影片
港铁大埔墟站 A1 出口, 步行约10分钟
继续阅读
营业时间
今日营业
09:00 - 15:00
星期一
全日休息
星期二至日
09:00 - 15:00
以上资料只供参考，请与餐厅确认详情
今日係大埔墟做野，放午飯時間經過蔡潤記心郁郁想試吓，記得對上一次幫襯已經係讀書年代，所以對佢嘅味道已經完全忘記晒。餐廳裝修保持住 80 年代色彩，食物款式唔算話太多，叫咗自製魚蛋河。🍜 自製魚蛋河有四塊魚片及四粒魚蛋，魚片味道偏咸，而且比較細塊，自製魚蛋都係偏細粒，食落冇乜魚味，口感又冇乜特別，雖然碗麵睇落去好大碗，但個碗其實好扁身，所以食完都好似冇嘢落個肚咁 🙂 埋單盛惠 $38 蚊，以後都應該唔會再幫襯了。
继续阅读
真心食評、成日見呢間嘢咁多人排隊諗住去試吓點不知中伏、從未食過一碗咁差嘅魚蛋粉、湯底簡直係一碗豉油湯、加腩汁一啲牛腩味都冇、魚片通透有一塊攞起見到啲光線、真係眼都凸埋、好薄冇口感、魚蛋大個粒波子少少、魚皮唔同出面播啲舖頭、佢係落粉炸出嚟揸到脆晒一啲魚皮味都冇、真係冇第二次幫襯.
继续阅读
個日約咗朋友係大埔東昌街打羽毛球，打完有啲肚餓，友人推介去附近嘅蔡潤記食碗魚蛋粉，醫下肚仔✨個日星期日，門口有條少少嘅人龍，不過都排得好快，我估大約十分鐘左右已經入到去。舖頭環境好復古，綠白色嘅地磚設計，加上圓形嘅摺檯摺櫈，懷舊味十足！每次試新粉麵舖我都一定試吓佢哋嘅魚片河（走蔥加腩汁）加魚皮。可惜個日可能已經係晏就，魚皮經已售馨🥺🥺我見啲人係自助式咁去雪拎嘢飲，所以我都去拎咗一板忌廉～（竟然仲係用玻璃樽🥹）🥹🥹我叫咗一碗魚片河，友人叫一碗筋腩河，單雙拼都係每碗$38，如要加底就加$4，汽水就$10一枝🤤臨走時，老闆會即刻心算，然後大叫你嗰枱係幾多錢，然後你直接攞現金出去埋單就得㗎啦🤝
继续阅读
前幾日諗住去開大埔，順便揾下好嘢食啦！點知中伏。。。話說上網睇吓大埔有冇d咩快靚正嘅嘢食，因為有 d 趕時間，睇到蔡潤記好似唔錯、又老字號、又幾出名咁。。。就諗住去試下啦！閒日去到2:00p.m.左右，見到有條小人龍，都要等3至4張枱左右。。。諗住要排隊。。。應該都唔會伏掛。。。。結果等咗10-15mins左右有位。。。我叫了個魚片、魚蛋河。。。其實佢嘅魚蛋&魚片 size 真係比一般少。。。魚片有 d 似一般春卷切片嘅 size。。。😅😅😅粉嘅份量都不多。。。我見好多人都要加底。。。😅😅😅當然都無想像中咁好食。。。魚蛋有 d 腥而且不算太彈牙。。。再加上湯底偏鹹。。。完全不是我杯茶。。。要收$38一碗。。。本人真的覺得有 d 偏貴。。。真的不會有下次！😑😑😑
继续阅读
以前啲人成日講新蔡舊蔡，新蔡已經無做了，到左今時今日就只有一間蔡潤記 （其實一直都係得一間，明就明）。 好多人黎到都係食魚蛋或者牛腩，仲有炸魚皮。常見嘅叫法有：（1）牛腩河加淨蛋片（一碗牛腩河加一碗淨魚蛋魚片）；（2）魚蛋河加魚皮（留意返呢個加魚皮係加兩三舊炸魚皮，好似叫多個餸咁，而唔係一碟炸魚皮，如果想叫一碟嘅話要講清楚）（3）粉腸/牛肚都有唔少捧場客，例如腸蛋河、肚皮河都係常見組合。 而我就通常都係叫魚蛋河，叫魚蛋河已經包括有魚蛋同魚片，間唔中會加魚皮，主要係肚唔肚餓或者有無賣曬。黎到懷舊港式粉麵檔，當然要叫返支玻璃樽汽水先似樣，細可樂都係我指定項目之一。 以前嘅辣椒油係一碗粉麵配一小碟辣椒油，而家係一大罐放喺枱面。 唔知記得開始，食粉麵嘅第一個步驟係呷一啖湯，感受下每間舖頭獨有嘅嗰種清甜或者香濃。 魚蛋雖然細細粒，但係好夠魚味，當然唔會好似用機打嗰種強勁嘅彈牙感，但係就有手打嘅彈牙感。就好似整蛋糕手打同機器打咁樣，手打做得好都可以保持穩定水準，同時又會有多一種隨意又美麗嘅寛容度。
继续阅读