荳子 (屯門市廣場1期)

营业中

休息中

見成日排長龍 終於咁啱有一日見冇人龍就入去試吓。卡位都幾窄，尤其冬天著住厚衫。叫咗3個set，加個龍蝦湯係幾得意但冇乜特別。舊豬仔骨又梅又鞋，D薯條空心又硬份牛扒係5成熟，嚟到係全熟但唔熱。又難食又鞋又冇牛味，好失望！！！同佢反映過，但個男仔話你下次一早講我換比你。。。唔切唔食又點會知係咁。。。杯mocha latte算幾難飲件cake一樣都係冇特別，唔算難食但唔係好食。仲有第3個餐，已經冇心機再影。總括而言，3個set $7xx，真係唔值兼難食，冇下次！真係唔明點解日日大排長龍。。。。

依家一直都想去試好耐，次次去到都見到好多人排隊。開左都有一段時間，決定早啲去到排隊食早餐，排隊排咗大概半個鐘，入到去之後服務態度很好，價錢上少少貴可接受嘢食認真唔差，唔怪得咁多人幫襯！一定要試吓佢嗰個all day breakfast 😋

Beans 荳子其實我喺唔同分店ge beans食過好多次，起初喺荃灣第一次試覺得幾好味，仲買過散水餅tim😁今次係食屯門分店，都算新開~入去之前店員叫我哋揀一隻自己中意香味嘅搓手液搓手，幾香幾relax😆焦糖香蕉熱烘窩夫全日早餐雖然話All Day Breakfast 真係度度都差唔多，唔係分別好大，我覺得beans 嘅熱烘窩夫係幾好味，但整體來講個份量比較少。原隻帶子闊條麵闊條麵我係幾中意食，味道都幾好，但係佢個原隻帶子未免太細粒了，夾埋都冇一粒正常帶子咁大😂😂😂😂甜品野飲就叫左「我想和你無所事事」嘅奶蓋綠，可能我叫左微甜，真係好淡味，下次都係叫返普通熱飲。Overall係普通啦，而且都算貴。

今日去左屯門市廣場既beans。平時星期六日都大排長龍。所以就趁平日有空搏下唔洗等。最後真係唔洗等就有位。今次叫左甲羅絲黃金蟹肉意粉。份量足，亦好重鹹蛋，意粉口感亦不錯👍🏻值得一試另外，個英式全日早餐好足料黑松露煎蛋好重黑松露味同埋塊包個底烘到有啲脆脆地 好食另外嘢飲嗌咗個黑糖薑母茶唔會太甜 飲完覺得暖笠笠

Beans由荃灣開幫襯到而家，今日去屯門食早餐，體驗好差。朋友杯咖啡過左15分鐘就到，我杯餐飲足足等左30分鐘以上先到。追左三次單先有，第三次問女職員提問職員係咪不分先後次序落單沖餐飲，因為附近客人遲過黎我地都已經上哂餐飲。最後一次位女職員幫我追到杯餐飲。本來有得飲就算啦，點知無啦啦有位其他制服，唔知係經理又或者可能係老細？走過泥話，水吧得一個人沖餐飲。所以係一定會等好耐，同埋表示佢地係會不分先後次序沖餐飲。會等埋有幾杯先一次過沖係好正常。更表示如果跟落單先後次序沖餐飲，我會等得仲會更耐。不跟先後次序等30分鐘唔通跟先後次序要40/50分鐘？呢間餐廳比較適合慢活嘅人雖然我本身覺得間餐廳幾好食。但我唔慣一杯野飲要等30分鐘甘耐。其實我又無搵人要投訴，唔知佢沖出黎做咩？好無言，本身最後得飲我都無咩野。但因為嗰位唔知係老細定經理？令到我唔會再幫襯。

🥯超抵食高質早餐📣📣📣食完會好滿足又開心一定非佢莫屬🤩煙三文魚羽衣甘藍比高包//..+$10什菌個煙三文魚配埋羽衣甘藍一齊食真心正～好鍾意食bagel個口感🤤開頭擔心bagel唔夠飽專登加什菌點知食完勁飽好滿足♥️炸魚柳.炒蛋.什菌.鬆餅//..+$10吐司炸魚滑炸粉唔會勁厚👍🏻呢份大男人食仲額外加多份吐司🤣估唔到係有兩塊吐司仲好軟熟🤤薄切西冷牛扒.太陽蛋.鬆餅//..牛扒雖然牛味唔重但肉味濃 肉質嫩炒蛋同沙律菜份量都好足食埋個鬆軟鬆餅飽晒😆炒蛋牛油果吐司//..+$10豬肉腸有成半個牛油果🥑連住炒蛋同牛油果一啖咬唔哂仲有酸酸甜甜醬汁同啲菜加埋鬆軟包包 口感又creamy又清新🤤Mocha (熱)//..呢杯個人覺得比較甜(個人口昩不同)口感不錯幾滑 朱古力味較重 姜母茶(熱)//..姜味不太濃淡淡地又唔太甜涼涼天氣飲啱晒 飲完暖笠笠😊卡布奇諾(熱)//..本身無糖 味道不太濃口感香滑帶少少甘香法式焦糖燉蛋拿鐵(熱)//..一上枱已經聞到好香焦糖味🥰要搞混先好飲因為焦糖沉底香滑甜度剛好 仲有2粒咖啡豆點綴🫘(以上食評 只屬個人意見)———————————

等候時間：0秒環境指數：⭐⭐⭐⭐抵食指數：⭐⭐⭐食物指數：⭐⭐⭐用餐日期：30/12/2022用餐時間：6：00 - 8：00用餐人數：5價錢：$585芝士薯條x3任飲橙汁x2（跟餐+$28/人）凍檸蜜（跟餐$0）屯門市中心開了Beans 已經一段時間了，我想試了很久，但是每次經過都排曬長龍，所以都是離開收場。這次因為朋友提議在這裏吃晚餐，所以怕人多的我也要去一趟。今天真的很好彩，我們六點到達，不用排隊，可以直入餐廳內😊我最喜歡這餐廳的其中一個原因是只需要加28元，便可以飲唔飲鮮榨橙汁，平時一杯鮮榨蘸橙汁已經不是這個價錢。正！至於意粉方面，我覺得一般吧！薄餅方面，也可以一試！這裏的環境可算不錯，三五知己聚會，不常是一個很好的選擇！

想去好耐既餐廳，好多時都係失望話說每次經過呢一度都係大排長龍，有日自己出嚟買糧食又得閒咁就人排我有排啦，係我覺得咁肚餓嘅時候應該食乜嘢都覺得特別好味，但係一個main入邊所有嘢都難食真係好犀利！我叫咗個set lunch 北京燒鵝蒸包漢堡，薯條，沙律再加一件Perfect match蛋糕。一個蒸包可以硬過我條命，我相信佢應該係叮翻熱嘅，北京填鴨嘅sauce 少到係得2啖，入面有甘筍絲，無seasoning 過，草腥味不得了，燒鵝份量叫多嘅，但係啲皮好韌，個包唔好食，我都諗住有薯條頂下肚，最犀利係啲薯條係凍同埋硬㗎，沙律菜新鮮但d sauce 都係得幾條菜有。好彩set lunch 加既perfect match 香蕉朱古力，杏仁撻係做得幾唔錯，唔太甜，撻皮做得好食，朱古力層次幾豐富，個cream打得幾輕身。除咗甜品好食，員工都好有禮貌，環境舒服，其他就。。。

🌟港鐵屯門站B出口🌟＃屯門分店🌟#午餐抵食好多呀每次經過beans 都好多人 排晒隊今次12點去到竟然唔使排隊 仲有好多位任坐！返去lunch Menu 同主餐牌比較 lunch 真係平好多！👀👀🌼手撕豬仔骨漢堡 ＄94-配焦糖洋蔥太陽蛋 沙律 薯條-呢個漢堡真係好正 佢嘅豬仔骨已經手撕好 好juicy!-漢堡有菠蘿蕃茄沙律菜 好豐富！-薯條份量好多炸得好脆！🌼黑松露軟殼蟹意大利粉 $88-軟殼蟹炸得好鬆脆- 黑松露加咗入意大利粉 好惹味-估唔到呢個組合都幾夾喎！🌟油封鴨腿意大利飯 ＄98-鴨腿好稔 但成個意大利飯相對比較淡口 ❣️每個午餐都跟配飲品-齋啡 味道唔錯喔！❣️跟餐可＋＄28配任何一件 cake🌼Tiramisu-cream 好滑 咖啡味濃❣️可惜未去到 Tea time 時間如果唔係仲可以試多得更多🤭🤭

屯門終於有beans👏🏻👏🏻👏🏻等平日放假去朝聖一下😍平時星期六日條隊真係堅長今日排15mins就入到🫶🏻叫左蟹肉意大利飯& all day breakfast 上餐時間都算快 15-20mins⭐️蟹肉意大利飯：有埋蟹蓋係面 打卡一流味道唔道 意大利飯軟硬適中⭐️all day breakfast：經典菜式 必食😋窩夫真係超級超級好食 熱辣辣加埋蜜糖不得了🥳仲有焦糖香蕉 真係好特別 至於炒蛋 夠滑身份量都足夠好評😙👍🏻👍🏻👍🏻

今日休息, 但8點幾就起左身~訓唔返~就出下去食早餐拍下拖啦, 近近地就選擇左Beans - 屯門分店, 無諗過平日早上9點幾都要等位😂 好在都係8-10分鐘, 唔算多人排隊. 今日平日早上, 唔洗同人SHARE張檯. 環境都好有空間感, 坐得舒服又可以有位放袋, 環境衛生乾淨, 另外店員都主動提用QR code上網下單, 另外坐低左就不可再轉位, 90分鐘用餐. 用QR code上網下單都幾好，好仔細, 唔洗店員做咁多同埋客人都可以點選返自己既要求, 少甜少冰,都有得選擇.今日就叫左個 清新輕盈水果早餐+伯爵茶LATTE, 炒蛋牛油果吐司+熱蜂蜜水, 其實BEANS食物水準一向都唔錯!清新輕盈水果早餐 - 蛋炒得滑, 乳酪水果又唔會好甜, 幾好食!! 但不得不提我無諗過伯爵茶LATTE都真係幾香伯爵茶味~~ 😍 如沙律菜份量可以增加多D就更好啦..!!另外, 炒蛋牛油果吐司 - 我搶左一啖黎試下, 無咩特別 不過不失😁總括得閒都係會去食下, 起碼D野1定唔會難食先😂

今日終於同朋友一齊排隊試呢間Beans,成日見到呢間舖頭要排長龍，因為驚要等好耐都唔敢去排，今日試吓排，原來同朋友傾傾吓計，都唔算好耐等半個鐘左右臨入舖頭前，有不同味道嘅消毒噴霧可以用我同朋友兩個點咗兩份主食，兩杯飲品牛肉漢堡五成熟，個包好脆，有塊蛋喺入邊，好多汁，好好味，薯條略嫌唔夠熱再點咗一個黃金蟹肉意粉，好重鹹蛋黃味有啲鹹蛋黃碎，鍾意食味濃嘅食物都唔錯飲品方面，我點咗杯香芋拿鐵，我初頭以為係好濃味嘅芋香味，但又好似得隻紫色冇乜芋香朋友就點咗美式咖啡，賣相同普通咖啡一般服務就一般啦，職員未食完就好似想趕人走，未上齊食物就已經擺定牙籤，仲要成日行過黎

午餐時間到店，店員先著我們先用香薰酒精洗手液洗手，共六款香薰味，自行揀選味道，比起一般洗手液難聞的味道會影響食慾，她們的香薰酒精洗手液可以當作香水用😌, 亦不會影響食慾胃口。店內用電話掃碼下單。🔅軟殼蟹意粉$88軟殼蟹上碟時還脆脆的，好香口，預先砌開一半好讓我倆能分享食物。淺嚐一口意粉和黑松露醬，味道不錯，充滿黑松露和蘑菇香味。🔅黃金蟹肉意粉$88蟹🦀️殼吸睛🤩，蟹肉一絲絲的鋪上意粉，夾雜上鹹蛋黃一起的黃金意粉，味道濃郁，第一口吃上香噴噴的，令人回味，但要注意油份，吃太多有點漏。🔅黑松露醬薯條+$28筆者確實喜愛黑松露味，但薯條炸得偏乾身，配上黑松露醬也能挽回一點分數。🔅黑糖姜母茶（跟餐）姜味不濃，比較淡口的姜母茶，少甜養生。🔅山政小山園蛋卷$42友人特愛綠茶🍵，蛋卷充斥着滿滿的綠茶味，佢綠茶味忌廉香濃，會吃一口都是滿滿的幸福感。💡店內燈光柔和，座位寬敞舒適，適合朋友相聚傾偈的cafe, 店員不時會主動加水，有禮貌，會再回訪。📍屯門屯順街1號屯門市廣場一期UG層UG42號舖

每次經過都大排長龍，終於有機會同朋友試下店面裝修感覺舒服，員工殷勤有禮，門口俾客人使用嘅搓手液好香，座位都舒服我哋一行三人，嗌咗幾樣嘢share羽衣甘藍沙律(小)食材新鮮，配上淡淡嘅沙律汁，好開胃！龍蝦意大利飯飯軟硬適中，有咬口，味道啱啱好唔會太濃甲羅燒黃金蟹肉意粉好多蟹肉蟹膏，意粉係實淨嘅咬口，好啱食手撕豬漢堡(薯條)手撕豬好滑，冇諗過豬肉會咁滑唔鞋，包烘過脆脆地飲品嗌咗熱檸蜜同姜母茶，唔會太甜有機會一定會試其他嘢

📍荳子 (屯門市廣場) (屯門)屯門屯順街1號屯門市廣場一期UG層UG42號舖🍴黑松露卡邦尼意粉💰106🍴豪華英式早餐窩夫💰138🍴芝士薯條 （跟餐加💰28）🍴 Tiramisu💰28🥤四季春茶加芝士奶蓋 $21屯門分店幾寬躺，6點幾去排隊唔算好多，等左一陣就有位。😆卡邦尼意粉好夠汁好食😋All day breakfast保持一貫水準😍，芝士薯條反而一般無乜特別。要讚個Tiramisu好滑好好食🤤，雖然細細杯，但食完正餐食就剛剛好👏👏