華輝小食 (已搬遷) 新店位置

🐮華輝小食🐮🐮#hkbeeflover_小食🐮#hkbeeflover_大圍• • • 雖然好多人話佢態度麻麻 但我覺得可以接受畢竟又唔係去高級餐廳食野 食個小食手撕雞腸粉同埋好多人等緊 好似澳牛咁嘅態度都正常丫我都睇環境同埋情況而定 基本上我地每月都會去一次食大圍無咩邊間餐廳好味得過手撕雞腸粉 中辣係最好味嘅選擇！！ 手撕雞好嫩腸粉又夠滑醬料配搭剛好無缺點嘅一個好味小食 一無胃口我就會去食

員工西口西面都算，出餐唔跟順序混咁黎。見佢出左幾個後面既餐號碼未問句係咪要等，佢一句部野會響架就算，心諗你覺得D客智障？唔係你亂出餐我唔知你係咪漏左我要問你？等落單要3個字等出餐又3個字，你老闆真係唔休做咁樣，養D咁既員工幫自己趕客...野食份量時多時小，做野又食左成擔豬油咁,認真出色！食左一段時間，本身覺得味道唔差，想話支持本土下小店，但諗心一層點解要比錢受氣？大圍咁多競爭真係覺得自己好威可以獨大咩。一句講曬冇下次！

成日都見到佢哋閙人，有一次我發覺比我後的號碼都取食物了，但我還未有，於是我問一下，點知俾阿姐冇理地大罵，好像將工作上的怨氣發洩在我身上，從此我再沒有再光顧了，而且、我覺得是名大於實

大圍呢間手撕雞好出名，成日都大排長龍。今次叫左個手撕雞飯同手撕雞腸粉。d雞好滑一d都唔韌，腸粉都好滑加埋d醬同豉油一齊食好夾。佢仲有得揀辣度，我地揀左小辣都幾辣下，唔食得辣又想試辣既可以揀bb辣。我地夜晚9點幾黎食坐滿人，店員叫我地可以拎去附近個間（密甘餐廳）食，可能都係佢地既鋪頭🤣🤣🤣座位仲幾好坐🤣

近排我睇咗個YouTuber介紹一間好出名嘅手撕雞店喺大圍，位置超近火車站，行五分鐘就到。我中午12點去到，見到有大約4至5個人排隊。等咗十分鐘終於輪到我，我叫咗一份手撕雞腸粉，一碗手撕雞撈麵同一份粢飯。佢哋嘅手撕雞辣度由bb辣到地獄級，我就試下叫咗一份bb辣。個餐廳嘅環境一般般，落單後會響個裝置，食物準備好嘅時候就會叫你去拎。手撕雞食落有啲鹹，但同腸粉同撈麵一齊食真係好過癮。軟滑嘅腸粉加上鮮嫩嘅手撕雞，再加埋腸粉混嘅醬汁，味道真係好正！撈麵就唔洗講啦，真係好好食！如果你鍾意手撕雞同腸粉，我好推薦你去試下呢間餐廳！

專登搭地鐵去買手撕雞腸粉，結果返到屋企俾咗公仔麵，返啲啊姐掛住傾計吹水，係咪路㗎! 專心啲好無公仔麵結成一團，好難食鋪頭又無電話可以打俾班阿姐，真係激氣唔想再幫襯

冇諗過手撕雞同腸粉錦夾Ψ(￣∀￣)Ψ手撕雞腸粉 $𝟜𝟘朋友唔食辣 所以叫左原味除左原味 仲有𝟟種辣度比你揀X﹏X亦有飯 撈麵 同腸粉選擇當然要試未食過既撈腸粉啦麻醬豉油味好濃 撈埋腸粉同手撕雞 超好食o(￣▽￣)ｄ好似手撕雞撈粉皮 但腸粉質感軟啲大嚿啲之後仲叫咗陳皮魚蛋$𝟙𝟚因為突然之間好想食不過正常操作 所以冇咩可以講┑(￣Д ￣)┍

星期六晚 宵夜時段 要排隊唔緊要 預左等 但等得唔服 $60比左錢 見自己前面得3個客 唸住等幾位女仕服務員 滋陰補腎慢條斯理嘅工作態度 又唔跟先後出 大家都係買同一款野 自己拎住19號。女服務員已經叫到27號。出一推餐出來 號碼又唔跟住做 咁洗L比錢果陣寫號碼咩，明明可以做得好啲快啲，十幾二十人係門口等餐 有啲錢都未比到去買餐。真係唔明點解 睇落去成班都唔休做 買左教訓 以後都唔會再去 希望有一間能夠做到取代佢地 佢地真心以為自己巴閉

好耐冇嚟過食腸粉，今日難得去大圍諗住去試好耐冇食嘅wah fai ，見到咁多負評都有猶豫下，但唔知係真定係惡意批評，所以最後決定都係試吓，睇吓係真定假.態度方面: 啲阿姐態度就真係麻麻地，冇表情語氣亦都冇服務可言，因為其他人有Number牌我冇，所以我企咗入去等，另一個啊姐一開始嫌我阻埞叫我出去出去等，但當知道我冇Number牌，問完我食乜就冇再出聲. 環境方面:鋪內有啲堂食枱櫈，但環境比較舊，好似茶餐廳咁. 食物質素: 腸粉係好食嘅，keep得到當年質素，口感軟滑，最重要嘅醬汁亦調配得啱啱好😋.所以整體嚟講，真係好食嘅👍🏻不過服務真係要改進下

手撕雞腸粉講好既地方先，手撕雞腸粉既手撕雞一如既往唔錯，雞肉帶有一點點濕度，唔係好dry仲好出奇地有鹽焗嘅味道。但腸粉出曬事，腸粉軟糯適口，但正正因為佢好吸醬汁，麻醬同豉油太多，我食得好辛苦。而我食開譚仔小辣，係到叫最細既辣都頂唔順。本來手撕雞都已經夠味，腸粉都甘口醬汁真係唔得。感覺上味道風味大不如前，以前比例上會好好多。 手撕雞撈麵營多麵(Indomie)大家都唔陌生，佢本來就為拌麵而生~麵底多，女仔食一定飽。同手撕雞的醬汁都幾OKAY，手撕雞夠味。相比手撕雞搭麵冇咁咸，冇甘易膩。

𝗕𝗘𝗦𝗧 𝗰𝗼𝗺𝗳𝗼𝗿𝘁 𝗳𝗼𝗼𝗱 @𝗧𝗮𝗶 𝗪𝗮𝗶Wah Fai Snack shop is definitely a must-try snack in Tai Wai😍 they are well known for their spicy hand-shredded chicken cheung fun, lo mien or rice, served with heavy soy sauce, toasted sesame n sesame sauce😋 u get to choose ur own spiciness, from 0 to 7🥵 portion of chicken was generous, quite tender🐥 personally like it paired with cheong fun the best (a popular Cantonese dish that consists of thin sheets of rice noodle)🤩 theirs are delicate, smooth n silky, also, a rel

每次大圍途經，都會買返一兩盒俾屋企人食。而次次買親，都會見到店門有條人龍等緊，無一例外，相當有人氣👍🏻🍽️手撕雞腸粉 $40 小辣非常鍾意華輝小食嘅手撕雞😋醬汁非常惹味，而且落咗好多芝麻、麻醬，食落超級香🤩另外無論係雞定腸粉，兩者都吸收晒啲醬汁，非常入味👍🏻🍽️手撕雞撈麵 $40 小辣麵質係印尼撈麵feel，係啱啱熟嘅硬度，唔想腸粉太淋嘅朋友可以轉撈麵😊辣度有7個等級，我哋覺得小辣已經好夠😌另外芫荽嘅量都有得選擇，作為芫荽控嘅我哋當然係揀咗多荽😋味道😋 8.5/10性價比💰 8.5/10環境🔎 6/10服務🫶🏻 6/10打卡指數📸 8/10٩(˃̶͈̀௰˂̶͈́)و 推薦指數🥰 8/10

腸粉你一定食過，手撕雞都應該試過，但係手撕雞腸粉你有試過未呢？兩者夾埋又真撞出別樣嘅滋味😗😋🐔手撕雞腸粉雞肉有鹽焗嘅味道，唔係白烚之後就手撕，卑嘅份量都一啲唔孤寒😌😌。有七種辣度可以任君選擇，譚仔食十小嘅小編就揀咗BB辣🌶️，食落有辣油嘅香味，又唔算太辣。腸粉好嫩滑，芝麻秘制醬汁味道香滑惹味，芝麻醬味很濃郁。手撕雞嘅鹽焗香同芝麻香味互相補足，係幾特別嘅食感！唔鍾意食腸粉嘅朋友仲有手撕雞飯同埋麵可以選擇😗😗

食左依間幾次野我無論點樣都打返個食評比大家，因為我岩先食完唔記得影相，買左手撕雞腸粉兩盒 前一兩次食完手撕雞 雞味係仲有 但今次啲雞絲無乜雞味反而佢啲秘醬料係依然有 粉腸吸哂汁係好味 我個人覺得有啲咸 上幾次排隊排左幾耐今次無乜人排隊 不過建議就係間唔中食下好喇 就咁多先

可能大眾覺得你啲手撕雞好食令到你地認為自己高人三等，買個粢飯插你媽媽凍既，仲大大聲同我講係咁既，喂咁我都知同你啲白痴講多句都只會哂gas我即刻叫你得啦唔洗解釋🤙🏻唔好影衰自己招牌啦，你令到一個唔寫食評既人寫食評真係不得了