係度開後，一直都想試不過一直無機會。是晚終於同友人係附近，見好肚餓就上左去食。第一次坐 2 人卡位式迴轉壽司位，幾舒服又有 privacy。仲有個 monitor 可以電腦揀菜，幾得意，不過無用到。要了：三文魚板押壽司 - 叫錯，本來叫香芒大蝦卷的，呢個算最好味，中間層三文魚碎幾好。海膽厚燒玉子 - 只有面薄薄一層海膽粉狀物體，只食得出玉子的味道，當佢係普通玉子都 ok 既。鰻魚卷 - 我覺得入面有 d 疑似炸鰻魚皮的東西脆脆的幾好味，反而友人覺得整個 combination 唔夾。黃金三文魚 - 上面層好似蔥油 but pickles 味的好奇怪，同芝士同三文魚唔多夾，有難食。牛油果豆腐沙律 - 個 sauce 都 ok，我覺得 d 豆腐很假既感覺，無豆味，hmm...都係 prefer 中國人的豆腐。三文魚腩 - 唔新鮮，仲有層皮去唔清好 un，三河屋好過佢，唯一可取係夠厚切。醬燒帆立貝 - 我覺得個帆立貝有 d 腥，不過個醬酸酸地幾醒胃。好好飽啊！最麻煩係叫左好耐都無 wasabi，個迴轉轉左幾圈都無，最後哥哥仔拎過黎幫我地 butt，

今晚同莊生咁岩路過灣仔,加上勁肚餓,終於去左試想食好耐既榮SUSHI,但係令我地十個失望我地食左:三文魚sushi: 只係好一般,可能因為佢係個冇乜choice既迴轉帶上轉得太耐,已經轉到又dry又唔新鮮三文魚sashimi: 全晚唯一可以叫做好食既嘢食照燒雞飯: 細得可憐! 啲雞仲係炸架lor!是但加啲燒汁上去就叫照燒!十個冇heart!啲雞唔知做乜係cut成四四方方咁既,而且佢dry既level話比我地知佢係隔夜番DING架LOR!炸帶子: 可以係supermarket既凍櫃搵到既冷凍食品! 成晚迴轉帶上只係來來去去得唔夠２０種dry晒既sushi,最amazing既係佢連枝豆都放係迴轉帶上lor!乜枝豆係凍食架咩?fusion呀?

去演藝上堂前在此吃晚飯。時為六時多, 本已人不多的這個商場裡的這家壽司店, 更加冷清。我來的時候, 只有兩 pair 共四人, 有點嚇人。但我又不想吃太多, 似乎吃壽司在這裡是唯一選擇。所以我就有得坐卡位了。每個卡位旁有個電視 - 回來寫食評時才知是手觸式落單電腦 - 不過壞掉了。點了三樣東西:1. 香芒三文魚手卷 ($10) - 相中所見有轉了身, 其實她的正面是挺好看的; 內有三文魚、芒果、蟹柳等, 紫菜還算脆  當然啦，是即製的呀, 師傅咁得閒; 芒果不甜也不酸, 過造之過, 沒得怨, 不過係幾抵咁囉;2. 油甘魚腩刺身 ($45) - 我想最好是那個漂亮的碟; 魚肉不大鮮美, 淋淋的, 下了檸檬汁都於事無補, 一般;3. 牛油果豆腐沙律 ($20) - 連麻醬上枱, 樣子也是漂亮的, 菜絲夠多, 夠哂健康; 麻醬酸酸甜甜幾開胃。由於實在太少人 (那兩對人客走了之後就只剩下我 - 吉場一個, 到我吃完才再有人來), 侍者的服務也不錯, 常常主動加水; 結帳的時候, 有個女的把帳單交給我之後就叫我去收銀處付款, 我吓了一聲之後 (我真的不知道有收銀處的呀) 她都醒目地為我結帳,

好新奇地發現呢度有手觸式電腦落單,比出面d壽司店多了一樣玩具,但食物就真係好一般叫了一些出面無得食既sushi,如特色手卷+魚餅啦~真係好唔掂, 唔怪得之無咩人黎幫親啦!!!款係多d,但唔係款款都有得食魚生唔係好夠新鮮, d飯又散晒...男友都覺得唔可以再encore! 仲話唔可以再黎食, 仲叫人唔好黎食...唉!

榮壽司：女朋友和我口中的青蛙壽司只要看看這間餐廳的食評，我相信很多人都未必會到這裡，因為在香港有更多的選擇。不過，我覺得間中到這裡卻是不錯的建議。因為，它比其他的店子有更多的選擇—我喜愛這裡的 10 蚊起新鮮的軍艦、美味的天婦羅和很好玩的陶燒牛肉！不得不說，它們在座位上的電腦落單也不錯，至少可以用來叫店員來服務。！

lunch 同男朋友一齊去... 因為我同佢都好鐘意食日本野...服務: ....= 冇服務, 個個侍應都扮睇唔倒你叫佢咁... 望住地下行... 儘量想避開你o既視線..豉油碟都唔俾我地.. 叫左成五分鐘先有人理…食物 sushi 飯過酸, 同好散…炒雜菜有燶味手巻 d 紫菜一放低就已經淋晒…唔會再去….

天口熱口淡淡3點幾係灣仔大有附近都唔知咩食?咁行下商場睇下有咩食.......最後間呢間唔使等既shop食sushi....本來以為佢地淨係得廻轉sushi+少少order野......但open佢地既menu之後,都有好多選擇而且價錢都合理.....我同先生食左sushi+手卷+小食....最like個炸蓮藕.........水準都唔錯同埋都冇漏單......個經理都唔係好差.....(見到係個男既)我諗如果係peak hour去service一定會冇咁好.......其實我唔太著重service....最緊要d野好食就得!!!

同太太去過兩次, 感覺, 服務, 環境衛生同味道都好好. 好奇怪呢道d食評寫得咁差 (我兩次都唔係繁忙時間去).壽司唔錯, order d 日本菜就ok佐d.唯一我不信任的係電腦order (我都唔識用/唔想識用 ) 叫個waiter或經理落order服務都好好呀.

同友人吃飯, 因為之前睇到呢度D食評麻麻地, 但見價錢唔太貴, 所以都試下因為見佢價錢平平地, 我地見到 Menu入面D飯幾吸引, 於是叫左滑蛋鰻魚飯, 朋友分別叫左滑蛋豬排同埋滑蛋雞排飯, 雖然細細碗, 但整得幾好味, 碗飯熱辣辣, 幾好, 阿仔叫左個兒童餐, 是飛機果款, 都係即叫即整, 呢個價錢都算係咁, 碗飯咁細當然唔夠飽, 所以叫左三碟壽司, 同埋兩個小食, 分別係蝦天婦羅, 明太子凡立貝同埋吉烈芝士雞, 其中明太子凡立貝最好味, 因為D味好夾, 其餘的都中規中矩。我地無用電腦落 order , 因為怕漏單好麻煩, 改用手寫, 無漏單情況出現。

舖位較細, 所以坐位有點逼。招呼都算唔錯, 但上菜就實在太慢, 不過慢功出細貨, 比起一般迴轉壽司好好多, 款式多, 難得每樣水準都好平均。樣樣細細碟, 大食的人可能食極都唔飽呢!榮雜錦壽司..........飯的size較接近日本化, 較細, 一口一啖, 好舒服。大約有十款, 其中的青瓜魚子, 爽爽的青瓜夾住鹹鹹哋的魚子,好過癮。牛肉紙火鍋..........ok,湯清甜,豆腐夠滑, 牛肉就一般啦!天婦羅冷麵...........麵就麻麻哋喇, 好硬呀, 但天婦羅就幾好呢!

上星期二中午去了青蛙招牌的壽司店試，去到要等等左一陣，入到去睇到有個電腦落order幾得意，order了15分鐘都未到見到一個著黑色外套的肥女人好大把聲個個咪同她講等了很久order仲未到，黑色外套的肥女人話得得我幫你跟，過了5分鐘還未到我再叫黑色外套的肥女人名牌上(FrXX)睇唔清楚個名，她說先生我已經幫你追了等多一陣，我一路留意黑色外套的肥女人只會在收錢機附近行來行去聲就大態度差，到食來到麵晒和手卷紫菜也是，食完走叫埋單黑色外套的肥女人真係好快過來埋單仲要自已出去埋，黑色外套的肥女人可以咁過來埋單因為只在錢機附近行來行去好似唔識第二咁態度又差。

我今次(3月19日晚上)係第2次去呢間野,上次好早去食,5點左右啦,果次都覺得ok既,好靜冇咩人,所以今次咪想帶多2個fd去囉.今次剛好係食飯時間去,約8點半到9點啦.最初都幾好既d態度,一去到,full左大部分,但只係等左2min就有位,個crew仲好識做咁一路幫我地收下碟呀咁.d野食都ok啦,我同d fd都幾滿意,咁一路坐下傾計,不知不覺9點35分收哂爐喇.見佢地好似開始熄燈我地咪埋單囉,好神奇囉,叫人埋單冇做得野0既人理囉!!!點解我咁講?係因為d crew去哂執野,ok fine,起碼有經理晌到,但果位F經理只係做自己野囉,一係就行黎行去唔理我地囉!!咩態度呀?!我地仲要坐門口卡位旁的BAR位,晌COUNTER一望都望到我地舉手啦!擺明扮見唔到!舉左成10MIN,終於有個理我喇,幫我地埋單,果時數俾我地聽係冇數多碟架喎.咁我地計哂加一都只係食左16X蚊野(3個面/飯),行出COUNTER,個地又滑又污糟,見到勁多油漬囉!仲有呀,COUNTER果個F經理將D只係16X蚊0既野計左成2XX蚊囉,我地本來都已經唔老脾佢D效率(計單都計成幾分鐘),仲要冇啦啦計多左咁多錢囉,最得意係個F

午飯等了10分鐘才有位，坐位大部份係迴轉枱，卡位只有6-7張，而且都是2人卡位居多。排隊時已經見侍應人手不足又或者係經驗不足，總是在走來走去，非常忙亂。坐下後第一時間玩玩電腦點菜，女友一邊看menu，我一邊落單，加上迴轉帶的食物，理應非常自助，但仍見侍應忙得不得了?_?。點了兩款$10手卷，味道普通，勝在便宜。另外一個炸蝦天婦羅榮麵，湯底味道非常好，天婦羅份量只有兩隻蝦，$45我認為應該有3隻的份量。總結價錢及味道合比例，只是不了解這套電腦化落單系統到底有何幫助，或者以後可以用黎賣下廣告賺錢。

琴日中午我約左個fd食野...見到有間壽司咁就就腳入去食下la..... 一入去間店...感覺mama地. 但見到有電視睇..e都幾好wo =口= 點知原來係落柯打的都算有新鮮感..見到迴轉d壽司好似唔係太新鮮so 我地叫左位部長幫我落單..應該可以食到一d即做既瓜!!.叫左好耐明明佢見到我都幫唔到我幫單..我眼見知道佢地唔夠人手佢想幫我都幫唔到周圍都有客叫佢見到佢都辛苦..咁我地只好等左一陣佢收完$即沖左埋來同我地講"唔好意思呀..咁耐先幫到你..想要d咩ga呢我幫你落單"都算好有禮貌.佢一幫我地落完單又即沖番埋去收銀.. 等左15min d野食都未到so 我叫左另一位幫店員幫我追下d野食lo..再等左1min 佢突然出現左係我面前(員工都唔錯wo^^) ..但d野食就mama 地= =講真個句d野食咁平唔方好食得去邊.. 唔止係d野食mama 地...佢地有一位員工把聲不停咁在我地耳邊講(歡迎光x)講得好難聽..我周圍睇...下...原來係個經理把聲..聽不但只佢差d幫人拎野飲拎到掉晒落地(點解就算佢地唔夠人其他細ge完工做到的野..身為一位經理做唔到連拎(x盆)都唔識