華輝小食 (已搬遷) 新店位置

呢間咁嘅劣食快啲執！食物普通，幾條雞加腸粉$40，豉油浸滿哂啲腸粉，呀姐黑口黑面，十問九唔應 個態度好似欠咗佢，唔恨做咪返歸啦，以後寧願行多兩步去坤記食腸粉！！！

$50 有啲名氣就越加越貴 料就越來越少 。雞係鞋嘅 味道過得去啦 。買過幾次 每次買見到阿姨都黑口黑面 ，唔奢求笑笑口 但都唔使咁掛😅 貼錢買難受，呢啲舖頭最好搵唔到錢😅唔會再幫襯

啲呀姐極冇禮貌，hea住黎做見你企係收銀等足十五分鐘都唔理你，我叫佢可唔可黎收左我錢先我唔想企係收銀位頂住哂，呀姐即刻勁惡話收左你錢我都做唔切，你睇唔到我做緊野呀！我心諗又唔係叫你做快啲，我叫你收左我錢先我出去企姐，況且我後面都已經企咗四個人，又唔係收我一個，洗唔洗咁。知多人食唔差你一個呀嘛。下次咪唔黎食囉，咁大牌。啲手撕雞腸粉我只能夠話還可以，對比起啲咁既態度真係食唔過，超級趕客。另外環境生態好啲凳同啲枱又黐笠笠嘅漬，阿姐會唔戴口罩不停講野。

特登開個ac同第一次寫劣評就係為咗想講呢間野有幾咁衰先講味道越嚟越差同難食，然後cheap到呃明明我淨係買咗一個手撕雞腸粉+一支竹蔗茅根，佢收我$68，我當場冇即刻問點解咁貴，係因為佢好急收完錢我就叫我行開…而我當下亦都唔想阻到後面既人…個收錢阿姐態度極級惡劣…真係無良店，正常手撕雞腸粉$38 1個，就算我加一支嘢飲，我唔明點解可以收到咁貴…大家真係唔好再食，又難食又冇質素比起以前嘅份量係少咗一半，以前成個盒都會滿晒，而家只係一個飯盒嘅一半嘅份量希望大家唔好再去食，就算去食都要計清楚成條數先好俾錢

久仰大名來到以手撕雞腸粉而為人熟知的大圍街坊小店華輝小食，每次來到都總會看到門外大排長龍。餐廳店內設有堂食座位，亦規定堂食食客需要自行收拾並棄置食完的餐盒和餐具。雖然堂食座位不多，不過大家都非常守規矩有秩序，食完都會自己清理然後離去，好讓下一輪客人入座。門店採用先落單付款，再自取食品的方法，無論是堂食還是外賣都一樣。排了大概15分鐘終於輪到我，我發現農曆新年之後食品都加價了手撕雞腸粉 $40華輝小食的招牌就是手撕雞腸粉，目前每份手撕雞腸粉的售價為$40，新年之後加價了。它有不同辣度，由原味至地獄級辣，一共有7級辣度可供選擇，而我就選了第二級的小辣。一放入口覺得辣度算強勁，建議不能吃辣的還是選BB辣。手撕雞的雞絲帶皮一起，雞肉加入辣汁，挺入味，腸粉淋有芝麻醬和芝麻，腸粉薄身惹味，整體都不錯手撕雞飯 $50除了手撕雞腸粉，店內還有手撕雞撈麵、手撕雞飯或單購手撕雞等選擇。手撕雞飯和手撕雞腸粉一樣有不同辣度，由原味至地獄級辣，一共有7級辣度選擇，我選的是第五級的小麻辣。手撕雞飯雞絲連皮在最頂層，中間是椰菜絲，然後最下層就是飯。飯的份量非常足，而雞的份量還算可以，如以目前這價錢來說應該要多一點。

店舖平平無奇，甚至有點簡陋，職員亞姐粗聲粗氣，講佢又唔明，仲大大聲回你，要唔好介意先坐得低堂食。手撕雞飯簡單味道好，多點椰菜絲更好，手撕雞腸粉如加椰菜絲就更好，味道好，腸粉清，但兩款食完會感到滿足，但有點漏。

諗住買外賣返屋企食，叫左個普通手撕雞飯，等左十幾分鐘，返到屋企打開盒飯我呆左。菜係幾多，但係成盒飯就淨得飯同菜，雞毛都冇條，個菜飯仲要收我成50蚊，想買外賣嘅記得睇清楚佢俾咩你🙃

華輝小食就喺港鐵站附近，好方便。搭車經過就試吓佢啦手撕雞腸粉手撕雞腸粉都算係大圍嘅名物，有好多辣度選擇，同朋友食，所以一個叫咗BB辣一個叫咗中辣試吓個分別 食得辣嘅先好叫中辣啦😂腸粉口感好滑，撈埋啲芝麻醬和豉油 一流再加埋手撕雞一齊食 口感好好 雞肉，肉質不硬，連同雞皮食好滑。估唔到兩樣唔啦間嘅嘢都可以夾埋一齊食。食物分量十足，味道不錯👍🏻

作為喺沙田區讀書嘅學生，冇理由冇食過呢一間華輝小食🥹🥹佢係我哋所有同學嘅回憶💘最好食一定係手撕雞腸粉🥹💓💓有啲同學就會叫手撕雞撈麵😃如果再唔夠飽嘅男同學就會叫粢飯😂😂首先係價錢，真係又抵又好食，對於學生嚟講簡直就係天堂😂😂佢嘅手撕雞可以揀唔同嘅辣度，唔係好食得辣嘅我就一定揀BB辣👶🏻其次佢啲嘢食熱辣辣，又多雞肉，超足料🐔腸粉都係，再配埋佢啲秘製汁，簡直係一流🥹次次都會食到我好飽，份量唔驚太細。

🇭🇰肥兔岀巡🐰😼😼😼😊今次粉紅兔編帶埋好姊姐白兔衝入大圍，食鼎鼎大名嘅手撕雞腸粉(期待左好耐)，真係一啲都冇令兔編失望，腸粉好香豬油味，加上香辣惹味嘅手撕雞（中辣🔥）出奇地夾😝值得再嚟！！食物質素(🐰x6最高)：🐰🐰🐰🐰🐰🐰$性價比(🐰x6最高) ：🐰🐰🐰🐰🐰————————————-華輝小食地址：大圍積福街積壽里4D號地舖#HK #2023 #Foodie #HKFood #HKFoodie #大圍 #美食 #foodstragram #foodieofinstagram #instafoodporn #foodporn #foodiesofinstagram #foodshare #foodofinstagram #delicious #foodgasm #foodlover

啊姐好冇禮貌！鋪頭部電話scan 唔到針卡，啊姐講到唔關佢事咁，睇都唔睇部電話就話頭先都得，係要你駁返佢先過泥整。之後叫拎餐係：「喂！拎野啦！」態度真係有需要咁？唔講我爭d 以為自己係佢d 伙記。之後個啊姐自己落錯單計錯數好似我地錯咁，唔知佢係咪未訓醒，俾我地問過下之後，收其他客錢就好似認真左dd 計下咁，不過都suggest 老闆留意下d 數有冇錯。D 雞冇雞味 冇咩特別 栥飯唔掂 最好食係個indomie同最好飲係可樂

唔知係咪啲後生唔願接手做，得番啲老人家係度做頂住，一個人又收錢又要整飯，好多時條龍都好長排好鬼耐，又凍又要吹風，由其係晚市時段，好多人見咁長龍都走唔食，建議請兼職啦，唔夠人做野，有生意都做唔到啦！

華輝小食-大圍經過大圍當然要買返個遠近馳名手撕雞腸粉，每次經過都見到大排長龍，好似都唔例外，排隊俾錢大約等咗10分鐘 ，買完之後會比個「會發聲的」等候機仔，大約再等多左10分鐘，終於有得食。手撕雞腸粉 $38今次冇叫辣味，只係叫左一份原味既手撕雞試一下。醬料加了芝麻、麻醬同豉油味道已經非常濃郁，手撕雞的份量都足夠，雖然雞肉不算非常嫩滑，但配埋滑滑的腸粉，整體口感幾豐富，很多層次。相信如果加埋辣味層次會更加出色。

呢間我知道係好出名但一直我都未去過，今次去左買 但我係外賣的，放咗半個鐘頭內，打開食個雞絲腸粉，個雞先說，肉好煙韌，有少少似走地雞嘅質地，然後個腸粉凍左啲腸又乾晒，但依然都係甘好食，個麻醬係好香濃，個腸粉雖然都放耐左但仲好滑，兩個字犀利！下次要堂食好好感受下！

今日同朋友一齊去食華輝小食，一路聽講大圍有間好出名嘅手撕雞腸粉，今日終於有機會食到😆雖然$38盒唔算好抵，不過當lunch女仔都夠飽。同埋啲又有麻醬同芝麻，真係好香🥰腸粉又滑，雞都好食，真係正🥰