華園美食

营业中

休息中

鮮茄豬扒會意粉 軟林的豬扒，可能醃了許久，醃肉粉弄至非常軟林，口感一般，進口還可，至少不算痴牙。會意粉的茄汁不夠杰，不太像典型茄汁會意粉，但整碟意粉包含不少鮮番茄，健康。廈門炒米 雖然看來鑊氣挺盛，但吃落還是不太熱，而且欠缺酸瓜，實屬可惜。米粉不太碎，亦較乾身。寧願廈門炒米輕微濕，有點酸瓜則更佳。 茶走不錯，茶味香濃，再加入一點煉奶微甜，味道遠比食物優勝。另一杯熱檸賓，好像檸檬不太新鮮以致味道欠佳。 還以為舊式餐廳理應沒甚麼餐，心想吃的喝的都應只是散叫，想不到晚餐居然是炒粉麵飯送熱飲，真划算！而且老闆不論熟客生客均會過來聊天，只要你答你聊他便會搭咀，又不會勉強你，或強行攀談，真正的有人情味。

本來專程到紅磡食沾麵，可惜遠到而來卻遇上內部裝修，經過這間茶餐廳感覺挺好便進內。舊式茶餐廳，地方不大座位亦不多，卻倒是令人懷念，吃的是小時候的情懷。店裏面的叔叔很友善，附近幾檯的應是常客，見他們閒話家常，倍感親切 炒粉麵飯加飲料才4X蚊，份量亦很多 兩人點了兩款粉麵分著吃，吃得飽飽才不到百元！突然很想吃廈門炒米，味道挺好配料足，唯美中不足的是欠缺酸菜。現在好像吃不回舊時的味道，有酸菜炒成的廈門炒米才是王道 本想吃乾炒牛河，怎料河粉已售完，改吃鮮茄豬扒燴意粉。同樣大件頭，豬扒略嫌太腍，個人不喜歡過多鬆肉粉的質感，味道還可以。喜歡的反而是意粉，意粉彈牙口感一流，配合鮮茄汁料，不知不覺吃了好幾碗熱檸賓亦不需要另加收費，不過檸檬不夠新鮮，喝起來有點苦澀味。

經過3個月嘅午餐觀察, 每次午膳時間都例必有客人在門外等, 而阿姐亦會先後有序地作最有效率嘅安排, 從來沒有情緒發作, 盡管那一小時半內客人流量確實不少, 以下是3個月內幫襯4次嘅碟頭:15 OCT 星洲炒米, 炒得夠乾身, 唔辣, 义燒/火腿絲/青椒絲/蛋絲/蝦仁/洋蔥絲都有,惜蝦仁實在無味, 中規中矩之作14 NOV 粟米班塊飯, 粟米汁夠多,Sauce味道都可以講係近乎真味, 當然大家都知個味係混合出來的了, 班塊則炸得有點過了頭, 石班肉塊的味道的師傅有點明顯,04 DEC 豉椒涼瓜排骨飯, 豉椒汁做得好出色, 顏色同杰度剛好, 涼瓜都爽但因為季節上不對, 涼瓜雖有質感但欠甘味, 排骨有肉有骨都OK嘅31 DEC黑椒牛柳絲炒意$40已經是最昂貴的價格, 牛柳絲有一點筋沒有什麼牛味, 黑椒多老抽稍稍重手所以色稍深, 但又唔覺過甜, 炒意粉炒功一般, 蔬菜類稍嫌少了一些,

這店在紅磡區來說雖則裝修不見太漂亮, 座位亦迫迫夾, 但就午市, 下午茶時段來說, 經常現人龍, 價錢將會是這店的賣點, 一般價錢在$36 - $38不等, 最近去了兩次, 第一次13/Jan.要的是:鮮茄燴意粉- $36, 一拿出來即刻試一啖, 差點兒達盪咀程度的熱, 可見鑊氣十足,但豬扒肉除了斬碎之外重要好簿片嗰隻,但個汁調得幾好味道, 甜中帶微酸,而且重有唔少嘅鮮蕃茄,非食肉獸之選!20/ Feb. 咖哩牛肉飯- $38, 最傳統廣東人做嘅咖哩汁, 特色是有一層油封面, 所以變成每一匙咖哩都會將油帶上飯面, 而碟飯就比較上屬於多, 食完後一直至晚上八點半還有點滯, 味道方面都算有咖哩香, 但香料就一般啦, 牛肉則是普通茶餐廳醃法, 夠淋夠滑但牛肉味欠奉! 正常嘅醃肉味道,這裏的待應態度良好, 亦會跟客人排隊次序安排入座而非人多就可以先就座, 食物質素就一般啦! 而食物份量會比大集團快餐店的多但又比街市樓上的大排檔形式地方的份量少, 味道則是傳統茶餐廳味道,

這家店不出名, 但就有很多人去食朋友帶我來吃, 看入去只是一間普通的食店有的都是沒有什麼特色的食物, 就是港式的食品想不明白朋友為何特別帶我來吃原來朋友說此店的鮮茄十分好吃所以要帶我來試試就此, 我點了一個"鮮茄雞亦會意粉"好多汁料呀, 我十分喜歡, 每一條也可以吃到滿滿的茄汁茄汁味道很好, 不酸也不太甜, 不太稀也不太濃, 用來配飯和意粉也是不錯的雞亦也不錯, 十分滑,入味, 還可以選炸雞亦或是豉油雞亦吃完十分滿足, 也沒有很口干的, 不錯不錯汁內還有很多番茄肉, 是落足料做的汁整體不錯, 值得一試

早餐, 沙嗲煎蛋牛肉麵, 轉出前一丁, 連凍飲, 二十六元, 唔太夠飽, 多叫一件奶油多, 早餐食咗三十二元, 貴咗些少, 牛肉太粉, 麵身尚可不太淋, 但太小, 多士簿如紙, 坐位太迫, 多人時不會考慮

細細的茶餐廳, 今年年中新裝修完, 個樣都伙差唔多, 大概有10張枱到, 所以lunch去親多數要等一陣位!! 今次lunch去食咗煎蛋鶢脾飯, 隻雞脾好大隻, 佢既醬油係分開另上的,以$33的午餐碟頭飯的價錢黎講係可以接受的!

估唔到再寫呢間食評時已經係一年後啦, 今日我地叫左個芝士火腿飛碟, 豬扒公仔麵配火腿蛋芝士火腿飛碟 - 個邊好脆好好味, 裡面啲芝士溶晒配埋火腿食, 唔錯唔錯豬扒公仔麵配火腿蛋 - 有時公仔麵唔一定要食出前一丁既, 普通麵都有普通麵既好味, 豬扒好林唔鞋口, 多士多牛油脆口埋單都唔算貴, 每人平均$25到啦

呢間舖頭係細, 大概8-10張枱到, 所以要去呢到食多數要等位, 就算2個去都要等陣, 呢到既奶油多最好味, 不過要去舖頭即整即食, 因為本身佢既包都係唔好軟熟既, 如果外賣一定唔好食!但同鑽石冰室比較, 就真係差好多啦!!

是L＆R經常幫襯的；佢地D多士我哋最欣賞，是很多其他茶餐廳做唔到的，又熱又脆；D出前一丁亦做得好好；價錢亦很相宜，基本上沒有分11點前後的價錢，全日都有早餐供應，＄19有交易；11點後開始有飯可以叫；＄25有交易，有埋野飲；兩位落單姐姐有說有笑；有時食好味野有好的顧客服務，不一定要到5星級酒店，茶餐廳一樣可以好正。

三數年前，華園是全家人的飯堂，因為又平又好食，最正最好味係佢地既出前一丁同下午茶豬扒包。自從人多了，不知是否心紅了？店子小小，價錢不再平宜；加價的同時竟然連分量也減了！那麼，加價幅度應怎樣計算？家人說笑：趕時間，就到樓下華園會一會佢地神乎其技既豬扒薄切啦！　還有，外賣姐姐的無禮、不耐煩．．．真的會影響你半天的心情！　昨天，最恐怖的是：杯裡有小昆蟲，碗裡也有～

見到了！見到了！見到了！就是那地址也不記得的店！當然急不及待的要了「榨菜肉絲包」：用上的榨菜，跟前三隻麵包一樣，是用上很肥大的罐頭榨菜；不同的是，這裡的榨菜，切得豪豪爽爽，一段一段粗粗長長的，很有口感。菜多肉超少的餡料，加上長形的甜餐包，塗上牛油之後再烘一下…你覺得怎樣？其實榨菜和肉絲，是茶餐廳基本的物事，但「榨菜肉絲包」成事與否，完全取決於茶餐廳肯做與否。這是最欣賞此店的原因。