藥膳刀削麵 (已結業)

刀削麵又厚又硬又難食 夾硬食真係會令人消化不良🤢👎湯底完全冇藥膳味... 只係普通味精湯底。。。覺得餐廳個名有少少誤導😅 唔應該叫自己做”藥膳刀削麵”😓 同藥膳完全扯唔上關係...小籠包係叮叮小籠包😓連叮都叮得唔好食 小籠包個皮硬到呢。。。。口水雞好鹹... 堂食但係用外賣膠盒上。。。好唔環保 感覺好頹。。。中晒招 冇下次! 食完之後好似唔知食咗啲乜嘢咁🥶 好後悔冇睇到食評就沖咗入去食。。。貼錢買難受😩

刀削麵好硬好厚 食完胃好唔舒服 口水雞好唔正宗一個膠盒上口水雞 感覺唔好 睇相覺得吸引 食左中伏 嗯嗯 唔會有下次啦 睇評論話服務好 嗯 感受唔到啦總之都唔會推薦朋友同事去的 ……….

🍜口水鷄藥膳刀削麵$55口水鷄足料份量多，鷄肉嫩滑吸汁惹味🌶️，仲有爽口青瓜🥒，藥膳湯底唔係好濃烈，亦都冇湯渣，淡淡藥材味，岩哂怕藥材味又想補下的人😉，刀削麵偏幼身同埋散，不過彈牙.✨可以自選湯底同埋配菜，除左藥膳湯底，仲有其他番茄/清湯/沙爹，價錢親民仲包紙包飲品，餐廳鋪面細有樓上座位，附近一帶餐廳都系有樓上座位，店員會拎餐上上層敬業

OpenRice 精選$40就食到碗菜肉雲吞藥膳湯刀削麵，+$8 有碟菜心，仲有埋包紙包飲品，平平地一餐ok la有5 粒雲吞，成碗野份量正常，佢個藥膳湯唔係好重料好勁果啲，反而咁先係我鍾意嘅style， 清清地，唔駛成日食到味道咁濃烈喺附近返工，耐唔耐食一次都ok嘅，見佢仲有好多小食可以配搭，下次可以再試吓

黑雨後的星期六，經過中上環機利文新街，忽然想吃刀削麵，所以入店一嘗下午茶。老公揀咗豬軟骨刀削麵，配藥膳湯底。我點了煎餃子，加小食醉雞和小龍包，兩杯豆漿。 服務員先送上豆漿，喝了一口就放棄，完全冇豆漿味，味道是一支豆漿溝了許多水😫 豬軟骨很乾，藥膳湯底一點藥材味都冇。醉雞熱食有點奇怪，完全冇花鵰味，只係白切雞浸在少許黃酒上碟。小龍包係公仔點心蒸熱。店裏提供的食物真係不知所謂，咁樣質素點樣會在中環生存😩🫣唯一可以接受係服務員態度唔錯。一定不會再來❌❌❌❌

藥膳刀削麵🍜📍 中環機利文新街10號地舖（港鐵上環站E1出口,步行約3分鐘）★★★★★★★★★★★★★★★★★★★★★今日介紹一下，小編平時返工都好鐘意去食既一間鋪頭🤭，價錢好平民，服務態度好，重點係選擇都算多👋🏻。平時午市會有特別平既外賣快餐，不過正常餐既價錢都好合理，份量又足夠。呢間鋪頭主要係食藥膳湯底既刀削麵，但我就對藥膳湯底麻麻地，而佢地既餸菜都唔錯既😂，大家不仿點餐時可以轉成飯。🌟快餐2. 手撕雞飯 $40首先，我要講下呢個餐已經食左N 次🤣，開頭以為快餐既質素會係一般般，但佢地飯同埋手撕雞係分開上既， 手撕雞係有少少🤏辣辣地，另外落左少少柚子，整體係好惹味，送飯一流😝。整體推介指數：❤️❤️❤️❤️🤍★★★★★★★★★★★★★★★★★★★★★

呢間嘢我想幫襯好耐，可惜一直苦無機會，直到佢由鐵行里搬到機利文新街，最近才有機會試！20230818午餐： 菜肉雲吞藥膳湯刀削麵，另加小食豬軟骨，送紙包飲品更可揀味食物方面：菜肉雲吞大粒又好味，有淡淡嘅藥膳湯味，份量好足夠，豬軟骨就麻麻地(口感同我食開其他店嘅做法有啲唔同)，但都有滿滿一盒，抵食夾大件！值得一提嘅係，食店嘅服務態度相當好，對於食客在whatsapp 多番提問，都有耐性一一解答，並對多個要求都盡量做到有求必應！當日午餐時間正值下大雨，外賣阿叔拎住一大袋重重嘅6份餐，都能照約定時間準時嚟到雪廠街，仲為咗弄濕咗收據表示歉意，態度可掬，相當敬業樂業！平民價錢就有咁嘅食物同服務質素，絶對通過西客嘅壓力測試，相當難得！在此祝食店生意興隆！ ❤

藥膳刀削麵坐落在香港中環機利文新街，距離上環地鐵站E1出口，步行約3分鐘。藥膳刀削麵是一家以健康為理念，將中國傳統藥膳元素融入到刀削麵中，製作出一系列獨特的麵食菜品，用多種藥材熬製而成的湯頭。今次點了口水雞刀削麵和醉雞刀削麵，雞和刀削麵是分開的。口水雞和醉雞味道比較重，如果平時吃得比較清淡，那就會覺得味道有咸。刀削麵可能預先煮好，所以上菜的時候已經沒有Q彈有嚼勁，比較糊，而且湯頭完全嘗到藥材味道。這家餐廳試過一次已經非常足夠，沒有下次。

喺附近工作，第一次幫襯，鍾意外省嘅味道，尤其是刀削麵，午餐價錢唔貴，平均50幾蚊包紙包飲品，店內座位唔多，比較逼夾，所以外賣拎走，可能新開張只收現金，今日選擇口水雞刀削麵（麻辣沙嗲湯，微微嘅麻辣味，比較淡口）加紙包250菊花茶（唔凍），等咗5分鐘就有，好快，好合乎效益，行5分鐘返到公司，面同湯係分開嘅，口水雞分開另外一盒，將刀削麵倒入湯入面，食第一啖完全唔熱，再飲一啖湯係微暖，湯麵啲湯唔夠熱完全唔接受，無奈頂埋佢，口水雞麻辣味唔強，雞係好大舊但係好硬，配青瓜都係好大舊，真係幫襯唔到第二次。感覺係家庭式運作，呢個都冇關係，只係感覺唔專業。完。

閒日去了試新餐廳，外賣了口水肥牛刀削麵  藥膳湯加送盒裝檸檬茶，價錢合適，湯底不錯，刀削麵也不硬，幾煙靭及好味，牛肉質數可以還有配料金菇及內𥚃有大大舊青瓜及口水汁豐富，太濃可放入湯內溝稀佢，下次可再試下其他。我見店里的客人把湯飲完。店內沒有坐滿人，樓面三個人，另外一個收錢，係廚房出得慢，可能太多外賣。我見廚房都起碼三個人在𥚃面的，總括來說食物不錯，可以幫襯！唯一是即時外賣就等了20分鐘，由12:35到55分，下次要先打電話下單才化算。