菊月町

营业中

休息中

菊月町 倒流時光價Omakaese, $1480 有成23個course。🌊 岩手縣雪解蠔 蠔肉厚實鮮甜，帶少少奶香，配上一dd檸檬汁，酸甜味點到即止，成功帶出蠔嘅鮮味。🐙 八爪魚配醋涷 八爪魚肉質彈牙，分開咗爪同身體去處理，身體部份有微微炙燒過，配上透明嘅醋涷，成個味道都比較清新。🐟 大分縣池魚他他配芝麻醬及紫洋蔥 池魚他他魚肉細膩而且滑嫩，拌上香濃嘅芝麻醬同微甜嘅紫洋蔥，口感多層次得黎，成道菜嘅味道都更加平衡。🔥 劍魚腩配日本尖椒 劍魚腩油脂分布均勻，魚腩肉質細嫩，入口即化，尖椒本身微辣，兩款加埋幾刺激到味蕾。💜 岩手縣原隻紫海膽配魚子醬&帶子 紫海膽入口有濃郁嘅海水味道，加上魚子醬嘅咸香同帶子嘅鮮甜，幾款食材結合之後口感好細膩。🍣 煙燻拖羅配沙甸魚魚幹 拖羅經過煙燻帶出魚肉本身嘅油脂香，同脆脆嘅沙甸魚魚幹一齊食更添幾分滋味。🐟 剝嘴魚臉頰肉 臉頰肉係魚肉最嫩滑嘅部分，餐廳煮得啱啱好，部份軟骨已經變成膠質，好快就食晒成份料理lu。🍣 壽司壽司部份都表現唔錯，赤貝爽口彈牙，獅魚味道細膩，平貝搭配烏魚子多咗份咸鮮嘅層次感。Overall嚟講，呢個價錢食到咁多野而且水平算唔錯真係冇投訴，

朋友升左職請我食omaskse 🥹我有食福啦坐吧枱座位可以欣賞到師傅席前料理既過程食材高質服務滿意飽到棒住個肚腩走😂😂😂HK$1480 per one 爍雨 套餐 23品先付🥚九州蘭王溫泉蛋蛋黃呈橙紅色，蛋香非常濃郁配鹽水海膽、三文魚籽撈勻一齊食，味道油膩。魚板用左醬物漬、芥末調味，口感彈牙。海草莖枝豆口感鮮嫩清爽、豆質軟綿帶少少辣味。宮崎澤蟹🦀炸到好香脆。季節性刺身♧岩手縣雪解生蠔🦪超級肥美飽滿，味道鮮甜濃郁，口感嫩滑，師傅更以薑汁、昆布提鮮😋。♧北海道水八瓜魚🐙分別有吸盤同肉。吸盤口感更彈牙爽口，肉部份切成薄片，質地軟嫩，配竹炭鹽、柚子啫哩，酸酸地好清新。♧九州深海池魚他他肉質鮮嫩肥美，脂厚油香，入口魚油甘香細膩，加左紫洋蔥，令甜味、鮮味提高。♧鯛魚真子第一次食，口感細緻柔軟，有d似煮熟左既三文魚，幾得意。季節性料理♧香箱蟹即松葉蟹蟹乸，師傅將蟹肉、蟹膏、蟹籽拆肉放滿蟹蓋，每一啖都係幸福既感覺🥹。♧北海道紫海膽師傅話5月推介😻北海道原隻紫針海膽上枱，氣勢十足。紫海膽顏色較淡，水份較高，味道清甜，帶海水味，配帆立貝、魚子醬，好鮮味。♧煙燻拖羅師傅以蘋果木煙燻大拖羅，再以紫菜包裹醬油漬

返工咁辛苦獎勵自己梗係要食好西，喺觀塘鬧市搵到一間高質Omakase，$1480就可以食足23品料理，食材新鮮，全部日本直送，師傅功架十足，而且敬業樂業，會細心講解每一道菜嘅特色同食法。餐廳環境舒適，吧枱採用高級木材打造，質感細膩，可以近距離欣賞師傅處理食物嘅精湛技藝。23品料理包括前菜、季節刺身、鐵板燒，季節料理，手握壽司、湯品同甜品，食完大大嘅滿足同幸福感！刺身方面，有雪解蠔，松葉蟹料理，象拔蚌刺身，深海池魚刺身，全部入口鮮甜。壽司方面，師傅會根據當日食材即場創作，醋飯溫度適中，令人回味無窮。主要想推介以下幾款⭐️⭐️⭐️雪解蠔：這是一種在寒冷水域生長的生蠔，肉質緊實，鮮甜可口。⭐️⭐️⭐️松葉蟹讓蟹蓋：松葉蟹是日本著名的蟹類，蟹蓋內的蟹肉鮮美，肉質細膩。⭐️⭐️⭐️象拔蚌刺身：象拔蚌是一種大蚌，肉質厚實且彈牙，常用於刺身，口感極佳，味道鮮美。⭐️⭐️⭐️深海池魚刺身：這類魚來自深海，肉質鮮嫩，含有豐富的Omega-3脂肪酸，生吃時通常要求一定的新鮮度，以保持最佳風味。⭐️⭐️⭐️紫菜夾拖羅：這是一種日本小食，通常是以紫菜包裹著新鮮的拖羅，口感獨特，鮮味十足。⭐️⭐️⭐️西班牙杜洛黑豬：這是來自西班牙的高級豬肉，肉質

一次過食23道菜嘅感覺係點？…今晚去咗觀塘嘅”菊月町”食Omakase。呢度除咗唔同嘅廚師發辦set，仲有鐵板燒set等等可以揀。趁天氣回暖返(?)，食一個足足23道菜，$1480嘅Omakase set”爍雨”。成個set嘅安排係非常之細緻，由一開始嘅先付，再食啲季節刺身(包括生蠔)，跟住就會有啲鐵板燒同熟嘅季節料理，之後就會有一連串嘅壽司、吸物，最後先到湯品同甜品。由於實在太誇張，我挑選啲重要嘅菜式嚟講。北海道海膽根指金箔蘭王溫泉蛋作為前菜，呢個係非常誇張嘅setting，食落去海膽同溫泉蛋嘅混合造成一個好柔軟嘅口感。岩手縣生蠔切開後配上柚子薑汁，基本上一定好食。北海道獅魚賣相相對平凡，但魚味非常突出，甚至好似煮過咁香口，我係驚訝嘅。香箱蟹即係松葉蟹蟹乸，呢個菜式係復活節限定(!)，甚至復活節期間都唔係日日有，係非常罕見亦名貴又好食嘅菜式。鹿兒島吞拿魚夾呢度嘅signature，但我唔知佢叫咩名😆。經煙燻過後嘅拖羅變得非常有味道。加上紫蘇葉同魚乾，滋味鮮味都出晒嚟，用嚟影相打卡更加係一流。壽司環節對我嚟講Omakase除咗係展示創意同功力之外，壽司更加係重中之中，不能失手嘅一環。今

今晚解鎖一間隱世高質Omakase🍣裝修別致，仲有每道菜都係藝術品✨ 𓂃𓈒𓐍 *ﾟ. 𓂃𓈒𓐍 * ﾟ𝕆𝕞𝕒𝕜𝕒𝕤𝕖 ℍ𝕚𝕘𝕙𝕝𝕚𝕘𝕙𝕥𝕤ﾟ*𓐍 𓈒𓂃. ﾟ*𓐍 𓈒𓂃 今晚揀咗20品嘅焰月set🥰✨ 先付：海洋の寶箱▪️ 北海道鹽水海膽+筋子+蘭王蛋🍳｜海膽鮮甜到震，筋子爆漿鹹香，溫泉蛋黃撈勻食超邪惡😈 ▪️ 宮崎澤蟹🦀｜脆到連殼食▪️海草莖枝豆🌿｜口感層次爆燈💥 🐟 刺身盛宴▫️ 岩手縣雪解蠔🦪｜蠔肉肥美帶礦物味，醋啫喱清新提鮮，一啖墜入北海道寒冬❄️ ▫️ 鯛魚真子🐟｜真子濃郁豐腴，薑汁完美中和，炸茗荷脆片增添驚喜口感▫️ 北海道八爪魚🐙｜八爪魚軟嫩非常😳竹炭鹽啫喱煙燻味超突出，創意滿分！ ▫️ 鹿兒島鰹魚🐟｜土佐造り煙薰香，配皇帝菜微苦，完美平衡🔥 ▫️ 煙燻大拖羅+赤身🐟｜拖羅油脂經煙薰昇華，入口即溶，沙甸魚乾脆脆哋超夾！ 🍵 清新小品▪️ 沖繩水雲+水果番茄+山藥泥｜水雲酸爽醒胃🍅 水果番茄爆甜，山藥泥滑溜，完美重置味蕾！ ▪️ 土佐豆腐｜高知縣風味🇯🇵 豆香純粹，為壽司環節完美鋪墊～ 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 🍣 お寿司▪️

朋友話觀塘有間高質日式料理餐廳，除咗廚師發辦Omakase，仲有鐵板燒，一於去試吓先😋位置喺鴻圖道工廈區，估唔到入到去好有日本feel，一大張吧枱，一邊鐵板燒，另一邊刺身壽司區，同時照顧到唔同食客嘅需要，而客人同時欣賞廚師製造成個過程😍廚師會介紹每道時令食材，加深對食材嘅認識，再慢慢細味廚師發辦嘅精髓～當中最印象深刻係🦀香箱蟹蓋🦀只限復活節限定滿滿蟹卵、蟹膏同蟹肉釀返入蟹蓋，啖啖濃郁蟹味。🐟拖羅🐟大拖羅同中拖羅經煙燻後，再夾紫蘇葉，炸香沙甸魚仔，紫菜，多種層次夾埋一齊食，味道昇華。🍷海膽壽司杯🍷特別將肥美吞拿魚腩🔥燒，將魚油滴入壽司飯當中，液態omega 3，混入吞拿魚粒，北海道馬糞海膽，壽司飯充滿魚油香氣。🐙北海道八爪魚🐙八爪魚去衣切片配酸醋jelly，估唔到原來質地好爽，一D都唔韌。仲有好多精挑細選嘅新鮮食材，🦀宮崎炸蟹仔，🦪岩手県雪解蠔，🐚愛知県象拔蚌，🐟野生油甘魚，🐠鯛魚精子，汁煮魔鬼魚面肉，🦑天婦羅螢光魷魚， 🐚岩手県北寄貝🍣，左口魚裙邊🍣，九洲鯖魚🍣，北海道草蝦+蝦膏🍣，鳥取県沙甸魚🍣，🐷鐵板燒黑毛豬，🫕魚湯，🍈哈蜜瓜，🍡蕨餅…一場非常豐富嘅廚師發辦👨‍🍳，一試難忘。爍雨$

同朋友慶祝生日，帶咗佢去菊月町食Omakase! 有兩個套餐揀，今次揀咗個有20品嘅焰月，已經食得好滿足好豐富焰月 $98020品料理包括前菜、季節刺身、手握壽司、手卷、吸物同時令果物，店員話最近做緊優惠，二人惠顧直接升級手卷到雲丹盛！！正啊🤤🤍蘭王蛋溫泉蛋配海膽，清新開胃🤍海草莖枝豆、炸蟹仔、芥末魚片，擺盤精緻🤍岩手縣雪解生蠔師傅話呢段時間嘅蠔特別肥美，的確蠔身飽滿，質感爽口，仲好重蠔味🐟刺身🤍北海道水八爪水八爪質感軟滑，吸盤位口感爽脆，配上柚子啫喱，味道清新🤍池魚他他切成碎嘅池魚味道鮮甜，混入醬汁味道更有層次🤍真子比較少食得到真子，口感綿密柔滑，加入薑絲食較易入口，仲幾夾添🤍拖羅手卷大拖羅以蘋果木煙燻同炙燒製作，再以紫菜包住中拖羅、白飯魚乾同紫蘇葉食，拖羅魚油好香，入口即化，回味無窮🤍水果蕃茄甜度28嘅水果蕃茄鮮甜多汁，配搭住山藥蓉同海草漬物🤍土佐豆腐香口酥脆，外脆內嫩嘅豆腐加上醬汁同鰹魚碎，趁熱食非常好味🍣壽司🤍鰆魚肉身肥美，口感細緻🤍鱒魚肉質肥厚鮮美🤍鯖魚魚肉實淨，魚味香濃🤍帶子肉質軟嫩鮮甜🤍沙甸魚質感滑身，油脂適中🤍雲丹盛海膽味道濃厚，鮮味十足，米飯混入蘿蔔粒口感有層次，呢個

今日去咗觀塘鴻圖道一間叫「菊月町」嘅日式餐廳食晚餐，呢間喺觀塘少見嘅日式廚師發辦餐廳，平日夜晚餐廳都坐滿，建議想食嘅朋友一定要預先訂位。餐廳有吧枱位同卡位，兩款座位都可以食到魚生刺身或鐵板燒omakase，不過我都係鍾意坐吧枱去欣賞師傅大眾食材的過程。因為我朋友唔食魚生，所以我哋嗌咗$980一位嘅20品廚師發辦同吉列豬肉眼扒定食，如果兩個人都嗌$980嘅廚師發辦仲可以將手卷免費升級做雲丹盛！🍊 先付日本蘭王蛋煮成嘅溫泉蛋，配鹽水海膽同三文魚籽，口感嫩滑而充滿鮮味，上層加入食用金箔令賣相十分吸引；宮崎炸蟹係原隻炸迷你蟹，口感脆食而且可以吞埋軟殼，板魚蛋配芥末漬同枝豆配海帶莖都係開胃嘅前菜，味道酸辣帶麻油香；水母蕃茄配山藥蓉，蕃茄非常清甜🍊 季節剌身 岩手縣嘅雪解蠔加上新鮮昆布襯底，帶有少少海水味，配埋酸味嘅醬汁可以提升鮮味；八爪魚鬚嘅刺身非常爽口，單獨食味道鮮甜，加入竹炭鹽同柚子豉油啫喱可以提鮮；鯛魚真子配上炸薑絲，食落唔會有腥味；愛知縣象拔蚌刺身配蘆筍，爽口彈牙；以煙燻嘅形式為大拖羅同吞拿魚赤身加入煙燻嘅味道，再用紫菜將煙燻後嘅大拖羅同赤身包住紫蘇葉同炸魚仔一齊食，口感層次豐富，炙燒後

今日去左觀塘呢間$500 有找 勁抵！一個Set有前菜，銀鱈魚，廣島蠔，虎蝦，時令鐵板配菜，自選一款扒，炒飯，炒菜，湯，甜品食到勁飽勁滿足😍一定要介紹比大家-🥢前菜 +沙律前菜有螢光魷魚乾同鱈魚片，脆卜卜咸咸地，另外仲有一碗沙律開胃🥢茶碗蒸茶碗蒸勁滑，菇味都好正🥢廣島蠔用牛油同煙肉炒既汁水調味，再配埋櫻花蝦同蔥炒香，蠔肉好飽滿咬落去仲爆汁🥢銀鱈魚師傅另外會煎脆個魚皮好香口！配埋既牛油炒煲同埋牛肝菌醬。魚肉煎到金黃色，外脆内軟，仲鎖哂啲魚油係入面勁正！🥢原條虎蝦虎蝦勁大條勁厚肉，蝦頭非常多蝦膏好香濃，師傅仲會用蝦腳位置炒岀蝦油，比較特別既係連蝦腳都食得，中間用蝦頭蝦肉蝦腳熬岀黎既醬汁🥢炒飯炒雜菜炒飯用係日本被稱為貴族蛋既蘭王蛋炒，蛋黃比普通日本蛋深色，炒岀黎好香蛋味，飯粒粒分明好香口。用剩餘既油炒雜菜都好香好有鑊氣。🥢甜品呢個係椰子雪糕🥥 入面仲真係有椰子肉！真材實料！而且呢個雪糕每過一排就會轉，下次黎可能就會唔同左🍨

觀塘美食新體驗✨今次有幸嚐到一場精緻日式盛宴——爍雨廚師發辦23品🍣，每位$1480。餐廳環境以低調優雅為主調，木質裝潢散發溫馨氣息，盡顯細膩品味。前菜💐：首道蘭王溫泉蛋配北海道海膽同三文魚子，口感滑順兼有海膽鮮甜，瞬間定下高級奢華基調。多款拼盤包括河豚魚皮、九州蜜柑綢等，清爽開胃，季節感滿分。刺身🐟：兵庫霜生蠔肥美鮮嫩，以柚子醋調味更添活力，白象拔蚌爽口有彈性，蘋果木燻拖羅油香誘人。魚鮮味全面展現，層次分明。熱盤🔥：雙色蘆筍以法國白汁搭配紅菜頭汁，味道清新又豐富，北海道松葉蟹配海膽醬酸香平衡。炸豆腐外脆內軟，豆香濃郁。魔鬼魚臉頰汁煮後嫩滑入味，柚子皮細緻提香，精工細作令人印象深刻。壽司🍤：深海池焦壽司魚味濃厚，赤貝壽司爽脆鮮甜。白足蝦壽司入口彈牙、海水清香，食材鮮度讓人讚嘆。主菜之星🌟：馬糞海膽鮫鯨魚肝撈飯真心奢華，飯粒吸滿海膽與鮫鯨魚肝香氣，每一口都充滿飽滿海洋氣息。湯及甜品🍵🍓：魚湯高湯暖心醇厚，尾聲有抹茶蕨餅香甜不膩，熊本草莓超大顆，果香鮮甜，整個甜品環節畫上完美句號。整個用餐過程充滿季節風味，每道菜肴精雕細琢，主廚技藝爐火純青，服務同樣令人愉悅🌸。此行堪稱一次高級味覺享受，絕

今日食左個🌕焰月20品omakase 🍣🍱seasonal 係一個🌟金箔三文魚子海膽，下面係溫泉蛋汁，細細碗賣相好精緻😌🦪酸味味既真蠔大大隻，飽滿，口感清爽，令人好開胃另外都好鐘意🦀🐚毛蟹肉配海膽醬既菜式，有D紫蘇花醋啫好特別，蟹肉一絲絲亦嫩滑鮮甜🧡通常食omakase 都要用隻手黎食, 先可以有深刻感受!👍👌其中一道菜就係用手拎住以紫菜，紫蘇葉，魚脆片夾住既大拖羅同中拖羅，口感非常豐富🌮而且仲有蘋果木煙熏味道，拖羅油脂分布均勻，入口即化 😎😎另一個🍱signature 係雲丹盛，聞到吞拿魚皮燒出黎魚油香味，上面有濃郁既馬糞海膽🧡其他既壽司有愛知縣白象拔蚌、深海池魚壽司等，呢到既飯係已經調左味，有醋既味道🍣🍱其他仲有番茄淮山，豆腐，魚湯等，真係數到20款出黎😬😬😄😄😍🥰🍬而且最後仲有甜品，雞蛋蛋糕、抹茶蕨餅，清清喉嚨🍰另外再叫多咗個🐷吉列豬肉眼🐽🥩豬扒炸得好鬆軟 好大份 仲要係厚切嘅仲有大量嘅生菜豬扒尤其係前後嘅部份油脂感非常豐富

如果你想食下高質又抵食嘅日式鐵板燒，呢間隱藏於觀塘工業區附近嘅日式餐廳「菊月町」真係值得你專登為佢過黎。餐廳晚市提供「匠人料理」鐵板餐，包埋牛扒/豬扒，有9道菜再加雪糕，加埋一都只不過係5百蚊左右，超抵食，重點係好高質。可以坐日式bar枱，大廚係你面前即煮即食，食物新鮮而且大廚係配菜高手，我第一次食鐵板燒係食晒啲配菜，非常之值得一試！前菜一啲都唔馬虎，有一大盤新鮮沙律同烤銀雪魚同魷魚仔干，仲有個好滑嘅蒸蛋，讚！「廣島蠔」配蔥花炒櫻花蝦同煙肉，呢道菜配菜多好花功夫，見住大廚忙碌左好一陣先搞掂，味道當然係冇得輸。再黎一客「銀鱈魚」，呢個我今晚最愛，魚肉超滑又鮮甜，最特別仲有個烤魚皮，超愛！原隻虎蝦，真係大大只虎蝦即場分解成頭同蝦肉，經大廚精心製作，配上特值蝦膏，真係連個蝦頭都食埋！肉方面我地揀左「美國安格斯薄燒」同「美國安格斯厚燒」，薄燒同厚燒嘅分別係薄燒仲會中間包住配菜，薄燒平啲但一樣咁好味呢。食完仲有個超靚嘅炒飯同炒雜菜加湯，個飯已經特登叫師父減一半，都仲係好大一碗，食完真係超飽。呢個價錢食咁多野都係第一次！

朋友生日，我上網搵搵吓，竟然俾我搵到一間位於牛頭角同觀塘之間嘅高級omakase餐廳～觀塘區雖然多嘢食，但要搵到一間高質嘅Omakase都唔容易🙈餐廳裝修走日式風格，木系調子好溫馨，柔和燈光打落嚟，坐低就覺得好chill。我哋點咗個$1480嘅omakase套餐，有23品料理，平時一般omakase得10數品，今次真係抵到爆！師傅好細心，每道菜都詳細介紹。💖爍雨 $1480套餐（共23品）✨包括：🌟先付、季節刻身、鐵板燒季節料理、手握壽肉、雲丹盛吸物、時令果物🍣💫九州蘭王蛋·北海道海膽·三文魚子蛋滑潺潺，海膽濃郁，魚子卜卜脆，一齊入口好有層次💫雞泡魚嘅皮·海草莖·昆布芯雞泡魚皮爽脆，搭配海草莖和昆布芯，鹹鮮清爽💫兵庫縣霜生蠔配酸汁啫喱，生蠔肥嘟嘟，酸汁啫喱酸酸甜甜，更突出鮮甜💫香港嘅馬鮫（鰆魚）💫春子鯛魚卵💫北海道水白爪，又酸汁啫喱喺下面，酸酸甜甜幾開胃💫愛知縣嘅象拔蚌💫鰤魚，上面有餐廳自製嘅芝麻醬💫木煙燻嘅拖羅；用紫菜包住大拖羅、中拖羅、沙甸魚魚乾💫小食小蕃茄，底下有水雲💫炸豆腐💫汁煮魔鬼魚嘅面珠墩💫鐵板燒💫雙色蘆筍法國白汁佐紅菜頭汁，擺盤靚到唔捨得食，蘆筍脆嫩，汁料味道好夾。💫兵庫

觀塘都有高質omakase 😻簡左焰月嘅set 有先付 季節刺身 手握壽司 手卷 吸物 時令果物 ❣️蘭王溫泉蛋配海膽仲有三文魚子，海膽好鮮甜，配上三文魚子鹹鹹香香好好食，賣相都相當精緻❣️岩手縣雪解生蠔配上昆布啫喱食得出生蠔好新鮮好大隻，加上昆布啫喱帶出佢嘅鮮味，唔錯👍🏻❣️北海道八爪魚配醋啫喱八爪魚爽彈有嚼勁，唔會太韌又夠新鮮，配上醋啫喱，清新酸溜，解膩得來仲提升咗八爪魚嘅鮮味❣️北海道毛蟹肉配海膽醬同紫蘇花醋啫喱蟹肉嫩滑鮮甜，海膽醬濃郁creamy，紫蘇花醋啫喱酸香清新，三重味道幾夾❣️螢光魷魚 螢光魷魚肉質彈牙鮮嫩，帶點海水甜味❣️蘋果木煙燻大拖羅中拖羅，入面仲有紫蘇葉同沙甸魚乾用紫菜包住拖羅油脂感好勁 用紫菜包住好似三文治 口感超滿足❣️土佐豆腐外皮香脆，口感輕盈又濃郁，簡單調味就夠正❣️壽司師傅跟據當日食材安排，每款魚生都好新鮮，飯大細亦岩岩好👍🏻❣️馬糞海膽吞拿魚蓉杯賣相一黎到已經覺得好吸引，海膽鮮甜同吞拿魚蓉嘅濃香夾得好好❣️雞蛋蛋糕，抹茶蕨餅，士多啤梨🍓士多啤梨好香甜，抹茶蕨餅，抹茶味好重，而蕨餅煙煙韌韌好食😋❣️吉列豬肉眼定食豬肉眼肉質juicy嫩滑，脂肪同瘦肉比例啱啱好，配埋佢個汁都幾

餐廳細細間、裝修雅緻，店員服務周到，整體氣氛好好，有去咗日本嘅感覺。之前嚟過食咗個吉列豬set，覺得好juicy, 味道有水準，睇埋openrice comment, 決定嚟食次omakase。Omakase價錢好公道，兩個人食視乎選擇，二千至三千有找。 我哋揀咗爍雨套餐，有先付、季節刺身、鐵板燒、 季節料理、手握壽司、雲丹盛、吸物、時令果物，共23品。Omakase係五感全方位享受。睇住師傅細心熟練地處理食材、擺盤裝飾、送到客人面前、親切熱心地介紹、食住互動閒話家常。每個step都令人滿足。 有幾道菜尤其令我驚喜- ✦ 生蠔非常大隻、飽滿、重奶香，配搭酸甜柚子啫喱更多一重嫩滑、亦更加提鮮。✦ 八爪魚足原條八爪魚足切片、燒過，再配搭柚子啫喱，賣相精緻，口感順滑。另外仲有一個吸盤，嫩中帶脆。✦ 拖羅卷物 好有儀式感嘅一味。大拖羅即場煙燻、火燒，配搭再魚乾、紫紫蘇葉，以紫菜包裹。油脂分佈均勻、重油香、入口即溶。非常享受。✦ 雲丹盛 同樣有儀式感嘅另一味。以吞拿魚皮燒出魚油落壽司飯，加拖羅蓉攪拌，一陣油脂香四溢，再將濃厚甘甜嘅海膽舖喺上面，以高腳杯盛載，上枱已經係一份藝術品。 每人1500