蒲東小館 (彌敦道) (已結業)

呢间上海餐厅嘅食物都中规中矩，呢个价钱配上呢个食物质素，可以话系抵食。不过如果想再抵啲可以留意openrice 有冇$70当$100用嘅优惠。小笼包嘅皮唔算厚，咬开有肉汁喷出酸辣土豆丝酸酸辣辣好开胃香脆嘅馒头配上甜甜嘅炼奶，系好好食。酸菜鱼个人唔推荐，佢味道偏单调，只有微微酸味。而且佢本来系套餐价，我哋话想单点，店员话同样价钱，我本以为个份量会多啲，但结果好似冇。令到我觉得蚀咗个饭同嘢饮。酒酿丸子有清香嘅桂花味，而且酒酿都好多，但如果小丸子可以再多啲就好啦。