影片
3.1奶凍、美味凍綠豆沙老細，夏天咁熱！老細推薦北海道3·1牛乳奶凍，道味幾濃，份量得幾啖，加上一囗雪糕，雪糕味芝麻、芒果、云呢拿、榴蓮，比以前多咗選擇。另一樣係綠豆沙，凍食依然有香草味，我比較鍾意不太「杰」，要有D糖水，咁先至原味！
继续阅读
呢間咁耐又搞裝修。今晚再去試一試。見好多都話呢度芝麻糊出名。今晚一於一試，叫左熱芝麻糊，見它從雪櫃中攞出來。再翻煮。見到這樣已經差咗啲。果然一食，無芝麻香，又唔夠滑，仲有一舊舊結實咗喺度。如果唔改變質數，門面點改變都冇用。
继续阅读
住在附近而一些年，平時都有幫襯話園，一向水準普通，但知道近來轉手了，剛巧今天食完晚飯，行過見冇人，便入內一試，見到一些新甜品，但都保留舊有的傳統甜品，今次決定食，舊嘅傳統甜品，新老細説芝麻糊好味，叫了一碗，原來是即場煮的，等了一會，便有一碗熱辣辣的芝麻糊送上，眼見就不錯，聞落去都香，食落口普普通通，無乜芝麻味，又唔夠甜，相信要再等一些日子，新老細先可以上手，到時我會再來的。
继续阅读
芝麻糊 靠得住坊间很难食到“似样”既芝麻糊，毕竟食过很多很多，数之不尽的糖水店，唯独是这间值得我讲下。一碗“对板”既芝麻糊，必须要睇到“粒粒”，吃的时候系“甘香”，即系“甜中带些微几苦”，但呢d 基本嘢在今时今日既香港几乎绝迹西米露，白涼粉，班戟都很好西米晶莹，口感层次分明，白涼粉有黑涼粉既质地，淡淡既椰汁味，几正。班戟皮薄Q软，忌廉&生菓配搭得宜。有样嘢又要提下, 呢间嘢系用“新鲜菠萝”，抵讚 老闆们有心有力去做食物，现今世道，相当难得。
继续阅读
吃了兩頓咸食，仍未夠喉，要再食甜品，才算圓滿。選了旁邊的華園，很大程度上，是因為大家看見那隻叫「華仔」的貓咪。我們這班朋友之中，有不少是愛貓貓的，包括我。各自點好心水糖水，有芝麻糊，有蕃薯糖水，我的則是綠豆沙。熱呼呼的出來，已經贏了印象分，而且不會死甜的味道，教我吃得滿足。偷喝了一點朋友的蕃薯糖水，薑味稍為薄弱了些少，但蕃薯本身幾粉嫩，沒有渣，都可以的了。飽足的一夜，期待下次再聚。
继续阅读