蒲東小館 (彌敦道) (已結業)

其實午市，下午茶，晚餐，都嚟食過，因為附近真係冇乜上海菜揀，所以久唔久都會嚟食。其實好少見佢會坐滿晒，但係永遠你想坐嘅枱，佢都唔會俾你坐，兩個人，四個人，都試過，五個人先至比我坐卡位，但係每次去嘅時候，最少有三份一吉位，次次都話陣間客多嘅時候人哋坐嗰啲地方，我哋就要調枱，老老實實，我真係未見過佢排隊至於服務態度，就出咗名好一般㗎啦，你係一定要等，就算攞碟豉油、辣椒油、水，你都可能要等好耐。不過上菜算係快，都夠熱，好多都真係即叫即炒，而且上海菜來講，佢唔算太油膩，味道偏淡，麵食類，就真係好一般喇，唔好有期望，不過試過好多款炒小菜，都可以嘅，賽螃蟹就唔好試喇，唔得。小食類，前菜，湯羹，都算多選擇，今次去，都多咗好多飲品可以揀，價錢來講，同出面嘅上海菜價錢差唔多，唔算特別貴，不過服務態度，同語氣，就真係出晒名差啦。

蟹粉撈麵🦀 $85呢個幾好食🤩成碗蟹粉汁比你倒落去撈麵 個蟹粉味都算係咁 一定夠哂汁😍唔會唔夠味！．五小碟 （自選5款涼菜）$108我簡左上海薰蛋 脆皮素鵝 四喜烤夫 雞絲粉皮 同埋糖醋小排🤔🤔個素鵝都幾脆 唔講仲以為自己食緊春卷😂😂．上海生煎包 $38入邊完全冇汁既🙁而且包皮少厚．松鼠桂魚 $208佢價錢都唔平架 但質素就...😩唔知佢炸得唔夠耐定咩 食落超油超滯 而且個皮仲要係淋既...☹️☹️除左個蟹粉撈麵覺得ok😂😂其他都麻麻

絶對超值下午茶套餐，多款式的自由配搭，今次點咗廚師推介上海粗炒丶酸辣湯麵丶嫩雞煨麵，再加$13-$23可配小食一客，即叫即做，全部熱辣辣上枱，我覺得上海春卷(香脆可口)丶小籠包(多汁)非常值得一試。😋😋😋

用app book散叫有半價，茶錢每位6蚊。我地叫左5小碟（$108）有8-9種可以㨂，我地㨂左糖醋小排，脆皮素鵝，上海薰蛋，滇江餚肉同雞絲粉皮。糖醋小排，有八角香味，但好多骨，無咩肉，啲肉好硬，醬汁太杰。脆皮素鵝又熱又脆，裡面包住啲菇類。上海薰蛋，還可以，但隻蛋無咩蛋味。餚肉味道正常，但有啲乾。雞絲粉皮都係正常，好難整得唔好😂5樣最差係糖醋小排，最好係脆皮素鵝，其他正正常常。小籠包（$38）皮唔算好厚，湯汁都幾多，味道唔錯，肉餡咬落有啲實，如果多啲肥肉應該會更好食。炸饅頭半打 （$32）炸得好脆，不過好油🙈🙈，偶爾食下都ok😜蟹粉豆腐煲（$118）豆腐好滑，食到有蟹粉，送飯唔錯，可惜差一碗飯，不過配炸饅頭食都夾。個煲大部份係豆腐，會有幾粒毛豆，幾條幼身嘅鱔肉，$118有啲啲貴。高力豆沙（$40）大大舊，外皮又軟又有蛋香，好食，但豆沙過甜... 食物味道👌🏼，座得幾舒服，半價後連茶錢total$174，食左咁多野都算抵。

呢間上海餐廳嘅食物都中規中矩，呢個價錢配上呢個食物質素，可以話係抵食。不過如果想再抵啲可以留意openrice 有冇$70當$100用嘅優惠。小籠包嘅皮唔算厚，咬開有肉汁噴出酸辣土豆絲酸酸辣辣好開胃香脆嘅饅頭配上甜甜嘅煉奶，係好好食。酸菜魚個人唔推薦，佢味道偏單調，只有微微酸味。而且佢本來係套餐價，我哋話想單點，店員話同樣價錢，我本以為個份量會多啲，但結果好似冇。令到我覺得蝕咗個飯同嘢飲。酒釀丸子有清香嘅桂花味，而且酒釀都好多，但如果小丸子可以再多啲就好啦。

其實我真係好鍾意食上海菜🥰經過見到呢度既lunch set幾抵，一於決定試下。今次叫咗排骨擔擔面加小籠包。小籠包和平日食的差不多，皮薄多汁，美中不足是餡料的肥瘦不均勻，肥肉較多食落有啲油膩。😭😭排骨擔擔麵是最失望的，擔擔面湯底油膩沒有清甜香辣之感。排骨食落新鮮但調味不足，炸粉有少少厚，感覺一般。🏠蒲東小館 (油麻地)油麻地彌敦道555號九龍行地下3號舖

而家香港上海小店買少見少，好多都好商業化又貴咁，今次第1次黎蒲東小館試試上海菜。一入黎見環境都可以，不過老實講開係彌敦道隔離，整透明玻璃，望住咁繁忙既街景，對於本地人黎講唔吸引，因為食飯無非想放鬆享受姐。到食物方面，總括黎講就好普通，大概同質素好過係food court食少少，除咗酸菜魚幾好，其他都食唔到傳統上海風味。首先：講下唯一我覺得都叫可以食既老檀酸菜魚，酸菜味係幾香濃，魚食落嫩同鮮，有少少細骨，不過幾入味，仲會有啲芽菜粉絲咁，唔錯三鮮炒年糕冇咩味之餘，仲有少少硬，唔夠煙韌，三鮮同啲年糕好似分開咁，食唔出年糕有雞肉、蝦嘅香味同鮮甜。然後，紅油抄手不過不失，餡多，啲紅油唔夠算好香，冇咩驚喜。最後加外咗個炸鳯味魚，話就話炸但唔鬆脆仲有啲韌，好似貓貓食既魚乾咁，有汁既魚乾，感覺唔太好。

家人團年飯有人提議食上海菜，由於要就家中老幼，就搵左呢間近地鐵站的上海菜館.五小碟排骨味道咸左d, 炸春卷脆口，炒土豆，加了辣椒🌶️，帶點辣，土豆爽口。口水雞，略嫌不夠辣，都食唔晒😛手抓餅，夾埋濃味的膳糊食又幾夾啊🤓炒膳糊個醬汁傑了些，糖心蛋好味😋炸慢頭炸口點埋錬奶正炸桂花魚外脆內軟，配汁酸酸甜甜的，🥳小蘢包，生煎包肉質較散，一般水準😛抵贊的是待應門都會不斷加水以及收碗碟，略嫌上菜時間太快，好像食快餐咁😝但都算抵食🤓

尼間一開始就比左個唔好感覺我🤨攞位機壞左.叫人攞飛又要一陣先有人應🤨到有人走執枱清潔完眼見兩大張枱吉左都有成5分鐘.都唔叫人入.佢職員完全足夠.最少5人都係做果10張枱咁上下...唉👎🏼講番野食：係好食既（合格位上）韭黃鱔糊...鱔彈牙.汁唔會多過頭收得好到食完都冇出到水👍🏻👍🏻👍🏻👍🏻👍🏻火腿津白...少腿比較咸.津白冇咩驚喜...一般松鼠桂魚...魚肉唔會梅晒.有咬頭.炸得來粉唔多.汁酸甜（我岩口味）👍🏻👍🏻👍🏻👍🏻鮮肉小籠包...可以講食得過.唯獨餡料比較少.有湯汁.👍🏻👍🏻👍🏻👍🏻上海生煎包+鮮肉鍋貼...在我個人口味來講.太乾.餡料冇汁.包皮比較厚...一般酸梅湯...算係近年飲過.較為酸辣恰到好處.唔會娜晒喉.$68足足6碗👍🏻👍🏻👍🏻👍🏻脆皮素鵝.新款少少既菜式.略為有點點濃味.口感唔錯.👍🏻👍🏻👍🏻雞絲粉皮.醬調得好.雞絲就較少失左分.👍🏻👍🏻👍🏻嫩雞煨麵...雞唔嫩.麵湯過多.仲有一陣陣重奶味（我怕奶味）👎🏼服務：3（後尾上菜攞番d分唔係我比1）環境：3（可以接受）味道：3.5價錢：3（算合理）

而家周街都好多上海菜餐廳，平嘅又有貴嘅又有。呢日小弟就嚟到呢間又平又大份嘅上海菜餐廳四川擔擔麵$53呢個價錢絕對唔算貴，而且份量都好多，湯底都好香濃，唔錯！川味口水雞麵$80本身我哋都想食口水雞，又好糾結食咩麵好🤔點知見到呢個口水雞麵就啱晒啦碗麵都好大碗，不過啲雞就有啲多骨，食得冇咁爽。不過味道都OK！川味水煮牛肉$108呢個水煮牛肉超大碗，牛肉份量都唔算少，裏面仲有啲薯粉薦底鮮肉小籠包$38呢個小籠包係即叫即蒸，裏面都好多湯汁，呢個價錢算係抵食！

星期六來到油麻地落車，見到有間上海菜的蒲東小館，而且下午茶仲要可免茶芥，下午茶都多 選擇，就入去食下午茶，最後就叫，了排骨擔擔麵飲品凍豆漿$48，豬扒來到沒想到咁大件， 但不夠脆口，豬扒都夠厚身，如果再熱點會更好，擔擔麵色水十分好，但不夠濃同花生不夠味 又少碎，所以香味比較少，辣度少辣都岩不太食到辣的我，麵質口感都可以，而且份量真的十 分多，似午餐多點，豆漿的味都濃不淡，不太甜都可以，而且這裡坐的地方都幾舒服，慢慢食 完坐陣都可以不錯，下次會再約朋友來吃其他下午茶。

上海野我一直都中意食，間中就要搵來食下。朋友話和上次同屋企人食過一間叫蒲東小館既味道唔錯，所以今次我地和出來見面又食下。呢間鋪系彌敦道上，油麻地A1 出口行1分鐘左右就到，都幾方便。入到鋪入面，地方都幾闊落，坐得舒服。我地叫左酸辣面，五小碟同我最愛既心太軟，香港好少舖頭有心太軟食，見到我一定叫。酸辣面夠酸，味道都算正宗，不過個汁稍為‘傑’。五小碟有煙熏蛋，鎮江骨，拍青瓜，雞絲粉皮，四喜烤麩。小食味道一般，無咩驚喜。心太軟系我想像中既味道，蒸到小小淋既紅棗，包住煙韌既糯米，上面淋上桂花糖漿。真係一個天衣無縫既組合，不太甜，我自己差不多食完一碟。下次再來想試埋其他甜品。

平時小朋友喜歡吃西餐和日本菜，和太太撐枱腳選擇中菜。 在油麻地這間上海菜館門面很光猛，二人餐其實有點貴，所以散叫了兩小吃、兩主吃、一甜品。鎮江餚肉，$55，不過不失。鮮肉小籠包(4隻)，$38， 小籠包最緊要皮薄，夾起來不會爛， 一口一個，這次合格以上分數。三鮮湯年糕，$63，年糕太大件太厚，湯太重奶味。菜肉餛飩麵，$53，可以接受。薑茶湯丸，$32，薑茶很辣，不能喝完。健康豆漿，$15。我喜歡吃菜肉雲吞和小籠包。

野食幾好，味道不錯，份量夠足，今日路過見到餐牌入去試下，都算唔錯，但個老闆服務態度真係需要改善，對人客沒有客客氣氣都算，完全無禮貌可言，好在滴員工服務唔太差，否則真係唔會有下次幫襯。

五點幾經過油麻地，九龍行地下有間上海菜有下午茶時段，又有我最鍾意嘅排骨擔擔麵，即刻衝咗入去，48蚊一個下午茶餐，有嘢食有嘢飲，加13蚊有兩條春卷，又幾抵食喎。先嚟春卷，春卷即叫即炸，熱辣辣，正輪到我最愛嘅排骨擔擔麵，先嚟一啖湯先，有啲失望，湯底比較淡，唔夠濃，正宗嘅擔擔麵嘅湯會稠密啲，唔會好稀。排骨新鮮炸，熱辣辣，不過味道一般。飲品我叫咗豆漿，唔係好甜，甜度適中。下午茶有咁多嘢食都係63蚊，抵食~我對上海菜有啲要求，因為媽咪係上海人，成日整好好味上海菜。