荷里活冰室 (青衣商場)

营业中

休息中

冬天到了最愛吃羊腩煲，暖笠笠又好味。呢一晚跟爸爸到了屋企附近的茶餐廳吃晚餐，平時看到這間茶餐廳都食客滿滿，今日都只是平日的晚上，而且我們都很早進餐廳，所以就不用等位，但過了一會兒，食客便開始越來越多了。看過餐牌後，有多款經典小菜，又有煲仔類，應有盡有，又可以點一些晚市精選，很多選擇。由於天氣凍了，我和爸爸都想吃羊腩煲，羊腩煲分為大份或細份，我們二人點了細份羊腩煲，細份羊腩煲配上了一碗例湯和一碗白飯。細份羊腩煲價錢抵吃，而且份量很多，我也沒想到細份的羊腩煲其實也十分大煲，而且內裏的食材很多種類又多，而且羊腩件數也超級多的。羊腩煲放到枱面後，用Gas爐加熱着，所以暖暖的超啱冬天吃。羊腩超入味又腍身，一件又一件的美味羊肉，仲可以點埋腐乳醬來吃，超級惹味。羊腩用來送飯簡直一流。除了羊腩外煲內還有其他多種食材，有超入味的枝竹、爽口清甜馬蹄、又香又大隻花菇等等，仲配上了生菜，把生菜放入鍋中一同加熱超吸味，超惹味，超滿足。羊腩煲讚口不絕，我們還點了另一款名物～吉列魚柳沙律薯條，賣相超吸引，一大條金黃色香脆的魚柳，魚柳脆卜卜，入面的魚肉超嫩滑，點上了沙律醬來吃超惹味，大人小朋友也十分喜歡。除此之外，仲

冷冷的天氣，要吃暖暖火鍋：） 話說，不少地區也有荷里活冰室，早上吃的是茶記早餐，晚上則有小炒和蒸魚，但我想不到的是，竟然有明爐羊腩煲！ 這家餐廳我們常來，價錢不貴，街坊生意，常常滿座，繁忙時間總是排很久；最近推出羊腩煲，價錢十分實惠，就和小朋友二人前點個「細」的「嘆」一下！湯底濃香，羊腩大件厚肉，帶皮的部分入味軟腍，細煲里肉量不少，也有腐竹和冬菇等配料，每個羊腩煲配一碟生菜，滾著滾著真不錯！記得，套餐還有例湯和白飯～抵食！

住在青衣邨的舊同事，今晚約我食晚飯，我地去左她邨內位於青衣楓樹窩路10號青衣商場地下S6-S7號舖的荷里活冰室用膳，環境舒適，坐得舒服。我地點左個 中式牛仔骨（王牌小菜套餐）$95，西芹炒斑片（青衣柳）（超值晚飯套餐）$85，套餐奉送白飯及老火湯各一碗，餐飲係暖心養生的熱山薑菊花蜜 $9，熱紅棗桂圓茶 $9。中式牛仔骨份量不少，牛仔骨牛味香濃有咬囗，配菜有洋葱和菠蘿，中式芡汁惹味；西芹炒斑片賣相吸引，斑片煎得外脆內嫩，新鮮又好味，西芹青綠好食；兩款熱飲潤喉好飲。

老實講都唔係第一次，已經去到忍無可忍先會上黎openrice到打食評。老實講去得茶記都唔預有咩服務有咩食物質素，大家都係求食餐安樂茶飯維持生命就算啦，依間咁既野收得貴不特只，食物普普通通都算，畢竟茶記嘛，合格就得啦，但係樓面d員工服務態度真係差到一個點，做野慢十問九唔應，唔係繁忙時間卡位係有位但係唔俾人坐迫食客坐圓枱無限搭枱，一張圓枱幾個唔識既搭埋一齊迫住食飯，跟坐吉左張卡位出黎無人坐，客人要求坐卡位話唔得，卡位要留返3-4個人一齊黎先可以坐，都係果句，去得茶記都係求餐安樂茶飯，都已經唔係同你講質素，依間咁既垃圾錢識收但係連一餐安樂茶飯都俾唔到人，難為了住附近既街坊真係無選擇迫住俾錢仲要受佢地氣。依個問題已經由佢第一日開舖直到今時今日都仲係咁，已經去到忍無可忍先會係openrice到俾個食評佢，可憐既係佢既食物普通到無咩值得評價，但係服務態度真係可以差到寫多幾百字都寫唔完！

特惠午餐：銀芽肉絲脆脆麵（$56）即製，麵底脆，麵條偏幼，減少口感。銀芽、韭黃、菇片、豬肉絲，份量足，調味可以，芡汁適中唔會太傑太稀。熱奶茶用厚身杯，茶味不錯但滑度差啲啲。

過完農曆年都未同屋企人食過飯，今日特登返去食返餐，屋企人話呢間〈荷里活冰室〉好食，我就決定去試吓去到門口都已經排左十幾廿人，都要等成差唔多半個鐘先入到去第一時間睇下個餐牌，有冇搞錯，晚餐點解可以咁平？小菜+例湯+白飯，最平由$65-$148？係咪抵到咁呀？第一樣上嘅係啫啫雞，熱辣辣，個汁好惹味，雞肉都好多舊下，送飯一流味道唔會太辣，同樣惹味，但可以多啲鹹魚就會更好沙律醬同芒果，酸酸甜甜，好醒胃呀，豬排又夠淋，老人家食都咬得到等得最耐，不過係好新鮮嘅，又滑又好味最估佢唔到係呢個炒米，汁同餸係分開，唔會令啲炸魚同炒米粉因為索左汁變淋好多豆，飲落口有陣香味，不過講唔出係乜味五個人飯埋單四舊多少少，碟碟都夠大碟，食到捧住個肚，開心

最近全家人去咗食佢嘅六人餐，加咗個羊腩煲，份量都足夠味道都唔錯，有四個餸加隻雞加條魚。見佢新開，所以入嚟試吓。青衣好耐都冇新嘅餐廳啦，希望會越開越多啦，咁就唔使日日食一樣嘅嘢

去到落外賣單，問喺收銀員位置嘅員工沙嗲肥牛炒丁有冇得轉河粉，個姨姨勁晦氣咁話“冇！”於是就轉嗌乾炒牛河。再問有冇得走芽菜時，姨姨更晦氣話“冇！”於是同佢咁講唔要喇佢就即刻改口話搵緊機掣喺邊。全程對話都發老脾咁。結果...機掣搵到，芽菜仍在。🙄受完氣都仲得唔到想要嘅食物。食物味道中規中矩嘅，有機會會再幫襯，希望服務態度可以有所改善。其實做錯呢啲小事唔緊要㗎！但態度真係唔可以差到咁囉！相信食客都唔想貼錢買難受。

出面排咗陣先有位入之後被指示跟住個呀姐行到最入大枱坐後面突然又有人話佢六位咁我地行返出去問個姐我哋坐邊個呀姐就突然開始呼喝瞪大對眼鬧我地🙄話係門口果張枱呀態度極之差又囂張我嚟食嘢姐點解無啦啦要受你氣？你地自己溝通有問題點解要鬧個客？我地兩位都唔想坐大枱呀又要同人搭枱你帶錯位我又冇怪你問返你應該要坐邊張你唔使起晒槓鬧人呀？區內仲有其他選擇唔一定要食你呢間嘢之前啲食評都話服務差我都諗住試下無妨點知咁就中咗伏如果餐廳仲容許呢種員工態度依舊嘅話我真係祝你地好運👍🏻

本人在餐廳點餐,但並無留意餐牌上的套餐供應剛剛超過時限,負責落單的剪陸軍裝的男服務員,即時拋出一句:就離開了.態度奇差!後來點了其他套餐,送上的食品質素只系一般.並無再次光顧的打算.只因當區附近沒有太多餐廳的選擇,加上此餐廳系新開張,或者仍會吸引其他食客光顧.

今晚唔想煮去咗食晚飯，嗌咗兩個餸，椒鹽鮮魷同鹹酸菜肉片豬肚煲，椒鹽鮮魷厚粉，豬肚煲無鹹酸菜，食完勁口渴，不過茶餐廳我都唔會要求啲咩，間間茶記都差唔多㗎啦最離譜係，坐斜對面張枱食完走咗，服務員推架餐車過嚟執嘢，佢為咗快手執完，將啲碗碟掟落架餐車，啲水花係濺到我個袋同半邊身都有水點，而個服務員其實都見到水花四濺，但道歉都無句，望一望就算，我都有唔啱，無即時開波鬧佢，打份工遮，又唔係返工受氣，不過我唔會再現場食囉

入單不到1分鐘改單，之後原本$60包飲品的飯變成$63無飲品，滑蛋蝦球飯 大家記得睇清楚餐牌先好落單，雖然不算欺騙，但態度比大X樂大X活更差，至少收銀會提你 你叫的飯可以配餐更抵食更優惠

見早排佢岩岩開張，好多人排隊，諗住應該唔差。今日下午過去叫個外賣，點左個「蔥油豬扒飯」（佢仲括住係有豉油）加個老火湯，另外叫左個丹麥酥。我叫完問個收銀：我見Menu有得揀醬，係唔係可以加花生醬。佢諗左諗：話冇嫁依個。依個上面得個唔知咩蒜蓉醬。我一聽就知佢唔熟自己有咩賣，所以我就冇再追問。等左10分鐘拎到外賣，速度屬於正常。到我拎到返屋企，打開個飯盒，我見到一塊好乾淨嘅豬扒。為左再三確認，我揭開塊豬扒底，下面只係得飯幾條菜，冇蔥油，亦冇豉油。唔講以為我食緊減肥餐。我特登拎住盒飯，行左10分鐘返餐廳。我同收銀姐講：「你個蔥油豬扒飯冇蔥油，又冇汁」佢一句道歉都冇，就拎住盒飯入廚房，大叫「蔥油豬扒飯冇蔥油，加返俾佢」等左一陣另一個呀姐拎住盒飯，袋都冇入就諗住俾返我。我話：「幫我袋返佢可以嗎？」佢就west住面咁入去拎膠袋，再俾返盒飯我，全個過程零歉意。我以為係我做錯，換飯係我唔岩…我帶住個飯再返到屋企，我打開個飯一睇。x佢 佢就真係淨係加左蔥油，冇加豉油。我真係冇野好講，可以直接black list。係米第一水賺夠了，就可以咁求其做飲食？