華康餐廳 (已結業)

是日來到灣仔區,老公仔在開飯喇見到原來這條街很多食肆!看來要來""開發"一下首先吃這家茶餐廳,感覺似翠華,價錢亦與其相近,約四五十元一個餐,有湯有飲品以現時的物價,也不算是太貴!我點個清淡,而不太飽肚的三寶米線因為是晚會吃一頓大的,午飯就不想吃太飽所謂的三寶包括魚腐,腐皮春卷和雲吞,再配上魚湯魚腐較實,魚味尚算可以春卷用上腐皮包著,內著是魚肉,口感頗彈牙雲吞內有鮮蝦和少許豬肉,鮮蝦爽口魚湯富鮮魚香,飲起來鮮味健康不過,無論如何,生記的魚腐米線仍是我的首選老公仔沒有點餐,單點了海鮮焗意粉代價就是等了又等,廿分鐘後終於送上為什麼那麼慢,即叫即焗呼份量不多,用上富忌廉香的白汁,感覺較膩海鮮有魚塊,青口等,鮮味只屬一般取價較貴,不值得點,還是午餐較化算~

平時返工食黎食去都係茶餐廳偶然先會去下食海南雞或者飲下茶咁不過茶餐廳都未必一定差既呢間華康D野都算做得唔錯~咖喱, 牛尾, 同D中式撈麵都做得唔錯~不過呢....我硬係覺得呢間野就係翠華....寫埋D野一模一樣....又係咩馳名海南雞....咖喱稱王....味道就係OK...但款式就悶D囉同埋真係貴, 一個咁既紅酒牛尾餐就要$50跟餐得白飯熱飲, 連湯都唔捨得比個你...份量同味道就ok既都真係有紅酒味, 牛肉有8成係焾既得兩舊炆得唔係咁焾0者

價錢過份貴而味道難食. 連最基本既白飯岩岩米熟未過米氣都夠膽俾人食.野飲要另外收錢. 凍檸茶 16 蚊但完全冇茶味, 唔夠糖既水一杯..員工欠缺基本禮貌. 可以求其煮第二啲唔係你落order 既野食俾你, 監你要, 仲要俾個食就食, 唔食把就咁既口面. 唔信邪可以去親身體驗下.

搵苯午餐1.) 枝竹牛腩飯變枝竹牛肉飯2.) 份量少，$39一個午餐，得幾塊牛肉3.) 難食裝修/樣/價錢抄足翠華，但係連人地質素一半都冇入去食真係要諗諗

是日六點幾買個tea返office開會...老闆娘好好仲肯俾我買tea. 要左豬軟骨片頭魚湯撈麵 +熱0水. 豬軟骨好入味又夠"林", 食完非常滿足!

看完劇來吃宵夜，華康仍燈火通明，便入內吃吃；要了魚湯豬軟骨米線，魚湯味很濃很足，而且很甜美；豬軟骨很淋，肉質又不鞋．米線就只是一般，但配上魚湯底，那就好了的配搭．朋友點了咖哩飯吃，嘗了一點，味道不錯也很香，下次可以一嚐

晚餐唔想食飯,見到餐牌張貼新出的魚湯魚卷米線,於是一試.魚湯本身都出名,略咸了一點,沒有很重的味精味魚卷同想像中有出入,以為係炸魚卷,但原來係放湯無炸過,也好,不大熱氣,食落也算滑,但口感不太明顯(因為無炸過). 味道可以,加埋杯熱檸茶,剛剛好

魚湯好味！魚腐口感幾得意。米線就麻麻地，豬扒包幾好。總體印象唔錯，嚟開灣仔會再幫襯。

又去灣仔吃早餐，隨意的挑了間早一點開市的，這間店子的名稱，令我想起唐伯虎扮成書僮，混入華家的華安，也說回正經的，店子在這個翳熱的早上，冷氣開得挺大的，坐下吃個早餐，一人佔坐二人卡位，環境以茶記來說是不錯的。也先看看餐牌，其實早餐的選擇不太多，就選了去到茶記常點的沙嗲牛肉吧，要了個B餐，喝一杯熱奶茶，等了不久，都有得吃了，一碗沙嗲牛肉拼芝士腸炒蛋公仔麵，一看這碗麵，那個湯非常之混濁，也在蛋的面層看到一點沙嗲醬的痕跡，但湯只喝一口，已經真的很夠了，完全沒有沙嗲味，只有死鹹味及師傅的味道，麵身灼得不過腍，但伴着這個喝多口也嫌多的湯來吃，食味大減，吃着麵條，偶爾也會吃到花生粒，相信店家確是有下沙嗲的，但味精應該比沙嗲下得更多。牛肉醃得很鹹，但牛肉吃起來又不是太梳打，咬起來是有咬肉的嚼頭，但肉味似終欠奉；炒蛋是過熟過實了，不嫩滑不夠鬆，吃起來又沒蛋香；芝士腸就是全碗麵之中最正常的，腸衣吃起來有點脆，是唯一較為滿意的一款食物。最後以一杯熱奶茶作結，奶茶以厚身瓷杯盛着，先嗅一下，茶香不多，奶香也只有一點點，縱使店家聲稱用了黑白淡奶，喝起來都是沒甚奶香及不算太滑，茶身又不夠挺，可能是奶撞茶的溫度不足，

今日再黎到華原食lunch,因為唔係好餓,所以陣係order左個牛腩魚湯米線呢度的魚湯米線size係好細,唔肚餓就最岩食呢個但係魚湯味一d都唔出,米線Overcook同埋唔知係唔係隔夜,一d都唔滑同彈牙,牛腩只屬一般質素,所以如果個魚湯唔好味的,成碗米線已經冇晒意思下次都係唔食魚湯米線了

同事話呢間野佢地覺得okay,所以是日的lunch time 決定再光顧一次今日感冒算係叫做好返少少,可以試下飲佢d coffee~~真係澳門果隻凍啡~~幾好飲不過奶味好重~唔係好飲得慣~~^^之後再黎多個牛排飯餐,原本個牌寫住的係肉眼牛排,但係個侍應又話賣晒轉左普通牛扒(灰)個size係細份左少少,不過都okay

今日同d同事一齊出外食lunch,之前0係灣仔地鐵個廣告都見過呢一間餐廳架啦~不過食都係第一次,因為唔係唔係好近我地公司呀嘛~~~Order左個set lunch, $38有鮮茄雞扒長通粉,南瓜忌廉湯同埋飲品南瓜忌廉湯: 佢用杯上,杯湯好大杯,不過佢南瓜份量又幾足,所以飲落去陣陣南瓜香味~~好鍾意,最衰湯面上有好多油,要花好多時間去整走d油先飲~~(怕肥)鮮茄雞扒長通粉調味得唔錯~~~D雞扒都煎得幾香~~不過D長通粉Over左,所以好林同埋一用叉拮起就散晒~~~Overall黎講呢度d野都okay,番工lunch time可以過黎食,其他時間就唔會考慮lu~

晚飯時間路過此餐廳，看見內外都很光猛，又乾淨，決定一試，叫了一個焗海鮮飯晚餐（$46）及一個白汁磨菇庵列（$28）。忌廉湯：用大杯上，很可愛，湯很濃，喝下去很香，不像普通的茶餐廳只有麵粉味。多士：新鮮烘，牛油很香。焗海鮮飯：多汁，多料，很滿意。凍檸茶：檸檬新鮮，不錯。白汁磨菇庵列：煎得不錯，伴碟用了薯條、生菜絲及蕃茄，薯條新鮮炸，很香脆，生菜及蕃茄都很新鮮，不是霉霉的。食物：整體上很滿意。環境：光猛，乾淨，坐得舒服。服務：侍應很喜歡互相閒談，有粗話，但對客人就很有禮貌，會主動問客人：「要多一隻碗嗎？」價錢：比廉價茶餐廳貴了一點點，但整體質數高了一級，所以價錢是合理的。結論：一定再有下次。

替友人買過結婚禮物後還有一小時才上堂,把握時間吃一個下午茶.路過華康見下午茶供應至6:30pm,便入內試試.無論裝潢,格局,價錢都與翠華很相似的華康,都有賣奶油豬仔包,而且下午茶時段才賣$7,便要了一客來試,另加一杯凍奶茶.奶油豬仔包,包烘得熱而且比翠華的更軟熟,先勝了一仗.牛油溶遍豬仔包,很重牛油香但對我來說太多了,鍊奶揉得很均勻,吃完一個絕對可飽上半天.凍奶茶定價有點貴,要$15,但由於奶油豬的甜味已覆蓋一齊,所以只能喝出奶茶的苦澀味,是否物有所值暫未能下定論.

要找個地方等朋友，順便上上網交差，記得這條街午市很旺，但之後到晚市，人流卻不多，選了這新派的茶記，貪好坐而坐耐一點也不會被掃走。霸下四人位，拿出Netbook Check下FB，下午茶餐成卅元，這個月有點緊張，叫散點來得划算，奶醬多、凍檸茶吧，圍開不用廿蚊。奶醬多即烘，厚身鬆化，幾新鮮的，雖然做法不如勝香園般細心兼認真，但加埋奶醬吃，七元一件，都吃得下，飲埋杯檸茶，坐上兩句鐘，又同伙伴吹下水，就這樣過了小半個下午。埋過單，計好價錢後，是時候動身到銅鑼灣寫寫菜。