菲爾斯曲奇專賣店 (已結業)

今日行新世紀經過呢度，買左個Double Chocolate Chip Muffin 食。好正呀！本人好like 好rich o既朱古力，佢真係好足料，但都幾“溜”。食的時候仲暖暖地，個面有d 曲奇質感，脆脆地，其他餅店做到好似蛋糕多過鬆餅，都係呢度的鬆餅最正。下次會再買黎食，不過分店少，而且仲幾貴下！

20050503 10am早餐, 做緊promo. 某o的muffin + 某o的o野飲, $13個set.muffin 不可揀有cheese 的, o野飲只限咖啡/奶茶/朱古力/檸水. 好麻煩.我最後係食o左strawberry muffin + lemonade, $15. 不過都係抵o既, 雖然個muffin 唔夠熱, 但係杯lemonade 幾好飲wor竟然.

因為有個食家話過哩隻味好正,明知係喪肥都要食!嘩!好彩ja!我既calories quota一d都冇白費到!因為真係好好好正!好重牛油味,又好重拖肥味,真係好好食呀!!!!!!!!!!!!!!!!

mrs field 我由細食到大架喇,一真都天真地相信佢係全世界最好味既鬆餅,cookies都係,不過我鍾意鬆餅多d~!不過平心而論佢d野係偏甜既,但食完有好幸福既感覺~^^藍莓=紅莓鬆餅,差唔多味椰絲菠蘿,牛油味都唔錯~!不過+左cheese果d款其實係有粒粒chesse係個鬆餅底,都唔差既,講特別就一定係朱古力鬆餅,好rich,上次食到個仲暖既都係勁正~!cookies我推介拖肥,白朱古力同牛油9.30pm後鬆餅買2送2,cookies買3送3,好抵食,不過好快賣晒,記得早d去排隊呀,如果唔係d款會俾人揀晒,d人一買買好多架~!

20041210 10am遲到返工 不過唔理lu, 買埋早餐先上樓, 響Mrs. Fields 買o左個blueberry muffin, 貴就貴o左o的, 不過呢係真係好食嘛~ 略嫌個暖櫃唔夠暖lor, 凍o左o的.

有時上班會在旺角轉車，所以買過幾次佢自家製的餅食。不過總覺得很"溜"、很HEAVY，尤其是TRIPLE CHOCOLATE BROWINE，另外鬆餅同曲奇都幾好，惜過甜。此外，某次買了一杯凍CAPPUCINO，哇！真嚇人，好似飲奶水咁。其實此店的餅食偏貴，偶爾被她的香味吸引，買一兩件來吃，也是不錯之選。

我試過Mrs Fields好多唔同味道既muffins,發現有幾隻味道差唔多,食落無乜分別,包括藍莓同紫莓同士多啤梨,其中藍莓同紫莓更加似,所以我好贊同Yan既講法,士多啤梨味都差唔多,係甜少少,不過另一隻甘莓就好唔同,因為特別酸。而貴d既忌廉芝士系列係唔係幾抵既,因為只有好少好少忌廉芝士既味道。咁多隻muffins,味道最出既係朱古力同合桃香蕉,而且好有口感呢!

未食lunch經過Mrs Field，買左件紫莓味muffin填肚，味道同藍莓味差唔多啦，都係咁好食~!!另外又試食左香橙味，不過味道麻麻，有少少怪怪feel~ 另外又買左一個小心型禮盒裝o既cookies俾朋友，2件cookies連盒都係$25.5，都幾okay ga~

試食左雙重朱古力月餅. 個店員話呢個月餅似brownies, 但係無brownies咁rich咁漏, 所以食多d都唔會覺滯. 食落係覺得佢無mrs fields o既brownies 咁甜, 不過朱古力味依然勁濃, 濃到有d苦. 好彩頂頂有粒好味o既牛奶朱古力粒中和下. 個人認為佢只係減低甜度, 個月餅依然係好rich, 如果食得多少少都會好漏!

一次過食左四款唔同口味既鬆餅(如下)。之前未食過Mrs Fields既鬆餅,原本質感幾好,表層香脆,下層鬆軟,雖然貴一點,但係質感比皇后餅店更佳。藍莓鬆餅($10.5)—有一粒粒既藍莓而唔係淨係得藍莓醬,幾好!味道甜中帶酸但唔會過酸,幾合適,不過唔算太有驚喜。甘莓鬆餅($10.5)—雖然有一粒粒甘莓(cranberry),但係太酸!真係釨酸!除非鍾意酸味,否則唔好食!櫻桃鬆餅($10.5)—最普通呢個,甜甜地,同普通鬆餅差唔多,無特別味道。忌廉芝士士多啤梨鬆餅($12.5)—呢個講起就淚氣!都唔抵既!話說我係因為個店員推介芝士忌廉系列鬆餅(同系列又有芒果味)先至買,因為佢話加左忌廉芝士,好味d,咁我鍾意芝士味,諗住都係加2蚊啫,咁咪買隻士多啤梨味囉!點知,所謂左忌廉芝士,竟然只係面頭既四粒細細既方形芝士,仲要食晒成個鬆餅都食唔出芝士味喎!甜味就有!早知唔買!不過,呢度既鬆餅面頭灑左好多糖,令到太多甜味,唔係咁好,其實唔加糖仲好味!話說回來,咁個店員服務態度又真係幾好既,而且充滿笑容。

我鍾意食呢度o既muffin, blueberry, mocha, strawbery.....但係佢愈來愈細個,$10.5一個太貴啦

我超級鍾意Mrs Fields o既糕點，雖然係貴而且漏，但真係好好好味！唔考慮減肥o既話，我覺得會好難食得停手！我個人最鍾意鬆餅（我最like藍莓、牛油、芝士味），其次係曲奇，牛油鬆餅（類似KFC個隻）同朱古力批就麻ｄ。其實，佢間中仲會出ｄ特別糕點ga，好似中秋節時佢就出左隻爆甜蓮蓉cake（有四隻味），又係好甜好好味！近期佢就賣緊一件蛋糕圈，亦係水準之作，不過因為味道都幾似鬆餅但又比前者差少少，我都係recommend鬆餅多ｄ！仲有，佢o既曲奇餅罐好靚，大家可以考慮買曲奇俾人做禮物～