影片
营业时间
今日营业
07:00 - 23:00
星期一至五
07:00 - 23:00
星期六至日
07:00 - 22:30
公众假期
07:00 - 22:30
以上资料只供参考，请与餐厅确认详情
今日臨急臨忙出門口未食嘢，就買咗一個壽喜燒飯團，本身好鍾意食壽喜燒牛肉所以揀咗呢一個口味，飯軟糯的質感，再配上蛋汁壽喜燒牛肉，味道係超級襯，我好鍾意食呢個口味下次都會再買！
继续阅读
揭開濃味的序幕，我嘅山葵香菇御結食之旅，一啖落肚，啱哂！醬香撲面，攪拌埋微微嘅山葵香—哇，涼快咁過添！幾啱我鍾意嘅重口味。香菇？梗係好似小寶一樣飽滿，盡情吸納咗醬油精華，飯團嘢嘛，講求嘅就係呢種食到掂出嘅滋味！就算成份表話有番薯，都察覺唔到，可能比香菇同醬油蓋過去咗呢！轉個彎，嚟到辣味界嘅唐辛子昆布飯團。呢個辣，喺我嘅舌尖上跳舞；昆布佢咁大塊面，令我有過癮感，真系挺足料！咬落去，鮮味、辣味交織，文火慢燉嘅「嚼勁」—正！細細個幾想飲個茶水沖涼涼。辛子明太子飯團就更加唔洗多講，只能話係冧爆！🤤明太子嘅咬感過咗癮，每個粒都有份量，辣度啱啱好，我能夠話，佢哋倆真係齊齊好般配，譜出完美食感嘅小夜曲。食飯團，從今日起，這裡就系我嘅打卡點！🍣👌
继续阅读
華御結 Hana-Musubi📍沙田港鐵沙田站SHT24號舖去staycation前，我哋買咗幾個華御結嘅飯團，以備不時之需。除咗飯團同跟餐小食外，我仲揀咗個甜品，就係呢個焙茶布甸啦！ 💰$18濃香焙茶布甸 🍮呢個布甸茶味的確好香好濃，但有啲濃過頭，食落口感唔滑，反而食到少少茶嘅苦澀味。嚴格嚟講，唔係一個合格嘅布甸，但佢嘅焙茶味真係好香，係味道比口感好嘅一個甜品。但考慮到佢價錢咁平，其實都唔太可以挑剔佢。如果有食開華御結，又想食甜品過下口癮嘅，可以試吓佢唔同口味嘅布甸。
继续阅读
有時唔知食咩好又想食得健康，最方便就係食飯團。以前有得去日本嘅時候，朝早最鍾意買又平又好食嘅飯團。喺便利店嘅選擇唔多，又見呢間舖頭係來自日本，所以就試吓。雖然價錢唔平，勝在多選擇多唔同嘅口味。試過唔少款式，呢間舖頭亦會每月推出獨特嘅口味，印象最深刻嘅有半熟糖心蛋飯團、明太子飯團、蟹肉飯團、最冇得輸嘅辛口明太子飯團🍙近期有個叫做海膽糖心蛋飯團都非常好食，勝在冇腥味然後又唔會太乾身容易入口。另外仲試過燒三文魚飯團，有啲燒汁唔會咁寡，都幾香，想食得簡簡單單嘅話都係一個唔錯嘅選擇。
继续阅读
琴日經過華御結 買左個飯團黎食 我揀左壽喜燒味 真係好好食🙈🙈🙈 餡料豐富 濃濃既壽喜燒味 加上蛋汁 真係一流😋😋😋 飯團唔硬 口感好好 而且飯團包得好結實 值得一試😉😉
继续阅读