菓匠茶屋 (已結業)

小弟的朋友, 相信都知道我是雪糕怪, 非常愛吃雪糕, 還有個大師新口味相簿. 近日大街小巷都是在吃乳酪, 小弟實在不是味兒, 始終雪糕跟乳酪是兩個不同的項目, 乳酪怎算也不算是甜品吧. 難得見會長大力推介此店的軟雪糕, 當然要一試.北海道牛奶軟雪糕 $22: 9分, 用上北海道牛奶, 是相當的滑, 奶味濃郁, 質感剛好, 不會太冰, 不要甜筒, 用杯上, 更能細意享受軟雪糕的味道.宇治抹茶軟雪糕 $26: 9分, 抹茶味道是相當濃烈, 始終此店是茶屋, 用上的抹茶怎也有保證, 而抹茶跟牛奶味是幾均衡. 吃這個宇治抹茶軟雪糕, 就像在喝一杯抹茶, 不單是吃下口的感覺, 還有抹茶停留在口腔的味道, 是令人越吃越愛.吃到尾, 將兩客軟雪糕溝在一起, 又有不同的感覺, 北海道牛奶跟宇治抹茶的扭紋版, 也是值得推介.謝謝會長的推介, 這裡的軟雪糕, 簡單而精彩, 一吃就愛上!

我又學吓人寫下食評先 食完呢間果匠茶屋, 想唔寫都唔得, 因為實在太好食la 綠茶味的軟雪糕. 除了軟之外, 仲好滑味道好香, 真係食完想再食多枝, 不過再食就會肥死我個cone 好脆, 好香奶油味, 又鬆化, 一個字, good ~~~~

今日在tst逛街經過這裡,見有條小小人龍排隊買雪糕.而個雪榚模型架d雪糕真係幾吸引,雪糕精上身既我點都要跟住排排隊試試呢款北海道牛奶雪糕宇治抹茶牛奶雪糕雜錦抹茶雪糕同牛奶雪糕扭埋一齊賣相吸引度爆燈! 第一口食落奶味真的是湧出來啊~ 香濃軟滑 美味得很 十個讚!而好似史力加綠的綠茶味雪糕 茶味濃郁 甘甘的 剛好中和牛奶的甜膩 好吃得要命~白玉小丸子煙煙韌韌,不似死實實的咬膠 口感QQ的~清甜的十勝紅豆蓉同宇治綠茶是永遠的好朋友,絕配!整杯雪糕的味道真是無可挑剔,惟一唔好咪就係貴囉.但一分錢一分貨,真係超.級.美.味!害得我同朋友仔搶住吃,哈哈.是日強烈推介

最近聽講佢推出左個北海道綠茶雪糕, 仲好好食, 二話不說就去買, 地點起初仲誤會喺citysuper超市入面的counter, 因為入面都有間菓匠茶屋, 不過呢間就係賣餅的, 賣雪糕的counter, 在拉麵店隔離, 擺壽司的counter個度綠茶味的雪糕, 好多度都有得食而家, 呢度特別好食, 因為我覺得綠茶味夠濃, 而且好滑, 好難搵到一間軟雪糕的雪糕咁滑, 真係好滑, 到返屋企都仲回味緊, 好食!相信好快會好多人識, 仲會上榜!! 下次又去買先得

試左個牛奶綠茶扭紋雪糕. 牛奶好香, 但味似煉奶多d, 綠茶都好濃同香, 雪糕本身就夠晒滑. 不過個人覺得兩個味一齊食麻麻. 分開會好d. 海港城外賣雪糕冇乜得揀, 我以後揀食呢個唔食haagen-danz~~

吃過一頓差勁的文華雞飯後，燃起了溝貨的決心，結果由山林道走至海港城，本想吃 New York Fries，但感覺實在太 heavy，兜兜轉轉，遇上了菓匠茶屋。菓匠茶屋位於商場三樓cookedDeli 門外，由兩位男店員打理，負責落單的待客有禮，負責唧雪糕的亦戴上手套，相當注重衛生。軟雪糕有兩款口味，分別是宇治抹茶和北海道牛奶，可兩溝的，亦可加丸子、紅豆等配料，一共 12 款選擇。簡簡單單要了抹茶甜筒 ($26)，軟雪糕質感相當軟滑，抹茶味頗為突出，甜中帶點微甘，同時亦有很重的牛奶味，在口腔內久久不散，感覺令人滿意。甜筒內沒有出現「空心」的情況，脆脆的，甜甜的，是個絕佳的組合！開頭以為一支甜筒難我唔到，但原來份量不少，吃到一半已經覺飽，莫非甜胃突然縮水？下次經過海港城，再試試北海道牛奶口味吧！

一向對綠茶類食物情有獨鍾.....綠茶雪糕更加係我的最愛.......一早諗定要食扭紋綠茶+牛奶.......果然無令人失望....綠茶味極之香濃.........牛奶味用上北海道3.6牛乳.....奶味十足......而最意想不到係脆筒好有蛋味....又夠脆........食完滿足到唔識形容....

在Harlan’s 吃過不太滿意的下午茶，自不然張再找地方溝貨。大家忽然醒起了甜魔會長推介的菓匠茶屋，便急步往海港城方向走去。既然有得試食，當然無妨。其實只是兩款口味，一是牛奶味，另一款就是綠茶味。我較喜歡前者，用上北海道3.6牛乳軟雪糕，非常細滑，而且奶味香濃，十分好吃。不過，大家似乎對綠茶更有興趣，於是單點了綠茶甜筒。綠茶味道都是很醇厚，在口腔留有餘韻，質感同樣是滑溜，有相當水準的；脆皮筒亦夠脆口。簡單的一個甜筒，已可以令人很滿足。吃罷，時間又差不多，大家要各散東西了！期待下星期的川菜飯局！

超心急想介紹菓匠茶屋，因為今天一試發覺實在太美味了，美味到非即時推介給各界甜魔不可!! 　請注意今次（還有樓下那篇雪糕食評）講的不是Citysuper超市內的菓匠茶屋老店，而是外面Citysuper food court，靠近收銀檯的新建菓匠茶屋櫃台。老實說，日式和果子吃來吃去都差不了多少，老店的產品未曾令我留下甚麼印象；然而櫃台現賣的北海道3.6牛乳軟雪糕就真的很美味，人龍就是憑證! 　今日與老公幫襯OOO漢堡前，就是看到人龍，馬上趕過去試食；一試之下，抹茶味香濃甘醇非常，初吃略帶甘苦，過幾秒就滿腔醇香餘韻，難得同時仍帶濃重牛奶味，口味既清新又豐富，迷人非常；牛奶味也不是省油的燈，將北海道3.6牛乳的滋味充份彰顯，奶香非常濃郁，雪糕質感實在得來又細滑動人，與抹茶味可謂各自各精彩，誰也不蓋過誰! 　美味的北海道軟雪糕總共有12個版本演繹，包括：(1) 宇治抹茶軟雪糕 (甜筒, $26)(2) 宇治抹茶牛奶軟雪糕 (扭紋甜筒, $24)(3) 北海道牛奶軟雪糕 (甜筒, $22)(4) 宇治抹茶雪糕雜錦 (杯裝+紅豆+丸子, $34)(5) 宇治抹茶牛奶雪糕雜錦 (杯裝+紅豆+丸子, $

揀左杯叫 '豪華版' , 組合係扭紋抺茶雪糕加雲呢拿雪糕、丸子、抺荼果凍、紅豆蓉等。抺茶雪糕味道超濃, 最特別係佢既味道係甜中帶少少咸, 感覺好得意。雪糕好滑, 丸子煙韌, 抺荼果凍口感得意, 加埋 pat 甜紅豆蓉, 貴就貴d, 成$37架, 不過一個字 ‘正’! 夏日消暑佳品。多謝我地阿華仔請 la

CITY SUPER 最近出左一隻叫 mochi x chocolate 既野，你可以想像一下係大福餅心大軟咁！ 千祈唔好一啖食晒個大福餅，否則你就試唔到佢果種口感，細細啖咬佢外層既大福餅，非常煙"UN"內心會流出一d 朱古力，d 朱古力有甜中帶甘，一食就知係貴價既朱古力我唔係太盲目咁追尋日本野既人，不過呢個大福餅真係一試難忘加上大福餅呢d 野，始終都係日本夠傳統 ma !! 貴唔貴？一舊細細粒都要成 9 蚊架

近日女友買了盒Mochi x Chocolate，內有四種味道，抹茶白朱古力、可可朱古力、橙酒朱古力和牛奶朱古力，可可和叫綠茶最出色，抹茶用上宇治抹茶，味道濃郁；朱古力味香濃，滑溜溜；餅皮以人手搓制，質感煙韌，水準之作。

$39。四色糯米糰：分別有芝麻、抹茶、黃豆、紅豆四款味道，表層均滿佈各味的粉末，而外層均是由糯米製作而成的，比'本高砂屋'的密度要低，而且略嫌糯米太淋，沒欠缺粒粒微硬的咬口，而且整體來說都不夠份量，但此處優勝之處是沒那麼甜，比較迎合港人口味。各口味的內餡都是紅豆蓉，也很綿密幼滑。$44。四色大福：分別有四種口味~抹茶、芝麻、草莓、艾草，大福外皮厚薄適中，甜味剛好，吃多也不膩。抹茶外表有少許抹茶粉末，而內裡的抹茶蓉吃起來很清新又香；芝麻外皮灑上少許黑芝麻，而黑芝麻內餡也頗美味和幼滑；淺粉紅色草莓口味卻較遜色，完全吃不出其味道，內裡餡料是米色的；艾草口味最特別，以艾草製成的大福，很重艾草田園的味道，內餡則是細密紅豆蓉，讚$11。大福麻糬(紅豆)：大福煙un的口感和甜味都配合得非常好，內餡紅豆蓉也很軟綿可口。$13。櫻花糰子：糰子即是以糯米製成的''糰''，吃起來能嚐到粒粒糯米，但這款櫻花糰子的糯米飯糰則是粉紅色的，很吸引呢而且因被一片帶咸味的葉子裹著，起起來除帶有葉子的清新口味外，還有一些微咸的感覺，內餡則是紅豆蓉，吃時甜中帶咸，很是有趣啊！$11。艾草竹葉糯米糰：這個是由日本直送至港的。

大判燒餡多好味道

今晚出咗去尖咀，行經CITYSUPER 有唸起糯米糍一於買芝麻味試下~個皮依然夠軟,個饀好"棉" 不覺有芝麻味咁, 亦不覺太甜味道也試得清楚呀~ (或許我食咗藥啦)但佢吔既糯米皮做得出色,不太厚身,饀料亦豐富..