莎樂美餐廳

营业中

休息中

每個愛到荃灣吃飯的人一定聽過莎樂美，因為它是超老牌的舊式茶餐廳。晚飯時間常常要排隊，環境懷舊，樓底低、燈光暗。這裡出名大大份又便宜，一個扒餐足夠兩個人吃，味道是舊式茶餐廳的扒餐味、濃濃豉油味。

This place is located on a main road in Tsuen Wan, the restaurant has very dark windows with an old school exterior. After walking inside, you will be greeted by a dark atmosphere and there are stairs for upstairs seating. If you are looking for some fine cuts of meats and want your steak to be cooked to a specific temperature then this is not a place for you.The restaurant serves the famous sizzling plate steaks which were famous in the 80s. Why it’s called the sizzling plate steakhouse, is

This one of my favorite place for lunch at Tsuen Wan. Had lunch the other day with my buddy. This place is one of the old fashioned Hong Kong style steakhouses. They have different sets to choose from. My buddy and I always order the same ribs set whenever we come to this restaurant. The set comes with a soup, drink and also chocolate ice-cream, which only cost $68!! there are about 4-5 ribs served on a steel plate. The ribs are juicy and tender. Overall: I’ll rate this restaurant 4/5, a

一入門口，已經被煙同咋咋聲勾起我回憶。餐廳座位雖然窄，但佢個鐵板同塊扒係大大舊嫁。拳頭咁大嘅肉眼扒，我諗大部份人都未必食得晒。價錢同食物質素絕對成正比。我諗呢類型扒房係香港買少見少。

早幾日同兩個舊同事撇低曬啲老婆、仔女、女朋友，三條友出去食晚飯聚舊，實在太開心!大家都係住荃灣、屯門區，我哋揀咗莎樂美，貪佢大件夾抵食!等位要人齊先入得，齊人後等左15分鐘入得。我地一人叫個餐，我叫咗一個T骨扒套餐，$155左右，塊扒好似我塊面咁大，見到都飽。不過嗰日塊T骨就麻麻哋好食，唔係咁入味、唔夠香，不過肉質都ok嘅。同事塊西冷睇黎正d。餐湯、餐包都係啲standard嘢啦。我哋三條友食咗兩粒幾鐘，慢慢食、慢慢傾，實在太正嘞! 套餐包埋餐飲同埋雪糕，真係好經濟!

收工即興約飯，大家都想食扒，就諗起好耐冇食既莎樂美，大家去壞舊下我地係平日去的，6個人大台要等15-20分鐘，落單好快，上菜都快。我揀左羊扒，其他人都食牛。鐵板超夠熱，我要左6成熟，食左三分一已經變左全熟，肉既質量都可以，但價錢比以前貴左。

晚飯時間跟同事去了一間歷史悠久的扒房 ，聽說這店的扒餐大件夾抵食，自問是大胃王 所以就來挑戰一下，店內店內裝修都很懷舊 菜單選擇很多，以鋸扒為主我當晚比較肚餓 所以點了一份雜扒餐另加一份意粉隨餐跟了一個餐包和白湯，雜扒餐份量真是很多，有雞全翼香腸、火腿、豬扒、雞扒還有薯菜，雖然食物質素一般，但分量真是很多很抵食還有飲品無雪糕，很飽的一餐。

坊間有好多間老牌扒房，花x餐廳呀，第幾牛扒呀，金x大餐廳呀等等，份量仲係keep住咁嘅size嘅，真係要數莎樂美真係好大件呀。我地今次叫左兩客鐵板牛柳（一個六成，一個七成），上枱時見倒有4個拳頭👊，侍應淋黑椒汁時咋 咋 咋，好香呀因為牛柳大厚，切開牛柳時見倒中間個心都仲有血水，可以用鐵板興熱佢，七成嘅外面就稍嫌實左d，無咩牛肉味（唔請係鐵板味？），而六成就咬口好好，牛味無被蓋過勁正呀！可能因為鐵板太熱，墊底嘅薯菜全部燶晒，食唔倒囉不過個份量真係太大喇，食唔晒之餘，佢最後個雪糕甜品都食唔完呀下次要好肚餓好肚餓先去

莎樂美聽咗好多年，但一路都冇試過 。有啲朋友話佢哋啲扒係唔會食得晒㗎 (好似好誇張咁喎)咁等我今日去挑戰下先 ，餐牌有好多款揀，最後決定咗叫鐵板洋蔥豬扒餐同鐵板夏威夷雞扒餐。鐵板餐嚟之前有餐包同餐湯，可以揀羅宋湯/ 周打魚湯 。好快過扒就到啦，一上枱真係嘩出聲同講咗句:我應該食唔晒。雞扒有兩大舊，而豬扒有三大塊，你仲可以揀白飯或者意粉。扒下面仲有我好鍾意食嘅薯菜，最後我真係食唔晒。收晒所有野之後，仲有雪糕送呀，不過我係食晒杯雪糕嘅 。我仲見到隔離枱有人食什扒餐，而個份量仲誇張 (我好似大鄉里出城咁)。不過呢度嘅扒真係份量多，價錢又實惠。

星期日路過，見到下午茶時間就入去食，叫左個雞翼薯條，見啲薯條係用細薯仔連皮炸好似好正，點知一咬落去啲薯條係凍既…即係一早炸左唔係即炸…想叫佢換，不過我諗換都係翻炸唔會比新鮮你，加一仲要比啲凍薯條，咁普通既食物都咁求其，有點後悔冇行多兩步去前面食，唔會再去。

最近同男朋友對鋸扒上左癮試完花園餐廳之後今次決定去荃灣好出名既莎樂美7點幾去到已經有人排緊隊 但好好彩兩個人即刻有位坐二人位好窄 燈光比較暗我地每人叫左一個扒餐 有湯 餐包 扒 雪糕 同餐飲餐湯有忌廉湯同羅宋湯揀 我地都揀左羅宋湯 都幾多菜但真係好辣！！！！完全唔知點解羅宋湯會咁辣餐包好熱 佢翻叮完即上 個包好濕我地叫左個黑椒牛柳餐同燒汁西冷牛扒餐 都係150HKD肉質普通 我地叫五成熟但上枱既應該有7成熟但值得一提既佢既扒真係好厚 啖啖肉 好大份上面既薯角好稔 仲有好多三色豆我地加左6蚊要個意粉 賣相真係好唔吸引 仲要好乾身其實本身份扒已經好大份 唔洗加都夠最尾既係雪糕 冇得揀味 佢今日既係朱古力 仲有好多朱古力粒同花生碎 幾有驚喜雖然大份 但食物環境質素都一般 其實泥食既可能都係鐘意佢既懷舊港式扒房風格～

一直幾忙，忘了要寫食評。就著今日閒暇，寫番之前的先。話說當天出外活動，年輕人活動時間當然是在中午才開始啦。所以一去到就諗食咩好。有人就提起這間餐廳了，原因當然是大大份扒，超滿足。咁就去試試佢啦。這間餐廳的裝潢是香港舊式扒房樣式，燈光比較幽暗。也感覺店面像是很久沒翻新了。回歸正題，餐廳的食物都是套餐形式，有餐包、餐湯、主菜、餐飲、甜品。的確喺扒房形式。餐溫當然有紅湯和白湯啦。我叫嘅喺紅湯。湯嘅水準屬於菜餐廳水準。菜唔夠爛，不能有入口即化感。而且湯也不夠香。餐包無影相，就不多作評論了。但可以說是軟軟的，感覺幾好。主菜叫了兩款，一款喺手牛肋條，一款喺雜扒。雖然兩款扒都喺普普通通，肉質同味道一樣只比大家樂鐵板扒餐好一點點，但兩款扒真喺大大份。當然，還有餐飲和雪糕，但也只是普通水準。不過，不可否認，以價錢和份量來看，物有所值。其實60元嘅大大份鐵板餐，我甚至覺得有點便宜了。總結，如果不是剛好在附近，同時為了填飽肚子，我想我不會再去。或者，可能有一天，我會想感受香港舊年代氣氛，再來這間餐廳。

聽講呢間餐廳係以前老一輩既回憶，所以好期待去咗試試。誰不知點左個飯同意粉都係凍既。同佢地講啲飯凍左仲有說話聽，佢仲話比啲出煙嘅飯同意粉你好冇？（語氣惡劣）。我心諗正常唔係比出煙既咩？冇品質已經算，而且最接受吾到係佢地惡劣既態度。好似做唔做你生意都冇乜所謂咁。咁既服務仲好意思收10%服務費。我去既時候吾算太多人都係咁既食物品質，如果多人既時候我都唔知佢會比啲咩你。只可以講今時不同往日，非常失望，以後都唔會再去。建議食友不值一試。

又係荃灣搵好野食！今日到訪呢間舊式港式鐵板餐廳，入面裝修好似細個爸媽帶我去据扒嘅餐廳呀！午市鐵板餐$60，包餐湯餐包薯菜飲品同雪糕！呢個價錢，未食已經覺得超值了！唔食鐵板仲有$48午餐選擇架！先黎個羅宋湯，夠味，少少辣，好過而家好多西餐廳呀！鐵板牛肋條餐配黑椒汁，超大份，牛肋夠淋，不過太大份食唔晒呀！薯條就淋左喇，同埋點解唔係扭紋薯條架！呀，仲可以加$3加白飯或意粉。最後仲有甜品同餐茶，大滿足呀！雪糕有細個嘅味道，淨係個雪糕杯都加晒分！另外估唔到奶茶都咁好飲！埋單$66，抵抵抵！

多年來，第一次食莎樂美，聽聞質素不錯，今次終於鼓起勇氣去試，試完，我諗只可以講D人應該對舊式扒房，有點情意結吧。我們點了黑椒汁牛柳及肉汁西冷，上桌時用布擋住，但塊布係穿窿嘅，店員說故意的 ... 大概好評的人是喜歡那種人情味吧。至於食物質素，餐包係我最愛，白湯紅湯都好普通下，如果熱D會比較有利😂我先食肉汁西冷，個肉汁冇乜味，西冷除了説份量好大外，基本上冇乜野好講😌而黑椒汁牛柳，黑椒汁又翻啲味，但仍然係好普通嘅😂 牛柳就可以啦，如果以這個價錢，雪糕就真係叫有個甜品😅