華御結

营业中

休息中

一向都好钟意食华御结，特别系每当想食清淡少少嘅时候，就会想买华御结。可惜之前九龙塘一路都未有，后来见到华御结装修，都差唔多期待左成几个月佢先装修好。直至几个礼拜前，佢终于开张啦。自此之后我每个礼拜都起码买成三四次，通常都系食饭团嘅。黑椒鸡腿肉珍宝御结 $24通常都系食三文鱼𠮶款珍宝御结，今次想试吓新野，就拣咗呢个黑椒鸡腿肉口味啦。黑椒味浓，食到底好似仲有少少沙律酱，都唔错嘅。不过我都系钟意三文鱼𠮶款多啲。黑豆盐大福 $12为食嘅我又加多左个大福，因为呢个黑豆口味特价$12 ，所以就拣咗呢个口味啦。呢个味道都唔错，会食到一粒粒黑豆嘅，仲有啲类似豆沙蓉嘅馅料。啲糯米会有少少咸咸地，都几好食。九龙塘有华御结实在太开心，以后朝早买一两个饭团， lunch就有着落啦。