萬家燒餅皇 (已結業)

胡椒餅$10~~脹卜卜的胡椒餅像個包，薄薄的酥皮咬落去多汁好味，饀料以洋葱、葱、韮黃、椰菜、豬肉碎.....也有微辣的胡椒味道.....！牙擦蘇$6武大郎$10牙擦蘇像牙醫診所棚模型牙齒，甜絲絲的，係吃中式嫁女餅喎！武大郎~~圓轆轆的武大郎燒餅好多豬肉饀料葱粒，味道可口，但啖啖肉，太像吃肉餅喇！蘿蔔燒米餅$8~~饀料有蘿蔔絲、豬肉碎、蝦米，加埋餅面的芝麻很香口！金沙冬粒$6~~陪住很多香港人成長的金沙冬粒，舖滿沙糖甜甜的冬粒，包身軟綿帶香，是成功的甜包！

So I stumbled on this place a few months ago and loved the pizza-like siu beng.  I went again and had the original siu beng.  Again, very good.  I went a third time - not so good and the fourth time confirmed this.The thrid time I went I had a 'pizza' and aside from being super-greasy, it had a piece of tooth in it.  I am assuming that it was pig tooth (I hope nobody dropped one of their own in there while making it).  I first thought that I had broken one of mine and checked my teeth franticall

我最鍾意掃街邊, 去旺角次次都有mission, 今次路過萬家燒餅, 唸唸不如試下, 因為其實我好鍾意食依D包包. 嘩肉汁多, 香料重, 包又夠熱, 好味.我見其他包一係太油, 一係太甜, 仲有最重要係依個武大郎剛出爐. 我見佢生意一般般, 仲加了少少西式野賣, 大家可能支持下. 台灣有胡椒餅, 香港都要有番個武大郎.個店員有點兇, 建議你離遠唸好, 例如食咩, 睇好幾錢, 留意邊樣剛出爐, 然後衝埋去就買, 以免被吋.

銅鑼燒有鹹的跟甜的，甜的有紅荳、花生、奶黃。鹹的並未試過，就花＄15買個來試試吧。銅鑼燒以兩件班㦸夾著肉餅跟一些炒椰菜、紅蘿蔔絲及洋蔥。班㦸頗大塊，亦軟身不過稍欠蛋香。可能肉餅帶有一些油份，所以班㦸亦吸了一些油。肉餅以香料醃過，味道不錯，＄15來説份量也不少。炒蔬菜以黑椒炒過，不過椰菜可以再軟一些更好。吃完整個也蠻飽，雖然鹹的也頗特別，不過銅鑼燒還是甜的較對味啦。

忙了一整天，終於可以和友人放鬆心情好好逛逛了。在到潮流特區的路上經過這小食街，看到這家和隔壁賣薯條的隊伍排得特別長，肚子餓的我們便停下來hea一陣和食一些東西。其實也不知道要食什麼，不過看到最吸引眼球的大肉餅就點了這個。燒餅皇這應該算是招牌吧。燒餅被切成一半，這樣比較方便食。餅上舖了一層肉碎，上面還洒了芝麻和蔥花。一入口就知道出事了，因為這餅已經凍了。肉碎有點干，而且不是很惹味，跟想象中路邊小食應該有的好味有出入。整體雖然還行，還能食得出芝麻香和蔥花，不過凍了之後的餅真的不好味。

星期日約咗班姊妹睇戲，但個衰婆遲到，等等下就係附近買個燒餅頂下肚。佢個燒餅出嚟熱辣辣，好香。佢個青葱同香料同入面塊肉餅好夾，好帶到肉餅既咸香味。只不過係佢塊餅煎過，食落口有啲油，加上佢咁大塊肉餅，口感有啲漏，食完好有罪惡感，今晚又要做GYM啦。

見到咁多好評就黎潮聖一下好多都係平時其他地方會試到既燒餅胡椒餅、牙擦酥，皮蛋酥所以我就要左兩個佢既主打武大郎、燒餅皇燒餅皇個樣似ＰＩＺＺＡ上面睇到有肉碎同蔥個底唔厚，肉碎質感好軟淋淋幾易入口咬得到有蔥香同芝麻味但整體黎講唔係太濃味又唔算好咸香，冇想像中咁好食武大郎就好平實既一個圓形燒餅感覺到佢好重份量，皮好厚又好重料個人鐘意佢有腐乳味，係稍為特別同香口既賣點店長話有用菜脯，都唔係好覺有皮好厚，好撐胃一定要熱食如果唔係淋哂會好不滯

明明排住一條隊逐個上前俾錢買, 排到我前一個卻有二、三個人從左面橫向走上前直接向「那個人」買燒餅, 「那個人」都照賣俾佢地, 有無攪錯 我後面還有條人龍的呢有鹹味的銅鑼燒, 用兩片hotcake包住甜或者鹹的餡, 我們選了「這個」及「那個」。捧上手依然是熱烘烘的, 鬆軟的Hotcake是帶甜味, 中間有胡椒味的椰菜絲及紅蘿蔔絲, 那件漢堡扒打得很有彈性, 而且味道應該都似燒餅上的那片肉, 孜然味香, 再在餡料裏塗上沙律醬, 一個集甜、酸、鹹、辣味道的銅鑼燒, 趣緻得來卻打破了一向的慣性味道, 食完一個可飽肚當一餐。芝士餡的銅鑼燒, hotcake是依舊的鬆香軟滑, 奈何內餡芝士醬是偏向奶油性, 芝士味道也不算突出, 食落口都覺得味道是奶奶地、糊糊地, 比較像是加了芝士的麵粉糊, 這個的份量只能當小食。

呢間燒餅店留意左好耐電視又推薦，路過又多人，應該有水準的我見到胡椒餅好似幾好吃而且旁邊幾個外籍遊客都買來吃，心想味道應該不俗花了10個大洋買了個胡椒餅一咬下去，出事了!肉餡居然可以做到和鐵餅一樣厚實，乾身這點確實值得稱讚，夠膽賣10個簡直勇氣可嘉再嘗試下味道，不得了!肉餡除左肉同些少很碎的椰菜之外就什麽都沒有，味道方面，居然連些少胡椒味都沒有可能這間店一開始是很有水準的可能我只是很不幸地買了一個很沒有水準的胡椒餅不過一間不能保持水準的店，無論是多知名的店這是一種不重視顧客的行爲希望日後可以再次吃到好吃的東西

叫得做旺角既其中一間入圍熱店,一直都想試下今日同女朋友行完旺角但因為趕唔切食晚飯,就諗住食個餅當晚飯來到間鋪,都唔係話特別多人,同附近既鋪差唔多女朋友話佢之前食過武大郎,覺得唔好食話要試另一種於是就叫左個銅鑼燒因為見擺出來幾靚幾好食所以就拎$15出來買左個佢一早已經包好,所以即刻有得拎我地已經係即刻就食了但可能真係整好包好左好耐所以食落有d凍入面既野食落唔夠味口感又麻麻味道真係非常之普通入面有洋蔥有菜而且真係有D乾如果加返d醬汁可能會好d外面嗰層又唔夠軟如果軟d,同入面有返d對比會好食好多令到充滿期待既我地相當失望女朋友食左2啖就唔食了真係好普通同樓下街市既質素差唔多不過份量都算夠既如果食完呢個當晚餐再食甜品就岩岩好真係唔係特別好食雖然$15都唔算太貴但下次都唔會再食啦!

其實我恨左試呢間燒餅皇好耐但耐何佢啲餅咁鬼大件, 又多肉, 食完一個之後乜都唔使食.卒之等到琴晚食完正餐個肚仲有少少位, 咪走去試吓佢個牙擦穌.一入口都冇乜野, 但咬落幾啖, 嘩, 甜到痴咗線.我本身唔食得太甜都算, 我身旁的朋友喜愛吃甜都接受唔到吃完之後feel到啲牙好痺, 沖左啖水都沖唔走果啲糖, 食完之後好辛苦, 勁難過連行街都冇mood, 各自返左屋企.其實我覺得塊餅本身ok的, 但有d甜過頭

平安掃街夜第3站是萬家燒餅皇，要吃它的招牌菜武大郎燒餅武大郎($13)去貨最快的武大郎，我們買到新鮮出爐的燒餅！拿上去熱辣辣，咬下去外皮微脆內柔軟，肉餡份量相當多，伴入了多種香料，味道獨特！肉餡充滿肉汁，味道濃淡適中，配合燒餅同吃味道一流！

自從旺角出現了燒餅皇之後，在下已經急不及待的把「萬家燒餅皇」列入在下的開飯首選及餐單之中。這間人氣燒餅店確實迷倒不少食家，並給予很高的評價。中國地大脈搏，有各式的燒餅，有的說它為鹹煎餅，有的說它是燒餅，老外稱之為薄餅。但是這間萬家出售的燒餅卻是很中國民俗式的燒餅。有幸到來，當然少不免要捧捧場，在下到了門口，人氣十足也要排隊才可以一嚐這裡的燒餅，在下實在不知道要甚麼燒餅，才能滿足在下對燒餅的熱情，選擇也頗多，一時間被燒餅弄得眼花撩亂，甚至要把所有出名的燒餅都買回去逐一品嚐，可是在下還是點選了燒餅皇。其他的武大朗胡椒燒餅等等留待下一次逐一品嚐。當在下籨袋子裡拿起燒餅，確實很大，肉餅也大也厚，不知道可否完全吃下，最後還是吃個清光。這個燒餅有點兒似鹹煎餅的味道，而豬肉混和了蒽花和冬菜，因此覺得十分惹味，再者這肉餅也很腍不硬，縱使這燒餅表面很油，但是吃下來卻不是那麼油。相信在下會返來再吃它一個或者全部的燒餅，希望不要排隊排得太久吧！

數年前，在台北買過地道小吃「胡椒餅」，那是扁平的圓形狀，像一塊迷你薄餅。不知怎的，當時覺得好難吃。起初我對「萬家燒餅皇」的「胡椒餅」也不太感興趣，但男友卻非常推薦。試了幾口，真的超級好吃，從此也成為我的至愛 這裡的「胡椒餅」是圓碌碌、漲卜卜的，還要小心翼翼地吃，免得餡料流出來。椰菜絲爽口鮮甜，皮薄餡靚。黑胡椒非常惹味，卻又不會太搶，恰如其分。$10 一個，足本餡料，真的超划算啊，是素食者之選

as this shop is one of the famous shop around this area, I've got chance to buy various cakes at last in a morning: I bought at least 8 kinds of cakes which u can see from the shelf to my colleagues before I get back to the office, the roast-cakes have various texture but the most impressive one is "sweet-corn cake", it's really elastic type like chewing-gum with hot & tasty veg. & light ingredient inside the cake, yummy & attractive one! So I buy one again in the following evening when I've an