華御結

营业中

休息中

朝早買飯團嘅時候見到華御結早餐原來有雞肉燒賣賣🤓心郁郁想試下。宣傳牌寫雞肉用咗去皮雞腿肉和雞胸肉，每份9.6g蛋白質，感覺好健康。如果買飯團嘅話，$12就可以有6粒燒賣，$16就可以有10粒燒賣。但原來燒賣default係魚肉燒賣，想食雞肉燒賣就要講全名。魚肉燒賣可以加豉油同辣油，都算係彈牙嘅燒賣，但店員落得太多豉油，有啲咸。另外仲買咗個秋鮭三文魚飯團，個人認為三文魚有啲咸，同埋餡料份量少同唔平均，頭兩啖淨係食到啲飯，但食到中間同最尾又唔夠白米配搭偏咸嘅三文魚🤔都係明太子沙律同埋蒲燒三文魚腩好食啲。由於真係想試雞肉燒賣第二日再去咗買雞肉燒賣食，雞肉燒賣唔算彈牙，帶少少咸味，就係雞肉絞碎再用燒賣皮包起來的感覺，雖然有雞胸肉，但口感唔會鞋颯颯。

睇ViuTV MM730 嘅男女自然觀察學會，Marco話買飯團嗰間舖頭嘅雞胸肉係最好味最多汁。所以我就估係華御結，星期六經過又一城華御結，買飯團嘅時候就買埋另外兩個雞胸肉，打算試吓。我買咗蒜香味雞胸肉，同埋黑椒味雞胸肉，想睇吓佢配沙律邊一個好味啲。打開包裝之後，擺上去沙律菜上面，食落去果然多肉又多汁，keep住唔會好乾。因為有好多時即食雞胸會好乾好鞋，佢一啲都唔鞋，同埋味道好夠，唔會太鹹或者唔會太淡，買兩件仲可以平啲！

又一城出口一上電梯就見到平時覺得一個飯團唔夠飽買兩個又好似多得滯呢間係有套餐 可以配小食或者湯湯款仲有四種選擇 上次揀咗個薯仔湯覺得好足料 都係$33 比過買兩個飯團🍙Good! 呢間仲有早餐套餐供應不過如果一個飯團加燒賣都要$28感覺又唔係咁抵食

一舊飯團當午飯，入面幾多料，飯每日新鮮唔會硬，紫菜同飯分開擺，所以唔會軟。通常食佢既三文魚三角飯，入面三文魚肉肉質唔差，料同飯既份量比例ok，味道都夠。有時新出好多口味，值得試下。

最近好中意食華御結，貪佢有個熱辣辣嘅雞湯，有時唔想食咁重口味想清淡啲，華御結的確係一個好選擇！其實我都差唔多每次都叫兩個飯團加一個湯既Set，當Lunch食就岩岩好，北海道產秋鮭三文魚同埋香草吞拿魚沙律係我覺得最好食既飯團，前者就清清地，後者因為有沙律醬感覺會濃味啲，感覺無咁dry，所以呢兩個一個走清淡路線一個走濃味啲就岩岩好，另外有時佢有啲期間限定嘅口味我都會試下，但最近既明太子沙律帆立貝絲我就覺得一般，因為我本身唔好明太子，期待佢下次既期間限定口味！至於個湯的確是精粹，和風豆乳骨膠原雞湯是名物，啲腐竹超好味，連唔中意紅蘿蔔既我都愛上左呢碗湯入面有豆乳味既紅蘿蔔，仲有啲菇係入面，感覺都幾健康，值得一飲再飲！

一向都好鍾意食華御結，特別係每當想食清淡少少嘅時候，就會想買華御結。可惜之前九龍塘一路都未有，後來見到華御結裝修，都差唔多期待左成幾個月佢先裝修好。直至幾個禮拜前，佢終於開張啦。自此之後我每個禮拜都起碼買成三四次，通常都係食飯團嘅。黑椒雞腿肉珍寶御結 $24通常都係食三文魚嗰款珍寶御結，今次想試吓新野，就揀咗呢個黑椒雞腿肉口味啦。黑椒味濃，食到底好似仲有少少沙律醬，都唔錯嘅。不過我都係鍾意三文魚嗰款多啲。黑豆鹽大福 $12為食嘅我又加多左個大福，因為呢個黑豆口味特價$12 ，所以就揀咗呢個口味啦。呢個味道都唔錯，會食到一粒粒黑豆嘅，仲有啲類似豆沙蓉嘅餡料。啲糯米會有少少鹹鹹地，都幾好食。九龍塘有華御結實在太開心，以後朝早買一兩個飯團， lunch就有着落啦。