華星冰室 (信德中心)

营业中

休息中

呢間分店開幕無耐 一行四人去試試 灣仔店就成日食 order 咗常餐牛肉意粉 火腿炒蛋 多士 熱奶茶小妹不太喜歡這裡的义燒 所以order 咗鮮牛意粉 牛肉好滑 牛味濃 加上用麻油生抽醃過 好淋意粉 夠爽囗 唔過淋 加小小胡椒粉 仲好味 這裡最出色係炒蛋 好滑好夠蛋香 放在牛油多士一齊食 夾到無朋友 多士外脆內軟 配上牛油 麵包夠新鮮 仲有兩片大大嘅火腿 用黎送多士好味奶 奶茶 茶味夠濃 加上適量花奶 茶奶比例剛好 正

信德越黎越多食肆... 都好既... 可以分散啲人龍...華星都喺信德開左分店... 今日唔想食得咁飽.. 所以就去食個常餐...去開灣仔嗰間... 都係例牌叫嗰啲喇..."牛肉通炒蛋熱奶茶"咁啲侍應哥哥就會好HYPER咁將啲嘢食續樣拎黎...火腿炒蛋多士炒蛋好滑... 食過幾間相類似既炒蛋...始終都係華星最好味... 多士烘得夠脆... 脆得黎唔會乾...奶茶夠熱(好重要)... 奶味夠但係唔會搶左啲茶味... 牛肉通個餐STANDARD係叉燒通...不過有一次聽到有人叫牛肉通...試過一次之後.. 以後都係叫牛肉通喇...因為比起叉燒... 牛肉滑啲...

去珠海前我也要食早餐，揀華星的原因有很多，炒蛋滑，厚多士，忌廉湯通粉加埋茶走，華星分店有幾間但每間分店的水準確實沒有任何差別，食物水準可以keep到咁好，而且價錢亦大眾化，其他食物如沙嗲牛肉包，校長多士亦非常美味，下次再去又同大家介紹下

華星開咗一段時間，今日終於同同事嚟試吓，排咗大約10-15分鐘有位，其實都唔駛點諗食咩，因為都係得個特餐最啱食同夠飽，可揀叉燒/牛肉配通粉/意粉，蛋我就揀食煎蛋。見住d員工態度非常輕鬆開心，都唔知係寓工作於娛樂還是寓娛樂於工作，總之佢哋就笑晒咁嘻嘻哈哈送碟笑口常餐過嚟啦⋯⋯ 牛油厚多士烘得夠燶，燶邊煎半熟蛋同嚟夾埋多士食啱晒！至於通粉，牛肉夠稔同有點鮮牛味，通粉我就覺得稔咗d，我都係較喜歡食薄d或有坑紋果隻通粉多d「茶走」茶膽都夠濃，飲落順滑

是日前往澳門, 當然也要早點到信德中心領取船票, 跟著就是吃早餐的時間. 得知華星冰室在這裡開了分店, 大喜, 當然要來吃吃炒蛋多士才上船.環境跟其他分店沒有大分別, 餐牌也是一樣, 簡簡單單. 早餐一客$35, 也算合理的價位.牛油多士: 8.5分, 例牌的先吃牛油多士, 厚身的多士, 熱辣辣, 相當香脆, 帶牛油香, 當然好吃.炒蛋: 8.5分, 至於炒蛋, 炒得火候剛剛好, 相當香滑, 單是這客炒蛋, 已經值回票價.火腿通粉: 8分, 火腿通粉就是小晴晴也能夠一同享用的項目, 是比較健康的選擇, 湯底算是幾清淡的.茶走: 8.5分, 來華星, 總愛喝杯茶走, 茶味香濃, 滑溜, 喝完一杯, 人也精神了不少.以後搭船往澳門, 上船前就可以來華星冰室吃吃炒蛋多士, 再喝杯茶走, 真好.

在1月中，好奇走到上環信德中心3樓澳門廣場兜個圈，才發現 <華星冰室> 即將進駐， 實在令我很驚喜又期待！店子在2月20日正式試業，上星期四早上幫襯，仍是試業中！營業時間：7:00am ~ 7:00pm這裡以懷舊冰室裝潢，簡潔明亮，設有卡位，全廳滿座！牆上掛上近期的演唱會及電影宣傳海報！令人聯想到以前的戲院！一如其他分店，男店員們穿上牛仔褲品牌圍裙，顯得入型入格！他們也很有效率！就連收銀阿姐都好有禮，當我走到收銀櫃，放低張單及 $100，她正在忙於看手機，慢了一拍見到我站到收銀櫃面前，趕忙跟我說：唔好意思！值得一讚！ 老外早餐 & 奶茶老外早餐 $40包括：炒蛋、煙肉、多士、薯餅炒蛋 ~ 蛋汁豐盈，口感滑溜！煙肉 ~ 烚熟的煙肉，顯得肉質嚡口！多士 ~ 外脆內軟，不過不失！卻是多士底部烘得燶了一點！薯餅 ~ 超大塊兼香脆可口！ 令人食得滿足又飽足！奶茶論色澤幾對辦！華星茶味較突出，  質感稀薄！卻不及翠華的香濃滑溜！如果，以茶記早餐花上 $40 的確貴了一點，但是嚐到想食及喜歡的美食總是值得！