華記食店

营业中

休息中

午餐在中環搵食艱難，較像樣的不用說，就連沾仔記、權記、筷子記等飯堂亦排著長龍，走到日本城一邊的士他花利街，看到易拉架大牌寫著煲仔飯上市，鑽入巷內是一間工廠格局的飯堂，人客不多，就隨便找個位置便坐下。煲仔飯明火燒的較焗的乾爽，土魷很香替飯增味，肉餅頗實沒有味道亦不易弄散，怕吃壞人，乾脆撥在一邊；沿邊開始「扒飯」一直到中央，外圈近火飯燒得很乾，愈近中心部份就愈軟熟，每部份乾濕軟硬都有點不同，英文說法是authentic，唯有撈勻吃。如坤記是十分，這裡有五分，而茶記三分，輸老店飯香和火候，贏茶記軟熟口感及性價比，可惜坤記只做晚市還要在西環，中環區午市要吃亦找不到別家。至於近乎無吃過的肉餅，老闆緊張起來，說出了曖昧無味的口感，叫他一試，結果他少收了八元，是位老誠的生意人。

華記除了抵吃的三餸飯及煲仔飯，它的炒粉飯麵都不錯的，同事首推就是星洲米，不過，我又想試它的菜飯，所以這次午飯點了上海排骨菜飯，賣$30，送餐飲，因為是星期四，還有啫喱送，所以在中環區而言絕對抵吃到不得了，但亦因為如此，我們11:30am落單，要求12:30pm送到，結果，1:30pm才到哩，真的近乎餓暈了！上海排骨菜飯份量十足，大大條的酥炸排骨足有5條之多，味道都OK，不過，菜飯就出問題了，一來只是好隨意放些白菜的頭頭尾尾在飯中，就當成菜飯，其次，飯底實在太油了，吃完那些飯，飯盒底分隔出一層油。奶茶普通，但估不到盒芒果啫喱卻頗像樣，吃來不會太削身，沒有偷工減料之作！

有時我哋會叫外賣返公司食，始終中環食晏時段，好似蟻「嬲」蜜糖成街都好多人，所以，叫外賣一來唔使行出行入又要同人逼，慳番啲時間；二來比外面食平啲，就算快餐店都要三十蚊落樓，茶餐廳唔得添啦。我哋會試吓唔同外賣店，不過，若果係星期四或五，我哋首選會幫襯華記，無他嘅，一個貪字囉，逢星期四、五，佢哋嘅外賣會送糖水，每個星期嘅外賣紙都會寫住送乜嘢，有時腐竹蛋、有時喳喳，今次係蕃薯糖水！華記除一般炒粉飯麵，湯粉麵外，另一抵食強項係3餸飯，每星期更新一次外賣紙，而每日有8款餸菜，雞牛豬，有魚有菜，任揀3款，包一個例湯，都係賣$25，送埋上嚟，你仲想點！難得質素唔差，只係偶爾有失手，一大盒飯，餸菜就用另一個3格分開嘅發泡膠盒裝，絕對唔係撈埋一齊，不過就真係唔環保。趁秋高氣爽，同事都話不如食煲仔飯，無問題，華記都有，仲要係原煲煲仔飯送過嚟，服未！16款煲仔飯，每個$38，不過11:00am前落單收$30，我哋貪盡嘅梗係11:00am前落單啦，但係，唔好以為早落單就早送嚟，我哋啲煲仔飯結果成12:40pm先到，好彩都差唔多係我哋食飯時間。每個煲仔飯都個別以報紙包好送嚟，盡量保溫，我相信佢哋都係一早收訂單，整

My colleagues and I always order from this small place. Not only the price is cheap and the portion is big as well. We love the "Bo Chai Fan" and their steamed fish meals!! They are really good with delivery and was never late. The gentleman who delivers them is also a great and hard working person. Highly recommend this place to those who wishes to eat in the office and at a reasonable price!

昨天在步行至蓮香樓時，經過了這小店。本來對它也沒有即時的興趣的，不過當看到在牆上那張有點殘破的菜牌中寫著"甜面醬黃花魚"，便勾起來到來一試的意慾。今天午飯時候下著微雨，進店時才只有一位客人在用膳。令人驚喜的是，如此小店也竟然有一部頗大型的平面螢幕電視，這次可以邊吃邊看新聞了呢。 老闆華記平易近人，在下單時客氣地表明這個黃花魚是即叫即蒸的，要有點耐性才行，曾跟我一起午膳的食友也該知道，午飯時間之充裕，在這方面絕對不成問題。附送的<<青紅蘿蔔煲豬骨>>可預知會有少量的師傅幫忙，下的份量不過份，味道也尚算有點清甜~果然如華記所說，要等上好一段時間才做好。本來認為只有一尾魚而已，怎知道有一點菜伴著的，又不錯啊。 黃花魚身形小巧，在魚身上的甜麵醬味濃而甜，跟黃花魚的鮮味頗匹配，吃下去有點鮮甜，對它的味道甚滿意呢。另一方面，這裡的白飯是任添的，只要跟華記說聲就行了。在結帳之時華記發現零錢不夠，竟然主動減了尾數便算﹔不過客氣還客氣，別人辛勞得來的又怎可以這樣拿別人的便宜呢。於是便立即到附近的店換了點零錢，再把原來的餘數交回給華記。在離開時，問他何時會有煲仔飯，他說大約

中午, 被老細罰留堂, 唔想再食樓下間快餐, 同事Search 一 search 佢既 Collection, 找到華記, 我一看, 士他花利街. 係上山巷仔, 冇乜人食果間. 唔係有時係結志街行返落山路經, 都唔知有檔咁既野.又有 KC 兄 的口水漬, 有小小信心, 打個電話去 落 order. 早上體檢, 原來血壓偏高, 我竟然仲叫個干炒烏東食, 落左Order先醒起, 算吧. 豬扒干炒烏東味道甚佳, 但好多油, 食晒, 成個盒底都是油......有點兒那個.除了這個, 並無其他說不的地方.有機會, 會再 order. 可以倖個笑, 但油....係一個小保留...亦可能只限於干炒.

3送1飯1湯只係$24!此區實屬超值~食物用料絕對唔差,賣相仲拍得住酒樓添!最愛佢地既炆豬手、蒸水旦、糖醋排骨、咖哩雞、羅漢齋.....今次食既菜膽雞亦好正,無雪味!海味炆節瓜炆得非常'林',呢d咪有Heart囉!仲有,我食得出佢地係無味精既!

呢度在中環區來說都算數一數二咁平，選三款菜，連一個例湯，白飯任畢，都只係21蚊。菜式仲要天天不同，每日都有八款選擇，比較好吃的有咕嚕肉、紅燒豬手同魚香茄子，菜式賣相較粗枝大葉，而食店佈置甚簡陋，好有工廠食堂feel。但賣咁平都算係咁啦！經濟唔好果排好多人來這裡開飯的，唔怕話俾大家知我都在此食過一排的。<