蓮花健康素食

营业中

休息中

今日茹素黎到九龍城「蓮花健康素食」先黎個頭盤齋鹵味，素鵝太乾身又多油，不用試睇都睇到，其他尚可以。我們叫了兩客套餐，是日素湯花生蘿蔔粟米煲粉葛，味道清甜。梅菜菇粒扒豆腐梅菜惹味甜口配清淡豆腐餸飯一流。菠蘿咕嚕肉用菇菌做肉尚算酥脆，酸甜度適中！午市套餐有湯有客飯連加一茶錢每位$60，對菇素來說抵食，但本人略覺減少味精會好點。

Green Monday 同幾位朋友食素，就搵左呢一間蓮花素食。本身一聽間餐廳個名，就覺得應該都係普通傳統中式齋鋪...賣芋頭魚，酸齋果d...但係原來都有d 幾得意既餸菜喎！一坐低，店員就畀左餐牌同兩碟小食我地，係酸辣既荳芽，好開胃，我地未揀完野食都已經清晒兩碟！餐廳其實有提供套餐，但係我地有d 想試既餸套餐入面係冇，所以我地散叫。一人一碗既例湯，好甜同幾足料！素東坡肉，個樣都好似肉，應該係蒟蒻製，少少彈牙，但係味道唔太突出避風塘鹽酥雞，佢入面應該都係豆製品，岩岩炸出黎熱辣辣，好脆口，味道調得同真既鹽酥雞一樣！好食！涼瓜煎蛋，呢碟朋友話必叫！點知真係好食！因為係素食，所以用既唔係真蛋，而係用腐竹黎去煎。食落去好滑，煎得岩岩好，同煎蛋既感覺好似！滿分！最後一道係香草南瓜焗飯，一開頭以為會係橙黃色咁，但佢一拎出黎，同想像中既好唔同，好多香草，個顏色唔係咁吸引...一放入口...好濃郁既香草味，南瓜一粒粒但係好淋，入口即溶！好味道！畀佢個樣呃左！全晚最好食既就係呢碟焗飯！總括黎講，質素真係幾好！好有驚喜，價錢都唔太貴，一定會再黎！

食物清淡、且味道恰到好處，素食款式選擇多，價錢中等不算貴，侍應不多及地方不大，但出餐時間ok。細份量齋$40: 份量多，抵食。菠蘿咕嚕素肉$46連一大碗飯，外脆內軟。南瓜炒藕片什菌，連一大碗飯，口感爽脆清淡好味。整體不錯，有時間一定再幫襯。

食物極差不是第一次講啲嘢你都錯嗮，送糖水，其他抬就跟人頭，我地5位放抵2碗話你地夠食la,糕點係唔會比碟同义，人地枱來錯可以換，我們不能，我地不是套餐，埋單700，雖然不是太貴，但有3位老人家的話也不是太差，上次來和爸爸下午2人來感覺不差還給20元貼士，我跟他說你們這麼差，亦沒說不好意思，我下次也不來，她只答：唔係呀嫲，他們表面上好似好有禮貎，但絕對不是，我從來不寫食評，第一次寫，希望看到的朋友們要想清楚才來，我朋友坐隔壁枱，完全2件事

今日突然好想食素食，所以入左九龍城呢間素食店，有免費wifi,茶香，點左細盤齋老味,咖喱齋，我最鐘意，牛肉就硬左d個蜜汁燒义燒整得幾出色，外邊脆，甜甜地，像真度有80%，淡淡肉建議上菜後盡快食哂，凍左會比較甜，最後仲有糖水送，呢餐都好滿意

過年後食太多好野，今日打算食素，其實都光顧過好多次，每次都係點呢幾個菜。素食來講都算唔錯，地方乾淨，菜單都多選擇，價錢合理。餸菜唔似即做，冇好熱既感覺，但味道都ok

我一家每逢聚餐都是係用素菜代替肉，而這次團年我地去到呢間九龍城既蓮花健康素食，我們於前幾天訂了兩圍。香芒鮮果沙律我覺呢個餸麻麻地，主要係將蟹柳拎去炸中間就有個偏甜既芒果沙律，仲有兩樣野唔係好夾，每個人食既時候都係分開兩樣食，而唔係一齊食。另外就係個蟹柳炸得一D都唔脆。鮑魚刺生呢個素菜味道唔錯，樣都整得幾似鮑片，但唔係鮑片既味道。蜜燒素豚玉叉燒既朋友，炸得好香脆，醬汁亦調教岩岩好，我係一個比較重口味既人，覺得好味道。蠔皇猴頭菇唐生菜唐生菜的部分太過水滴滴，而我覺得佢地將猴頭菇煮得太林，我都係比較喜歡無咁林既猴頭菇。紅燒竹笙二絲生翅料好足，但個人認為湯既味道略淡。鎮江一口骨雖然我食得比較重口味，但又會覺得呢個骨會嗆喉，但除左嗆喉外，其他味道我都覺得適中。另外我屋企人都好欣賞一口骨旁邊類似炸紫菜既野(其實係炸菜芯)炸得好輕身唔會覺得好油膩，好特別。翠湖藏白雪翠湖當中所用的蔬菜好多，飲完都仲會有陣香味係個口到，而白雪就係炸豆腐，個豆腐大大粒，入面都幾滑。五柳仙班呢個仙班，就姐係芋頭魚，呢個芋頭魚相當好食，師傅炸到佢好鬆脆，個皮又唔厚，入面既芋泥好滑好香，好味道。豉油皇炒麵呢個豉油皇炒麵就真係麻

今日約左粉絲食飯~大家都覺得要食得清清地,所以決定去食素,為配合大家,所以揀左九龍城這個美食天堂開飯~我自己好少去呢頭食飯,所以特別期待!原先心中都認為齋菜沒有甚麼好期待,清淡簡單就好,抱住見下粉絲,傾下心事的心態,去到有意外驚喜.可能唔係初一十五,所以客人唔算多,每張枱都算大張,但整體顯得有點逼,我地揀左個好位置坐下,服務員姐姐就送上每人一碗素湯,素湯 – 一睇D色就知係落足料,一啖飲去就感覺到冇特別調味,可能會覺得淡了一點,但我反覺得好到位,粟米赤小豆粉葛走不了~仲有一D見到都唔知叫咩名的材料呢~!好味道!睇睇餐牌,有好多時尚的菜名,好多想試下,但我地几人都眼闊肚窄,所以一定要好精選~!先來一碟頭盤小食- 素鹵味,入口感覺唔似係整左好耐的味道,腐皮要軟的軟,要硬的硬,各有口感,咖哩味尤其出色~!招牌湯麵 – 本以為只係一大碗普通的麵,誰知真係深藏不露,面頭放滿了不同的菜,有菇有菜有仿海鮮,埋在裡面的麵條就是最令人意外! 原以為浸左咁耐一定又淋又軟又唔好食,點知一食入口,啖啖彈牙,而姐好有蛋香味~就係一種鮑魚味的口感~一試難忘!即使食第二碗時已經放涼了,但口感仍在~!五柳青魚 – 腐

7/5 同家人來到九龍城慶祝提早母親節飯聚，家人係全素食者所以選擇這一間，母親節關係等位既人好多，等到至少30分鐘左右有位，我們點了五個菜，母親節關係得一個餐牌，價錢當然比平時貴左，其實價錢平貴不是問題，好食係最重要，因為當下無影到相，其他味道平平，我只講其中推介同不推介推介這個「蜜汁豚肉」，味道不錯，感覺似叉燒絕對不推介「日式炒鳥冬」，何謂日式，可能佢只係想講個鳥冬係日式，個汁真係不得其解，份量小得可憐，如果好食又可需求量，但如此味道多與少都不會再點說真的好食真係不會理會價錢貴與平，但味道一般卻價錢略貴，就真係試一次就夠，而且服務態度差，對於第一次嘗試，評價一般，但礙於九龍城素食食店偏少選擇，不過試過後都不會太推薦

是日好友蔣醫生來探班，更邀我一同午膳，實在有心，問他意見，答無所謂，不如吃素！午市有客飯套餐供應，連老火例湯及白飯，$42，有二十六款可供選擇，蔣醫生選了菠蘿咕嚕肉，我選瑤柱扒時蔬。例湯是紅蘿蔔、節瓜之類，味道清潤順喉。菠蘿咕嚕肉，樣子幾可亂真，試了一件，酸甜度也令人接受，咬開一看，有肉的質感和層次，應是豆類製品。我的瑤柱扒時蔬，有一大堆像瑤柱的物體，質感和味道都像瑤柱，但吃不出是甚麼，時蔬是白菜，味道不錯。感謝蔣醫生探班及請我吃午餐。

係團購網買左4人餐COUPON, 花費$268, 食到寫住4人餐, 分量少得可憐, 唔好講4個人, 就算2個人都食唔飽, 食完好似無食過野, 要行過2條街再食碗粉先掂!!!首先來素翅, OK係4人分量, 每人有一碗再多D!!之後係魚生雙併, 4人分量就係有4片, 2款各2片, 4個人點分?? 咪一人一片囉 再上係素叉燒, 迷你版本, 有8片左右, 有大有小, 但件件都附上黑色燒焦物, 食埋落肚唔知會唔會致癌最組典係芝士磨菰, 一碟4粒 佢話4人分量, 1人1粒喎咕嚕肉, 仍舊唔係4人分量, 1人食到2粒囉素鱔, 已經食到無MOOD影相, 有6舊膳囉... 除4咪一人1.5粒囉.....最後個芝士大蝦烏冬, 分量少到一人分唔到1碗 係4個人, 每人只得半碗, 仲要係果D細細隻酒樓細SIZE碗仔都裝唔滿!! 所謂大蝦, 0.5MM一粒, 真係好大無野好講!! 用左$268購買一個4人餐, 仲話原價係$883 結果每人食左一片野+十粒野... 2條烏冬, 1碗湯!!仲未講完架!!!! 環境好似好光鮮, 但全程有螥蠅飛來飛去陪你食飯 服務麻麻!!!

係Groupon以$138/2人呢個價錢一定係將貨就價, 絕對唔值佢聲稱原價2人, $428.不過以食物質素嚟講, 可以接受. 有機會都會再以正價去試其他.係Groupon用$138買嘅2人套餐餐單份量同味道都ok 份量少, 味道同肉質都好似真叉燒 份量同味道都ok, 肉質就唔係好似真嘅咕嚕肉 份量少, 味道同肉質都似真魚生 份量同味道都ok

今日小弟慶生,撞正十五 與友人結伴到九龍城美食區品嚐一番途經蓬花素食館,老板已經打開門介紹菜式 心想說得天花龍鳳,品質未必好但友人想試一試素食,那就進去囉由於小弟廿歲人都沒有主動去過素食館點菜,所以一頭霧水..正當我唔知點算既時候 老板就面帶笑容咁過黎推介1番 以下就係我今日食既菜芝士卷 友人想試1試,出奇地好味@@ 配上佢地俾既醬 nice!!老板推介 豚肉 食落似x燒 幾好味 但我食唔晒,因好大碟@@老板推介 花枝片 味道好真 好似食緊肉咁 唔錯唔錯!呢個係我點既 百合翠肉瓜 正常菜式 建議食1些比較特別的@@ 因為呢間餐廳太多特別素食最後1人2杯豆漿 盛惠$ 15 幾好飲總括黎講比起一般我對傳統素食館既感覺唔同,菜式新穎同味道濃郁建議下次order 芝士蘑姑 或者 蓄茄唔記得咩焗芝士好似好好味咁@@

從來未試過咁難食的鋪頭都俾我搵到開位時得3個人---->佢杯碟都取左3份---->4位呀寫左落張到,飲茶要"鐵覲音",佢應我話好"壽眉"@@羌茸芥蘭---->剩下一大碟甜酸咕嚕肉---->"只"食左波羅栗米粥----->等同白粥,在沒有其他選擇下食晒.你們試想下在九龍城晚上7點幾,都"只"得3,4桌客,走出門口時亞媽仲同我講咁難食都要比2XX >.<

九龍城是充滿童年回憶的地方，還記得當年放學後常常到啟德機場吃午飯，周末也常常到九龍城吃泰國菜、豆花、甜湯...自從機場搬走後，交通沒那麼方便，而我學習、工作的地方，也跟九龍城有點距離，所以有好一段時間沒有到訪。近年，不少個性小店進駐九龍城，令這個差點被遺忘的社區注入生氣，我也重新投向這個小區。從前茹素多被視為宗教行為，但現在已有很多人因注重健康，而加入茹素的行列。有見區內的素食店不多，特地跟朋友一試，看看有什麼乾坤。今次用餐的素菜館，有仿肉的菜式，也有純蔬菜類的小炒，食客可各適其適。驚喜的是，仿肉的菜式並不一味以麵筋充撐，廚師巧妙地利用不同食物的味道和質感，炮製出難分素葷的菜式，誠意十足！1) 素乳豬 $56第一道上桌的菜，香脆不膩，還吃得出層次，滿像嫩嫩的乳豬肉，而且還有點肥肉的質感。2) 鎮江脆鱔球 $42曾在其他素食餐廳嚐過類似的菜式，但以紫菜、麵筋仿作的版本，過乾也過鹹，未能呈現鱔的滑溜彈牙。這兒的鱔球，以薄薄的脆漿裹著鮮甜的鮮菇炸起，好吃得令人欲罷不能！！3) 京都火腿卷 $52酸酸甜甜的開胃菜，以腐皮卷著素肉炸起，腐皮外脆內軟，配合伴碟的西蘭花，是一個很好的中場過渡。4)