萬波

营业中

休息中

數數手指原來上一次分享手搖的日子要數到3個月前⋯ 喝手飲的機會現在真的越來越少，不過偶然來一杯也是令人開心愉快！這次就來試其中一間來自台灣的手飲品牌黑糖珍珠鮮奶 $32（中杯）$38（大杯）初嚐這品牌就喝招牌會比較好，還要是無糖啊（因珍珠已用黑糖炒製本來就已經有甜味）～ 拿到手是那種「冰火交融」的感覺（暖暖的黑糖珍珠跟冰牛奶），走甜關係就算加冰也嚐到淡淡奶香，來喝熱的應該會更好：珍珠味道有黑糖的香甜味但略嫌有點不足，口感算軟糯但未到最有煙韌好吃，有點失望啊！整體不算差，但我還是比較想念「珍xx」的那杯啦⋯店家是屬於台灣過江龍，初到香港就落戶荃灣為香港首家分店！位置非常便捷，幾乎每個來到荃灣路德圍買東西吃的，手搖飲品自然受歡迎，這店也不例外啊！每次到訪附近都會看到這店有不少客人等候，自己就覺得飲品的味道一般啦，還未嘗試這家的可以一試哦

呢間位於荃灣荃興徑10-18號富榮大廈地下3號舖的萬波手搖飲品店，裝修風格特別，今日同朋友路過，決定買兩杯解渴，落單後等嘅時間都唔係好耐，一杯叫咗金萱珍波粉，金萱青茶，茶清爽，內有軟Ｑ粉粿，細粒嘅珍珠，飲落去口感豐富，一杯叫咗珍玉冬瓜露，冬瓜茶比較濃，又唔會太甜，份量都幾大杯下，珍珠口感煙韌又係粒粒分明，愛玉口感軟滑，一啖落去就好似冬瓜茶與珍珠愛玉一齊喺個口腔度跳舞咁，CP值非它莫屬，鍾意咀嚼就不能錯過。

今日行過見咁多人等，不以為意。12:51分落order叫了一柸最普通嘅烏龍鐵觀音奶茶，但等了30分鐘先製作完。攞的時候見大量杯一早放完材料，吾知等咩。天氣咁熱。杯飲品好易壞。

萬波最近好似開多咗一間分店，今次經過荃灣，忍唔住買返杯來試試～熱 黑糖珍珠鮮奶(L)💰HK$38天氣凍咗飲返杯熱笠笠嘅黑糖珍珠鮮奶溫度剛剛好，可以簡甜度，簡咗微甜，啲黑糖珍珠做得幾好，味道唔會太甜得來口感Q彈，推薦～凍 草莓芝士牛奶(L)💰HK$45被充滿少女心嘅賣相吸引咗，粉紅色超夢幻！奶蓋味道普普通通，士多啤梨味幾好唔會太假，但飲到最尾會令人覺得有啲甜～

🌟 黑糖珍珠鮮奶👍🏻原本餐牌係賣$38，但係今次係網上外賣平台同同事一齊一次過叫左3杯，每杯只需要$23杯，真係超級抵飲。另外好多其他舖頭既黑糖珍珠鮮奶都會為左保持風味唔比改糖份同埋冰量，但係呢間又可以選擇喎，抵讚！味道方黑糖珍珠鮮奶有好香濃既牛奶味，但係又唔會太甜而且珍珠好煙軔幾有咬好，整體黎講係好飲。

年初三見到路德圍超多人排隊小山園抹茶 大 $42 完全冇抹茶味 基本上只係一杯奶精加冰再加黃左既抹茶液同糖，固定冰量都算，完全冇味，連朋友冇乜要求都飲唔落去 。如果冇心出抹茶就discontinue 啦—————————————————⠀⠀⠀⠀⠀⠀⠀⠀⠀

🏝️島嶼檸檬茶王($24)第一啖飲落已經覺有有啲甘香，上網search先知原來係金萱紅茶加鐵觀音組合而成既檸檬茶🍋入面再加片青檸🤗有好濃既茶味回甘🥰幾fresh但建議可以少甜👌🏻

每次都幫襯楊枝甘露，今次試下新野。✿椰芒紫米爽 $48望落成幅山水畫咁好靚，上層係芒果沙冰，中層係椰奶，下層係紫米，椰奶香濃，紫米口感煙韌，建議攪勻先飲，口感豐富到好似食緊碗糖水。

估唔到我第一次OpenRice嘅食評居然係畀萬波。飲過荃灣呢間不下十次，以前嘅我肯定會畀五星，但今晚呢杯真係搞唔掂。全部芋圓都係偏硬，有幾粒嘅中心位置甚至係呈硬粉狀，八點半買嘅我到而家十一點都依然感覺到隱約嘅牙骹攰。唔明點解可以犯咁低級嘅錯誤，呢杯話晒都係$44嘅飲品…？除此之外，今晚明顯感覺得到入面嘅芋頭少過以前好多，以前飲晒啲奶之後，杯底都仲有好多芋粒淨，今晚呢杯就只係得一堆極硬嘅芋圓加極少芋肉，飲到懷疑人生。單就今日嘅經驗絕對係要劣評，揀「一般」純粹係因為之前飲咁多次都正，但我大概短時間內都唔會再選擇呢間。

咁啱去party Room慶祝小朋友生日！然後我朋友推介，不如試吓點珍珠奶茶！超鍾意飲台式飲料嘅，我立即同意了！不過我有選擇恐懼症，見到Menu咁多唔同選項嘅嘢飲，揀嚟揀去都揀唔到！朋友就建議我試吓佢哋嘅楊枝甘露！朋友話飲完就返唔到轉頭！抱住一試嘅心！嚟到飲完即刻覺得好驚喜！芒果新鮮，鮮甜一啲都唔酸！算係我飲過手搖飲品楊枝甘露嚟講最好飲嘅！推介比鍾意芒果嘅你！一定要試！

每次去到荃灣諗唔到飲咩都會去返萬波店舖望落十分乾淨成日都會飲呢杯金萱珍波粉（$30）係金萱青茶入面有珍珠、小珍珠、粉粿，好好咬。個茶清清地好岩我口味，夏天飲一流十分推薦大家試吓。

蠢咗喺用第4張coupon時記錯地址咁就要特登行多10分鐘先攞到😔😔，同🤴🏻行到過去又熱又悶又口渴，剛巧隔離嘅萬波可以用coupon同店舖都做緊折扣優惠（可以同時使用），咁就買左3杯嘢飲😁😁，同🤴🏻即時K.O.曬3杯😝😝！～～～翠涎香檸綠～～～（大）天時暑熱，反而呢杯最簡單嘅飲品最解渴，清香翠綠，檸檬味同綠茶味配合得好好，有即時解暑嘅作用，我同🤴🏻都後悔飲呢杯先，應該放喺最後😆😆～～～楊枝甘露～～～（中）非常足料，每飲一口都會有滿滿芒果🥭、橙、西柚肉，酸酸甜甜適合夏天飲用，係飲得嘅甜品☺️☺️～～～芋頭珍珠鮮奶～～～（中）可能已經飲咗兩杯飲品，第三杯就顯得冇咁渴求😗😗芋頭味一般，珍珠亦都正常，整體都OK🙂🙂最後三杯飲品總數都係$53.7，真係超級、超級、超級抵呀！🥳🥳

行過路德圍會俾”萬波”呢間鋪頭吸引住🤣超靚既門面令到唔少人都停低腳步望一望🤪上網查返先知萬波係台灣過江龍係台灣超紅飲品店🥰今次叫佐杯TOP10既金萱珍波粉 微糖少冰茶底好清香 清爽甘甜 有少少桂花香味 好岩女仔飲珍珠好煙靭 好食👍🏻入面仲有啲透明jelly 口感好好味道似台灣既粉粿 同茶底好夾👍🏻👍🏻

路德圍除了有不同小食店， 飲品店也不可忽視，這次🌶📝嘗試的是一間叫「萬波」的飲品店。-___________🏖店鋪狀況🏖___________ 第一眼看到「萬波」完全不覺得是一間台式飲品店，因為裝修設計文青而帶有點日式感覺，以為是售賣京都抹茶類的產品。 店內飲品跟一般茶飲店無太大分別，都是珍珠奶茶、果茶、冬瓜茶、芋頭芋圓......- _____________🍽食物🍽_____________🧋 中埔西柚綠茶 (大杯 微糖) $38推介指數 ■■□□□由於剛剛吃了比較膩口的小食，所以🌶📝點了一杯較為清新的果茶。剛拿到飲品時稍為有點驚訝，因為杯裏除了有西柚和綠茶外，竟然 還有兩粒梅子，味道跟坊間一般的西柚綠茶有很大分別，梅子味突出，又同時有點咸味，所以感覺比較像是點了酸梅湯/咸柑桔，但時不時又能吃到西柚肉🥲有點奇怪。 唯一可讚的是有做到微糖效果，喝完了整杯不會覺得很甜，反而是咸咸酸酸的。-________🌶辣椒紙總結📝__________整體：🌶🌶🌶裝修：🌶🌶🌶🌶員工：🌶🌶🌶食物：🌶🌶(滿分為五隻🌶)- 總括來說， 可能是不太適合🌶📝的口味 而且一杯茶飲在沒有任何配料下要38元，性價

疫情啱啱開始個期，見到台灣萬波有出過「雞蛋糕珍珠奶茶」，睇台灣啲foodie介紹話好似吉士布蕾咁味已經好想試，但疫情拖下拖下就三年都無得去台灣，以為呢啲期間限定嘢應該無緣試啦⋯⋯點知原來香港都有出！本身諗住飲奶蓋都即轉飲呢個其實都驚吉士本身就甜，點知半糖少冰又啱啱好。啲吉士味超香，有飲過兩三間其他舖頭嘅布蕾奶茶，暫時呢到係最好味嘅之前呢間在旺角有分店時已經好鍾意飲佢哋嘅奶蓋，執咗之後一直到好掛住，下次再試奶蓋睇下水準有冇變先！