萬波

营业中

休息中

估唔到我第一次OpenRice嘅食评居然系畀万波。饮过荃湾呢间不下十次，以前嘅我肯定会畀五星，但今晚呢杯真系搞唔掂。全部芋圆都系偏硬，有几粒嘅中心位置甚至系呈硬粉状，八点半买嘅我到而家十一点都依然感觉到隐约嘅牙骹攰。唔明点解可以犯咁低级嘅错误，呢杯话晒都系$44嘅饮品…？除此之外，今晚明显感觉得到入面嘅芋头少过以前好多，以前饮晒啲奶之后，杯底都仲有好多芋粒净，今晚呢杯就只系得一堆极硬嘅芋圆加极少芋肉，饮到怀疑人生。单就今日嘅经验绝对系要劣评，拣「一般」纯粹系因为之前饮咁多次都正，但我大概短时间内都唔会再选择呢间。