荳子 (大埔超級城D區)

营业中

休息中

次次假期經過唔同分店，門口都係排長龍，不禁好奇係咪真係咁好食。趁平日經過時間尚早冇人排隊又有lunch set，就攞位入去食，未夠1點都已經坐到半滿，被安排坐近門口既窗邊位。​​黃金蟹肉意大利粉（$68）​醬汁好多好creamy，蟹肉🦀既份量唔算太多，個汁好香亦比較漏。​​千島醬蟹棒蟹子帆立貝薄餅（$68）​Pizza🍕既配料唔多，只有4粒帆立貝同少量蟹子，味道普通。​​黑松露醬薯條（+$25)​薯條🍟新鮮炸起好香好脆，個黑松露醬都好食，有得加錢追加感覺好抵。​​熱特濃朱古力（$39減$8）​貌相非常之靚，一上枱有種藝術品既感覺。略嫌🍫朱古力味過濃，比較甜。​​熱泡沫鮮奶綠茶（$37減$8）​有回廿既日本抹味🍵，甜度適中。​​抹茶卷（+$25）​唔係死甜既假抹茶味，作為飯後甜品🍰非常滿足。​

個日入去諗住食少少野入到去叫左個松露軟殼蟹意粉食落去只有好少好少嘅松露味軟殼蟹幾香幾入味但唔係幾脆意粉冇咩特別 唔係太彈口依個質素隔離商場有個好過佢只係7x$ around 佢賣102真心貴之後係芝士薯條幅圖係一條都仲未食 係得咁少 大約十條25$ 真心痴線薯條正常味道 但芝士係真係做得唔錯好食但份量太少之後到紅豆綠茶蘋果窩夫唔知點解嚟咗個bagel 加咗嗰啲爆珠上去成件事cheap晒 畫蛇添足除咗紅酒同綠茶係夾之外其他嘢好似求其擺上去咁 58正常價

閒日下午1：00前嚟到，好在唔駛等好耐，等咗大約15分鐘就有位喇，用餐時間限時90分鐘。之前已經食過 lunch menu 嘅意粉、意大利飯，係未食過呢度嘅漢堡🍔，見到【北京烤鴨蒸包漢堡+薯條+沙律】呢個咁 fusion 嘅組合，真係要試一試。個包睇落 size 好細，但一打開，絕對係啖啖肉🦆，啲皮唔會好肥膩，配搭埋裡面嘅烤鴨汁、少少洋蔥、西芹，係好味嘅～本來計劃食完個 main couse 就 +$25 食甜品，但食哂個包同埋沙律、薯條之後，真係飽到食唔落。連埋杯 Iced Americano，埋單$97，呢個質素係物有所值，推介！

就算外賣食物都擺得好靚水準穩定次次幫襯都好好味。d醬汁另外裝起佐好貼心唔洗食得咁heavy👍🏻👍🏻出餐時間也很滿意，落佐order一陣就已經有得攞。大力推介

有經過附近嘅都知繁忙時候呢道係一間排隊排到冇鬥志嘅餐廳當日兩點三左右到左已經打哂蛇餅冇錯係排隊 冇得拎籌個人會覺得疫情未穩定嘅時候都好似係拎籌好啲但的確排隊對餐廳黎講少啲野煩嘅就算係已經過左lunch 又未到tea嘅時間但呢個時間黎竟然都等左半個鐘鬆啲先講下食物先叫左個蟹意粉 兩條長條型嘅係酥皮呢個係首先到嘅汁同意粉係分開 需要自己撈聽朋友講 beans近期一次開大量分店係因為已經自設左工場 所以食物質素會比較穩定但呢個粉個係冇乜味 確實睇到有好多材料 菇啊蟹肉啊但就真係一個偏淡嘅意粉蟹殼僅為後加裝飾 反轉入面係好乾淨 吉嘅 酥皮口感有啲奇怪 唔太夾會寧願係好脆或者係蝴蝶酥甜甜地咁起碼有味份量都多 賣相都靚 但真係衰冇味北京填鴨 喺一間cafe嗌到係有啲諗頭嘅中式包配沙律薯條算係fusion嘢個包略硬 我唔係prefer西式包嘅空氣感軟熟係真係有種偏硬嘅饅頭感覺 夾住嘅填鴨好食 有跟左燒汁 令到個包冇咁乾薯條係幼薯條 睇隻色啲油都幾乾淨呢個味道係幾好嘅 配搭都幾有新鮮感呢個手撕豬pizza真係有啲驚喜 好食嘅( ´▽｀)注意！睇落個樣係厚批 但其實係薄批加厚批邊！芝士可以拉絲 但份量啱

下午五點鐘想飲杯咖啡☕️身在大埔區 經過呢間Beans 見餐廳客人唔多 唔洗等位, 所以就試試，坐低咗服服員放低餐牌便行開，我同朋友睇過menu 點了Caramel banana combo 雲呢拿雪糕 香蕉 而蛋糕亦軟綿綿不會太甜香辣單骨雞翼是將4隻翼分開8件, 放便容易食且炸過又有少少辣幾香口🍗咖啡我們分別點了熱Cappuccino 同 熱Americano 咖啡豆幾香亦配有簡單拉花🍭餐廳內因客人不多所以感覺清靜坐得都舒適 

每次假期經過,都見到大排長龍,要等好耐先有枱.所以都冇試過,今日平日,以為好啲.結果都要等十分鐘. 室內上算寬敞,服務員都有禮貌.lunch set餐牌選擇對我嚟講不多.因為唯一的沙律選擇,都是dressing 已經pre mix,不適合我.所以店長推薦另一個沒有sauce 意大利粉,整體味道不錯只是略嫌有點鹹.另一個主食叫了北京填鴨burger, fusion居然有驚喜,北京填鴨美味. 醬汁剛好.唯一非常失望的是那杯flat white,完全沒有咖啡的香味,不合格,還要$37!口感是奶與咖啡是完全分開的,失敗之作.

Beans 食過好多次，每次都好滿意。平日下午茶時間都唔使排隊入坐。今次係平日，所以食左一個lunch set 及一個tea set。先介紹tea set～Tea set 的性價比非常高香蕉焦糖窩夫$45有各類型既食材包括原味窩夫配上焦糖/乳酪/雲呢拿味雪糕/朱古力餅碎/忌廉/爆珠/杏仁/菠蘿仲有香蕉面有一層脆脆既焦糖面👍🏼👍🏼多野食到唔知從何開始，賣相同多樣性已經吸引。原味窩夫配上其他甜味食材剛好！而爆珠的口感亦令吃呢碟甜品更有趣！Lunch set 叫了一個軟殼蟹黑松露意粉$76軟殼蟹炸得剛好，好脆黑松露配上菇加意粉，香味濃郁黑松露醬剛剛好沾上意粉，沒有多餘的醬吃完沒有飽滯的感覺Lunch set 我配左一杯免加錢既熱檸檬蜂蜜，味道正常，夠熱。Tea set 可以加$10配主餐牌飲品，我叫了凍玫瑰鮮奶伯爵茶可能自己唔太特別喜歡玫瑰 玫瑰精的味道比較濃，下次會試試其他latte。整體來說，Beans的食物水平高，環境舒適。之前食過既黃金蟹肉意粉，手撕豬burger都是我最愛。而如果一至五來更可以食到性價比好高既甜品🍮

星期日喺大埔親子活動之前去食啲嘢，於是去咗大埔超級城呢一間餐廳，餐廳都幾多人排隊。佢哋嘅all day breakfast 非常吸引，啱晒小朋友食。食物賣相非常精美，份量亦十足。佢嘅waffle 唔係傳統一格格嗰陣，而係冬甩形狀，查啲cream 幾好味㗎。由於我係素食者，所以另外叫咗一個黑松露意大利飯。

BEANS相信大家都唔陌生，除左鹹食仲有好多自家製甜品幾吸引🥲令人有全部試晒佢嘅衝動😹好邪惡————————————————————————<薑汁疏乎厘> $52疏乎厘即叫即焗，所以要等半個鐘左右，最好一開始嗌定先，呢個系列分別有原味抹茶同薑汁三隻味揀，薑汁幾特別唔太常見就一於試佢啦😗 一開始有少少俾佢嘅外型嚇親，算幾大舊，好蓬鬆，最後一個人食係食唔晒嘅🥲疏乎厘蛋香味好足，但薑汁就略嫌淡咗啲，同埋太甜，原本仲諗住叫薑味會冇咁甜添，而且灑喺碗身嘅糖重手左，食到最後會不停食到啲白糖，真係嗦嗦聲咁🤢甜上加甜，整體麻麻，唔食都冇損失！————————————————————————推薦指數：🌟🌟+0.5🌟（5🌟最高）《BEANS The Courtyard 》地址：大埔超級城D區地下670A-671A號舖

好耐無食過beans 又諗唔到食咩 所以就去左食brunch.今次叫左黃金蟹蓋意粉千島海鮮pizzaLobster roll 同埋雲呢拿紅桑子拿破崙.黃金蟹個意粉一如以往咁好食😇最鐘意係佢個汁有少少鹹蛋味 但又同個意粉好夾 味道唔會太重不過如果叫呢個意粉嘅話建議另一道菜要嗌啲比較light 既野因為佢食食吓都幾漏.千島海鮮pizza 今次係我地第一次叫賣相好唔錯啲料都好足 而且配埋千島醬 一啲都唔漏正！.佢地既lobster roll 包一杯仔龍蝦湯個龍蝦湯不過不失 但係有少少唔夠熱 面個lobster roll 係幾好食 算多肉 啲薯條都好食🥰.至於個拿破崙就有少少失望賣相係唔錯因為係話雲呢拿紅桑子拿破崙但入面剩係得啲紅桑子醬 亦都冇雲呢拿籽拿破崙嘅酥皮比較硬食落無咩層次呢個甜品本身係要加錢換購 所以下次都唔會再加🤣

連鎖Cafe 黎講水準幾高仲要價錢唔貴又坐得幾舒服仲要係💛嘅。岩岩個週末中午就去左位於大埔超級城嘅Beans the Courtyard 食Brunch，人流都幾多㗎，預翻要等25-30 分鐘先有位。🧇焦糖香蕉熱烘窩夫全日早餐$➑➋窩夫一定要係格仔紋？呢度就話你知佢地嘅窩夫有別傳統，而係圓菇碌好似冬甩形狀，但食落口一樣咁鬆軟。中意佢提供嘅係蜂蜜而唔係糖漿，感覺同窩夫更加夾。香蕉面塗上焦糖再用火燒焦，配埋炒滑蛋同煙肉，份量絕對足料唔會食完都唔飽！🌮野菌芝士奄列配酸種麵包 $➑➋ 大大份嘅蛋奄列中間有流心嘅芝士，用白汁煮嘅雜菇每舊都大大塊仲好爽口，加埋酸麵包，每啖都係勁滋味又有營養，仲照顧到食素嘅朋友仔添🍟黑松露薯條 + $➋➎跟餐只需加25蚊就可以配呢個黑松露醬薯條。粗身薯條新鮮炸起脆卜卜，配埋creamy 嘅黑松露醬，濃得黎唔會over，真係會食到忍唔到口㗎！📍Beans the Courtyard 大埔大埔超級城Zone D 670A-671A 舖

唔講唔知，原來Beans已經開到大埔都有⋯今日偶然來到，見唔洗排隊即刻捐入去嘆番個lunch 先。打開menu，實左太多set選擇了！最後試下新野啦，叫左佢個北京填鴨蒸包漢堡！其實即係用薯條沙律送北京填鴨來食咁羅。送到來啦！個蒸包幾有咬口，唔會好粉咁，同埋來個陣熱辣辣又香，裡面呢，原來都夾左幾多件鴨，而嗰啲鴨都係皮加少少肉，唔係全塊皮來，所以有d咬口既。d汁都係北京填鴨個隻醬啦，成件事夾埋就真係幾奇怪幾特別既XD 但夾埋一齊食落口，個d好肥好油膩既鴨皮同肉，加埋佢個包又幾好食，連埋薯條沙律食呢又幾清新咁另外叫左蜆肉意粉，意粉硬度適中，蒜香都好醒胃既，但始終比個填鴨包搶哂風頭。嘆埋杯coffee都飽左九成，下次先試埋佢d靚靚甜品啦～

Beans越開越多分店，食物質素一向有保證👍🏻我同男朋友都好鍾意嗌All Day Breakfast，咩都有啲夠豐富～Beans嘅ADB都係大路嘅配搭，黑松露炒蛋好香，炒什菌特別多，食物溫度微暖熱啲會更好，而我地最鍾意都係佢嘅窩夫！搞笑嘅係Beans前排接過客人投訴話違反商品說明條例，因為窩夫唔係格仔形狀，但計我話好食先係最緊要🤪 Beans嘅窩夫好軟熟充滿蛋香，仲有微微嘅蜂蜜味，搽啲Cream更加正！黑松露軟殼蟹意粉亦係Menu上嘅大熱之選，黑松露味道非常香，意粉掛汁，炸軟殼蟹食落亦唔會成口油，食到最後連啲汁都唔放過😋跟餐可以揀檸檬蜂蜜／黑糖姜母茶／Americano，其他飲品亦有優惠，Mocha嘅朱古力味好濃，之前有飲過佢地嘅Matcha Latte都唔錯，不妨加錢試試～

以往去親大埔荳子都係開11點，得all day menu今日10點8去到已經見到排緊隊兼入緊位拎左籌之後10點58分去到，店員急急腳叫落單，睇一睇餐牌先知而家有早餐時段係9am-11am。好有新鮮感之餘仲要平d添呀跟餐+$15 既Latte$42 Classic Benedict W/ bacon (Single)竟然有得叫半份，我走左醬我怕肥，而且蛋汁已經好夠做沙律菜新鮮$76 light English breakfast 價錢好light 但份量都唔light架同平時叫開都係差個waffle*waffle都可以係圓形架！吐司好脆雜菌差左d！冇味！似用水烚。黑松露炒蛋很好吃！煙肉唔係crispy個種 我喜歡！$62 deep fried fish fillet新野呀！呢個餐既炒蛋唔係黑松露雜菌一樣冇味既炸魚好好好好食 炸到好脆 粉漿薄 肉厚 唔油鬆餅有用牛油烘過 勁香 又熱又脆！