莎樂美餐廳

营业中

休息中

星期日路過，見到下午茶時間就入去食，叫左個雞翼薯條，見啲薯條係用細薯仔連皮炸好似好正，點知一咬落去啲薯條係凍既…即係一早炸左唔係即炸…想叫佢換，不過我諗換都係翻炸唔會比新鮮你，加一仲要比啲凍薯條，咁普通既食物都咁求其，有點後悔冇行多兩步去前面食，唔會再去。

最近同男朋友對鋸扒上左癮試完花園餐廳之後今次決定去荃灣好出名既莎樂美7點幾去到已經有人排緊隊 但好好彩兩個人即刻有位坐二人位好窄 燈光比較暗我地每人叫左一個扒餐 有湯 餐包 扒 雪糕 同餐飲餐湯有忌廉湯同羅宋湯揀 我地都揀左羅宋湯 都幾多菜但真係好辣！！！！完全唔知點解羅宋湯會咁辣餐包好熱 佢翻叮完即上 個包好濕我地叫左個黑椒牛柳餐同燒汁西冷牛扒餐 都係150HKD肉質普通 我地叫五成熟但上枱既應該有7成熟但值得一提既佢既扒真係好厚 啖啖肉 好大份上面既薯角好稔 仲有好多三色豆我地加左6蚊要個意粉 賣相真係好唔吸引 仲要好乾身其實本身份扒已經好大份 唔洗加都夠最尾既係雪糕 冇得揀味 佢今日既係朱古力 仲有好多朱古力粒同花生碎 幾有驚喜雖然大份 但食物環境質素都一般 其實泥食既可能都係鐘意佢既懷舊港式扒房風格～

一直幾忙，忘了要寫食評。就著今日閒暇，寫番之前的先。話說當天出外活動，年輕人活動時間當然是在中午才開始啦。所以一去到就諗食咩好。有人就提起這間餐廳了，原因當然是大大份扒，超滿足。咁就去試試佢啦。這間餐廳的裝潢是香港舊式扒房樣式，燈光比較幽暗。也感覺店面像是很久沒翻新了。回歸正題，餐廳的食物都是套餐形式，有餐包、餐湯、主菜、餐飲、甜品。的確喺扒房形式。餐溫當然有紅湯和白湯啦。我叫嘅喺紅湯。湯嘅水準屬於菜餐廳水準。菜唔夠爛，不能有入口即化感。而且湯也不夠香。餐包無影相，就不多作評論了。但可以說是軟軟的，感覺幾好。主菜叫了兩款，一款喺手牛肋條，一款喺雜扒。雖然兩款扒都喺普普通通，肉質同味道一樣只比大家樂鐵板扒餐好一點點，但兩款扒真喺大大份。當然，還有餐飲和雪糕，但也只是普通水準。不過，不可否認，以價錢和份量來看，物有所值。其實60元嘅大大份鐵板餐，我甚至覺得有點便宜了。總結，如果不是剛好在附近，同時為了填飽肚子，我想我不會再去。或者，可能有一天，我會想感受香港舊年代氣氛，再來這間餐廳。

聽講呢間餐廳係以前老一輩既回憶，所以好期待去咗試試。誰不知點左個飯同意粉都係凍既。同佢地講啲飯凍左仲有說話聽，佢仲話比啲出煙嘅飯同意粉你好冇？（語氣惡劣）。我心諗正常唔係比出煙既咩？冇品質已經算，而且最接受吾到係佢地惡劣既態度。好似做唔做你生意都冇乜所謂咁。咁既服務仲好意思收10%服務費。我去既時候吾算太多人都係咁既食物品質，如果多人既時候我都唔知佢會比啲咩你。只可以講今時不同往日，非常失望，以後都唔會再去。建議食友不值一試。

又係荃灣搵好野食！今日到訪呢間舊式港式鐵板餐廳，入面裝修好似細個爸媽帶我去据扒嘅餐廳呀！午市鐵板餐$60，包餐湯餐包薯菜飲品同雪糕！呢個價錢，未食已經覺得超值了！唔食鐵板仲有$48午餐選擇架！先黎個羅宋湯，夠味，少少辣，好過而家好多西餐廳呀！鐵板牛肋條餐配黑椒汁，超大份，牛肋夠淋，不過太大份食唔晒呀！薯條就淋左喇，同埋點解唔係扭紋薯條架！呀，仲可以加$3加白飯或意粉。最後仲有甜品同餐茶，大滿足呀！雪糕有細個嘅味道，淨係個雪糕杯都加晒分！另外估唔到奶茶都咁好飲！埋單$66，抵抵抵！

多年來，第一次食莎樂美，聽聞質素不錯，今次終於鼓起勇氣去試，試完，我諗只可以講D人應該對舊式扒房，有點情意結吧。我們點了黑椒汁牛柳及肉汁西冷，上桌時用布擋住，但塊布係穿窿嘅，店員說故意的 ... 大概好評的人是喜歡那種人情味吧。至於食物質素，餐包係我最愛，白湯紅湯都好普通下，如果熱D會比較有利😂我先食肉汁西冷，個肉汁冇乜味，西冷除了説份量好大外，基本上冇乜野好講😌而黑椒汁牛柳，黑椒汁又翻啲味，但仍然係好普通嘅😂 牛柳就可以啦，如果以這個價錢，雪糕就真係叫有個甜品😅

同老公同埋佢班朋友一齊食其實啲耶就抵食同大件不過話好味又唔太覺叫做窮人恩物咁最可惡係啲 waitor 趕客(一個中年大叔)催你走咁, 態度同語氣都相當之差十分之無禮貎入餐廳食, 除咗食質素, 都求一份對客 ge 尊重其實個 waiter  可以客氣啲, 你客氣時我都會客氣追求服務質素 ge 人,千祈唔好揀呢間 !!!!!!!!!!!!!!!我永遠都唔會再黎, 亦建議身邊啲朋友唔好黎

早幾日同朋友黎食夜晚朋友建議嗌個焗海鮮意粉同雜扒share食所以就嗌左呢兩樣雜扒有全雞翼、火腿、雞扒牛扒豬扒各一塊兩個餐都有餐湯、飲品同甜品雜扒上先過焗飯太肚餓所以直接食望落好似好多野但其實都好細份好薄完全唔好食 牛仲要乾既焗海鮮意粉就完全無味如果唔係見到個樣都唔知自己食緊咩兩樣野都係百幾蚊但呢個質數真係太差最後上既甜品其實係朱古力雪榚佢地一早整好再一個個碗咁雪落雪櫃所以上黎個刻係好硬 要等一陣先食到

今日放假同朋友出荃灣睇鞋作為大家都係食肉獸行得耐餓住個肚自自然然就想据排満足啦！其實呢間老牌排房幾年前都食過佢個肉眼排的確好令人回味還掂黎開荃灣一於黎食多次先！由於放假既關係夜晚黎到都幾多人排隊入席仲要好多都係情侶組合 (心諗食伴係我女友咪好T_T)等左20分鐘度終於有位坐雖然有卡位坐但本身環境比較窄同多人所以多多少少都有啲壓迫感喺度不過唔緊要醫肚最實際！我同朋友都叫左肉眼排而我就叫返我最鍾意既組合肉眼排5成熟蒜蓉汁薯菜另加意粉大大份再加意粉可想而知我餓既程度去到邊！上枱指定動作拎起紙巾先！蒜蓉汁係完美配搭淋左汁既肉眼JER JER聲望落都幾Jable 架！塊排叫5成熟再放上熱鐵板度熟度剛剛好食落口感唔會會起渣而且大大件好襟飽套餐另外包埋餐包餐湯仲有雪糕加埋意粉百六蚊絕對抵食！

係荃灣屹立咗幾十年嘅老字號扒房，趁有時間又去咗品嚐呢度午餐，午餐呢度分咗鐵板午餐有幾款口味提供，唔食鐵板仲有是日午餐，焗飯同沙律選擇，最後點咗鐵板套餐，都係俾多十蚊八蚊，起碼食得豐富D套餐包括有餐包，西湯，飲料，主菜同甜品，先來有餐包仲有D熱，湯要羅宋湯，食完前菜，等咗一陣鐵板出來份量十足分別有雞扒，豬扒，火煺，腸仔同埋大蝦皇，先食雞扒肉質尚嫩夠大塊，豬扒啖啖肉夠晒飽，再食埋大蝦皇已經夠滿足晒，最後飲番杯奶茶食埋朱古力雪糕，又食完一餐飽滿午餐

今晚與老公去沙樂美食個情人節套餐，未食完主菜，就遞上雪糕比我地，未食完雪糕就收起我既匙羹，短短30多分鐘既晚餐，係咁趕，好似要我們快d走，快交出枱比另一個客。當職員越趕急，搞到我們都食得很不安樂😌😌只想坐多一陣都咁難嗎？其中一個職員唔高興咁，仲大聲講我地兩個人食一人餐😤😤😤呢間餐廳平均1人餐大概花費110~150左右要，我地食既所謂1人餐（佢地無寫明係1人餐，是叫情人餐），埋單我們都係比差不多280~，平均每人食了一個餐。為了生意，不顧客人的感受，催趕令客人一點都不享受，被催迫下，只坐了1小時，本人不會再幫襯呢間餐廳了。

莎樂美。一間荃灣每個人都應該識既扒房。環境十年如一日 上次黎已經6-7年前。到而家都無變過。一樣咁窄，不過價錢就唔同晒。好在都係可接受既價錢。上星期同朋友去。因為肚餓。叫左呢件大份到只可以碟上既雜扒餐。每樣都有件。真心多。不過隻蝦真係細隻左d, 其他都係個d大路野。而我朋友就叫左牛柳。都唔差

一入去沙咀道果間莎樂美，樓下有位仲叫我地逼上去上面坐，甘都算，d野食都麻麻，最後食完話埋單要係上面現金比，本身無帶現金，我話錄卡，佢竟然話無.O嘴，我地問樓下唔係同一間？d職員話唔係，唔係連個餐廳名都一樣？？唔係叫我地上去做咩，真係當人白癡，以後唔會再去呢間垃圾野！

老公話莎樂美既鐵板餐好好味， 成日都話要再黎， 今日一於黎食個lunch等佢止下癮先menu相當吸引， A至E都想揀， 但得2個人， 最後忍痛揀左牛肋條同雜扒餐。 老公唔知道有薯菜跟， 加左個白飯， 結果勁飽， 下次可以慳返唔好加飯紅白湯試晒， 白湯普通無驚喜， 但都唔差， 裡面有塊梳打餅， 如果用魚仔餅會更好。 紅湯勁好飲， 香濃微辣仲好有牛肉味， 而且裡面真係有牛肉碎㗎！ 感覺好足料！ 餐包微熱， 搽牛油一流，飲完湯食埋包已經好滿足！牛肋條黎先， 份量好夠， 牛肉好嫩唔覺有鬆肉粉， 配上黑椒汁一流， 雜菜同薯角都唔錯， 完全無令人失望！個雜扒黎到真係要哇一聲， 大份到差d放唔落個鐵板， 裡面有大蝦，雞扒， 豬扒， 火腿同腸仔。 隻蝦有啲梅不值一提， 雞扒同豬扒大大件幾好味， 腸仔同火腿都係超市貨色， 整體都覺得幾好， 適合大胃王食肉獸！食飽飽之際上埋餐飲同甜品， 甜品無得揀， 係一球朱古力雪糕， 雪糕內仲有朱古力碎碎， 真令人驚喜！今餐完美作結， 每位連加一才$66, 真係夫復何求！

莎樂美，哩個名，聽過十年以上，知道佢好抵份量頗大，但從未幫襯過，因為少入荃灣。今次入到黎，啱啱又係莎樂美果頭，於是乎入去幫襯吓，睇吓係咪名過其實。好好彩，唔洗等就有位坐，不過，冷氣真係好勁！莎樂美個 menu 唔係得扒類，都有焗飯等其他選擇，不過，唔鋸扒又好似怪咗d囉.....先講講羅宋湯，真係食到有牛腩係入面，但其實我比較中意白湯，比較啱自己胃口。餐包係凍嘅，正常囉，冷氣太大鳥。主角上枱啦！嘩，份量真係頗大，好彩自己比較肚餓，有信心清枱！T骨扒叫7成熟，食落肉質比想像中滑，有肉汁，收貨。另外叫咗份美式什扒，除咗雞翼處理得熟咗d之外，其他都煮得啱啱好，食落有肉汁唔會乾哂。好耐未試過鋸噤大份量嘅扒嚕，今次幫襯滿腹！滿足！